Post: #1
Title: مسدار الرحيل خارج الاطار
Author: Yassir Mahgoub
Date: 04-19-2003, 00:55 AM
Parent: #0
مسدار الرحيل خارج الاطار
ـ مدخل ـ
البلد المحل، و كسى اليباس خلنوا
ضامرات الجسوم ضيق الرزق ملنوا
بركن في الهجير فوق جمرو ما طفنوا
لكزت الزامله في حر الهجيره القايده
نجري علي السراب كان تبقى فوقو الفايده
في دهشة حلم
-------------------------
1
مغلول مقيد في السكون
مصلوب و ممعن في الغموض
سجنك نهايات الحروف و الصوت
و لون الإحتضار
تصلب ذهولك وقفتك، تستغربك
بصرك محدد في الدوار
عمقك بغوص حد الفزع
في لوحه ساكنه على الجدار
في لوحه ساكنه على الجدار
رسمت تفاصيلها الخطوط
رمزت لتهويم الخيال
و الضؤ تسند في الإطار
جسد السكون لمس التعب
مرق الكلام من العصب
و الضو تفتح زهرتين
تحتو الجراح، مستنقع الخوف، و السديم
كنه الألم عمق الجراح
و أقسى الجراح ما كان عميق
تحت الكلام…… جوه الرموز
في لوحه ساكنه على الجدار
وقفت رؤاي تصطاد مسارات الصور و الأخيله
و ترحل بعيد…… ترحل بعيد
سرك دفين سر الرمال
جمرة حلم تحت الرماد
معناك عميق لكن ببين للبحترق بالأسئله
معناك عميق لكن ببين
معنى السكون بحوي الحراك
معنى الحراك بحوي الزمن
معنى الزمن بحوي الفراغ و الأمكنه
و كل الدروب المستحيله
و مستحيله و ممكنه
في لوحه ساكنه على الجدار
رمله و شمس، غابة نخيل
بينهم علاقات التجاور و التضاد
فكرة حوار
تحت الرمال توجد رمال
فوق الرمال وقف النخيل
غابة نخيل -- غابة سؤال
خلف النخيل توجد شمس
خلف الشمس يوجد فراغ
خلف الفراغ يوجد فراغ
خلف الفراغ يوجد مجال
و بدا الحوار
غاص الإطار جوه الجدار
نهضت طقوس الإنصهار
جات اللغه، الطين و الرماد
نبع الأساطير و الخيال
و علا الصهيل
في لوحه ساكنه على الجدار
هاج الغبار
2
ضربت في عتام ليل المفازه طبوله
بلا الرعد النحاس رزام يهز في طوله
بتسمع لي زغاريد قنعاَ كشفوله
نقرن دنقرن للحوبه جرن قوله
و إنت مع الحوار وقفت رؤاك مذهوله
بينك و الإطار جدل الصلات الأولى
مصلوب في مداك سر اللغه المجهوله
سيرورة الحراك فيك لم تزل موصوله
كم للريح خيول بتذكرك بخيوله
تدهشك الصدف...
