[B]الاحتجاج والخسيمة وسيلة ناجعة لإنتزاع الترحيب[/B]

القادمون الجدد يستميتون لنزع التحية والترحاب .... أما انا فقد توهمت ان تزامن دخولي مع الحرب الدائرة في العراق كانت "ذريعة" لعدم الرد على تحيتي بأحسن منها إلا من رحم ربي وأنا من هـذا المنبر أحي ثانية الريس بكري ، أهل العوض، ياسر حنا ، مهاجر ، الموصلي ، أحمد عكاشة وقرنفل.. بعدد أيام الله السبعة فقط ولله الحمد ... يعني أنا تاني سبب بلا سبب بحي هولاء الصناديد وسبحان الله كل نساء البورد كانوا بوزعوا في زاد المجاهد في حواري بغداد والبقية أخوات نسيبة يضمدن الجراح في مستشفيات النجف وكربلاء ... الذي استفز همتي والتي خمدت بطول امد الحرب هو أخونا طارق واحتجاجه وخسيمة زحل للناس بالله التي جعلتهم يهرولون للسلام وعلى رأي اهل العوض الله بلا حليفة بكتل .. وأخونا طارق الذي ما زالت تنهال عليه الترضيات من مشاهير البورد الذين ذكرهم بالبنط العريض .. بعدين بصراحة رد السلام ده مسألة مؤثرة جداً وهو اسمه "السلام" وطبعاً كلكم يا ناس البورد عارفين ماذا تعني هذه الكلمة ووقعها على انسان جديد..إن اردتم للمحبة ان تشيع بينكم أفشوا السلام وخاصة وانت تدخل على صيوان كبير وتقول السلام عليكم يردوا عليك سبعة؟! أنا عارفة متلقين الحجج حيقولوا ما فرض كفاية ... أمس المساء قلت أحصي عدد الموجودين ذهلت عندما وجدتهم 46 يعني لو كل واحد نقر على كل زول جديد وقال ليه اهلاً ما اظن في زول بزعل... بعدين أنا سمعت في خطبة من خطب الجمعة إنه عدم السلام واحدة من علامات السـاعة "والله تعالى اعلم" ، بالله ردوا على الناس السلام وما تجيبــوا لينا القيامة... والسلام عليكـم...

يا نون
لك الحق كل الحق في أن تغضب وتثور وتزعل لكن صدقني ليس هناك أى تكتلات ضد أحد أو خلافه فأنت بمجرد إنضوائك لفرقة الالمنتدى الحر الحرة أصبحت مثلهم في المرتبة والدرجة ، شخصياً لم أرى مقالك وربما هناك الكثيرين لسبب أو آخر لم يروا أو يطعلوا على مقالك فهناك الذين لا يدخلون إلىالبورد إلا في عطلة نهاية الأسبوع والتي هي الخميس والجمعة وأيضاً السبت والأحد بالنسبة لكثيرمن الأعضاء وهناك الذين يدخلون ملح وخلال ساعات العمل الرسمية أمثال العمدة قرشو وقرجة وآخرين وهناك الذين لديهم إشتراكات سارية المفعول في خدمة الإنرنت ولديهم خط هاتف وكرت بي مائة دينار كهرباء أو ما يعرف بالجمرة الخبيثة بقوة مائتان وعشرون فولتاً ومع ذلك لا توجد كهربه في أسلاك الكهرباء والتي أفكر والسيدة حرمنا في أن نستفيد منها في نشر الغسيل طبعاً بعد أن تروق الموية وتصفى من عكرها وطميها وبعد ومع دخول فصل الصيف سوف تكون شحيحة ضنينة ونحن الذين إتخذنا من شاطي النيل جميل سكنا ومع ذلك نظل كما قال الشاعر زي إبل الرحيل شايله السقا وعطشانه. كل هذه اللولوة أخي هي من إبتكارات أخونا الدكتور أبكر وهأنذا أمارسها وسامحني على الإطالة ومرحب بيك وعايزين بوست كده في السلك.

