وقعوا هنا لعودة الاخ دكين ومعرفة من ؟وكيف ؟ولماذا ؟تم توقيفة

اولا اقدم اعتذارى للاخ دافى فى فتح جبهة اخرى ولكن قصد منها التوضيح فى العنوان

لقد عرفت الاخ دكين رغم مشاركاته الضئيلة بانه حقانى وواضح وصريح وفى اغلب الاحيان لسانه متبرء منه ولكن كان باسباب ودوافع يعرفها هو اولا ومن ثم نحن وحقيقة ما جعلنى ان افرد بوستا مطالبا مع الاخوه بعودته هو حصل من قبل ان بادر بعض الاخوان فى بوستات سابقة فى ذكر انهم تاركين البوست بارادتهم وقامت الدنيا فى حينها وطالبتهم بالاستمرار بل وتمادت وكتبت اذا انسحبتم فنحن خلفكم وكان كل ذلك من الواضح انه مفتعلا ، وكذلك تم توقيف بعض المشاركين من قبل وتتضامن الاخرين وافردوا بوستا مضربين عن المشاركة حتى عودة الموقوفين وبالفعل تم التوضيح من قبل ادارة البورد وتم عودة الاخوان الموقوفين

وكتبنا فى وقتها وقلنا( ومازلنا ) باننا نرفض اسلوب التهديد والتوقيف والديكتاتورية

وتضامنا مع الاخ دافى فى مطالبه فأننا نطالب وفورا بعودة الاخ دكين والتوضيح من قبل الادارة

الاخوة الاعزاء
ما وددت مطلقا ان اشارك فى هذا النقاش ولكن يبدو ان الامر قد وصل حدوده القصوى
اولا انا مع حق اى فرد فى ان يعبر عن رايه غض النظر عن اتفاقى او اختلافى مع هذا الراى..
من حقنا جميعا ان ندافع عن راينا وكذلك من حق الاخرين علينا ان نحترم اراءهم دون تسفيه..
فى راى الشخصى ان الاخ دكين فى ردوده على الاخ شاموق قد تجاوز حق احترام الراى الاخر..وقد يرى اخرون غير هذا الراى ومن حقهم
من حق الاخ شاموق ان يبدي رايه فيما راه خارجا عن اللائق ولكن هذا الخارج ايضا نسبى ويختلف من شخص لاخر..(وقد كتب البعض فى هذا المنبر ما اعجزنا عن مجرد التنويه بان هذا خارج وراجعوا بوست الاخ انتهازى داير لى نبلة.....)
الحرمان والمنع و...ابدا لن تكون المعالجات المناسبة
فليعد الاخ دكين وليعتذر ان اراد او ان كان من رايه انه ليس بمخطئ فليدافع عن وجهة نظره ومن حقه علينا ان نسمعه ..ونحن ما جئنا هنا الا لنسمع الاخرين ونسمعهم انفسنا..
ويبقى بيننا الود والاحترام

Quote: ومن حقه علينا ان نسمعه ..ونحن ما جئنا هنا الا لنسمع الاخرين ونسمعهم انفسنا.. ويبقى بيننا الود والاحترام

بارك الله فيك...هذا هو المطلوب...واحتراما لبعضنا البعض مفروض كل من يخرج عن حدود اللياقه...ويدخل في المهاترات او من يتعدي علي الدين...او الاداب العامه ان يشطب...ويشطب نهائيا...اما النقاش عن الوطن او الدين او المشاكل الاجتماعيه او اي نوع نقاش .....هذا هو الهدف ...

ولعلمك اختي..

بيننا شباب في سن الخامسة عشر علي الاقل مفروض نحترمهم ...ولكن في الاونه الاخيره...بدأت الاختلافات السياسيه والحزبيه...والعرقيه...تدخل في اطارات المهاترات...وكما قال الدكتور نريد حوار عقول وليس حوار عجول......

مع تحياتي....

الاخت هالة اذا اتفقنا او اختلفنا فى هذا المنبر فأنه لا يعطى الحق لاى شخص من الادارة ( والتى حسب علمى انهاالوحيدة التى يمكن لها حجب
وسحب اشتراكات الاعضاء) ومع ذلك لا يعطيها الحق فى توقيف اى عضو ، نحتاج وبشده ان نسمع صوت الاخ بن بن فى هذا الموضوع فهو رجل حقانى

الاخ سمير
؟

ومازلنا نطالب بالتوضيح والعوده الفورية للاخ دكين

الاخ طارق

ايقاف ..دكين تم بصوره غامضه..بالنسبه لي علي الاقل حتي الان
ولم ار..سواء من الاداره او اي شخص..اوقفه..اي بيان او توضيح
بالتالي ..انا سؤالي المهم..في اللحظه دي..
من اوقف دكين..ولماذا!!!؟

اتمني اني القي اجابه..في بوستك ده
بوستي داك..قلبوهو..عجول وخيول

ولك وللاخت هاله..كل الود

عزيزى طارق

يا أخوانى البنات البورد ده ما حقى !!!!!!!!


