|
اعتذار للشعب السعـــودي
|
الغربة صعبة والسودان مافي زيهو وربنا يرد غربتنا. الغربة جاءت نتيجة لظروفنا الاقتصادية المزريةفضربنا في ارض الله الواسعه واتجهنا شرقا وغرب وكان للسعودية نصيب الاسد من المغتربين . فاقل ما نقوله للملكة وشعبها شكرا لكم لاستضافتنا بينكم بدل الاساءة اليهم فهذا من باب نكران الجميل . عزرا السعودية عما بدر من البعض وهداهم الله الي اصلاح حالهم وتطوير انفسهم والعمل علي تصحيح سلوكهم ورفع شأنهم وحل قضاياهم . إن ما يميز اي امه هو احترامها للامم والشعوب الاخري ام التعليقات الغير لائقة في حق الغير فهذا سلوك غير حضاري لقد قامت هممنا عندما قام المعتوه داؤد حسين بالسخرية منا فلماذا ياتي البعض ويسخرو من الشعب السعودي الذي نحن ضيوف عليه . ارجو من الاخوة الذين أساؤا لهذا الشعب بتسجيل اعتذار لهم وان كانو هم بحاجة لتصحيح سلوك فهذا شانهم وحدهم واهل مكة ادري بشعابها .
ـــــــــــــــــــــــــــــــــــــــــــــ آآآآآآآآآآآه يا غبش
|
|
|
|
|
|
|
|
Re: اعتذار للشعب السعـــودي (Re: hakimoo)
|
عزيزى السنجك عمرك طويل الحقيقه أننى عشت فى المملكه العربيه السعوديه أجمل سنين عمرى بل قل جميعها والمثل بقول بتعرف فلان قاله أيوه قاله عاشرته قال لا قال إذن ما بتعرفه عاشرناهم وإن لم يكونوا حلو المعشر فيكفى انهم تحملونا ونحن والحمد لله طوال هذه الفتره لم نسمع منهم ما ينقص مضجعنا بل على العكس تماماً وأنا بعتقد ان الإنسان هو البفرض إحترامه على الناس بإحترامه لنفسه أولاً وأخيراً الحقيقه ساءنى جداً الإساءه لهذا الشعب ليس إحساساً منى بذلك الجميل وحسب بل لآن صديقاتى يتابعن بعض ما نخطه هنا وقد كان بإعاز منى ليتعرفوا على ما يريدون معرفته عنا حاولت أن أقلل من قيمه البورد فى نظرهن تلك الآيام حتى لا يرين جحودنا ولكن للأسف إحداهن قرأت ذلك البوست وبعثت لى برساله على الإيميل وطلبت منى أن أنشرها فى ذلك البوست ولكن لم أشأ أن أرفع ذلك البوست الذى أحزننى جداً أما الآن وتحقيقاً لرغبتها سأنشرها هنا
بسم الله الرحمن الرحيم السلام عليكم ورحمه الله تعالى وبركاته الآخوه والأخوات زوار آراضينا المُقدسه أخوتنا فى الله وفى الإسلام لقد تعرفت على أختكم الكريمه منذ ثلاث وعشرين سنه عرفتها وعرفت أسرتها ونعم الأسره ونعم الأخلاق وعرفت من خلالها كيف هى أخلاقكم العاليه وكيف تتميزون بعروبه خالصه من الشوائب وفضلناكم بتلك الأخلاق وطيب الأصل على كل شعوب العالم تزوجت أيضاً برجل يعشق السودانيين ويعشق كرم أخلاقهم سافر الى السودان أكثر من ثلاث مرات قدم من هناك ولم يصمت يوماً عن الحديث عنكم بالطيب وكيف أستقبلتموه بتلك الحفاؤه والكرم الزائدين حتى بتم من أقرب أصدقائه أبى لا يعمل معه الا أبناء الأصل من السودانيين الأجاويد أخرج الى صديقاتى للزيارات ولكن فى الحالات القصوه فنحن شعب متخلف كما نعتمونا أن كان التمسك بالدين وبآوامر الخالق يعتبر تخلف وإن كانت عاداتنا وتقاليدنا تخلف فليسامحكم الله أما عند صديقاتى السودانيات فإن زوجى يدعنى أذهب كيفما أشاء بل يطمئن قلبه على َّ وعلى أبنائى نعرف أننا شعب غير كامل فالكمال لله ونعرف أن بعض شبابنا طائش ولكن وأينما ذهبنا وفى كل مكان فى العالم هناك الصالح والطالح ومثلما ترون عاداتنا السيئه نتمنى أن تروا عاداتنا الحسنه فيكفى أن الله تعالى قال فى محكم تنزيله "كنتم خير أمه أخرجت للناس تأمرون الناس بالمعروف وتنهون عن المنكر" صدق الله العظيم أيضأ إستوقفنى حديثكم عن هيئه الامر بالمعروف والنهى عن المنكر نحن نقيم فى مكه اسألوا أختكم عن أفراحهم التى أقيمت هناك هل إقتحم عليهم أحد أفراحهم حاشا لله فكل القصور والشاليهات والاستراحات التى تقام فيها تلك الافراح لا أظنها قد شهدت شئ مما تقولون والعلم عند الله أخوتى فى الله أتمنى ان تغيروا رايكم فى أهل المملكه العربيه السعوديه وصدقونى نحن شعب طيب خلوق متسامح ولا فرق بين عربى ولا عجمى الا بالتقوى أقول قولى هذا وأستغفر الله لى ولكم تقبلوا صادق مؤدتى للشعب السودانى كآفه أم نايف
| |
|
|
|
|
|
|
Re: اعتذار للشعب السعـــودي (Re: وجن)
|
السنجك
Quote: الشعب السعودي الذي نحن ضيوف عليه |
ما تختشى ياراجل ...ضيوف عليهم ولا شغالين عندهم
وجن
Quote: حاولت أن أقلل من قيمه البورد فى نظرهن تلك الآيام حتى لا يرين جحودنا |
كل دا من اجل السعودية عاش جلالة الملك وعاش ولى عهده الامين وعاش اصحاب السمو الامراء ومعالى الوزراء والشيوخ والشعب السعودى الطيب العظيم
| |
|
|
|
|
|
|
Re: اعتذار للشعب السعـــودي (Re: PLAYER)
|
أيوا يا بلير دا كلو من أجل عيون الملك فهد وحاشيته الميامين ماعرفت قالوا السودانيين المخلصين بكتبوا ليهم شوارع بأساميهم
بالله بتتخيل ليك كيف قللت من قيمته يعنى قلت ليها البورد دا ما منه فائده العفوياخى فى حد بقلل من قيمه وطنه أنا بس أثبطت عزيمتن عن المتابعه الأيام ديك بكلمات عاديه مثلاً مافيهو جديد مافى مواضيع حلوه مثلاً
لكن الليله آمنت بيك يعنى من خلال كلامى دا كلو مالفتت نظرك الا الكلمات دى ياسيدى مشكور مكنش العشم
| |
|
|
|
|
|
|
Re: اعتذار للشعب السعـــودي (Re: alsngaq)
|
والله يا أخوانا معليش حأخش بالعرض في الموضوع دا
أنا أيضاً مثل الأخت وجن، عشت فترة طويلة في المملكة العربية السعودية، وحقيقة لدي الكثير والكثير من الأصدقاء من مواطني هذه المملكة بل ربما يكون عددهم أكثر بكثير من أصدقائي السودانيين، ولا أنكر أنهم أناس فضلاء وأجاويد كما قالت صديقة وجن، وهم مثلهم مثل غيرهم من البشر فيهم الصالح كما أن فيهم الطالح وهذا لا ينقص أو يزيد شيئاً كثيراً على النظرةا لعامة لهم.
