فيها شنو كان عرست .... نانسي عجرم

امبارح بعدما أصابني الاحباط من الحرب في العراق ومناظر الأطفال المصابين والجرحي وقوافل الشهداء واخبار القصف المتواصل اخدت الريموت وقلت نغير القناة ونشوف لينا شيتن شوية يخفف المصاب .
مريت على قناة نغم لقيت البنية البقولو ليها نانسي بت عجرم ، وزي ما بحصل معاي في كل مرة اشوفا فيها لقيت ليك نفسي سارح معاها وتايه في عالم تاني وبعد تفكير طويل طلعت بالقرار الحاسم ده وما حاتنازل منه ابدا ومهما تقولوا أو تعملوا
قررت أن اتزوج نانسي بت عجرم أيوا وانا بكامل قواي العقلية قررت امشي اتقدم لي عمي عجرم واقول ليه والله ياعمي عجرم انا طالب القرب منك في بينتك نانسي . طبعاً الراجل ما حيصدق وحايقول على بالطلاق بالتلاتة نعقد ليك هسة دي عليها وكمان العقد يكون في الخرطوم .
الحقيقة فوجئت بطلبه خاصة والعبد لله من المفلسين دوما وبعدين ما كنت مجهز نفسي لمسألة العقد في الخرطوم دي عشان كدا قلت استعين باخواني في البورد على حكاية العقد في الخرطوم دي وبناء عليه رسمت الخطة التالية لمراسم العقد وحفل الزفاف
طبعاً الحفل حايحيه الأستاذ الموصلي اللي بجي من أمريكا وعلى حسابه الخاص لاحياء الحفل ومعاه أستاذنا حمزة سليمان ، برضو قرر انو يغني في الحفل وبرضو ملح والجية من الأمارات والرجعة على حسابه الخاص تصدقوا .
أها بقى كون العروس نانسي بت عجرم ما بتعرف في أمور الحنة والدخان حا نوكل المهمة دي للعزيزة تماضر ايوا تماضر شيخ الدين اصلها خبرة وعندها نظرة فنية ، وكمان عاشرت أجناس كتيرة غير سوادنية وبالتالي اكتسبت الخبرة الكافية .
الأخوات شيري وبت قضيم قررن بقومن بعمل خبيز العقد وشيري قالت إنها رغم الحرب مؤثرة فيها بس حاتجتهد وتطلع لينا حاجة ما تخلص من الخبيز بأنواعه .وبت قضيم قالت اصلو خبرتها في الخبيز ماليها حدود.
أخوانا أبحراز وابو يسرا ديل ناس ضبح ساااااااااااااااااكت يشوفو الخرفان بي وين ويمشو على النمرة الفاضية ديك يضبحوا فيها ويقطعوا اللحمة ويجهزوها تمام التمام .
كبير البيت بكري قال متبرع يجيب الساوند وكاميرات التصوير من أمريكا ويجي يحضر الحفل ويشرف على تصويره بالكامل وكمان حلف من حق الساوند ونواصل

اها يا استازتنا ( وعفوا لعدم وجود حرف الزال على جهازي المجنون دا
الموصلي وحمزة سليمان

بتجو وللا عندكم رايكم علي الطلاق اللي مايجي يحضر عرسي من بت عجرم بس اللامي والفارقي ويا بت قضيم وشيري اخير تتكربن مع عروسي وتقيفن الف احمر
بكري ياخوي انا معتمد علي الله ثم عليك في الساوند والكاميرات وماتقصو ضهرنا مع البنية بت عجرومي

الاخوان البورداب عايزين زول يمسك الكشف وواحد للضيافة وناس الربة يظهرو على جنب برضو
والباب مفتوح للمقترحاتشرمرم

يا شرووووم ياخوى

اول حاجة ورينا نانسى دى منى وانت شفتها وين وكان تنزل لينا صورتها ياخى عشان نقول راينا فيها مش اى واحد يمشى يلقط لينا من الشرق ومن الغرب ويجينا ما كفاية اخونا عكسو ياخى ؟؟


المهم ورينا انت شفتها وين وفى ياتو قناة وبتغنى شنو ؟؟

انت لحقت اخونا جيمس ولا شنو
اخونا تمبس ورانا بضاعته والله شرط للارض
وتستاهل لكن انت ما عرفنا ليك صرفا ولا عدلا

يا زول ما تشيل هم
ونحن نشد من ازرك
لووول
اها بس شفت نخرت البت دي قبل ما تعمل عملية تجميل
تتذكر شامير الاسرائيلي؟
والله يمكن نخرته كانت احله من حقته
النبي الزول ده مات متين ما سمعت بيه؟؟

اها بس خد بالك من العوامل الوراثية عشان التجميل ما بنفع معاه

يا عم قرشوانت ما بتعرف نانسي عجرم
امال بتتفرج سنو في التلفزيون لووووول

تحياتي
زولة123

يا شروووووم والله مبروك ...ده كلام صاح

يعني داير تحسن النسل وكده

يا عمده ...