تحياتى
ودعزة

الأخ طارق

بغض النظر عن الملابسات ولكن لى سؤال جاد جدا وهو هل حقا تم ايقاف الاخ دكين من البورد ؟؟؟

وكيف عرفت ذلك ربما احجم هو احتجاجا عن ما جرى ؟؟


حقيقة انا ما عارف الحاصل شنو...


لك تحياتى

الاحباء الاعزاء
لم يتم توقيف احد من البورد و قد اتصلت بالحبيب دكين و حتى الان لم يتصل بى

الحبيب طارق

ياخوى الحكاية طلعت حكاية ثانية

بعد كلام بكرى اعلاه

شوف الرابط ده عليك الله

يا أخوانى البنات البورد ده ما حقى !!!!!!!!

واذا عرف السبب بطل العجب

دنيا

قرشو ، كان سمير اخترق البورد ومنع دكين من المشاركة فالمشكلة اصبحت اكبر واخطر

و الله حيرتونا يا جماعة

من الـذي أوقـف دكـيـن ؟؟؟


يـا شـيـوخ النت و يا شيوخ السوفت وير و يا شيوخ الهارد وير

يا شيوخ السيرفر و يا شيوخ الهاكرز و يا شيوخ كــل التكنلوجيا

سألتكم بالله أجيبونا

كيف الشغلانية ممكن تحصل إذا كان أمين الموقع بقول هو ما وقفوا؟؟



الإرهـــاب و الكــبـاب

التحية للإخوة والاخوات

امين الموقع وضح إنو مافى أى إيقاق أى (block) تم للاخ دكين ،وهو الوحيد اللى ممكن يتحكم فى السيرفر،انا ما عارف من وين جات قصة تم إيقافه ، يمكن الاخ دكين بيراجع فى اوراقو او مشغول فى زحمة الحياة او يمكن عيان ،ولو عيان والله الف سلامة وزى ما طرح إنو يحصل تصويت فى قبولو او رفضو اقول إنو ولله الواحد بيتحسر إنو الموضوع يصل لى كدة، لانو نحن بطبعنا عشريين بالرغم من إنو انا جديد فى البورد وما قريت حاجات الاخ دكين لحد ما زكرها الاخ شاموق ،نرجع نقول عامل السن والتجربة ليهم دور ،والبورد بيحمل فى طياتو مختلف الاعمار،ومافى مانع نصلح الإعوجاج ،مش لانو الواحد كبير فى السن وافهم من دكين ،يس نورى دكين حاجات بسيطة نسأل الاخ دكين لو ممكن يقبل إنو نرسل بوستاتو دى لإخواتو عندو مانع؟ ولبه الكلام ده فى بورد عندنا فيه إخوات مفروض يكونوا زى إخواتو تمام --،يجاوب على الاسئلة دى ،إما يقول والله جيلكم غير جيلنا ونحن عندنا تناول مختلف منكم ، بعد داك نفكر نتعامل مع ياتو جيل ، مع التحية الخالصة لكل الاخوة والاخوات ، وما ادلى به ماهو إلا وجهة نظر قد اكون مخطئأ وربما مصيبا ،وكل أطروحاتكم مقبولة وعلى العين والراس.

احمد ساطور
كتبت
ـــــــــــــــــــــــــ
الاخ سمير إبراهيم

والله الكيزان ما بيتلفظو بالالفاظ دى يا اخ سمير ، ولسع عندو الفرصة الاخ دكين: ، الاخ جيكن ، والله لو داير يعتزر بى صورة مناسبةللاخ شاموق وقبلو لى إخواتنا فى البورد اهلا وسهلا، عايز يعمل جن كلكى، نوريه الجن الكلكى زاتو ، مع الاعتزار لإخواتنا فى البورد،
ــــــــــــــــــــــــــ
انتهي
بالنسبة للاعتذار للمذكور اعلاه
افتكر انا وضحتا في الاعلى
جن كلكي في عينك
احترم الجن
وعموما يسرني ان اري جنك دا





وبالنسبة لي انو ارسل البوستات لاخواتي
انتا البورد دا البنات الفيهو ما عاجبنك
ما اي كلمة انا قلتها هنا
في زول قالا
ليه ما سالتو ؟؟
بنات البورد ديل فيهم كشم

اعلم عزيزي انو اي بوست انا شتو هنا كان بي مناسبة
ولكم جميعا ان تعودا الى بوست ادب المراحيض
وبوست عرب اولاد حرام
بقية العبارت التي اقلقت مضاجعكم تلقو اسباب نزولا في اعلي الصفحة التي بها المشاركة..
ولست ملزما بالشرح اكثر من هذا ..ذنبي شنو اتحمل غباء من لا يفقه..