الشعب السعودي شعب أعتقد أنه من الشعوب الجيدة وذات المعدن الطيب، ولكني قلت قبل هذا أنهم فقدوا الكثر بسبب سيل النفط العارم الذي غير تركيبتهم الجينية وأصاب مجتمعهم بكثير من الإصابات البالغة، لذا فأنا لا أجد أن لهم ذنباً في هذا.
لم تستعمر السعودية مثل السودان، لذا لا يعرفون كيف يلبسون البدل الأفرنجية ولازالوا مثل جدي يصرون على لبس الجلاليب والعقالات، لم يتدرجوا نفس التدرج الذي سارت عليه بقية الأمم، لذا سنجد الكثير من الحقات الحضارية مفقودة لديهم، يعانون من حكومة غير راشدة مثلها مثل جميع حكومات المنطقة، لهذا نجدهم متعبين نفسياً مثل غيرهم أيضاً، لا يحتاجون إلى المادة مثل حوجة غيرهم لهذا نراهم مستهترين، لم يتعبوا كثيراً في بناء بلدهم لهذا نجدهم لا يهتمون ولا يقدرون معنى التعب أو الشقاء من أجل أشياء بسيطة.
ولك رغم كل ذلك، لا ألومهم بل ألوم الظروف التي فعلت بهم ذلك، ولا ألوم أي فرد من الشعب السعودي، بل ألوم حكومتهم على كل ذلك، لأنها هي السبب الرئيسي في جعلهم هكذا، وهي السبب الرئيس في خلق حالة الإحساس الوهمي بالتفوق على الآخرين لمجرد ميلادهم في أرض السعودية.
الشعب السعودي شعب من أقرب الشعوب لنا حقيقة سواءً أردنا أو لم نرد ذلك، ولكن المشكلة الحقيقة تكمن في حكومة المملكة التي تحاول دق إسفين بين شعب المملكة وبقية الشعوب التي تجاورها بكل السبل، وتريد تقسيم الناس إلى طبقات تبدأ من الملك وتنتهي بآخر مواطن سعودي، ثم البقية جميعهم لا يحسبون.
التحية للشعب السعودي، أما الحكومة السعودية فلها الله، لأنها هي السبب الحقيقي في كل ما نراه من ظواهر سلبية ومظاهر جفاء بيننا وبين سكان هذه الدولة التي أكن لشعبها كثيراً من مشاعر المحبة والوداد.
.
| |
|
|
|
|
|
|
Re: اعتذار للشعب السعـــودي (Re: ود شاموق)
|
يابلير ياخى وجونة دى بزعلوها ياخى والله اناكان داير اقول حاجات كتيرة لكن وجن دى ما بقدر على زعلا انت عارفنى قلبى رهيف وبعدين تعال هنا انت الناس ديل زعلان منهم عشان كشوك من العمرة لا كان يخلوك بالله
| |
|
|
|
|
|
|
Re: اعتذار للشعب السعـــودي (Re: ود شاموق)
|
ودشاموق
الموضوع واضح جدا ومحدد بدر من سلوك وتعليقات حمقاء فى حق الشعب السعودي، وهذا البوست يرى انك واجب عليك الاعتذار. اذا كان عندك اى تعليق تاني غير كده ارجو ان تفرد له بوست خاص، و لاتعطى هذا البوست منحى تاني وشكرا
ـــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
أيوااه معليش كنتا متخيلوا بوست عقلاني يحاول الاعتذار عن الخطأ في حق الشعب السعودي ومعالجة ذلك، لكن طالما هو بوست للتطبيل والمداراة فأنا أعتذر، لأني كنتا متخيلوا حاجة تانية.
.
| |
|
|
|
|
|
|
Re: اعتذار للشعب السعـــودي (Re: ود شاموق)
|
ود شاموق
ها انت مرة اخرى تحاول الخروج عن الموضوع مكابرا. ودشاموق ألاعتذار ليس عيب عند الخطأ، فالموضوعية التى تتحدث عنها انت بعيد كل البعد عنها للآسف. ولا تبحث عن مبررات لكي تهرب من الاعتذار عن تعليقاتك الحمقاء
ــــــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: Mayada)
|
الاخت ميادة لم افهم كلمة مما قلتي، عموما لا اريد ان اجعل من هذا البوست مناطحة ثيران كل ما اراه ان الشعب السعودي لقد تعرض الى اهانة لا يقبلها اي شعب، وارى حقيقة ان تلك التعليقات توجب الاعتذار فمن لا يحترم الاممم والشعوب الاخرى يسئ الى شعبه ولا اعتقد اخت ميادة انك تحبي ان يساء الى بلدنا الحبيب السودان اعرف جيدا قد تكون سنين الغربة وتبعيتها القت بظلالها عليك فأثرت فى انطباعاتك تجاه هذا الشعب فالغربة صعبه حقيقة ، ولكنى اصدقك القول ليس من الروقي فى شي ان ننعتهم بتلك الصفات اكرر ليس عيب ان يعتذر المرء عن سلوك لم يكن جميلا فى حق شخص آخر ولكن العيب هو المكابرة والبحث لتبرير لشي لا يمكن تبريره
والله من وراء القصد
ــــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
قلت يالسنجك
Quote: فمن لا يحترم الاممم والشعوب الاخرى يسئ الى شعبه |
وهذا بالضبط ما يفعله السعوديون السعوديون بكل أشكالهم وألوانهم من جيزان إلى عرعر.
وما حأذكرك بكمية النكت التي تطلق يومياً على الشعب السوداني، واستخدامه مادة للتسلية والتهريج، عشان بس المرة الجاية تتزكر قبال ما تقول اعتذروا، وإن كنت تريد بوستك هذا نقياً منقياً، في اتجاه واحد كان من الافضل لك أن تنشره في جريدة، اما هنا فكل شيء قابل لأن يتحول إلى الضد.
| |
|
|
|
|
|
|
Re: اعتذار للشعب السعـــودي (Re: Mayada)
|
يا ميادة يا ام عبرة
Quote: انت الله لااااا يغير ما بقوم حتى يغيرو ما بانفسهم |
عليك الله وقت تكتبي اية ما تلعبي بيها كدا وانتبهي لما تنقلي حاجة من القران لكن والله بطريقة كتابتك للاية دي اظنك متخيلاها من الاقوال الماثورة (ان الله لا يغير ما بقوم حتى يغيروا ما بأنفسهم) [الرعد/ 11]
| |
|
|
|
|
|
|
Re: اعتذار للشعب السعـــودي (Re: ود شاموق)
|
ود شا موق
هذا البوست دعوة لك للاعتذار وعكس وجهك السوداني الاصيل ولكن يبدو انك مازلت تبحث لمبرر لتعليقاتك الجارحة والغير حضارية ،اذا كان هذا سلوكك فهذا شأنك وحدك. ولكن اعلم اخي نحن السودانين مثل هذا السلوك لا يشبهنا ولا يمثلنا فى شي واتمني ان تراجع نفسك وترتقي بها لمستوى الاعتذار عند الخطأ ولاتدفعك عزتك بنفسك الى المكابرة والمجاهرة بالخطأ. انني اكرر لك الدعوة لكي تتوقف عن التبرير الباهت حتى لا تتعرى اكثر من ذلك، فتبرير ما لايمكن تبريره امر غير جميل ويسئ الى صاحبه واني اعوذ بك من ان تفعل مثل هذا الصنيع
والله من وراء القصد
ـــــــــــــــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخت ميادة ارجو منك ان تقفي مع نفسك وقفة صادقة وتتمعني فى هذا الكلام جيدا، واؤكد لك سوف تهدأ نفسك عندما تتأملي كل ما قيل فى حق الشعب السعودي. تعرفي لماذا؟ لان اصلك سوداني لذلك ارجوك ان تصدقي نفسك القول والمحاورة حتى يتبين لك الصواب من الخطأ. وحاولي الابتعاد عن خلق التبرير لما حدث ، واعلمي عندها سوف يظهر معدنك الاصيل الذي نفخر ونتباهى به امام كل شعوب العالم
والله من وراء القصد
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
والله يا الشايقى انا لي 4 سنين من واقفة مع نفسي وبسالها، ونفسي الاقي تبرير واااااااااحد للتصرفات البعملوها دي، ودايما بسال نفسي هل اذا هم جوني هناك في بيتي انا ماشة اتعامل معاهم بالطريقة دي؟؟؟
| |
|
|
|
|
|
|
Re: اعتذار للشعب السعـــودي (Re: alsngaq)
|
قلت
Quote: هذا البوست دعوة لك للاعتذار |
وانا أقول لك
هذا البورد منتدى حوار
وليس منبر خطب، أو شاشة تلفاز أو صفحة مجلة
نتحاور ونتناقش حتى نصل لنتيجة
دعوة للإعتذار للشعب السعودي النبيل معناها
دعوة للحوار
غير كدا
دا ما محلو
.