تنساق تباري وصوله
3
من إحتدام الرؤيا في صمت البدايات و الشفق
من إصطخاب البحر في دورة غناك جوه الزمن
بجتاحك الليل بي نشيد الريح
و دمدم في عروقك خوف زحف
إتلوى فيك نهر الكلام،
نيلك، تأهب للحضور
فوقو الجبل منحوت بصخر الهم وقف
----------------------
4
وقف زمنك على الأحداق
و كان الريح زجاج
سقطت قطره من فم ورده
و كان الزمن شهقه
و سقطت ورقه من شجرة رؤاك
و كانت أحداقك صخور
5
كيف العبور ما بين زمانك والجبال
كيف الوصول ما بين جبالك و المحال
وقف الزمن ما بين حضورك و الزوال
6
كان زمنك واقف
و كنت معلق جوه زجاج الريح
و ظلك كان مصلوب في شهقة ورده
و كنت مسيح
ندهت ذهولك جوه مسام الرؤيا
و صرخ الظل بي صوت الصمت الحجري
و سقط المعنى جريح
فلتشربوا دمي نبيذ الصمت
فلتطعموا لحمي إدام الوقت
و إرتج سماك
و كانت ذرة رمل بتلهث جوه فراغك
تبرى فراغ اللوحه الجاري كسيح
7
محزونه و مربكه في عينيك ممتده هواجس
هم الزمن الواقف في الأحداق و الخوف الحارس
هم الرؤيا النازف و هم الحلم اليابس
هم الهم الكابس
صلبوك كان جسدك جوه فراغ اللوحه معلق
و كانت ذرة رمل بتلهث
جوه فراغ الأمل اليائس
8
و إنسربت ذرة شك في يقين اللوحه
و ضج حراك الصخر
إنتحر الزمن الواقف
نهض المعنى
إتكسر دمك جوه زجاج الريح
و إتناثر جسد الريح أمطار
إرتعب الخوف الزاحف
كانت قطره بتسقط من فم ورده
و كنت القطره في زمن الورد
و إرتد دوارك جوه البصر الكاشف
كانت ورقه بتسقط من شجرة رؤياك
و كنت الورقه
و كنت غبار اللوحه النازف
و إتناثر دمك مطر الريح و سقطت
و كنت الأرض
---------------------
9
في لوحه ساكنه على الجدار
رسمت حضورك في الفراغ
ركزت رفاتك في السراب راية محال
كان إحتمالك في سطوع الأسئله
و كان إغتيالك في حوار الأمكنه
و كان النشيد
خارج قوانين النشاز
مرقت حياتك من حروف الإنكسار
سطعت حياتك في الزوال
الله على هذا الجمال
10
كان الجبل سائل بلون الإحتراق
إتمددت فوضى العناصر في المسام
سقطت بذورك أسئله
و نبت البشر
ملأ الفراغ، أعين تحدق في إتساع
11
في التيه و وين موسى الكليم
يخرجنا من هذا الظلام
يمرقنا من حلم الصنم
يغرقنا في صخب الزحام
12
نبتت زهور موتك أرق
غارق في أنفاس السبات
ميت و كان دمك مراق بره الإطار
عطر البشر
أسطورة الشوف الضرير
وهم النهار
13
و إتسلقت زهرة سباتك في الإطار
إرتد وهمك إنكسار
شفت البشر ذرات لهب في الطور
و كان جسدك حوار
14
كان جسدك مسجي
و صلى النهر عليك
و كنت الغايب و حاضر
و ما صلبوك بل شبهو ظلك جوه إطار اللوحه
و كنت المعنى الغامض و سافر
صلى عليك الجبل، الريح، النخل
الرمل، الحجر، الشجر، المطر
البشر الساي
و نزحت في جوف العتمه
و تلب حلمك طافر
و شاهد قبرك كان الظل بسؤالو المبهم
و وقف الموت الحي مكسور الخاطر
مت، و أشرق حلمك زهر المعنى
و مات الصنم
إحترق التيه بالنور الكاسر
سال البشر ألوان في حديقة الله
ملأت جسد اللوحه الساكن
و فاض اللحن الآسر
15
في لوحه ساكنه على الجدار
رسمت تفاصيلها الخطوط
رمزت لتهويم الخيال
إرتد أسرك
و كان وجودك جوه أبعاد الإطار
واقف بحدق في الفراغ
|
Post: #2
Title: Re: مسدار الرحيل خارج الاطار
Author: abdelgafar.saeed
Date: 04-19-2003, 01:46 AM
Parent: #1
أشهد ان هزا رحيل فى عمق الاعماق
لكم هو رائع هزا البوح
لم اخرج بعد من دهشة الاكتشاف
|
Post: #15
Title: Re: مسدار الرحيل خارج الاطار
Author: Yassir Mahgoub
Date: 04-22-2003, 00:45 AM
Parent: #2
شكرا عبد الغفار.... لدي قمرية تماهت مع نيمتك في صقيع غربتنا الغير مجيده... قصيدة ناصعة الحنين
|
Post: #3
Title: Re: مسدار الرحيل خارج الاطار
Author: Elmosley
Date: 04-19-2003, 01:49 AM
Parent: #1
شغل جميل ياياسر
لكن داير افهم
ده كولاج ولا اسلوب جديد؟
|
Post: #4
Title: Re: مسدار الرحيل خارج الاطار
Author: وجن
Date: 04-19-2003, 01:53 AM
Parent: #3
حمد الله على السلامه أخ ياسر
كلمات وبوح شفيف
تشكر على هذا الكم الهائل من الأحاسيس
ومزيداً من الإبداع
|
Post: #5
Title: Re: مسدار الرحيل خارج الاطار
Author: WAD ELGAALI#4
Date: 04-19-2003, 02:42 AM
Parent: #4
والله الناس الغابت جابت يمين كلام معتق يا ياسر لكن آجنا انتو الشي دا بتجبوهو من وين والله ابداع والله الواحد يقراهو لامن شعرت جلدو تكلب الله يديك العافية
ومره تانية عودا حميدا
|
Post: #6
Title: Re: مسدار الرحيل خارج الاطار
Author: hero
Date: 04-19-2003, 07:29 AM
Parent: #5
...