نون
يا اختى ازعلى ...لو الزعل بولد الابداع
ياهو بزعلك كتبتى كلام سمح
اما موضوع الجدد
فى ناس متطوعين فى لجنة الاستقبال والترحيب
المهم
لو ما لقيتى زولن قال ليكى اهلآ وتفضلى
ادخلى طوالى وابدى شغلك الجيتى عشانوا

مولانا الملا عمر تسملم ياأخوي وأنا"نـون" ما مشكلة ..وشكراً على ردك المطول والتفصيلي وكل الظروف الذكرتها مقدرة ومقبولة لكن السلام ليه فرقة برضو ..

بليير (حاولت ما تبقى بلير) ولو ترجمتها امكن تزعل ...شكراً وكتر خيرك .. وهاك دي هـدية:

لما عفـوت ولم أحقد على احد**** أرحت نفسي من هـم العداوات
إني أحيي عـدوي عند رؤيتـه **** لأدفع الشـــر عني بالتحيات

(الشــافعي)

أشكرك على تشريفي بلقب المولانا المضاف إلى لقب الملا وطبعاً لو دخل أهل العوض في هذا الموضوع سوف يجعل الأمر منصوب وفي محل مش عارف إيه ومضافاً إليه كمان ، وأصلو بعيد عنك أنا مستعرب خلوي في أمور التكنلوجيا هذه ولمن لقيت رقم ثلاثة بعد حرف الإن الإنجليزي ما عرفت أقبل وين والحمد لله الأغنية بتخاطب الأنثي وبتقول قبلي جاي وقبلي جاي وقلت أحسن نون من نون مرفوع للقوة ثلاثة.

لما عفـوت ولم أحقد على احد**** أرحت نفسي من هـم العداوات
إني أحيي عـدوي عند رؤيتـه **** لأدفع الشـــر عني بالتحيات

ما أروعها من كلمات وما أجمله من درس بليغ قيم وربنا ما يجعل في هذا المنتدى عداوة بين أعضائه ولا بين وفد الحكومة والمعارضة في مفاوضات السلام عشان نخلص من حكاية الحرب الطويلة دي.

الزميلة العزيزة نون

على الطلاق ما سمعتك قلتى السلام عليكم وعينى ما وقعت على بوست بتسلمى فيه..

اها رايك شنو ؟؟؟

بعدين تعرفى امكن انتى دخلتى وقت العكة الامريكية دى ونحن شغالين مناكفة مع اخوانا المتأمركين سبب بلا سبب عشان كده ما شفناك..

اما اخونا طارق فهو من قدامى المحاربين يا ستى ومن اعمدة البورد

انتى الان يا ستى بقيت ست الدار ومن اهل الدار واصلوا ما غريب هنا الا الشيطان والشيطان ذاتو عندنا ليه زول بوضبوا ويطيره من هنا الا وهو اخونا طارد الشياطين ..

اهلا بيك يا ستى وكلنا والله زى ما قال الملا عمر واحد هنا ومافى زول عنده فضل على الثانى ابدا وعدم الترحيب يأتى من عدة اسباب اهمها الانشغال بموضوع ما يكون هو حدث الساعة كبوست رائعتنا شيرى اليومى منذ اندلاع الحرب ...

لك تحياتى واقعدى عافية

قرشــو مش ياكا العمدة باين عليك وأصلها المسألة ما جابت ليها طلاق ، المؤمن صديق والحرب دهدهت الفكرو فيها خليك مننا نحن ..والملا عمر ماقصر اعتذر عن الناس البدخلو ملح والمأجزين يوم السبت والاحد والمطنشيين كمان والمكتوين بالجمرة الخبيثة والبخشوا في السنة حسنه وتحديداً إنت وقرجةإعتذر عنكم بشكل "إستثنائي" ...

وتشكــرات بالكوم ليك يا المـلا عمــر ..

ونسـأل الله انه الحرب دي تنتهي قبل ما أرسل البوست ده..