وبعدين قولك
Quote: ود شاموق
ها انت مرة اخرى تحاول الخروج عن الموضوع مكابرا. ودشاموق ألاعتذار ليس عيب عند الخطأ، فالموضوعية التى تتحدث عنها انت بعيد كل البعد عنها للآسف. ولا تبحث عن مبررات لكي تهرب من الاعتذار عن تعليقاتك الحمقاء |
معليش لكن دا أسلوب بتاع بدو وما بشبهه ردود السودانيين يكون كفيلك علمك ليهو لا شنو ؟
يعني حاول تختار ألفاظك حبة
.
| |
|
|
|
|
|
|
Re: اعتذار للشعب السعـــودي (Re: ود شاموق)
|
ودشاموق
بدأت تفلس، عارف ليه لانو تعليقاتك التى اقل ما توصف به غير محترمة ،مهذبة ومسئولة فى حق الشعب السعودي .وها انت تصر على عباراتك الحمقاء هذه. رجل يسئ ويتلفظ بكلمات سمجة لا اعتقديجب ان يتحدث عن الحوار فهذه كلمة كبيرة تربأ عن الفاظك القبيحة. اعرف شي واحد لكي تحفظ ماء وجهك انت مطالب بأعتذار لهذا الشعب بسبب عباراتك السمجة و الغير مهذبة فى حقه واذا كنت لا تريد ان تحفظه فهذا شأنك .بس ارجو آلا تلصق شي بهذا البورد لكي تشوه صورته الحضارية الراقية بكلماتك التى لا تشبهنا فى شي
بالمناسبة ركز شويه عشان تكون اكثر تهذيبا فى المرات القادمة. لانو بطريقتك دي افلاسك ده ح يوديك حتات كده ما ح تقدر تطلع منها خليك واعي وبطل مكابرة ــــــــــــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
أي سوداني في السعودية لازم يكون عندو كفيل ما عندو كفيل لازم يرجع السودان
كفيلو يقول ليهو أمشي يمين لازم يمشي يمين يمشي شمال لازم يرجع السودان
كفيلو يقول ليهو انتا عبد لازم يقول آي ما يقول آي يرجع السودان
سوداني في السعودية = صفر على الشمال ما يساوي صفر على الشمال لازم يرجع السودان
والتحية للشعب السعودي النبيل
.
قال اعتذار
انتا المفروض أول حاجة تعتذر لي نفسك وبعد داك تعتذر للشعب السوداني كلو عن عمليتك دي، عليك الله لا قاك سعودي قال لازم نعتذر للشعب السوداني
والله معاي واحد هنا مفتوحة يدو جرح محتاج 6 غرز مشى المستشفى قالوا ليهو حالتك ما خطرة ممكن تمشي مستوصف خاص، لنو العلاج المجاني للسعوديين فقط، ما عارف تاني نعتذر عن شنو، زي الكنا غلطانين ولا في حاجة عاملينها.
.
| |
|
|
|
|
|
|
Re: اعتذار للشعب السعـــودي (Re: ود شاموق)
|
يعلم الله يا ود شاموق انو انا العبرة جد جد مسكتني لانو من قبيل بحاول افتش لكلام ارد بيهو على الجماعة ديل بس مالاقية،لكن كويس انو لقيت لي زول موجووووووووووووووع من الناس ديل زي وقدر يرد عليكم
| |
|
|
|
|
|
|
Re: اعتذار للشعب السعـــودي (Re: ود شاموق)
|
صديقي السنجك دعني اختلف معك قليلا كل قوم وشعب فيه الصالح والطالح ان تعميم بوست الاخت ميادة علي كافة الشعب جانبه الصواب هناك بعض او كثير من الممارسات التي يقومون بها تضعهم في خانة بوست ميادة ولكن ؟ وايضا الاعتزار بهذه الصورة المزلة لا اعتقد انهم يستحقونها الصديق السنجك كثير من الممارسات التي يقومون بها هؤلاء الكفلاء تجعلك لاعنا لسلسفيل جزورهم وبامكانك سؤال موجوع او اكثر لكن صديقي حتما هم لا يستحقون الاعتزار ولكن نحن ايضا لسنا بافضل منهم لكي نتجني عليهم ود شاموق والسنجك كان انتو الاتنين بقيتو تتشاكلوا نقعد عطالة ولا شنو في البورد دا العنوا الشيطان ودردقوا الكورة براحة
| |
|
|
|
|
|
|
Re: اعتذار للشعب السعـــودي (Re: اساسي)
|
الاخ الصديق اساسي
عندما تحدثت عن الاعتذار هنا، ايمانا بي بهذا البورد وحفاظا على وجهه المشرق. لا اريد ان اخوض فى سلوكيات الشعب السعودي وما يلقاه الكثير من الاخوة السودانين هنا. وانت تعلم جيدا نحن اتينا اليهم فأذن علينا تعامل مع هذه الانظمة. واعرف جيدا انك تتفق معي فى هذا القول. الشي التاني لماذا كل هذا الهجوم عليهم ونحن نعيش بينهم اذا كان هنالك من يرى انهم بهذا السؤ ولقد تجنوا عليه فاليترك لهم ارضهم ويذهب للاستقرار فى بلده. انني احترم هذا البورد واحترامي هذا سببه اعضاء البورد وقد اصبح صوتا يعبر عنا نحن كسودانين، فلماذا نصبغه بمثل هذه المواضيع التى تفتغر الى شي من اللباقة والادب بالله عليك اصدقنى القول؟؟
نعم كل قوم فيهم الصالح والطالح اخي اساسي هذه حقيقة اتفق معك فيها ايضا. ولكن هل هذا مبرر كافي لان نسبهم وننعتهم بهذه الصفات انت نفسك رفضتها عندما رايتها فى ذلك البوست وقلت الاحرى بكم ان تهتموا بشئونكم الخاصة التى هي ايضا بها من العيوب ما ارهقنا كثيرا اخي اساسي
لكي نبدا بداية سليمة وننطلق نحو الوعي الذى ننشده من خلال هذا البورد علينا ان نتحلى بقدر من الشجاعة وبشي من الانصاف. نحن شعب يستمد سلوكه وقيمه من اصله وليس من مبدأ التعامل بالمثل، فالتعامل بالمثل هنا رايته كيف بذهب بالعقول ويجعل تصرفاتها طائشة وغير مسئولة تماما. واظنك تتفق معي بأننا مثل هذا المظهر الطائش المستهتر بالآخرين الذي يصدر عن شرائح غير واعية لا يعجبنا ولا نصبو الي الثأر من امثالهم. الآن انظر الى الاخوان فى البورد بعد الكم الهائل من الاساءة والتجريح للشعب السعودي الان يصمتون وكأنما الصالحين فى هذا البلد لا يستحقون كلمه طيبة واحدة فى حق بلدهم. وتعميم الكلام الوقح عليهم الا يعتبر اساءة تستوجب الاعتذار لهم. اسألوا الذين تلقوا مساعدات ايضا من صالحين هذا البلد، ام ترانا اصبحنا ننسى المعروف ونبحث عن تصرفاتهم القبيحة وندفن صنايعهم الجميلة داخله حتى لا نتذكرها
كل ما اريده هنا كلمة حق هل التعميم فى بوست الاخت ميادة بموافقة عدد من الاعضاء لا يعتبر اساءة الى هذا الشعب ام لا؟؟؟؟ اوليس الاساءة توجب الاعتذار عند وقعها اخي اساسي، انا لا اتشفى فى احد او اتعمد ان ازل احدا ولا ارفع سيفا يوجب الاعتذار ولكن انها دعوة للتأدب ليس الا فمن شاء فاليفعل ومن لم يشأ فهذا شأنه ولكن فى النهاية لا يصح الا الصحيح
ــــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
ود شاموق ها انت تؤكد ان الاساءة مازالت مسيطره على اسلوبك، فما ان انتهيت من الشعب السعودي ها انت تتوجه بالاساءة الى اهل السودان ايضا. للمرة التانيه بنصحك ركز لانو افلاسك كتر وكل مرة بدخلك فى حته اضيق من التانيه. وبصراحة بدأت اشفق على تعليقاتك
ميادة ما عارفة تردي عشان مرتبكه والعبرة الماسكاك دي من كلامك فى حق الناس ديل، انتي ما ملاحظة الى الآن ما رديتي ليك رد واحد مفهوم؟؟؟؟ اتمنى ان تعيد ي النظر بينك وبين نفسك مره اخر فيما قلتيه فى حق هذا الشعب. ويا ريت لو اديتي الزمن بتاع البوست ده لقضاينا ومشاكلنا فى السودان كان ح تمسكك عبرة حقيقة وكنا اهتممنا لامرها
ـــــــــــــــــــــــــــــــــــــــــــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
غايتو اللهم لا شماته
والله أنا الذي أرثي لحالك وعدم قدرتك على استيعاب حرف مما أقول، لكن الظاهر إنو أعلى من مستوى فهمك عشان كدا، وعشان كدا برضو ما بستغرب انبطاحك المهين امام كفلائك السعوديين.