..
.
الياسر المحجوب ..
الأن أوّقن أنك
عدت ...
|
Post: #19
Title: Re: مسدار الرحيل خارج الاطار
Author: Yassir Mahgoub
Date: 04-22-2003, 01:00 AM
Parent: #5
ود الجعلي لك الشكر يا عزيزي.. عافاك الله من كل سوء
|
Post: #18
Title: Re: مسدار الرحيل خارج الاطار
Author: Yassir Mahgoub
Date: 04-22-2003, 00:55 AM
Parent: #4
سلمك الله يا وجن... أشكر لطفك الغامر
|
Post: #16
Title: Re: مسدار الرحيل خارج الاطار
Author: Yassir Mahgoub
Date: 04-22-2003, 00:49 AM
Parent: #3
أنت الأجمل يا أستاذنا الموصلي ... أنا ذاتي ما عارف أسميها شنو.. كدي أسأل زمراوي ولا كبر
|
Post: #17
Title: Re: مسدار الرحيل خارج الاطار
Author: Yassir Mahgoub
Date: 04-22-2003, 00:52 AM
Parent: #3
هيرو.... أمير الكلام، ننهل من ينابيعك الصافيه.. فلا عجب
|
Post: #7
Title: Re: مسدار الرحيل خارج الاطار
Author: Ahlalawad
Date: 04-19-2003, 07:34 AM
Parent: #1
نسمع ونستمتع وبس
|
Post: #21
Title: Re: مسدار الرحيل خارج الاطار
Author: Yassir Mahgoub
Date: 04-22-2003, 08:25 PM
Parent: #7
أهل العوض ليك التحيه أيها الجميل
|
Post: #8
Title: Re: مسدار الرحيل خارج الاطار
Author: Abdalla Gaafar
Date: 04-19-2003, 09:29 PM
Parent: #1
up
|
Post: #9
Title: Re: مسدار الرحيل خارج الاطار
Author: dabeep
Date: 04-19-2003, 11:13 PM
Parent: #1
الأخ الشاعر/ ياسر محجوب
عمقك بغوص حد الفزع
تطويع مخيف للمفردة لتعكس هذا الزخم والضجيج
معركة بين الكلمة وحافة عصبك
مزيدا من المطر
وتسلم
|
Post: #22
Title: Re: مسدار الرحيل خارج الاطار
Author: Yassir Mahgoub
Date: 04-22-2003, 08:30 PM
Parent: #9
يا دبيب ياخي... ياخي انتا بتقول كلام عجيب و غريب و مدخلك نمره أربعه بخلي الزول يخش في بعض.. حأجيك ليهو راجع
|
Post: #10
Title: Re: مسدار الرحيل خارج الاطار
Author: Yassir Mahgoub
Date: 04-20-2003, 03:01 PM
Parent: #1
جمعنا الأجزاء كلها فوق
|
Post: #11
Title: Re: مسدار الرحيل خارج الاطار
Author: هدهد
Date: 04-20-2003, 05:18 PM
Parent: #10
ياسر
انا لي كم يوم بسساسق بينك وبين اللوحة
وقدر ما ادور ادخلك القى ورودك بنقط فيني التوه
واقول امشي واجيك
والقاك كثفت فيني حضورك
واغيب تاني
بس ماعارف
القى نفسي وين
كان عندك
ماترجعه لي
لكن خليها تسافر فيك
وتعود فرحانه
|
Post: #12
Title: Re: مسدار الرحيل خارج الاطار
Author: Abdalla Gaafar
Date: 04-20-2003, 07:00 PM
Parent: #1
ايها الامير
ياسر
قراتك هنا اكثر من مرة وخرجت منك وانا مملوء يشوق الرجعة
ربما هو الاحساس بالجمال حد الطرب
وربما هو مذاق الاحرف
حين تختصر اللغة طول المسافة بين القلب والعقل
