طق طق طق ...

بالله شوف اللبان البحبو حكايتو كيف ؟؟؟

احلى حلاوة لبان

شكيتك على الله يا العمدة كان غير المصايب ما بتجيب لينا في شئ أنا عندي كرتون لبان إشتريتو أفتح عجلاتي وأعملو رقع نار ولا ألصق بيهو طوابع ولا أبيعو أيام الإنتخابات.
ومن بكره على التيمان ولبان البخور كان ضكر كان جاوي.

العزيز قرشو

تم اسقاط بند العلك من ميزايتنا

بورك فيكم

مزيدا من البنود المستهدفة

سيروا ونحن من خلفكم نشد من اذركم

ولا لاكت خشوم الجبناء

عزيزى قرشو
وين الغياب...والف حمد الله على السلامة....


تحياتى
ودعزة

قرشو
احي المشتبهات دي القال ليك انكت فيها منو يعني القراء البوست دة واشتري لبان يكون قاصد شكيتك لشنو اقول....

الغالية غربة

معليش ياختى وحقك على

انا حامشى افتش ليك واحد نظيف مافيه متشابهات ابدا
لكن غايتو اكان انتى من النوع البشترى بالكرتونة شوفى ليك واحدة ما عندها دين واهدى ليها الباقى
ما عندكم علجات فى الجيران ولا الاصحاب..

انا بدفع ليك ثمن الباقى ولا تشتكى ولا حاجة


تسلمى يا عزيزتى

حبيبنا ود عزة

والله انا قايلك فى اجازة لانى ما شايف ليك حس ولا خبر
قلت الزول ده مشى العراق ولا شنو؟؟؟

الحمد لله على سلامتك انت يا سيدى لانى والله من ما جيت ما سمعت صوتك وسعيد الان بتواصلك عبر هذه الطقطقة الغير مستحبة ابدا

الف اهلا بيك يا سيدى وثق انه ليك وحشة

لك الود كله

العزيز قرجة

والله بصراحة انا كنت بحب اللبان ده جدا مع انى ما بشتريه عمدا ولكن نكهته جميلة جدا واتاريه فيه ما فيه...

انا المحيرنى ليه يعنى شحم الخنزير ؟؟؟
يعنى شحوم الحيوانات دى كلها ما عجبتهم
ياخى كان يعملوا شحم سمك

لك تحياتى

ولا لاكت شفاه الجبناء
العلوج

الملا عمر

تعرف بتاع الاجزخانة هارينى باللبان ده كلما اشترى حاجة يرجع لى الباقى لبان رغم انه بريال كامل تصدق ..
وبصراحة هو من افضل انواع اللبان لان رائحته نعناع ظرييييييف ولكن حقيقة زى ما قالوا يدسوا السم تحت النعناع..

ياخوى كرتونتك دى الا تديها للعلوج الفى السعودية لانه ما بفرق معاهم وعندك علج كبير فى عمليات الطيران خليه يشبع بيه وان شاء الله يضوى ليه زى ما قالت اختنا

لك تحياتى

لكن ما ممكن والباعه المتجولين يعملوا شنو

مع الخبر ده

العزيزة تيتا

ياختى منو القال ليك ما عندهم سوق

امال الناس العيونهم خدر ديل شنو
ما ده لينا نحن بس المنع لكن ليهم اليشبعوا بيه

العلوج ما عليهم تثريب ياكلوا زى ماعايزين

تسلمى للطلة

ســعــادة الـعـمـدة الســــلااااام


كما عودتنا دائما تجينا بالمفيد جـزاك الله خير


و بالمناسبة أنا واحد من الناس رغم إني أحيانا بلوك اللبان

لكن بضايق جدا من الناس البلوكو اللبان بي إهمال شديد

و قبل ساعة تقريبا كنت في البنك و للأسـف لقيت واحد سوداني طول بعرض

و الشعر به بعض الشيب و اللبانة ياها زي إسم بوستك دا طـق طـق طـق


و كمان معاها فتحة خشم


الله إديك العافية يا عـمـدة

الاخ ابو حسين

لك التحية على الاطراء والكلمات الطيبات وصدقنى انا اول من كان يعنيه هذا الكلام ولاننى لاول مرة اعرف الحقيقة موثقة ولذا كان لزاما على ان انور الاخرين..

مع انى احيانا الوك اللبان ولكنى بحق اتضايق بشدة من الطق طق طق وحتى صاحبتى فى البيت محذرها من ذلك ولها ان تاكل فى صمت لانها فعلا مسألة بايخة والمصيبة زى ما قلت لما تجى من راجل؟؟؟

الاحظ مثلك ان الكثير من احبتنا السودانيين تحديدا ياكلوا اللبان بصورة بايخة ومقززة جدا ولست ادرى هل يعتبروا ذلك شئيا من الحضارة ام ماذا؟؟

والله عند البنات بالصورة ديك ما حلو خليك من راجل بى شنباتو؟؟؟


تسلم يا غالى والف اهلا بيك

ياقرشو
مساء الخير انا قريت انو العلك او اللبان يسبب العقم
طبعا المعلومة بتاعتك دي انا كنت عارفها قبل عشرين سنة
وكنت في الفصل باكل الورق بس الاستاذ ما كان مريحني هههههههههههههه يكه

زاتوووووو

سلامات ياعمدة
بركة الشفناك بخير

ومش اللبان ده اها ده طرفنا منه

مع تحياتى
ظبية

العزيزة ظبية

الله يسلمك يا ستى وليك وحشة والله
منذ حضورى والاحظ تغيبك انتى الاخرى الحمد لله على سلامتك كمان..

يا ستى مش كل اللبان بس النوع الظريف ده هو المحظور لكن لا شك ان هنالك انواع اخرى خالية من دسم الخنزير وعليك بيها

ولا اقول ليك
ابعدى من الشر وغني له
وعليه بلبان لادى فهو طبيعى مية المية وخالى من الاضافات

وتسلمى لينا يا غالية

الزول ذاتو

يازول هوى العقم ده من ربنا خليك من الاشاعات المغرضة دى
ياخى ديل اى حاجة يقولوا ليك بتسبب السرطان .. بتسبب العقم .. بتسبب العجز ... ياخى حتى الخيار ما خلوه..

قلتى لى انت من النوع آكل الورق .. اتصور ان كل كراساتك مشرمة من الاركان وهاك يا مدغ

تسلم يا غالى ولكن حقيقة اللبان له منافع منها انه ينشط عضلات الفك ويقويها ولكنه يقال انه يتسبب فى تسوس الاسنان كذلك..

حيرتونا ياخى

شكرا حبيبنا

يا قرشو اوكت بقي فيها دفع رسلي لي العنوان النرسل الفاتورة .بيني وبينك قصة المخزون دي منه عملتها كنت ناوية اتدرب علي كرة القدم لبنيات المهم اتذكرت ليك واحد ة زميلتنا زمان في المدرسة ,الاستاذة وقفت الشرح و قالت ليها بكل زعل طيري ارمي اللبانة دي بنات اخر زمن.. زميلتنا بكل برود ردت ليها والله يا استاذة اللبان بساعد في التركيز لو شفتي لاعبي الكرة المشاهير بياكلو لبان في المبارات المسخنة.....
اهه ما تسالني الاستاذة عملت شنو بعد داك,,
لك الود قرشو