البضاعه لبست الطرحه ودايره توب كمان
حاول شوفنا بي توبين تلاتةمن النوع الحريف داك



يازولة 123

والله نانسي دي برضو ما ادونا ليها ولا شفتها
لكن كان المسالة فيها ( نخره )انا كان محل شرووووم بعمل ماسمعته حاجه والا رايك شنو ؟؟؟

قرشو يا الحبيب كيف حالك

يا زول انت قاعد وين لي يوم الليلة ما شفت بت عجرم
الحق نفسك وحصل شوفا قبل الامريكان ما يشوفوها
في قناة جديدة اسمها قناة نغم بتجي على الديجتال بتجيب بت عجرم زي عشرين مرة في اليوم انصحك تمشي تشوف اغنيتها اخاصمك اه اه اه وبعدين براك بتعزر اخوك شرووم

نشكر لك الطلة بس ما وريتنا مشاركتك في العرس بتبقى بشنو

حاول تملا جيبك عشان الكشف حايكون تقيل خالص وبالدولار


شرووم

زولة 123 الزولة الرائعة

اسعد الله اوقاتك

اشكرك حتى اتكرمش على مؤازرتك وتأييدك ، بس ما تبقى زي مؤازرة الدول العربية لشعب العراق

بعدين حكاية النخرة دي يطرشني منها الا كان كلامك ده ، اما حكاية النسل وكونه بجي على ماقبل التجميل يعني بالنخرة الاساسية دي مامشكلة يا بت عمي لانو نخرت ناس عمي عجرم نخرة معتبرة وفي كل الاحوال احسن من نخرة آل شرووم

مرة تانية مشكورة على مرورك على صيوان عرسنا الميمون


شرووم

تمبس يا الغالي

صبحك الله في رضاه

يا زول والله ما تقول لي ، وكمان بالطرحة ما شي عجيب ايوا ده الكلام الصاح لمن صاح
لكن والله بت عجرومي دي كان لبست لي الطرحة مابنتحر ليها طوالي
ويا خوي نحن من دعاة تحسين النسل وبشدة وبقوة ونشجب وندين كل محاولات معاكستنا او معارضتنا في اتجاهنا ده

نشكر لك الطلة واخونا جيمس مشكور نزل صورة للعجرومية لكن دي ما الصورة اللي انا بشوفها اليومين ديل خلي بالك تكون قبل العملية القالتها اختنا زولة 123

يديك العافية



جيمس اخونا وحبيبنا
هلا بيك وبي طلتك
ومشكور حبيبنا على صورة المدام طبعا انا كنت ناوي انزلها بس قلت ياود ما تنزل صورة مدامتك على الانترنت عيب

هاهاهاهاا
بس يا جميس برضك ما وريتنا بتجي العرس وللا لا ومساهمتك شنو معاي لاني العرس ده بتم بالمساهمات البوردية

ولك تحياتي وودي

شروووم

نحن بنجى ونغنى
لكن يا شروم ح تبراك برى
اخاصمك اه
وحتبقى ليك فى رقبتك دى
اسيبك لا

شروووم
انا طبعاً مابعرف نانسي بت عجرم دي
لكن بعمل ليك الخبيز بناء على الصور النزلوها الشباب هنا
البت شديدة شدة الحرامي السرق التلفزيون والمسلسل مدور
ورغم ما قد تسببه لنا هذه الشدة من ضيق نفس وحرقان روح لكن لا فرار من الاعتراف بها
الله يجازي محنك كان في داعي للعقد دي؟؟؟

بس بالله عليك دي بتعمل شنو بالضبط؟؟؟
بتغني واللا دي الغنا بقولها
ما شاء الله

استازي حمزة سليمان

كم انا سعيد لطلتك علينا في صيواناالمتواضع دا وابداءك الاستعداد للغناء في حفل زفافي من زينة البنيات نانسي بت عجرومي خلاني اطير فوق السحاب بلا جنحين

قلت لي البنية بتبراني وتحلف ما تفارقني انا بعد الم فيها يا المبروك ما داير شي خلها تبراني انشاء الله ابقى متل الابرة من كترة البري
يديك العافية استازنا ومشكور على طلتك زات الاشعاع الابداعي

