آمال وآلام .... حلم

لـيـه يالجـرس
إنشا الله خشمـك بالخـرس
صحيتني من أجمـل حلـم

شفت الجميـل ... زي القـمـر
بدر التمـام
غاب العـذول ... طاب السمر
قصـر الكـلام
أشكيلو ويل ... يبدي الخفـر
يخفي الهيام
ولما الحبيب يادوبو حنّ
أوّه وأنّ
وبدا الكـلام
يادوب بكى
لان واشتكـى
بالشوق حكى
وأعلن غـرام
تجـي فجـأة تضـرب ياجـرس
إن شا الله خشمك بالخـرس

تحرمني من شوفـة مناي
أصلك جماد لا عرفت شوق
لا سهرت ليل
خالي الفؤاد ما عرفت نيران الفراق
لا هم عزول
إيـه كان يضيرك لو صبرت علي قليل
أبكيلو ناري
وسبب وداري
يمكن يميل
أشكيلو شوقي
ذُلي وخضوعي
ونفاد دموعي
صبري القليل
إمكن قليبو
يرحم حبيبو
يكفيني جورو
ويفوح عبيـرو
يشفي العليل
تجي فجأة تضرب ياجرس
ان شاء الله خشمك بالخرس

أخي سنجاوي
يقولون أن كل كتاب عظيم هو عمل .. وكل عمل عظيم هو كتاب وأحسب أن هذه المعلقة أو ذات الأجراس تلك هي كتاب عظيم.
أهمس في أذنك أخي سنجاوي يا راجل إنت وقت جرسه كده البخليك تساهر لي نصاصي الليالي شنو.

فضيلة مولاي الملا عمر

عاطر التحايا وأطيب الأمنيات

شكراً على التقييم .. أما حكاية السهر يامولاي فما عارفك نقشتها كيف .. يكون تشابه عليك البقر مع اختلاف المواقيت بين تورا بورا ومكان إقامتي

أرجو أن تبلغ تحياتي للأسد ومن أسمائه هناي

شوف يا سنجاوي يا أخوي حكاية السهر دي ما دايره ليها فروق توقيت وأنا والله لو ما فوقك الملائكة كنت فسرت ليك أكتر بس كدي خليني النحلق ركشات قندهار لأنو الوقت إتأخر وناس السينما قربو يطعلو.

مولاي الملا عمر
نقشتها

زيد عليها تلاتة ساعات
تلقى جدادنا يتحاوم

مسؤول من الخير
فلان الما بجيب اسمو
انقرض ولا جاكم في تورا بورا واتقابلو الاتنين
والعين تشوف العين
والإيـد تصافحو

عفريتة أولى