Post: #1
Title: صـــدام.... اتفتحت الواطــا وبلعتــو
Author: سجيمان
Date: 04-11-2003, 11:18 PM
ديش امريكا وديش بريطانيا........ دخلو بغداد...واتحكرو فيها...المحيرني ومجنني... صدام وينو؟ الناس المعاهو وينهم؟ الديش حقو والدياشة الكتااااااااااااار ديك و ينهم؟....... العدة والعفش حقات الحرب وينها؟.....القيامة دي كلها تتفتح الواطا وتبلعها؟ النضم دا د حين بيدخل الراس؟ والله زولا عاقل بيعقلو.؟....... قالو عندو بيوت وبلود تحت الواطا الت بغداد..... نان بيوتن غلب امريكا تعرفها؟هم عرفو عندو جالونين الات كيماوي.... غلبتهم دي؟..... قالو... في الليل اتفق معاهم وبراحة اتسحب ومرق.... ومعاهو ناس الحيكومة اللتو..... اها طيب... باقي الدياشة؟ والحرس الجمهوري؟....والدبابات والطيارات.... والمدافع....والمجروسات....والعدة دي كلها مشت وين؟..... غايتو....انا خاسة نفسي.... النضم دا باقي لي كضب كضب....ناس يقولو ديشو فيهو اتنين مليون والحرس الجمهوري اتنين مليون....الملاين دي كلها في ليلة واحدة تغطس....قولو ما ملايين قولو الاف بس برضو تغطس في فرد يوم؟......علا امريكا دي يبقى عندها سلاحا جديد ...و ...داساهو من الناس..والسلاح دا يغتس حجر البلد كلها لا اتر لا نضر.....غايتو ان بقى عندها السلاح دا؟ شكيتها للا نام ولا ضاق طعام.....والله يكفينا شرها...ويشدهها...في نفسها....والله يحفضنا ويحفض دياشتنا...ويحفض عدتنا...الداسنهاقبال المارقنها في السهلة.....ويحفض بلدنا من امريكا ما تقبل عليها.... وتتفتح الواطا وتبلعها....وتبلع الناس القاعدين هناك....ونحن البرا البلد ديل ..نتمخول ونركب الظلط.....
|
Post: #2
Title: Re: صـــدام.... اتفتحت الواطــا وبلعتــو
Author: SAMIR IBRAHIM
Date: 04-12-2003, 00:21 AM
Parent: #1
يا سيجمان وزير الاعلام الصحاف ...قالوا عقد موتمر وقال....ده خدعه امريكيه في التلفزيون ...الدياشه بتاعين امريكا وانجلترا لسع بعيدين من بغداد زي مائه وخمسين ميل....دي يا خوي اشاعات
|
Post: #3
Title: Re: صـــدام.... اتفتحت الواطــا وبلعتــو
Author: سجيمان
Date: 04-12-2003, 02:11 AM
Parent: #2
يكون نضمك دا صح يا سمير؟
|
|