والفهم ... مرات بكون قسم
.
| |
|
|
|
|
|
|
Re: اعتذار للشعب السعـــودي (Re: alsngaq)
|
اولا... طبعا دي ما مشكلتي اذا انت ما قادر تفهم كلامي..
تانيا... بالنسبة لاعادة النظر ما ظنيت اني ممكن اكتب الكتبتو دة اذا ما اعدت النظر، وزي ما بقولو الايدو في النار..
تااااااالتا... انت شد حيلك (وكلنا من وراك انشالله وانا اولهم) وادينا ثواني من وكتك الغالي واقترح لينا حلول لمشاكل البلد وزي ما بقولو يد واحدة ما بتصفق واحنا وراك انشالله، اتفقنا؟؟
| |
|
|
|
|
|
|
Re: اعتذار للشعب السعـــودي (Re: alsngaq)
|
ود شاموق
لكن ما حصل شفته مكابرة زي بتاعتك دي ربنا يكون فى عونك لكن انا مقدر موقفك المفلس ومادام انت عارف الافلاس بسوي كده ، مدخل نفسك في حتات ضيقة لشنو. عموما بالنسبة لى متاكد انك بينك وبين نفسك عرفته الصاح من الخطأ عشان كده ما ح اتمسك معاك كتير لانو الداير اقولو وصلك وفهمتو ، والغرض كلو ان تتعلم احترام الناس العايش معاهم ببساطة شديدة واذا شايفهم ما بنفعوا معاك امشي بلدك وخليها تعالجك انت وصحبك ،الجابركم شنو على وضع ما مقتنعين بيهو هو ده وضعك ولى وضع زول تاني يا ربي . اذا كنت موجوع شديد كده من وضعك الجابرك على المزلة شنو لقد ذكرتها لك الاخت وجن الشخص فى اي بلد بجيب احترامو لنفسوا وشعبو براهو ام بالاساءة الى اهل البلد لا يسئ غير نفسه اكرر لا داعي للمكابرة
ام اذا فشلت فى التعامل باحترام او رافض تتعامل بأحترام دي تبقى مشكلتك فأرجو ان تجد لها حلا سريعا فالوقت من ذهب
ميادة عليك الله حاولي اكتبي جمله واحدة واضحة ومحددة عشان اعرف انتي مصره على اساءة الشعب السعودي ولى كنت قاصده شي تاني خليك شجاعة على الاقل ووضحي انتى موقفك شنو من الاتكتب فى البوست بتاعك اتمني ان تجبي على هذه الاسئلة حتى يتبين الامر عموما اليك ما اريد معرفته بالضبط حديثك فيه اساءة واضحة للشعب السعودي هل انتي مصره على هذه الاساءة؟؟؟ ام كنت تقصدي مجموعة انطباعات حول السعودية عموما ولم تكوني ترمي الى اساءة بالشكل الذى ظهرت به فى البوست ومن ثم خرج الموضوع عن السيطرة نتيجة تهور بعض الاخوة وتحول ليأخذ شكل الاساءة فى ابشع صورة لها؟؟ اعتقد كده ممكن توضحي انت وين وبالضبط بعد الاجابة ــــــــــــــــــــــــــــــــــــــــــــــــــــــــــ آآآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
Salam ya shabab,
I think the insults that some of us "unfortunately" said about the Saudi people are quite not nice and uncivilized. Those who went to work their wne tby their own free will. For some high doors were open from making a living, education and medical facilities. The least you should do and say to the Saudis is thank you and Hamd lil Allah. If you do not like there please leave. Pls stop insulting others, while as much as you said about them can be said about Sudan and Sudanese too.
salam
| |
|
|
|
|
|
|
Re: اعتذار للشعب السعـــودي (Re: alsngaq)
|
السنجك
إذا أنت تريد أن تعتذر للسعوديين فهذا شئ يخصك أنت, لكني أقول من الأجدر للسودانيين أن يعتز رو لبعض أولا. أنا أتفق مع الأخ ود شاموق في كل ما ذكره عن السعودية.
Deng.
| |
|
|
|
|
|
|
Re: اعتذار للشعب السعـــودي (Re: Deng)
|
نحن قبيل شن قولنا اعتذار لمن للشعب السوداني ام للشعب السعودي الفرق بسيط اول حاجة ألف اللام السين الواو الدال بس هنا بعد اختلفنا الالف معاهو الياء بس نحن ناقصين نون وياء عشان نحن العائزين الاعتذار ولا شنو ياسنجك قال اعتذار قال
| |
|
|
|
|
|
|
Re: اعتذار للشعب السعـــودي (Re: Deng)
|
أولاً قال ود شاموق رضى الله عنه
والله التهذيب العندي كان وزعوهو على الشايقية كلهم يسدهم، لكن الظاهر عليك ما بتميز كويس، تبدأ بالغلط وعاوزني أكون مهذب بأي حق
لماذا يا عزيزى هذه الاساءة وانت الشاعر والاديب الرقيق لمجمل القبيلة
ثانياً
اعتقد اننا لنا كامل الحق فى تحديد خياراتنا ولكن ليس من المفترض فرضها على الإخرين
بمعنى أخر اذا سافرنا الى أى بلد فمن المفترض إحترام قوانين وعادات ذلك البلد بغض النظر عن صحتها او تماشيها مع حقوق الانسان او حتى راينا الشخصى فيها، لانها ببساطة بلدهم وليس السودان وحسب علمى المتواضع أنهم لم يجبروا أحداَ على السفر والاقامة لديهم
مع التحية للجميع
| |
|
|
|
|
|
|
Re: اعتذار للشعب السعـــودي (Re: ود شاموق)
|
أخى ود شاموق أعتذر لو فهمت من عبارة رضى الله عنه التهكم، فانا لما أقصد ذلك وعموماً أعلن سعادتى باعتباري أخاَ لك وهذا شرف لى
أما فيما يختص بباقى كلامى فأعتقدانه صحيح بغض النظر عن القصص الغير عادلة التى يمكن ان تسردها او يسردها غيرك وبالمناسبة ان عشت 3 سنوات - لا إدرى اذا كان تعبير عشت هذا هو التعبير السليم لكن عموماً- عشت 3 سنوات وعندى تحفظت كثيرة لكن فى النهاية لا يصح ألأ الصحيح
مع كل التقدير
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخ السنجك سؤالى هو انت قاعد ضيف فى السعودية و لا قاعد بخبرتك وعلمك وشهاداتك ؟ اذا كنت ضيفا فلك الحق فى الاعتذار اما اذا كنت بما تمتلكه من مؤهلات فالوضع يختلف فيجب ان تشكر انت من قبلهم
ثانيا : الكلام الاتقال فى حق السعوديين ديل حق و لا باطل ؟ وطبعا بالتأكيد ما كان مقصود كل السعوديين فى البوست الاول
| |
|
|
|
|
|
|
Re: اعتذار للشعب السعـــودي (Re: tariq)
|
يا طــــروقه ســــــلاااااااااام
يا خـوي الكـلام اللي إتقال دا حاجة مبالغ فيها لو كان كلام معقول حسب معرفتنا
بي السعوديين ما كان في زول عارض الكلام لكن دا شئ مبالغ فيه و كمان كثير
و بعدين لعلمك يا طارق معلومة إمكن كل الناس عارفنها إنو كل السعوديين بدون
أي إستثناء بفضلوا العمال و الموظفين السودانيين عن أي جنسية أخرى و كتير
إقابلك واحد سعودي في الشارع و إنت ما بتعرفوا ‘قول ليك عايز لي واحد سوداني
و كتير منهم إذا عايز ليه واحد خريج جامعة بكون عندوا شرط إنو إكون خريج
جامعة سودانية .