شرووم

يا عم قرشو والناس الما سمعو خطيبة شروم بتغني
لاكن ما تقولوا زولة تساهم في نشر الفن الهابط في البورد لوووول
انا بس باعرفها على الناس
لو باعرف اخت الفيديو كليب كان ختيتوا بس تجيبوا لينا اذن من رقابة البورد


اها يا شروم جامعة الدول شنو , و نحن تأييدنا من شدة ما قوي ولا حلف الناتو
انت بس انوي وشوف التأييد كيف


اما النخرة عندي مجلة قديييمة حانبش كدة وكان لقيتا بانزل صورتها زمان
لاكن يا زول وماله بعد العملية حلوة وولادها بعدين زاتهم اعمل ليهم عمليات

تحياتي
زولة123

بت قضيم
سلام يتمدد من هنا لي هناك محل قاعدة

انا طبعا ختيت فوقك حمل تقيل واتكلنا عليك تب في موضوع الخبيز ده خاصة انه ما موضوع ساهل العروس كمان من لبنان وديل اهل الحلويات واهل الخبيز لكن متأكد انك وشيري حاترفعو راسنا فوق كالعادة

مشكورة على الطلة اللي جات بطعم البتي فور وحاولي تكتري من البتي فور والكعبك


شروووم
لك تحياتي

حبيبنا شرووم
مبروك يا عم ويا بختك لكن اخوك خايف عليك بعد فترة البت دي تتقلب ليك نانسي جاكسون بس
اها ما قلت لينا صيوانكم ده في ياتو شارع
لاني بيني وبينك عايز اشوف لي واحده من اهل مرتك ديل
بس بشرط يكون اسمها (فاطنة) يا ربي بلقاها

زولا 123

الليلة صيوانا نور مرتين بطلتك عليه اهلابيك

بالله مش انا معزور ، بعدين البت غناها ما هابط ولاشي بس الناس يعاينو ليها يكتشفو انو غناها ما هابط لكن كان سمعوها في الرادي وللا المسجل انا ما لي دخل
بس الاغنية ما ظهرت عندنا

لك التحية تاااااني وحكايتي المجلة خليها لاني عزمت وكان نخرتها بقت زي خرطوم الفيل انا ماني مغير راي تب

يديك العافية


شرووم

صديقنا معتز

مرحبا حبابك الف يا زول وادخل لاجاي وجر الكرسي داك
صيوانا واضح ووصفه ماصعب انت بس اسال قول محل عرس نانسي عجرم وكان بقيت في استراليا بوصفو ليك

أما حكايةالنسابة دي فخليها علي انا بكلم ليك عمي عجرم واكيد ما برفض لي طلب اصلهم ناس عجرومي ديل ناس طيبين وقلبهم يسع الكل ما بحرجو زول

شكرا على مدة راسك في طاقة صيوانا الكبير ده

شرووم

شروم يا خوي قلت ا لي ناننسي منو........عجرم؟
ودا من شنو دا
looooOOOOOOOOoooooooOLZ

ايهاب
تحية خاصة بطعم العجرم وانت تطل على صيوانا الكبير ده

بس اوع يا ايهاب يا اخوي تقولي انك ما شفت نانسي عجرم ؟؟؟؟ بتكون بالجد مسكين وفاتك الكتير وعليك تحصل نفسك بسرعة اوي اوي على قولة ابناء شمال الوادي

نشكرك على انك جيت تاوقت لينا في الصيوان
بالمناسبة ما تسالني من عجرم دي شنو لاني ما عارفها انا زاتي لكن بسال ليك العروس عنها واحنا قاعدين في الكوشة بس تعال بارك لينا عشان اتزكرك هاهاهاهااها


ولك تحياتي

شرووم

استازي الموصلي

الظاهر عليك نويت تعملها وتزوغ ما تجي تحضر معانا عرسنا لانك لسة ما أكدت انك جاي وللا لا على كل حال نحن قاعدين حارسنك لمن تجي وبنية عجرم وقع منها حلف قالت انك لوماغنيتو انت واستازي حمزة بترجع في الموضوع كله
دحين ياالموصلي يا حبيبنا لا تطرشق علينا الموضوع نحن ما صدقنا البنية وافقت

ويديك العافية استازي

شرووم

الاخ شرووم
بجد انا اعرف خطيبتك جيداً وساعدني فى معرفتها اجهزة التجسس في السودان لقد سالت وعرفتها والبوست هذا سيصلها عبر اخونا ود العجمي وانا لم اكن اشاء ان الخبط لك اوراقك لكن زجك لاسمي مع ابو حراز هو السبب لان زوجتي من متابعي هذا المنتدي وعارفة ابو حراز زول بتاع جكس ووجودي معه في عملية الذبح تعني ان هناك علاقة بيني وبينه وهذا ماترفضه حرمنا خاصة مع الدخول المكثف لبعض الوجوه النسائية الرطبة مؤخراً للبورد