نون
الشكر اجزله لهديتك القيمة
وربنا يقدرنا على رده لكم في افراحكم

العمدة

Quote: بعدين تعرفى امكن انتى دخلتى وقت العكة الامريكية دى ونحن شغالين مناكفة مع اخوانا المتأمركين سبب بلا سبب عشان كده ما شفناك..

في ذمتك دا عزر
......يا راجل ما تخ

و عـلـيـكـم الســـــــــــــــلام و رحـمـة الـلـه و بـركـاتـه




و الله يا نون اليومين ديل البدخل البورد زي الداخل ليهو بيت عقد غير السلام

ما فيهو شى و على قولك الترحيب بقى ينتزع بالخسيم


أهــــــــــــــــلا بـــــــيــــك يا نـــــــووووووووووووووووووووون

حبابك يا نون ...وفي حدقات العيون...ونتمني ...ان نستمتع ببوستاتك قريبا ان شاء الله ....

noon3

بالرغم من انى داير اليرحب بى .. لكن لقيت فى كلامك بعض من الحسيت بيهو فى بدايتى .. وزى ما قال ليك الاخ بليير ترمى سلامك وبعد داك تعملى الجيتى عشانو .. وانا شخصياً عملت بى نصحيتو قبل ما اسمعها
ومن اول مشاركة اخدت لى دش بارد ولى هسى قاعد فى دكة الاحتياطى بتفرج
غايتو عملاً بواحده من نصائح الاخ بليير جيت داخل .. وبالمناسبة اخونا عندو نصايح كتيرة للمبتدئين فتشيها
والغريق لى قدام .. شدى حيلك
دمتى

انا زاتى على الطلاق ماشفت سلام
وعليكم السلام ورحمه الله تعالى وبركاته
أختى نون
أهافى إنتظار جديدك
والتحايا لكل الجُدد

معـذرة لإنقطاع الكهرباء ،،
بليير شكراً على المؤازرة والعمدة قبلنا عذره .. نحن ننشد السلام ونفتش كمان للأعذار وكفانا حرب .. وعلى فكرة لدي نصيحة من "مرشدي النفسي" - يعني الطبيب النفسي واتمنى ألا اتهم بالجنون - ألا انظر الى التلغزيون وألا أبحت في الانترنت أكتر من نصف ساعة يومياً. لذا اضافة لانقطاع الكهرباء العذر التاني هو الاهم. وتشكر على مناصرتك.

أبو حسـين كتر الف خيرك وربنا يجعل البورد عامر

سـمير شكراً كتير ونسـأل الله انه الحرب دي تنتهي على خير ونحاول نشارك بشكل يخدم كل قضايانا المعلقة على كل الاصعدة (الدكتور ليه حق في مسألة التلفزيون!)

أرتيقة انشـاء الله ما نغرق و"يشار الينا بالبنان" يوماً ما والسابقون قالوا لنا في وصاياهم علينا بالصبر ومن سار على الدرب وصل يعني "خطة الطريق" يا ربي بتوصل ... وأبقى عشرة على الدرق.

وجــن والله شرفتينى وشــديت من أزري الله يقويك والجابك يجيب عقابك ومليون ســلامز

مرحب بيك تاني
والزول كان ما رحب باخوه واختوا القاعد ليها شنو
ناس البورد ديل اتماسخي معاهم بعدين يصادقوك
دا نظامهم
ودا لسة لما تكتبي
تشوفي العجب
اختاري عناوين عجيبة كدا انشاء ما لافقة مع الموضوع
بس تجعلهم يدخولوا للبوست بتاعك

مهـاجر إزيك .. والله الوصايا كترت واتنوعت ياخ احسن نبداها بالفلهمة "أنـا عايزة أشق طريقــي".. إيـه رأيك؟ كل الشكر وطبعاً انت من التوب سفن المذكورين أعلاه ولافقة مع الـ(سفن اب)..والحمدلله قد خرقتم قاعدة التوب تن. وربنايرفع البلاء عن أهل العراق وفلسطين وعن كل المقهورين..