Post: #1
Title: بطنك كرشت ...جلدك خرش مافي
Author: اساسي
Date: 04-22-2003, 06:10 PM
Parent: #0
ماضهبت اقول لقيتك
انت في كل الخواتم والمياتم
والنجيمات والعواصم والمغنين المطاليق
ما حزنت اقول بكيتك
انت في حزن المخاليق
المخاليق المصابيح
الفرح جايك وعد
غنوه اولاد التحاريف
كنت في ليلةالخوابي
تهاني بي نار الطوابي تحاكي جقليب السعي
انت في خوفك تكاتل رفة الطير والحفيف
انت في شوفك تماثل عينة الجلبت خريف
انت في اللالوبة مصلبة البنيات النسيمات الهفيف
ومحبس النفس الرهيف
*****
بطنك كرشت طئ البنات نافي
دقنك حمست جلدك خرش مافي
وقت الوهم وافي وقت العلم جافي
صدق الوعد نافيت مرة الصدق نافي
*****
يا دياري الوين اني تور عفين الشين اني
ما اضينة وزين اني تور عفين الشين اني
*****
سنتين ولا عيش بالقبضة قلبك شاباي للنبضة
جوني العشاء ما لقوني جهادية ماكلة كتوفي
يا امونة شن بتشوفي يا عيوني شن بتشوفي
*****
شدرا تال اليمامة ولا الصقر الحمامة
ولا الصقر الحمامة ولا البطن التفوفي
يا امونة شن بتشوفي يا عيوني شن بتشوفي
جهادية وسيف وراية تبروقة وخيل وشداية
اذان بالجوع اذن لي ام خوفك فايق خوفي
يا امونة شن بتشوفي يا عيوني شن بتشوفي
جهادية وسيف وراية تبروقة وخيل وشداية
جهادية الاورطية جهادية الحارابونا
شدو جمالهم وجونا جلبنا ليهم سمسم
السمسم ما كفاهم جلبنالهم سعية
يا اريت لو اسمعها يا بكري يدك معانا
|
Post: #2
Title: Re: بطنك كرشت ...جلدك خرش مافي
Author: WAD ELGAALI#4
Date: 04-22-2003, 06:21 PM
Parent: #1
متين يا اساسى بتاعت المسنجر لحقت اقنعتك دى الظاهر حنكا سنين وشكلها كدى حا ترجع لينا رومانسى لكن المشكله هى البرجعا شنو قلت لى شتت طوالى بس انشاء الله ما
عملت ليك بلوك
لك التحية ياخى والله القصبدة دى بفتش ليها بالوجاله
وشحدتا خواض ينزلا لينا حلف بالتقطعو ما ينزلا انشاء
الله الزعيم ينزلا
لك التحيات الخوالد
|
Post: #3
Title: Re: بطنك كرشت ...جلدك خرش مافي
Author: Elkhawad
Date: 04-22-2003, 07:45 PM
اساسي لو دايره بالموسيقيه الا تتخيله براك
لووووووول
|
Post: #4
Title: Re: بطنك كرشت ...جلدك خرش مافي
Author: WAD ELGAALI#4
Date: 04-22-2003, 08:17 PM
Parent: #3
عاد يا الخواد تتعلا ما تدلا
|
|