الاخ العزيز ابو يسرا

لك التحايا بقدر عدد الامتار التي تفصل بيينا

رغم تلميحاتك يا اخي ابو يسرا بس ما قلت لي شفت البنية بت عمي عجرم وللا لا وهي تستاهل وللا لا ؟
أما بخصوص خطيبتي فأنا اعلنتها من أول يوم شفت فيه بت عجرم انو دي ياها خطيبتي ومش حاتنازل عنها ابدا مهما يكووووووووووووووووون ،
وهل معنى كلامك انه ود العجمي اصبح جاسوس ، انتظر اجابة من ود العجمي الزي من المتوقع تكليفه برش ارضية الصيوان حتى لا يزعج الغبار بت عمي عجرم وفرش الرمل الصفراء الفاقع لونها حتى يشغل وقته بما هو مفيد له ويبتعد عن اعمال التجسس اللي تودي في دهية خصوصا مع فوران امريكا ومقصها الي شايلاه لكل من طال شعره لك التحايا وليسرا وامها وود العجمي

شرووم

شرومي كيف عمو عجرم معاك

اها ازول نحنا جايين ومعانا ضبايحنا

بس قول لي لوجاك ود اخوك لي بنتك بتديها ليه ولا تقول ليه انحنا ننضف وانتو عاوزين توسخو

عزيزنا عباس

اهلا بيك وبي ضبايحك اتفضل على الصيوان لي جوة

ياخوي والله سؤالك صعب خالص خالص لكن نتكل على الله ونقول انه الامور كلها في ايد بت عجرومي انا ما لي دخل فيها هي اللي ليها الحل والربط كان عجبها ود اخوي بتديه وكان ما عجبها كمان بتها وحرة فيها واكيد حاتقول والله مرتبطين أو البت عاوزنها تقرا

لك التحية صديقي

شرووم

تحياتي اخ شروووم

انا جيت غاشية بي جاي قلتا برضو اقوم بي واجبي

مع الجماعة

وقررت اني اعلم ليك مرتك رقيص العروس ((السوداني )) اكيد

وما اعتقد اني ح اعاني معاها

واجهزا ليك ليوم الوقفة وكدا

ولارايك شنو





سوما / جدة

العزيزة سوما لك التحايا

ومرحب بيك في صيوانا الكبير المتواضع جدا وحللت اهلا ونزلت سهلا

والله مشاركتك قمة في الروعة وانا من زمان محتار في تعليمة العروس خصوصا واني من مؤيدي رقيص العروس ومن الاولويات عندي وفكرت اشوف واحدة مختصة من السودان بس مادام العرض جاء منك انتي فاهلا بيك وزي ما قلت العروس مابتتعبك كتير يعني نقرة نقرتين في الدلوكة وتلقيها بقت معلمة في الرقيص السوداني وللا شنو رايك

نشكرك على الطلة على الصيوان الكبير ده

وتحياتي

شرووم

سلام مربع

لست حاسده ولا بغرانه
لكن بتشبه روحها
ويخسسسسسسسسسسسسسسي كمان عامله
عمليات تجميل ..
تنقصي يانانسي بت عجرم
انت يا القاهر
وحات سيدي حسن انا بشعري اللي كل ثلاثة
عاملات انقلاب احلى منها
عارف ياشرووم انا
بالجمبه احلى منها
شكيتك على الله يا شرووم
الكان عايز تبور سوقنا
كتر خيرك ياجميس انا اليوم
حا احاول اجتمع باللجنة الدائمة للمراة السودانيه
عشان نقدم ليك جائزة مناصرتنا في قضية حيويه مثل هذه
اصلوا ناس شروم ديل نحن لو ماشيننا عليهم حمله
ما بجيبوها البر
شوفت كيف ياشرووم اهو قالوا ليك الشناه دي كلها مااصليه
تقليد .. وكمان قالت مابتنكر
امشي كده ياشبه محلات قطع الغيار
ياخطافة الرجال
سجمي انا مانبذت المرأة رسمي
لكن ماغاظوني ياجماعة
يعني نحن بشناتنا اقصد بي حلاتنا دي نطير نمشي وين ؟؟


