عود بصرك على التركيز فى الرماية

الحرب قربت والجهاد واجب لذلك تدربوا على الرماية حاول مره ثانيه وثالثه حتى تقدر تجيبها كلها طبعا الكلام موجه لمن يود ان ينخرط فى لواء فدائيى البشير

http://games.edalel.com/play/Shooting.php

البعيو يا أخوي ده كشف نظر ده ولا شنو ، بعدين اللواء بتاعكم ده عادي ولا أركان حرب زمان قالوا الدبابين إنت تقوم تعمليها الفدائيين ورأيك شنو نحاول نعملها قصيدة وأهو تنفع
الفدائيين
المغتربين
المفلسين

حبيبنا الملاعمر
اسعد الله ايامك
دخلتنى فى حته ضيقه
استسيغ الشعر ولا اقرضه
ولكن لو اخونا ابو الزفت جا بى جاى مابقصر
وبعدين انت كان عمرك فوق الخمسين مابتلزمنا
وكان مصر
بنضمك معانا لتقوم باعمال المسانده كالطبخ وغسيل العده وحاجات تانيه كده ولا رايك شنو نشغلك حلاق طبعا مجاهدين صلعه ساكت مافى كابورياولا مارينز ولا الله قال
تحياتى

أخي البعيو الناس في المروة ما تقسيه بالعمر ودي على وزن الناس في العروض ما تقيسه بي متر عفواً بي تيبانه وبعدين تعال منو القال ليك إنو أنا وصلت الخمسين سنه كدي عشان تعرف عمري كويس أقسمها على إثنين وأرمى نصها البحر وزيدها مدة حكم نظام البشير وأديها كمان ستة شهور كده من عندك ، أها وصلنا وين عارف أنو سليت روحك بس ما براك شوف عكسو بتاوق كيف المهم حا أقوم جاري بيك شديد أديها كما سبع سنوات عجاف وقرط على كده والمغالط يقابلني وراء هذا البورد بس بشرط يجيب معاهو المستندات الرسمية وأى شهادة غير شهادة الميلاد غير مقبولة يعني ناس التسنين ديل يشوفو ليهم واحد تاني يطالعوهو. والحمد لله نظارة شمس ما بعرفها مش نظارة نظر قلت شنو يا البعيو.