كهربتنا

درجت حكوماتنا منذ الأستقلال بتبشـير المواطن السودانى بأن العام القادم سوف يشهد تحسنا فى الأمداد الكهربائى ويأتى عام ورا عام والحال ماشى لآسوأ ولكن وبعد مجيئ الأنقاذ التى عودتنا على الجديد المبتكر فهى ظلت تردد بأن شهور هذا الصيف أكرر هذا الصيف ستكون آخر شهور المعاناة من الكهرباء وللأبد وظللنا نشاهد ونسمع هذا الفيلم حتى تاريخ اليوم.
وعليه فقد قررت اجراء الأستفتاء ادناه لمعرفة متى تنتظم الكهرباء فى جمهورية السودان مع وجود خيارات. رجاءا اصحاب المولدات يمتنعون
والســؤآل هـو
متى ينعم الشعب السودانى بتيار كهربائى منتظم اسوة بخلق الله ؟
1/ عام 2500 م
2/عام 100000 م
3/عام 1000000 م
4/يوم القيامة عصرا
آراء المغتربين مطلوبة كخبرة اجنبية

اخوكم قلقو

يا كوفى

حكاية الطمى والتربينات خلوها ولا شنو ؟؟

غايتو انا شايف يوم القيامة العصر ذاتو الكهرباء ما حاتنعدل عندنا

يازول امكن القيامة تكون باقى ليها سنتين ثلاثة

اخونا كوفي ( بس لا تكون كوفي انان ) علك عافي

مافي امل يجي يوم يكون السودان في كهرباء مافي امل وختها من هسة خيار اضافي للخيارات الاخرى

ولك التحايا

شرووم

الأخ كوفي
لقد طرقت موضوعا هاما جدا
و اظن حكو ماتنا لم تعير هذا الجانب أي اهتمام و هو الطاقة المحركة للبلد و عصب التنمية و كان كل اهتمام الحكومات فى المناصب و كراسي الحكم
و انعدمت فيهم الوطنية و طبعا جاء الانقاذيون الذين كلامهم اكثر من افعالهم و كمان يعتبروا من اكبر الكذابين الذين حكمو بلدنا و اولهم حاكمنا الموقر عمر البشير الذي سمعته يتكلم من منطقة الرصيرص يخطب فى الجماهير أنه بعد عامين و هذا الكلام منذ 7 سنوات سوف يكتمل تعلية خزان الرصيرص ليضيف للشبكة القومية كم من الكيلوات و الارطال و الباوندات من الكهرباء و تفاجأنا قبل عدة شهور بتقرير عبر برنامج فى الواجهة لاحمد البلال الطيب ان المعدات اكل عليها الدهر و شرب و تقدر تكلفتها بملايين الدولارات و قد تعطلت لاسباب عدم توفر الاسبيرات التي لا تتعدي قيمتها قيمة كفرات لاندكروز لمحافظ محافظة الفوله او الفشقه او ام فتقوبه يعني عدم وطنيه و عدم تقدير للمسئولية و عدم وجود وازع ديني يدعو هؤلاء للحفاظ على ممتلكات البلد و عدم متابعة الرئيس شخصيا لوعوده و لا ادرى على ماذا يهتم اذا لم يهتم بمثل هذه المشروعات الهامه و الحيويه و كان اهتمامه فقط بشراء السيارات الفارهه لمئات المحافظين و الولاة و رؤساء المحليات و لجان الشعبية و اعضاء المؤتمر الوطني
والله سوف نسألكم امام الله يا اهل الانقاذ عما ضيعتموه من ثرواتنا يوم القيامه و تسببكم في تشريدنا فى اصقاع الارض بحثا عن العيش الكريم بعد ان فقدنا ابسط مقوماته فى وطننا

احتمال اضافي انو لما السودان يتصنف من دول العالم الاول، والله يعلم وانتم تعملون بتين الحاجة دي بتحصل

الأخ كوفي
حكاية الكهربه أو الكهرباء دي حكاية غريبة خلاص بس إنت كمان يا أخوي سؤالك ناقص يعني زي ما العافية درجات فكمان الكهربه فولتات فإنت بتتكلم عن ياتو كهربه أم ميتين وعشرين وما فوق ولا أم ميه وعشرة ولا أم أربعه وأربعين لازم يكون السؤال محدد وعندها سوفي أوصلك سلك إن شاء الله من عمود الشارع ، وإلى ذلك الحين أستودعكم الله

مع حيى وتقديرى للمتداخلين هذا البوست الرائع من بنات افكار الاستاذ قلقو ويراعة القيم
بصراحة انا بأجرها مرات مفروشة ومرات من غير فرش
ومرحب بقلقو

مرحب بكوفي ومرحب بقلقو ، بس قلقو ده لمن بكل هذه الروعة ليه ما يكتب مباشرة يا كوفي

ٍسلام مربع

عن نسفي كنت عايزه
اختار يوم القيامه العصر

لكن حتى دي .. لقيتها ضيقه شويه
لانو جماعتكم اكيد اليوم داك
بكونوا مشغولين شغلة
شديييييييده