______________________________________________________
شكيتكم على الله يا بوش وبلير وصدام

شيري الرائعة

هلا وبيك وبمشاركتك في صيوانا بتاع افراح الشمالية الكبير ده

انتظرناك كتير انك تجي وتدخلي مع بت قضيم حسب الخطة المرسومة لعمل الخبيز وما يلزم من كعك وبتي فور وكل الحلويات وسمحنا ليك كمان تستعيني بصديقتك السيريلانكية نصف وبعد كله جاية متأخرة وجاية تشاكلي مدامتي والله ياشيري كتر خيرك وبارك الله فيك ، غايتو نعتبرها ليك غيرة ساكت وبغرانة من السماحة الكتيرة دي لمن البطن تطم منها عشان كدا نسامحك ونقبل جيتك المتاخرة ونرحب بيك ترحيب حااااااااااار
أما قصة النخرة الفيها عملية دي يا بت الناس ده كلام جرايد ومجلات وما بهمنا كتير المهم هسة هي زي القمرة وده المهم في الموضوع كانت شنو وللا حتاتبقى شنو ده انا ماني سائل فيه يالله قومي شوفي ليك بنبر ( بكتبوها كدا ياربي ) وتعالي الحقي بت قضيم دي قلبه اتقطع بالشغل وانت زايغة بهناك مع بوش وبلير

لك التحية على الطلة وشكرا على مرورك بصيوانا

شروووم

ٍسلام مربع

انا اقعد في البمبر واشتغل في عرس
الحلبيه السمشينه دي
مالك يا ود امي عايز تقهرني
وحات نظري البنيه بتشبه روحها
وحات نظري انت عايز
تقد فشفاشنا الاصلو منقدي
اها نسميها رضينا بعرسك
بس ح تختها بعدين وين
معقوله تقعد ليك في الكوشه كده سااااكته
زي عروساتنا ..ديل في عرسهن بكشفن كمان

امشي خليها ترقص ليك في العرس ولو مانقشوها ليك اهل العوض عين
يخلوا ليك كل عظمة دخلت نخرتها تمشي براها
تتخلخل العمليه وتقعد شناتها بحالها


سلمت ياسيدي للعزومه
لكن بت قضيم وبنات حلتنا كلهن زعلنات جنس زعل
اسكت خليهو ساي
العلمتوا انت اتخت ليك
عاد اتلومت يا دا
البنوت كلهن فاتحات خشومن وراجيات جيتك
تقوم تجيب معاك الحلبيه ام نخره دي
تجازي انت يا نانسي بت عقرب




___________________
شكتيتكم على الله يابوش وبلير وصدام

الاخ شروم
ناسف للمشاركه المتاخر
انا على التلج لوالعرس فى الشتاء
وجاى معاى ناس البيت كلهم
ودعقاب

هلا شيري
طلة تانية جات بطعم الحلومر والقمردين
ونورت الصيوان تاني

الظاهر عليك يا بت عمي مابتعرفي شي في الخبيز ودايرة تغطي علي دا بانك تسوي شكلة مع العروس وتحردي وتمشي بيتكم لكن اصلو ما نطيك كان ما بتعرفي تسوي الخبيز محلك جاهز في غسيل العدة بهنااااااااااك في الركن داك خلي الكلام الكتير والنضمي وامشي على البنيات ديلك غسلي ليك ماعون ماعونين
اما العروس انا اتفقت مع عمي عجرم اتفاق رجال وتب ما بنط في كلامي وما بخليها ان بقيت حي شفتي كيف ،،، وبنات الحلة انا برضيهن ليك بس انتي كدي قولي بسم الله وختي الرحمن في قلبك وقولي مبروك لاخوك شرووم ، وخليك من نخرة عروستي لاني من الله ما خلقنا ما شفت لي سماحة نخرة زي دي وما مهم بعداك ان بقت بعملية او من بطن امها جات كدا

شكرا مرة تانية ونشوف غسيلك للعدة بكون كيف مادام فشلتي في الخبيز

شرووم

هلا ودعقاب مرحبتين حبابك

اتفضل على الصيوان لي جوة ، يا زول ماك متاخر ولا شي ونحن لسع في التجهيزات والحقنا بالتلج وكمان كان غشيت بيغادي مصنع البيبسي تكون ما قصرت معانا تب وربنا يخضر ضراعك

لك التحايا وربنا يديك واحدة عجرومية زي بت عمي عجرم دي

شرووم

معقوله ياشرروم بوستك الجميل ده يفوتني اولا
انا اعتذر عن انني لم انتبه له وهذا من عيوبنا في هذا البورد
ولكن ياصديقي اذا قبلت نانسي زواجك او عرست واحده سودانيه احلي الموصلي بجي يغني ليك ومعاهو حمزه وعركي كمان ايه رايك
شكرا علي اغنية ناننس خفيفة الظل
انا جهزت شنطتي خلاص