يا طارق لو دخلت المستشفيات الحكومية في السعودية حا تعرف إنو الكلام دا كلو
كـذب. كل المرضى بتاعين نقل الكى و علميات القلب و السرطان في السعودية
نسبة السودانيين في المستشفيات أكتر من السعوديين نفسهم .
| |
|
|
|
|
|
|
Re: اعتذار للشعب السعـــودي (Re: alsngaq)
|
البت ميادة دي
شابكانا العبرة ..العبرة ..العبرة
هو في عبره اكتر منك انتي والدلوكة المعاكي دا.....
بعدين وكت ما بتعرفي تردي... الفلقصة الليك شنو? .. راجية الدلوكة دا يهرطق ليك
بتاكلو فيها وتخرو وبتنكروا نعمتا .....والله ياها اخلاق العبيد
| |
|
|
|
|
|
|
Re: اعتذار للشعب السعـــودي (Re: DKEEN)
|
اي زوول قاعد في السعوديه قاعد للشغل يعني ما للضيافه واي واحد ما عاجبوا الوضع هناك سواء من كفيل ولا راتب ولا غيروا مافي زوول اجبروا علي كده وبلاد الله واسعه ياناس البيتوا من قزاز ما يطفع الناس بالحجارة السعوديه زيها وزي غيرها فيها الصالح وفيها الطالح وبعدين النكات البقولوها السعوديين عننا دي تفتكروا مافيها جزء من الحقيقه ده ازا ما كنت كامله ومنوا الاداهم الفرصه دي ؟؟ .ديل ما نحنا زاتنا السودانيين بتصرفاتنا واعمالنا مافي دخان من غير ناار مافي زوول يجي ويقول نحنا مجبورين علي القعده في السعوديه مافي حاجه بتجبركم هل هي شويه الريالات البدوكم ليها دي امشي السودان وخليك hardworker وسيب الركلسه والنوم الكتير والله تعمل اكتر من البدوك ليه ناس السعوديه دي.
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخ الزول
هذا كل ما نريد قوله ان نتحرم الآحرين. لكن يبدو ان البعض لا يريد ان يفهم رغم انو الموضوع بديهي وما عايز شرح، وفى النهاية المسألة مرتبطة بالسلوك
دينق
حقيقة حاولت ان افهم ماذا تريد ان تقول ولكن للآسف لم افهم و السبب بسيط انت نفسك تجهل ماذا تريد ان تقول فى هذا البوست بسبب عدم فهمك للموضوعا اساسا عموما اسمع كلامي ده عشانك انا ما شايل لى سيف وقلته الما بعتذر بضبحوا يا ديمقراطي قلته لود شاموق اعمل بأصلك السوداني واعتذر عن اساءة الاخرين ده راي واعتقد ان لي كامل الحق فى قوله ولى عندك راي فى دي كمان اخ دينق فى كل مرة تثبت لي انك لم تتجاوز قانون المناطق المقفولة والافكار المسمومة التى بثها الانجليز بربك من يعتذر لمن؟؟ لا اصبو الى اجابة منك لانني لا اري ما يوجب الاعتذار بين ابناء الشعب الواحد الذين يشربون من نيل واحد . اتمنى اخ دينق ان تحاول خلع هذه النظارة الداكنة حتى ترى الامور بألونها الحقيقية
اخ سامر ابراهيم
لم ااتي بشي فريا هذه هي اخلاق السودانين
الاخ طارق بغض النظر عن شكلية وجودك ، اساءة الاخرين فى ديارهم سلوك غير حضارى ام ترى غير ذلك؟؟ ــــــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
وبعدين ما يقولو نكات ..فيها شنو يعني... ما السودانيين نفسهم بقولو نكات في بعضهم الهدندوي في العربي والعرب في الهدندوة والرباطاب في الدناقلة.. والشوايقة في سجم رمادم...
