أنا تانى أثق لى فى بنى آدم

وجن سلام ،، كلماتك ليست كالكلمات التي تعودنا عليها ،، رغم أنها تحمل مضمونا مغايرا ولكنها جميلة تنم عن صفح وعفو كبيرين لشخص أرى أنه لا يستحق،، لا أدري ما جرمه لكنك ضمنتي بعض أفعاله في مقالك،، أشد على يدك بأن لا تغيري نظرتك في السودانيين وانها لعمري كلمة لا تخرج إلا ممن هم في مثل قامتك،، أمنياتي الجميلة لكي،، وشكرا لهذا العفو الجميل والكلمات التي أهدتنا معاني الصفح من (وجن).

لكي كل التقدير والإحترام

وجن
بدون ما اعرف المهندز الغبيان دا منو وليه سوا كدا
حرم الزعلك دا رخيص ...
ما عشان موضوع الفايرس ...الفكرة لذيذة
بس لانك ما بتستحقي انو زول يزعلك
ياخي ليه ما لقا غيرك ..
ما البورد دا مليان هتش ....

الحمد لله انا ما باشمهندس
لكن زولك ده عمل شنو؟؟
شمار ساي...

الاخت العزيزه وجن


هاردلك ومعليش لانو البسوي العمله دي وزي ما انا فهمت انو رسل ليك فايروس للجهاز بتاعك بكون شخص مريض وهو علي العموم لا يمثل الكل فارجو ان لا تهتز ثقتك بالناس وبي الاخوان انشاء الله

الحمد لله
وجن انا مهندس ري
ممكن ارسل ليك ترعة
ابوعشرين جدول صفير

يا وجن كلام برا الموضوع .. ليه طنشتى الرد على نقاشى معاك فى موضوع ايهاب .. بعنوان .. صدقوا أو لا تصدقوا

دا اسمو اجحاف فى حق انسان
ربك موجود يا وجن خيتى
الامثال الزمان البتقول العتره بتصلح المشى ومدام حصل وحصل كل الكتبتى دا والله ربك بريدك لانو دى حركات مايعملة الانسان متطفل عقلو صغير ( الهاكر وماشابه ذلك ) يا وجن ربك موجود

سلام يا وجن والبقية
الجاتك في جهازك سامحتك يا ستي ولا تزعلي

يا مهندزين .... افرزو صفوفكم

يا دكين وينك انت يا زول ... اظهر وبان وليك الامان

العزيزه و جن
ولا يهمك ولا تزعلي نفسك
ولا شنو
loOOOOOolz

الاخــــــت وجن
انت غلطانه المهندس ده انا ما بعرفه ولا انتى لكن حبيت اقول

ممكن يكون الهكر الرسل ليك الرسائل المفيرسه
لانى انا عندى نفس المشكله
ويوميا بتترسل رسائل باسمى دون ان اقوم بارسالها الى اصدقائى
ودى ناتجه من ان جهازى مافيه انتى فايرس لذلك حبيت اوضح

بعدين انتي البوديك تتونسي مع زول غيري شنو؟؟

والزول اب كرفته دا طنشنتيهو مالك... عليكي الله ما تطنشيهو تاني..

شوف عيني بشبه ليهو دجال في حي العرب...الدجال الابيض على وزن الغراب الابيض





بوش

مشكور على السي دي هات رايعة جدا جدا
ولا زلت استمتع بها اعزك الله ..الواجب كان نكرمك بس عاكستنا ظروفنا..
ياخي انتازول راقي




وجن

بالمناسبة الدجال المشار اليه اعلاه لقيتو ليك انفلت امنيا
بقي شرس ...شرس عدييييييل