اســــــــتاذي الموصلي

لك التحايا وانت تطل على صيوانا العامر بيكم وبالاخوان الحلوين ديل
علي الطلاق بت عجرم زاته ما حاتصدق انك حاتغني في حفل عرسنا الميمون ، وانا بعد كلامك ده زاد طولي متر لي فوق وخلاااااص تاني ما شغال بي زول اعرس بت عجرم ويغنو لي الموصلى وعركي وحمزة يا للهنا ويا للسرور ويا بختك يا شرووم

اشكرك يا استاذنا مرة تانية على طلتك واستعدادك للجية للصيوان ومن هسة انا فضيت صالون جدي محمد تجي تنزل فيهو طوالي

ولك تحياتي وودي

شرووم

شرووووم

تحية عجرمية خالصة

والشكر موصول للحبان تمبس وجيمس وزولة والله لكن البت شديدة وما بتنفات تب يا زول..

غايتو بناتنا مع الموضة العجرمية دى راحن شمار فى مرقه يعنى نحن نجيب عرسان لى بناتنا ديل من وين ؟؟؟ الله يجازى الفيديو كلب ياخى..

يازولة الاغنيةالهابطة ما اشتغلت لكن عشان خاطر شروم حامشى اشوف قناة ال ال بى سى وشقيقتها عشان اشوف العجرمية دى بس ..

غايتو انت وتمبس بتسوا فى جنس واحد ؟؟؟؟

ده زمن فاتنا يا اولادى وراحت علينا العروض دى

قرشووو الغالي

لك التحايا ،وانت تحييني بتحية جميلة ومتفردة ومتميزة

كنت متأكدانو البنية بتعجبك وبتعجب اي زول يشوفها( رغم محاولات الرائعة شيري لاظهارها بمظهر ذات الجمال المصنوع ) والاغنية يا سيدي مامهة بقدر اهمية طلة البنية بت عمي عجرم وعلى كل حال ممكن تزور الموقع ده وتسمع الاغنية وكمان تنزلها نغمة على جوالك
http://www.melodyhits.com/
وشكرا على طلتك التانية وماتنسي يوم العرس تجي من بدري عشان احتمال تمسك الكشف

شرووووووم

ألف مبروك يا شروم وبيت عجرم وشروم بس ما في طريقة نانسي دي تعمل عملية تجميل للوالد يعني بدل عجرم يكون أشرم ولا أكثم ولا أخرم أى حاجه غير عجرم دي عشان الواحد لو عاوز يخاطبها بلغة المسلسلات الدينية ما يقول ليها ثكلتك أمك يا بنت عجرم أو ويحك يا أبنة عجرم
ولو نانسي عملت عملية تجميل أو عمليات تجميل ناس ست النفر بت عثمان وبت المنى خير السيد يعملوا شنو الغريبة في حاجه الله يديها الصحة والعافية إسمها ست البنات والله دي إلا تكون ست بنات كشتنيه.
مبروك يا عريس حبيب ألبي باللبناني

و الله لـي كـم يـوم بـقـرأ العـنـوان دا لـكـن قايل قـشـاري عجرم



دي جارتكم و لا صاحبة أختك و لا حاجة


لـكـن أمس شفتها بتغنى حتى وقع لي الكــلام


لـكـن قالو العروس زي مايكل جاكسون العـداد كـلـو ماشي لي دكاترة التجميل



صـحـي الكــلام دا و لا إشـعـاعــات ســاكـت ؟؟؟؟

العزيز الملا عمر

هلا هلا بالملا وعساك طيب , كيف اخبار اخونا بن لادن

اشششششكرك على طلتك على صيوانا الواسع دا واقتراحك بتغيير الاسم جميل بس كمان انا في بالي ان كرت الدعوة بكون جميل لو ظل اسم البنية على ما هو عليه شوف معاي الكلام الجميل ده
آل عجرم و أل شرمرم
لهم عظيم الشرف بدعو سعادتكم لحضور حفل الزفاف ابنتهم إلى ابنهم

يعني اظن فيها جمال مش كدا

لك التحية والتجلة ومرحبا بك ادخل لاداخل على الصيوان

شرووم


الحبيب ابو حسين

علك عافي آزول
يا زول انت كت وين لي يوم الليلة ماشفت بت عجرومي غايتو بالغت عديل وزعلتني منك وبس شان خاتر البنية قالت يسامحوك انا بقول ليك المرة دي سماح لكن حاول انك تعرف بت عمي عجرم كويس عشان لا نزعل منك تاني

لك التحية وادخل لاداخل وشوف لك محل جنب الملا عمر بهناك

شرووم

سلام مربع

شروووم

جئتك من نانسي بت عجرم
بشمااار

قالوا
..
..
..