عشان كده ابشرك يا كوفي
ببهدلة الحال دا
في الدنيا
وانسييييييي اااااشششش
وعيش


_______
شكيتكم على الله يابوش وبليير وصدام

الاخ كوفي

الله يسهل

و ننعم بالكهرباء قريب ان شاء الله



لى قدام

الاخ كوفي
لك التحايا والود وانت تطرق عصب وام القضايا السودانيه
وحقيقي غلبنا النقولو وسط القصص التي بالنسبه لنا تعتبر بعيدة المنال ومن امثالها ان الحكومات عادة في الدول المتقدمه اذا كان عندها اشكالية صيانة في محطات التوليد او ما شابه تعلن عن هذا الامر وقبل شهر علي الاقل وهنا يعلن لنا عن برمجة القطوعات المهم قالو في مره اعلن انه سيتم قطع الامداد ولعدة ساعات في اليوم الفلاني وتهيأ الناس لهذه المشكله وقد كان ان تم اصلاح العطل دون الحوجه لقطع التيار الكهربائي فما كان الا ان قاضت مجموعه كبيره من الشركات شركة الكهرباء وخرجت بتعويضات هائله، فأين نحن من ذلك؟


الاخ الزومه
انت ايضا اصبت قلب الحقيقه
واذيدك ان عمر البشير جل اهتمامه الان ينصب في مداعبة الفاتنه وزوجته المصون الجديده والجديد شديد وقيل انه بطل رقص امام العامه لانه يتمايل طربا الان في غرفة النوم
وطبعا عمر البشير ما سواها براهو ودي بتكون مشورة خاله العبقري الطيب مصطفي مدير عام تلفزيون السودان سابقا والمدير الحالي للهئيه القوميه للاتصالات والذي تزوج بفاتنه صغيره ايضا ، وهكذا هم ابان دقون فروجهم وجيوبهم غاية امانيهم



ابونور

العزيز كـوفى سـيد الأسـم
اشـكرك بكـل مشـاعرى على اتاحتك لى فرصـة الأطلالة(كلمة الأطلالة دى
( لابد لكل مستضاف على تلفزيوننا العجيب على ترديدها
على حبايبنا فى البورد وارجوك ان تستحمل ثقالاتى وبرود دمى حتى يتعطف علينا اخونا بكرى بشقة ديلوكس ونبقى من ذوى الأملاك ونرحل منكم

مع تحياتى لأسرتكم الكريمة

اخوك قلـقو

عزيزى الملا عمر
اخوك قلقو مؤجر من صديقى العزيز كوفى وذلك لأنه ابواب الأشتراك مغلقة من طرف الباشمهندس بكرى.
ارجوك ضـم صـوتك لصـوتى حتى نرحل من شقة الأخ كوفى ونريحه من خلقنا دى شـوية مع تحياتى للعزيزة ميادة واقول ليها الله يسمـع منك

اخوكم قـلقـو

الأخ/ كوفي
يا أخي لو ما لقيت إشتراك وما في فرقه نهائي في المنبر أقدم تنازلي لك أو الأخ/ قلقو وأدخلوها بسلام آمنين بس أدفعوا بالتي هي أحسن يعني إتحرك شويه.

العزيز جدا كوفى
شكرا للايجار وللقاء مع ناس البورد الظريفين
قلقو شكرا للتنوير بخصوص الايجار من الباطن
انا غيتو مؤجرة بالدولار عشان كده الكهرباء ما بتقطع مننا مغتربين يعنى ولا نتحمل الحر والباعوض وجنريترات الجيران


محظوظة

السادة والسيدات والانسات الملاك
الاخ الكاتب النحرير قلقوا والاستاذة محظوظة المستاجرين الظراف
اولا كهربتكم دى محتاجة ليكهربة عشان تنور
ثانيا ظروف كهربة السودان نفع فى استبغاد الكهرباء كاداة تعذيب خاصة لانهم جربوها لقوا الناس بتضحك لانو بيعمل دغدغة بدل الشحمطة,,وعشان كدة استعملوها للتعذيب العام,,,

يا كوفي خوفي منك يكون عندك جنريتر

ها ها ها ها ها

والله ضحكتينى يا شيرى بقولك

اختار يوم القيامه العصر

لكن حتى دي .. لقيتها ضيقه شويه
لانو جماعتكم اكيد اليوم داك
بكونوا مشغولين شغلة
شديييييييده




ويا كوفى سلام

إذا كانت الكهرباء بمثل هذه الخيبة كيف يكون الحال مع خطوطنا الجوية السودانية سودان طير: يوم القيامة العشا

يامحظوظة
ولانك مؤجرة بالدولار اكيد ليكى معاملة خاصة بس اوعى تكونى من ناس (الانقاذ) فى الاول بيدفعوا وفى الاخر بيشيلوا الجمل بما حمل
الجنريترات بتاعة الجيران حتخف بس هم يخففوا الطبل دى شوية عشان الحرامية يتصرفوا
اما الباغوض فلامر للة وحدة ودى ما فى الفاتورة
غايتوا استنوا اعلاناتنا فى التلفزيون