ولا زلنا بانتظار الجن ..
ولو انك تستطيع ان تخفيني من هذا البورد مرة اخرى
فاعلم عزيزي
انو ان اختفي او ان ابين سيان عندي
انا الداير اعرفم هنا عرفتهم
وبعرف اصلم كيف
وصدقني يسرني وجودي بعيدا من هم على شاكلتك
منتهي الهذالة انتا
خسارة تربيتك

يا شباب الموقع الان يستهلك حوالى
90 GB
فى الشهر و الكلام الما بودى لقدام ده حا يقصر عمر الموقع و حقوا الناس تفكر فى كيفية استخدام الباندوث فى القضايا المهمة بدلا من تضيعيه فى القضايا الانصرافية و التى لا تهم قضايا شعبنا

ناسف الاخ بكري(الامين )
انا اسفت حقيقة انك انزعجت مما يحدث
بس اخر تلاتة ردود
اتنين فيما يخصني وواحد خاتهيو للحارة
اكرر اعتذاري مرة اخرى لما كان من ازعاج
طبعا الاعتذار هنا انا قاصد اديهو لي بكري

ما لي اي زول تاني
انا يا دوما يا ختي يا مصرة على رايك انا حقيقة ما غلطتا في حق زول غير بكري
وزي ما قال ود عزة
عندو علي حق الدخول المجاني والعبث المجاني
والضحك المجاني
والجكيس المجاني
ودام حوشك يا بكري

حقيقة لقد علمت بعودة الاخ دكين من بوست ودشاموق وبذلك يكون الغرض من هذا البوست قد انتهى ولهذا السبب لم اقم بالتعليق حتى يولى هذا البوست مع بقية اخوته فقد انقضى غرضه ، ووجدت بعض الاخوه ما زالوا يجادلون ويعلقون ! وفى الختام قطعت جهيزة قول كل خطيب بكلام بكرى واعتذار دكين ، ومرحب بعودتك اخى دكين والعتبى للاخ علاء والاعتذار لك اخى بكرى
والسلام ختام

نعم .. يعود دكين و غير دكين .. و اي دكين . .. شنو يعني لو قال لاي واحد انت كده او كده؟ و الله دكين ده انا شايف فيه الروح السودانية التي اعرفها .. مع بعض التخريمات التي لا اعرفها .. و ما عندي مشكلة مع تخريمات دكين .. خرم يا دكين و لا يهمك

حقيقة حزنت للبوستات القامت زي العوير (العوير طبعاً بقوم كده لله في الله و مرات بدون بذور) في باطن البورد تنادي: دكين وقفوه .. و يا بكري الحقنا دكين كسر الجسر .. و يا بكري الحقنا دكين دخل الجحر .. با بكرييييييييي دكين هتك العرض

دكين لم يأت بشيء يسبب كل هذه الحمى النرجسية . دكين فقط قال للاستاذة تماضر انتي كبرتي .. و تماضر تعاملت مع هذه المفردات باروع ما يتخيل اساتذة الديمقراطية (ربما لانها تعيش في امريكا و تعايش الديمقراطية على ارض الواقع) .. و دكين قال للاخ ود شاموق يا دلوكة!!!! يعني شنو يا ود شاموق؟ هل هذا يستحق إفراد بوستات منفصلة تنديداً بدكين؟ أنا لا اظن ذلك (ربما لاني مثل تماضر .. اعيش في بلاد غذاؤها اليومي الديمقراطية) .. لا داعي يا اخي ود شاموق ,, .. و الاخوة الاخرين. هذا هو رايي المتواضع في هذا اللغز الذي يسمى حرية التعبير

و الغريبة ان في ناس متطوعين .. زي دينق .. و آخرين .. طالعين نازلين .. و كأن على رؤوسهم التاج الافلاطوني .. أوقف هذا و اترك هذا يا بكري. من نصبكم اوصياء على المشاركين؟

يا دكين .. لا تغب عن هذا البودر .. و انت تمثل الديمقراطوميتر اقتباساً من احد تعبيراتك في هذا البورد المشرتم