اها والامير العربي
شافها في حفله في بيروت
قال ليها تعرسيني
مرق ليهو دفتر شيكات على بياض
وساب ليها الشبح
عربون محبة
..
..
..

هي زاتي من شناتها الزمان
لمن عملت عمليه تجميل في عينها
وخشمها
وجضومها
واضانها ذاتها كانت طوووووويلة

غايتو الله يخلي لينا الامراء
واطباء التصليح
اقصد التجميل


________________
شكيتكم على الله يابوش وبلير وصدام

اخي شروم السألتني منو دا ناس السي آى إيه ما عارفين مكانه أعرفو ليك أنا ، وبعدين بمناسبة آل عجررم وآل شرمرم دي زي بيت الشعر الكلو شربكه داك:
وقبر حرب بمكان غفر وليس قرب قبر حرب قبر
يعني تقولو مرتين تلقى نفسك غلطان فيهو ثلاث مرات على الأقل وأكيد الحفلة حا تكون في وادى عربه وحا يحيها المطرب الكبير ود السافل.

العزيزة شيري

اهلا بيك مرة جديدة ، وهسةانا كنت بتفقد في الصيوان ماشايفك جنب محل العدة اللي قررنا نحولك ليها بعد ما اتضح لي عدم معرفتك بعمل الخبيز والحلويات والبنبر لسة فاضي

وده شنو كمان الجيتي بيه الليلة ده امير شنو يا بت الناس مالك دايرة تخليني اعلن انتحاري اليوم ، بس اظنك ما زلت تحاولي ابعادي عن بت عجرومي لكن ما حاتنجحي في مساعيك دي لاني حاغني ليها اغنية وردي
مابخليك ان بقيت حي
يا قصيبة السكر الني
هووووووووووووووووووووووووي يا شيري بطلي اشاعات والبت دي ابوها ( عمي عجرم ) مضاها لي والموضوع ده انتهي وبلاش تودينا في داهية وخلينابعيد من الامراء

ولك تحية خالصة
شرووم

اخي الكريم ابو يسرا

اسعد الله اوقاتك

لكن ما تقول لي ما اشراق عديييييييييييييييييل كدا شوف بالله قمر اربعتاشر ده منور كيف
الليلة الصورة دي كان شافتها شيري بتموت خشمها فاتح ،،،،، والله ربك قادر على كل شي

اشكرك كتيييييييييييير على الصورة الجميلة وتقرر نقلك من لجنة الضبايح إلى لجنة الاستقبال في خشم باب الصيوان وسوي عمتك الكبيرة وتعال من بدري

تسلم يا ابويسرا وتسلم ليك يسرا

ياشروم تصدق كل ما افتح التلفزيون الاقي خطيبتك هههه يكه
الف مبروك يازول وانا بعد تعرسها ح انزل اغنيتها في الموبايل

بس لازم تعزمني لو ما عزمتني ح اخاصمك


اهـ


بعدين انا زاتي ح اعرس باسكال بت مشعلاني ونعمل اتحاد وانا اكون اخاصمك اها وانت بتروح بتروح هههه يكه

يازول والله اجمل من بناتنا مافي ماشفته مايكل جاكسون بقى شين كيف

زاتوووو

أخي الزول زاتو

صبحك الله في رضاه يا حبيبنا

اهلا بيك وبي طلتك علينا، وطبعا بت عجرومي اليومين ديل ماسكة الجو على حسها ومافي زول قدرها ، الله يغتيها من عين الحسود
عين الراجل في المناجل
عين المرا فيها الترى
عين الفتاة فيها الواطة
عين الضيف احد من السيف
وعين الجار احر من النار
عين العجوز الكرفسوس التفك الريق في طرف الفريق

وما عندك مشكلة يا حبيبنا وبنبقى اصهار بس انت جيب موافقة عمك مشعلاني اول شي ولك

تحياتي ،،،

شرووم

انا منتظر التذاكر بتاعت السفر ياشروم والشنطه جاهزه

شرووم ياخوى
قبل ما تستعجل اسال من حسبها ونسبها

عجرم دة شنو؟؟؟؟ امكن عب


تعرسو ساااااى ؟؟؟؟

البوست ده مافي زول من الادارة يرفعوا لينا علي انه اروع بوست في الاسبوع ؟

الله يجازي محنك يا شرووم انت وشيري ام لسان زي بتاع الزول زاتووو دي

انا اصلا ما حاولت ادخل البوست ده لاني ما كنت عارف نانسي عجرم دي منو ... لغاية ما لقيت اسمها في الجريده في نغمات الموبايل