غثيتونا الله يغثكم
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخوة الاعزاء تحياتي عمرو ما كان الاعتذار مزلة او اساءة لشخص بل سلوك حضاري الاخت ميادة والاخ ود شاموق اتخيلوا معي ان شخصا اتاكم الى بيتكم يبتغي شي منكم وقام بانتقاد ديكور المنزل فماهو اقل ما يوصف به هذا الشخص؟؟ فى اعتقادي انه انسان غير محترم و عديم الزوق، جاحد ومجمل هذه الصفات ابعد ما يكون عن الشخصية السودانية وعنكم لذا لا ارى اي مبرر لعدم الاعتذار الذي لايمثل اهانة لكم و لا تقليل من شأنكم. وانا مثلكم اعاني من الغربة التى افقدتني الكثير وبقول الله يجازي الكان السبب ــــــــــــــــــــــــــــــــــــــــــــــــــــــــــــــــ لسانك لاتذكر به عورة امرء** فكلك عورات وللناس السن
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخ / السنجك
تحياتى
اتفق معك بان ما ذكر فى بوست الاخت ميادة لا يمثل الشعب السعودى عموماً .. فلنا صداقات مع اناس مميزين منهم لايعبر عنهم هذا البوست ولكن ممارسات الاغلبية الساحقة منهم فى حق الشعوب الاخرى التى تقيم بينهم هى ما يجعل الاخرين ياخذون عنهم هذا الانطباع الحقيقى .. واؤكد على الحقيقى .. وهذه الممارسات التى اعنيها لا تتعلق بنظام العمل او قوانين البلاد .. فهذا هو نظامهم ، من ارتضاه عمل به ، ومن لم يرتضيه فبلاد الله واسعة ، ولكنى اعنى طريقة تعامل هذا الشعب مع الاخرين فى جميع مناحى الحياة .. الشارع .. العمل .. الدوائر الحكومية وغيرها .. ومن ابسط هذه الممارسات عدم التورع عن اساءة الاخرين فى اى موقف .. ومثلما لهم الحق فى ممارسة هذه السلوكيات الغير سوية ..فللاخرين حق انتقادها .. والتعبير عنها اما ما يقال بأننا ضيوف عليهم .. ونعيش على خيرات بلادهم .. فهذا قول مردود .. لان كل من يقيم فى هذه البلاد يقدم لها من عرقه وجهده مقابل الاجر الذى يأخذه .. فلكل من اقام فى هذه البلاد بصمة فى تقدمها وتطورها .. وتصبب عرقه وهو يساهم فى دوران عجلة الاقتصاد بها اذاً فنحن ليس بضيوف .. لان الضيف لا يبذل اى جهد مقابل الخدمات التى يقدمها له مضيفه لا ادرى هدف الاخت ميادة من طرحها للبوست .. اهو للسخرية .. ام الاسأءة .. او ابراز بعض العيوب .. فهى الاقدر على التوضيح .. ولكننى احد الذين شاركو فى هذا البوست .. بدون ان اسب او اسى .. فقط بغرض ابراز بعض هذه السلوكيات .. وعليه لا اجدد سبباً يدعونى للاعتذار .. وقد افعل حينما يعتذر لنا ناصر القصبى وعبد الله السدحان .. فالاساءة هناك كانت من جهاز رسمى وقنوات فضائية .. وانت تتحدث عن هذه المساحة الضيقة اسف على الاطالة .. واسف اكثر ان خرج منى ما يسى بغير قصد
لك الود
ارتيقه
| |
|
|
|
|
|
|
Re: اعتذار للشعب السعـــودي (Re: artiga)
|
الاخ ارتيقه تحياتي
نحن نقيم فى هذه البلد ونعمل هنا ونساهم كما قلت فى دوران عجلة اقتصاد هذه البلد. وهم يدفعون لنا اجرونا. انتهى اما كيف يعاملوك هذه تختلف من شخص لآخر انت هنا تتحدث عن حياة اجتماعيه واعتقد معظم السودانين المقيمين فى هذه البلد لديهم علاقات طيبة بأهله وانت نفسك تؤكد هذا. حتى لا اطيل الموضوع عليك ويقع الخلط الذي وقع فيه الكثيرين انا لم الزم احد بأن يعتذر ان دعوة الاخوة ان يعملوا بأصلهم السوداني الاصيل والراقي فى عدم الاسفاف وسب الشعوب الاخرى هذا كل ما رجوته فى هذا البوست الذى انحدر به من افلسوا وعجزوا عن الردود الموضوعيه ولك الود والتحية اخ اورتيقه
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخوة والاخوات الاعزاء السنجك، ود شاموق، وجن ،ميادة، وكل من شارك في هذا البوست المثير للجدل سلامي وحبي في راي المتواضع ان هذا البوست فقد السيطرة وطلع من الخط، لأن الطرح من الاساس كان مبني على العاطفة والشعور الشخصي والتجربة الذاتية وكلها لا تفضي الى اجابة مقنعة، بل تؤدي الى الاحتكاك كما هو حادث بين ود شاموق والسنجك، كما اناه لا تقدم اجابات شافية، لأنه كما ذكرت قائمة على العاطفة والتي هي شأن خاص يتعلق بالمزاج والمفهوم الشخصي والنسبية اكثر مما يبنى على الحقائق والمنطق0 ساقوم بتعاطي الموضوع من وجهة نظرة عامة يكون فيها للتحليل الاجتماعي والحقائق المجردة دور في ذلك ودعونا نتشارك وقتها النقاش بصورة تفضي الى حد ادنى من الاتفاق، واطمع منكم المداخلة واثراء الحوار حتى تعم الفائدة0 ولكم الشكر اجزله
| |
|
|
|
|
|
|
Re: اعتذار للشعب السعـــودي (Re: alsngaq)
|
سنجك رضيت ولا ابيت كلام اخونا ود شاموق صح صح صح كان ترضا كان تزعل والسعوديين ديل خليك معاهم انشاء الله ينفعوك وعشان ما تزعل هاك دي
كيف تعرف انك في السعوديه لمن تشوف زي جنس سنجك ده بدافعو عنها
| |
|
|
|
|
|
|
Re: اعتذار للشعب السعـــودي (Re: ابو فاطمه)
|
ابوفاطمة والله زعلان تعرف ليه لما اشوف سوداني ما بعرف يحترم نفسو و بلدو وشعبو ده بس البزعلني عموما دى نصيحه ليكم لوجه الله تعالى و لا اريد منها جزاء او شكر من احد كل ما ارجوه ا ن تصل اليك يا ابوفاطمه لكي تعرف تميز متى يكون الانسان محترم ومتى لايكون؟ وياريت تحاول تفهم انو العالم اصبح بعيد كل البعد عن المهاترات بين الشعوب فهذا سلوك همجي . واني اعوذ بالسودانين ان يكونوا دهماء
ــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
والله يا سنجك نحن محترمين وعارفين نفسنا محترمين وما محتاجين زوووووول يورينا الاحترام بس يا اخوي المثل بيقول السن بالسن والعين بالعين والبادي اظلم فلمن الاخوان السعوديين يقولو نكت على السودانيين زي سوداني نايم على الرصيف افتكروهو مطب فمتوقع مننا شنو يعني نصفق ليهم ونقول ليهم وحده تاني عليكم الله ولا نمشي نبوس رجليهم عشان يخلونا نشتغل في بلدهم يا اخوي نحن شغالين بشهاداتنا وهم لو كانو فالحين في مجال عملنا ده ما كان خلونا دقيقه وحده وبعدين أعتزر ليهم في شنو الانت شابكنا بيها دي ليه انت سمعت في سعودي اعتزر لسوداني على اي اسائه عملها ليهو
| |
|
|
|
|
|
|
Re: اعتذار للشعب السعـــودي (Re: ابو فاطمه)
|
ابوفاطمه شهاداتك دي اجدر بيها بلدك مادام بلد اهلها بسخروا منك القاعدليها شنو معاهم ؟؟؟
بعدين فى كلام قالته الاخت وجن ما عايز اكرروا الواحد فى الغربة بجيب احترام الاخرين ليهو من احترامه لنفسه وكذلك الاساءة بعدين يا عزيزي انا ماشايل ليك سوط عشان تعتذر ده راي وقلتو وانت حر فيما تراه انا ضد اي اساءة توجه الى اى شعب من الشعوب ام كون ان الاخر اساء لي ولم يعتذر فلن اخذ البرئ بذنب المسئ لانني لا اريد ان اكون احمق واتعامل بردود الافعال الطائشه هذا كل ما فى الامر اخ ابوفاطمه
ولك التحية ـــــــــــــــــــــــــــــــــــــــــــــــــــــــــــ آآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
لم اتعرف في حياتي على مواطنين سعوديين غير اثنين فقط: أحدهما باحث عملت معه في احدى المؤسسات البحثية الاقليمية .. لمدة خمس و اربعين يوماً فقط لا غير .. و قد كان رجلاً راقٍ بمعنى الكلمة. و الثاني تعرفت عليه في بلاد المهجر .. كلانا غرباء .. و مازالت علاقتي به طيبة .. و لم ار منه ما يشين أو يثير الحنق. هذا يعني انني لا اعرف السعوديين و لا السعودية و لا مكة العزاها الله. لكن قبل عامين فكرت في زيارة المملكة لمقابلة بعض اصدقائي القدامى .. فقيل لي إنك سوف لن تحصل على تاشيرة دخول .. لو لحست كوعك. استفسرت عن السبب .. فنصحوني بابراز دعوة من أحد المقيمين في السعودية. اتصلت باحد الاخوة الذي كنت اظنه من كبار كبار المسئولين في السعودية .. فشرح لي بأن هذه الدعوة لا تاتي من جانب الكفيل .. و الكفيل لا اظنه سوف يتعاون بسهولة في هذا الموضوع. قلت لصديقي: الكفيل الله .. نشوف مخرج تاني. اقترح علي احدهم أن اقدم لتاشيرة عمرة .. و قررت ذلك .. و لا داعي لذكر الرسوم العجيبة (مش الخرافية) التي طولبت بدفعها .. لكن الشروط المفروضة على تحركاتي في هذه العمرة المضروبة .. دفعتني لالغاء الموضوع برمته
الامر الذي اثار حيرتي .. أن العديد من معارفي و اصدقائي أكدوا لي بأن شروط الزيارة هذه لا تنطبق الا على العالمثالثيين من المسلمين و غيرهم .. أما الخواجات فلم يسمعوا بها حتى الان .. و الباب مفتوح لهم دخولاً و خروجاً .. و كمان الاخ ود شاموق اضاف ليها حاجات تانية لا علم لي بها
أها يا السنجك .. طبعاً كلامي هذا ليس عن الشعب السعودي الذي ذكرت من البداية عدم معرفتي به .. لكن ما رأيك في مثل هذه الاجراءات التي ما انزل الله بها من سلطان؟ أنا لا شغال معاهم و لا ضيف عندهم .. فهل لي من سبيل أن احترم السعودية؟ و الله لا تستحق الاحترام البتة .. و اعني النظام
| |
|
|
|
|
|
|
Re: اعتذار للشعب السعـــودي (Re: Shinteer)
|
الأخ شانتير ســـــــلااااام
ليس دفاعا عن السعوديين أو غيرهم لكن ما ذكرته عن التفرقة في موضوع الزيارة
بين الخواجات و دول العالم الثالث يا سيدي لأنو الخواجات إذا الواحد فيهم قال
جايي لي زيارة صديقه لمدة 24 ساعة برجع بعد 24 ساعة لكن ناس دول العالم الثالث
لو أدوهو زيارة سنة برجع بعد عشرة سنوات .
