مساعده لبرلومه

أعزائي البورداب
how can i add images either 2 z post or 2 my profile,n how can i change z style of z font???
& thanx 4 ur help

كيفك يا زاريا
طبعا مستغربة القى بوستك ده فاضي ومافي زول رد ليكي لحد حسي
يمكن عشان اليوم جمعة والناس لسة ما جو من الصلاة
وهم عادة لا يتركون جكسا حيرانا في بوست
دقايق كدة وحتلاقي عرض الخدمات متواصل لمن تزهجي
ذكرتيني باول ايمنا في البورد
لووول
هاكي التصبيرة دي لحد ما يشرح ليكي متخصص الموضوع

الحكاية ساهلة
صورتك الدايراها ارفعيها في الانترنت
استخدمي الوصلة الفي أخر الصفحة
لتحميل صورة من جهازك الى الانترنت
http://www.sudaneseonline.com/upload/

واعملي كوبي لموقع الصورة الجديد زي كدة
http://www.sudanhosting.com/upload/protected/zola123cat2.jpg

وقومي امشي الصقيه زي ما هو في ملفك او البروفيل بتاعك
في خانة
image
بس ما تقومي تختي كديستي لوووول

اها لو عايزة تختيها صورة في البوست

امشي ل علامة image
الرمادية الاولي على اليمين لمن تجي تكتبي بوست جديد
كان تهتي كلميني بوصلك
اها بس قومي اطبعي الوصلة زاتها هناك



وكان الله بالسر عليما
يا ستي اي خدمة نحن موجودين
تحياتي
زولة123

loOOOOOOOOoooOoOoOLZ@

Quote: وهم عادة لا يتركون جكسا حيرانا في بوست

والله انتي يا زوله غايتو

طيب مالو ياخي كتر خيرم
ناس زوق وكدا ولازم يقومو بي الواجب

يا زاريا ســـــــلام


يا بت الناس إنتظري المعلمين إجو نحن كلنا في الهواء سوا

و برضو نحن منتظرين زيك علشان نستفيد من زمان عايزين نسأل السؤال دا


لــكــن بـنـخـجـل بــس !!!!!!!!!!!!!!!!!! ( ما بقصد شئ)


و الله يا زولا 123 دي شهادة لي شباب البورد بي إنهم ناس مرؤة و شهامة


تسلموا

اها مش قلت ليكي
اول الغيث قطرتين بس لمن الباقيين يعرفوا انه زاريا دي بت
انتي كان تختاري اسم زي: الحالمة ,الجميلة, زمردة, كديسة, حاجة انثوية ظاهرة كده
ما شفتي الجماعة الما ناقشين شي في الموضوع زاتهم ردوا ليكي امال الخبراء حيعملوا شنو لووول
يا ايهاب وحسين كتر خيرهم والله زوق قمة

تحياتي
زولة123

هاهاها ضحكتيني والله يا زولة....نصايحك ليييه زارية دي تقوليييها بينها و بيينك و مش في وشنا كده..و مع ذلك " الكلام صح يا زارية.. ناس الخبرة دييل فعلا حيجوكي بس امسكي في زولة دي شدييد(والله الخوف عليكم انتو الاتنين من الدقسة)

...