غايتو عامل شهرة لي خطيبتك وقاعد يا شروووم

أخي الكريم عبدو اسعد الله صباحك

نشكرك على طلتك وكمان ترشيحك للبوست ليكون بوست الاسبوع
بس عاتبين عليك انك جهلت كل ذلك الوقت بحرمنا المصون (مستقبلا يعني ) بت عجرومي كان لازم تعرفها من وقت مبكر شوية بس ولا يهمك
نحن عارفين الحرب اللي كانت قايمة في العراق وعشان كدا بنجد العذر للكل .
أما شيري يا اخوي يا عبدو اظنها الحكاية ما عاجباها الزول الازرق ده يتزوج من ناس عجرم عائلة العز والنسب

لك التحايا وللاخت شيري ونتمني طلتكم من جديد

شرووم

تماضر بت شيخ الدين كيف حالك يا استاذتنا وعلك عافي

تماضر انت عندك بت اظنك خايفاها تبور ، كيف بت عجرم تكون زي ماقلت ماهو باين في العيون
انها من عائلة عجرم ، بعدين عائلة عمي عجرم معروفة ومشهورة في لبنان عليك بس تسالي عنها رفيق الحريري وهو يدلك عليها من طرف لبنان .
وللا احتمال تكوني نطيتي من المهمة اللي كلفناك بيها ، غايتو كان انتي نطيتي نحن ما ناطنك وشدي حيلك معانا وخلي الجهجهة ونانسي كان بقت ياها السجم والرماد انا مابخليها تب

لك التحية والاماني بالتوفيق

شرووم

استاذي العزيز الموصلي

شكرا على مدة راسك في صيوانا للمرة التانية و ده شرف كبير لينا

بخصوص التذاكر ما قلنا الجية والرجعة على حسابكم الخاص وللا شنو يا استاذي
على كل حال انا عندي اجتماع الاسبوع الجاي مع عمي عجرم لتحديد موعد العقد وبعداك
نشوف حكاية تذاكركم دي شنو كمان

لك التحايا ودمت لينا يا استاذنا

شرووم

شروم
سلام
وشكرا علي البوست الجميل

والله لي زمن اشوف العنوان وزولك غبيان لا بعرف نانسي لا عجرم الليلة بس قلت ادخل اشوف الحاصل شنو
يازول دي مرة والله حربوية عليك الله كانو الصور حقاتها دي حقات نسوان تانين واحدة بتشبه اختها مافي لمن يوم تجيك داخلة البيت ماتعرفها

تماضر

يسال منها كيفن انت ما عرفتيها دي مابت ناس عجرم

يديكم العافية
ويدي عجرم العافية


عبدالله جعفر

العجارمة خشم بيوت

فى عجارمة وفى عبيد عجارمة

وانا العجرمة ما بتنفع معاى يالعريس

ادينى حقى خلينى امشى


انا ما بحنن غير بنات الاصول ،


انت بس امشى اسال منى

انا حننت بت المدوعل حسن المدوعل

وبت النايب عثمان المشلتت ديمة

وبت الوزير احمد الممخول

وبت العميد ابراهيم اللااخلاقى


وبت السفير عبد الكريم العواليق

وبت الحاج القلع من ايد الشحاد

وبت الوجيه على الشوبار
وبت التاجر اسماعيل الدنى

انا خليت بت ناس كدى ما حننتها ؟؟؟؟



بطلوا العجرمة

استاذتنا تماضر بت عمنا شيخ الدين

سعيدين اكيد بمرورك الليلة على صيوان عرسنا الكبير ده بس ما ها المحرية في تجي وتقولي دايرة قروشك شنو يعني نحنا جايين ناكل حقك ، بعدين البت دي حقو تحننيها اكراما لينا أو لعمك شرمرم الكبير
والبت لعلمك سالنا عن ( وأطأسنا )على قولة المصريين ولقيناها بت حسب ونسب وعائلة عمي عجرم عائلة اشهر من انك تشككي فيها، وقلنا ليك كان سالتي رفيق الحرير بوريك بيتم .

لك التحية تاني وخلينا من التعلل دا وقومي سوي المحلبية للبت دي خلينا نشوف الباقي شنو

شروووم

اخي عبد الله جعفر مساك الله بالخير

نشششششششششششششششششكرك على طلتك على الصيوان واشادتك بالصيوان كمان

طبعا ما مقبولة منك انك ماتعرف بت عجرم لي يوم اللية ، لكن بما اننا في ايام عرس سماح وسماااااااااااااااااح بس لازم تجي مالي جيبك للكشف عشان الكشف زي ما قلنا بالدولار وعمك قرشو ماسك الكشف ومابخليك تمشي ساكت وتعال من بدري عشان العقد بكون زحمة والعرس زحمة اكتر منه

وفي انتظارك يا عبد الله ود جعفر

شرووم