لنمارس متعة الارتباك في لحظات الحضور الصعب امام كل ذاك البهاء
لك الود وانت تعيد ترتيب المعني والاحساس
في دواخلنا
تحية وتقدير
عبدالله جعفر
|
Post: #13
Title: Re: مسدار الرحيل خارج الاطار
Author: Yassir Mahgoub
Date: 04-22-2003, 00:14 AM
Parent: #1
هل ننتزعنا منا لنفتح أودية النشيد.. أم نغلق نافذة البصيرة المتحجره و نرحل في موتنا اليومي يا أيها الهدهد... بل سوف.. و لك وردة لأمسيات منفتحة على الأنس بك
الشفيف كامل الدسم عبدالله ... أقتفي آثارك و أحس بحوجتي لأن أعرفك أكثر.. تجمعنا نواحي الجليد الشماليه... و معاناة الأشياء و الحروف.. بجيك راجع
|
Post: #14
Title: Re: مسدار الرحيل خارج الاطار
Author: zumrawi
Date: 04-22-2003, 00:25 AM
Parent: #1
جميل ياياسر محجوب كم هو رائع تصويرك هذا للمحل
الصورة وهى شاهدة للزمان والمكان
كم هى رائعة هذا القصيدة
وكم كان سلسا الانتقال من ضمير المتكلم
الى ضمير المخاطب
|
Post: #20
Title: Re: مسدار الرحيل خارج الاطار
Author: saifkeli
Date: 04-22-2003, 06:01 AM
Parent: #14
الأخ / باسر محجوب .. تحية
كلام رائع وبديع .. تمنياتي لك بالتوفيق لتتحفنا بالمزيد
سيف كلي
|
Post: #23
Title: Re: مسدار الرحيل خارج الاطار
Author: Yassir Mahgoub
Date: 04-23-2003, 01:36 AM
Parent: #1
شكرا لك يا زمراوي و أنت تثري البورد بمشاركاتك المتنوعه و المتفرده.... أفرحتني اكتشافاتك عن النص... نحن كلنا بحوجه لمن يقرأنا ... و يحفر في نصوصنا و ذواتنا.... لك الود
أشكرك يا سيف كلي.... عجبني كلام ناس المحميه الجبتو في خيمة الحردلو... جاييك ليهو قريب من جوه الخيمه... لك الود
و الشكر بعد للجميع و لكل من قرأ.....
|
Post: #24
Title: Re: مسدار الرحيل خارج الاطار
Author: جبران
Date: 05-20-2003, 02:47 PM
Parent: #1
في ريحك بروح نمي ويضيع مسداري
يا الصاري الصباح جوا القليب الناري
كلماتك حلم لمس الخلود العاري
وشهقاتك بنات نعش البدورن ساري
يا مساحات الحقيقة الباقية في جوف الخواطر
يا اصابع نار رقيقة تحرك أوراق المشاعر
في المسامات الدقيقة كنت بركان حي وثائر
تسري في الذات زي موسيقى وزي حديث عاشق وشاعر
|
Post: #25
Title: Re: مسدار الرحيل خارج الاطار
Author: HAMZA SULIMAN
Date: 05-22-2003, 03:18 AM
Parent: #24
ياسر انت سدرته خارج الاطار الى داخل الاطار
|
Post: #26
Title: Re: مسدار الرحيل خارج الاطار
Author: dreams
Date: 05-22-2003, 06:10 AM
Parent: #25
خارج الاطار
جلست زهرة ...تخبئ بعض رحيقها من الشمس
مستخدمة اوسطها والبنصر وثالث لهما
تحدق بعينيها فى كل الزوايا
وتهئ ذاتها للابتسام فى حضور الوهج
وهجك ياسر محجوب
دوما لك التحايا
وادام الله عليك مقدرة الرسم بالحروف
تسلم
|
|