عفوا وجن

استبعد ارسال الفيروس من مهندس سودانى هذه القيم الاخلاق العالية التى

تتميزين بها لا اعتقد بان الباشمهندس حيكون بعيد منها ايضا


وصلنى شكوى قبل فترة من اصدقاء بانه استلموا اكثر من ثلاثة الاف

رسالة منى وانا لم ارسل لهم شيئا

سلام مربع

وجن حبيبة البي

تفكيني ليهو يا وجن
ارفع ليك يدي هسع
انزل ليك عليهو صاقعة زكيه
تشيل بصروا من غير ما تكتلوا
اصلوا حرام ياصديقتي نكتل ساكت
يمكن السواهو مايستاهل الكتل
لكن اكيد بستاهل نكسر ليهو سنيناتو
ونشيل بصرو
يشيلوا الله

الزيك الكلها رقه وحلاوه وسماحه
ما بتساهل يتعاملوا معاها كده
شكيتوا على الله
خلاص اتفشيتي ؟؟
انزل يدي ؟؟
طيب ياعسل مايصير خاطرك الا طيب
اهو نزلناها
انشاء الله تنزل عليهو الطاويه حبالها
مع اني اجهل تماما ايه هي التي تجيهو وهي طاويه حبالها؟



_____________
شكيتكم على الله يابوش وبلير وياباش مهنــدس

السلام عليكم

حمد علي السلامه

و مبروك الجهاز الجديد



و للزول العمل كده اقول ليك

اخجل يا باشمهندس



تحياتي



و



لى قدام

العزيزة الغالية وجن

حقيقة ساءنى جدا ان تشكى من احدهم وان يكون من رواد البورد فهذه لا شك تمسنا جميعا وتجعلنا نتحسس الكى بورد والسند ميستش هل سبق لنا ان ارسلنا لك رسالة ام لا؟؟ وهل نحن المعنيون ؟؟

رغم انه الواحد عارف ان ذلك لا يحدث الا من حاقد ومن انسان نسى ضميره او مات على احسن تقدير ولكن لماذا لك انت ؟؟ هل من باب الما بتلحقه جدعه ام لماذا؟؟

كما سبقنى الاحباب فانتى ليس من يرسل لها فايروس او يساء لها فانتى يعرفك الكل هنا انسانة كاملة الانسانية ورائعة ورقيقة جدا ويكفى احاديثك وخواطرك التى اثرت البورد وجعلت الكل يتفاعل معها فهل يكون الجزاء ارسال فايروس؟؟؟

خسأ والله هذا الشرير ولن يحصد الا ندم وعذاب ضمير والحمد لله ان جهازك محصنا..

قلبى معك
واقول لك خليك دوما صاحبة القلب الاكبر والعقل الارجح وكلماتك تكفى لتكون كالقنابل العنقودية لذلك النذل الذى قام بفعلته النكراء
ولا نامت اعين الجبنا
المتأمركين
العلوج
الطراطير
الأوغاد

وتسلمى وتسلم الحبيبة شيرى

أختي وجن

الحاصل عليك شنو ، مرة زهج ومرة هجوم الكتروني

والله قبل كام يوم فقدت ملفات عزيزة عليّ ، ولحدى الآن
ما عارف هل دا بفعل نيران صديقة ولا عدوه ، وانتى عارفه كلامنا
نحن لآنو هترشات ساكت ، إذا اتلحس خلاص راحت علينا ، لأنو بكون اصلا اتبخر من الرأس

بس برضو المسامح كريم

وياريت كلنا نكون متسامحين

والجاتك في كمبيوترك سامحتك


عبدالرحمن

هوووووووي ده ما انا




اوعك تقولي انا

انا لا باشمهندس...ولا ود اهلك

الحممممممد لله

طبعا قلبي قال شححححححححح...عارفه ليه...لانو فعلا..عادي ممكن هاكر..يخش في الماسنجر..ولا الاي ميل..ويتقمص عادي

المعني..
ابو الشباب ده..ما تظلميهو معاك ساي

وتانيا

تانيا شنو!!؟
في كلام داير اقولو طار مني!!

!!!!!!

علي بالطلاق..انا مخي اتلحس خلاص..دي ما حصلت لي اصلو قبل كده

عموما..معليش..الجاتك في كمبيوترك..وما خلت ليك حاجه..سامحتك