يعني الشغلانية مش علشان ديل عالم أول و ديل عالم ثالث لكن الشغلانية المصداقية
و اٌلإلتزام بقوانين البلد.
| |
|
|
|
|
|
|
Re: اعتذار للشعب السعـــودي (Re: ABUHUSSEIN)
|
السنجك انشاءالله تكون انت فهمت الردود المعارضة عشان تعرف الفرق بين المنطقى واللامنطقى في الطرح والخصوصية والشمولية في طلب الاعتذار صديقة ام نايف يانى شنو لو شنو لو سمو حلة كامل باسمك هناك خليكى من شارع...تفتكرى دا ثمن تتخلى بيها عن وطنك لو صحيباتك زعلن منك...تفتكرى ثمن ارضأئن تقللى من أهلك لو ولدت وعشت حياتك كلها في السعودية....فستظلى سودانية ودالجعلى اربع ما عندى مشكلة شخصية معاهم لكن كسودانى....الاساءة للسودان او مواطنيها بشملنى
| |
|
|
|
|
|
|
Re: اعتذار للشعب السعـــودي (Re: PLAYER)
|
السودانى الأصيل أنا كان ممكن أقول ليك كلام كتير وأوريك أذا أنا بفضل سعودى واحد على أبناء وطنى لكن عشان تعرف أنى ما بعرف للإساءه والبادئ أظلم والإساءه ما تقوم به الآن والحمد لله أعتز بأنى سودانيه حتى النخاع حتى لسانى ما عوجته يا حبه الله معاك تانى ما بجيك صاده
| |
|
|
|
|
|
|
Re: اعتذار للشعب السعـــودي (Re: alsngaq)
|
الأخ أبو حسين بعد السلام
بمناسبة الزيارة والزوغة للسعودية.... ظروف عملي تحتم عليّ السفر بصورة متكررة إلى المملكة -أنا مقيم في لندن- ودائما الزيارة تكون لمدة 4 أسابيع ولكن أغادر بعد اسبوعين أو 20 يوما على أكثر تقدير.. وكلما أجي طالع بتاع الجوازات السعودي يقول يازول ماشي وين؟ لسع الإقامة ماإنتهت؟
طبعا الموضوع بهزار ويكمل يازول في أخوانك هنا أدوهم شهر عمرة ليهم كم سنة قاعدين وشغالين .. لا لآ أرجع لازم تقعد سنة او 2 قبل ما تسافر من المملكة...كان كل هذا يتم بصورة اخوية بلا استهزاء وبلا استخفاف من جانب ضابط الجوازات السعودي
عند الدخول طوالي يبادرك ضابط الجمارك السعودي بتشجع الهلال ولا المريخ... وتجد واحد ظريف يقول ليك انا مريخابي لو إنت مريخابي ما حافتشك ولكن لو هلالابي لازم افتشك
في سفرياتي لم اشاهد ضابط جمارك سعودي يمزح مع راكب من اي دولة عربية ابدا ولو بالصدفة... عليكم الله يا شباب الناس ديل كويسين معانا جدا فالأفضل مبادلتهم إحتراما باحترام
أما الساكنين في المملكة كان مقيمين أو زايغين حقه يراعوا العشرة ومايلتفتوا للحاجات أو التصرفات الفردية فالناس مثل أصابع اليد الواحدة ليست كلها متساوية
ألمي البارد بقد الدلو
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخ / السنجك
انا لم اتحدث عنى شخصياً .. فالحمد لله لم اواجه مثل هذه الممارسات .. ولكنها تحدث امام عينى يومياً .. ونحن لا نتحدث عن كيفية فرضنا احترام الاخرين لنا .. ولكن الحديث هنا عن سلوكيات عامة تمس الاخرين وادت الى ما ادت اليه .. ولا اعتقد بأن الانسان يمكنه الاعتذار دونما ان يحس بـأنه اخطأ ..لذلك ارجو ان لاتحدد لمن يناقشك هنا بان هذا البوست للاعتذار فقط .. ناقش الجميع وحاورهم واقنعهم .. وعندها سيعتذر من يقتنع بهذا الطرح تانياً من يعتذر لنا عن حلقة طاش ما طاش التى اساءت لكل سودانى فى المملكة وانت واحد منهم ..فهل ستعتذر لنا نيابةً عنهم من يحترم الشعوب الاخرى ويقدرها لن يجد الا المعاملة بنفس القدر والاسلوب ليك الود
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخوة الاعزاء ........ ابوحسين .. و كانتونا (جبار الكسور) .. و السنجك
ابو حسين .. قد يكون ما اثرته هو السبب: اي أن العالمثالثيين ياتون الى السعودية و لا يرجعون الى حيث اتوا .. لكن أنا انسان لا علاقة لي بهذه الاشياء .. اعمل في دولة من العالم الاول الذي يؤلهونه .. و اتقدم الى سفارتهم بوثائق تثبت أنني اعلم في العالم الاول المؤله .. فمن الطبيعي أن يعتبروني من الذين لا يخرقون قوانين التاشيرات بدل معاملتي بهذه الطريقة. ياخي ده عذر ما مقبول. نعم انا اصلاً من العالم الثالث . لكن كل الاوراق التي قدمتها لهم لا علاقة لها بالعالم الثالث. و الله انا ما قادر افهم!!! و بعيدين أنا حقيقة بعني النظام .. و ليس الشعب
عزيزي كانتونا . جبار الكسور . إن شا الله تكون متعافي .. و بالك رايق .. بس برضو أنا النظام الرسمي السعودي غير جدير بالاحترام عنديز اشوفك مرة على المسنجر إن شاء الله يا الكباشي
السنجك .. انا اوضحت اني لا اعرف الشعب السعودي .. و ليس لدي عليه اي تعليق .. فقط سردت قصتي مع هذا النظام المتخلف .. و للعلم انا زرت كل القارات و لم اجد نظام كهذا. ياخي ما ممكن انا احصل على تاشيرة لبريطانيا في اقل من اسبوع .. و لامريكا في اقل من عشرة ايام و لتايلاند في يوم واحد .. و لاي دولة اخرى في وقت قصير .. فلماذا هذي المدعوة السعودية. و الله يا السنجك أنا كرهتها لله في الله كده . . و لا اقصد الشعب .. اتكلم عن الدولة و النظام الذي تسير عليه امورها
على كل حال .. شكراً لكم .. و يا اخي السنجك .. لو فعلاً هذه الدولة دولة بمعنى الكملة فأنا اريد زيارتها. ممكن ترسل لي دعوة و تسهل لي الزيارة. و اؤكد لك اني سوف لن ابقى فيها لاكثر من عشرة ايام .. بتقدر؟
اخوكم شنتير .. و ليس شانتير .. لو سمحتم..
| |
|
|
|
|
|
|
Re: اعتذار للشعب السعـــودي (Re: alsngaq)
|
I refuse to apologize and I refuse your method of using this forum for praising and trying to force us to share your views or else you call us impolite... Wad Shamooq spoke for a lot of us and we have the right to discuss anything on this forum and should not be limited to what the purpose of your post is as you claim. For all I know you could only be doing this in an attempt to renew your visa or get forgotten in the Saudination of jobs.
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخ اورتيقه تحياتي سأبدا من عبارتك انا شخصيا لم اتعرض لمثل هذه المواقف.
ترى لماذا؟؟ بينما الاخرين يتعرضون لها ترى هل السخرية تأتي من فراغ واذا كانت كذلك لماذا لم تتعرض لها اخي اورتيقه؟ لا اريد ان احرم الاخوة من النقاش كما قلت، ولكن انني ارى فى الاول اذا اردنا ان نكون شعب مهذب وراقى، علينا ان نحترم الآخرين ولا نسئ اليهم اراك تقود الحديث لمنحى اخر وهو ما تعرض له السودانين فى حلقات طاش ما طاش هذا عمل كوميدي وطابعه السخرية، ولقد تعرضو الى كافة الشرائح التى يتألف منها مجتمعهم ونحن السودانين اصبحنا جزء من تركيبة هذا المجتمع. كون انهم عرضو الشخصية السودانيه بشكل لم يعجبنا فهذا ما راؤه فيها. اذا تساءلت لماذا رأوها هكذا فالاحرى ان تسأل نفسك ودون غضب لماذا لم تتعرض للسخرية بينما ترى بعض الاخوان السودانين يتعرضون لها أمامك؟؟؟
الاخ شنتير
آسف للخطأ فى الاسم فلقد كان غير مقصود لم اقل لاحد ان يعجب او يكره نظام الحكم فى السعودية كل ما قلته هنا علينا احترام الشعوب الاخرى، واراك متفق معي تماما فيما ذهبت اليه اخي شنتير. مادام انت ترفض الاساءة للشعب السعودي فنحن متفقين ولك كل الود والتحية
والد صفوت
العجيبة طالبته بالنقاش ولم تطرح شي لكي أناقشك فيه ؟؟؟؟؟؟؟؟؟؟؟؟؟؟
ـــــــــــــــــــــــــــــــــــــــــــــــــــــــــ آآآآآه يا غبش
| |
|
|
|
|
|
|
Re: اعتذار للشعب السعـــودي (Re: alsngaq)
|
ود شاموق كلامك فاجأني واحزنني وانت شخص عزيز علي التسلسل الطبقي يا ود شاموق اتفرض علينا في اللحظة التي عبرنا فيها البحر الاحمر ، وما زالت جحافلنا تعبره علي متن كل باخرة وسنبوك وطيارة ،وليس من المفترض ان نطالب السعوديين بأن يغيروا طباعهم وسلوكياتهم من اجلنا نحن الوافدين ولا ان يعاملنا السعودي كما يعامل اخوه او ابن عمه ،بل المنطق كله اذا اعتورنا الضيق ان نحتقب عزتنا ونفارق ديارهم ، او نرضي بالعيش بينهم علي مضض دفعا للحاجة والعوز وفي الحالة دي ليسوا هم من يستحقوا شتائمنا بل ظروفنا نحن او اذا شئت قدرنا. والاخوان القاعدين في السعودية وما عاجبهم الحال اعتقد انهم زعلانين من نفسهم اكتر من زعلهم من السعوديين زعلانين علي وضع بلدهم الجبرهم علي العيشة دي
واذا كان هنالك موجب للاعتذار يا السنجك فانا كسوداني اعتذر عن ما بدر من الاخ دكين ودمتم
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخ السنجك بدا لى ردك قريباً وارجو ان يكون الامر عدم فهم منى لا اكثر حيث ان اخوك مخه تخين شوية
Quote: سابدأ من عبارتك انا شخصياً لم اتعرض لمثل هذه المواقف ترى لماذا |
عندما تحدثت انا عن هذه النقطة كنت ارجع لقول احدى الاخوات المشاركات (وجن) والتى ذكرت بان كل شخص يجلب الاحترام لنفسه .. ونحن هنا نتحدث عن احترام الشعب السودانى عموماً وهذا الامر لا يتأتى بمجهودات فردية .. ولكنه مجهود جماعى خلق لنا سمعة طيبة بين الجميع وبشهادتهم .. لذلك ذكرت بأننى شخصياً لم اتعرض لمثل هذه المواقف وذلك لا يعنى عدم وجودها
Quote: بينما الاخرين يتعرضون لها ، ترى هل السخرية تأتى من فراغ ، واذا كانت كذلك لماذا لم تتعرض لها اخى اورتيقة |
هل تثبت هذه الفقرة بالذات بأن السخرية والتهكم اللتان مورستا فى حقنا لم تأتيا من فراغ .. تساؤل
Quote: كون انهم عرضوا الشخصية السودانية بشكل لم يعجبنا فهذاماراؤه فيها |
طيب مالينا اعتراض فى انهم راؤنا كذلك .. وايضاً لم يعتذروا لنا .. البعض ايضا رأهم كذلك فلماذا سبب لك هذا الامر مثل هذه الصورة من الاستياء التى اوصلتك للمطالبة بالاعتذار اليهم .. طالما لهم الحرية فى ان يرونا كذلك فى عرفك .. لما حرمت علينا هذا الحق الذى تكرمت عليهم به
Quote: اذا تسألت لماذا راؤها هكذا فالاحرى ان تسأل نفسك ودون غضب لماذا لم تتعرض للسخرية بينما ترى بعض الاخوان السودانيين يتعرضون لها امامك |
لا اجيد القراءة خلف السطور وذكرت لك بأن مخى تخين شوية فاستحملنى شوية ووضح لى ما خفى عن فهمى المتواضع .. لانك ذكرت هذه النقطة بالذات ثلاث مرات
ودمت
| |
|
|
|
|
|
|
Re: اعتذار للشعب السعـــودي (Re: alsngaq)
|
الاخ بحر تحياتي هذا ما قصدته فى هذا البوست هو عدم اساءة الاخرين. ام فيما يخص الاعتذار لم الزم به وهو راي الشخصي. لكن البعض لايعجبه الامر والسبب لقد ذكرته اخي القاعدين فى دكة الحكم وشردوا الناس وكرهونا بلدنا.
الاخ اورتيقه تحياتي
لا اريد تكرار ما ذكرته لك بخصوص هذاالبوست وهدفه. فقط لطلبك المتكرر للحوار وتناول مبدأ المعامله بالمثل كون السودانين يتعرضون ايضاللسخرية فمثل هذا المبدأ فى هذه المواضع والتى يترتب عليها ان افقد احترامي واعمم الشر رغبة فى التعامل بالمثل لايلزمنى واتمنى ان لا يلزم أي سوداني وهذا دافعي من هذا البوست ولكنتجاوبامع رغبتك الكريمه تعرضت لجانب السخرية التى يتعرض لها السودانين وحاورتك بها. ولقد افردت بوست اخر تناولت فيه المسألة من وجهة نظر خاصة ايضا عن السوداني فى المنطقة. واعتقد ان ما تريد الحوار فيه موجود فى هذا اللينك كيف تقدم نفسك للآخــرين ــــــــــــــــــــــــــــــــــــــــــــــــــــــــــــــــــــــــــ آآه يا غبش
| |
|
|
|
|
|
|
|