...هل الشعب السودانى قادر على ثورة جديده

سلام للجميع


هل الشعب السودانى قادر على عمل انتفاضه ام انه مل هذه الاشياء

واصبح مشغولا بالمعيشة فقط ام ان الشباب الموجود حاليا ليس له
القدرة على عمل ثورة ام ان معظم الشباب حاليا خارج السودان
ولا السلام السودانى قادم والكل فى انتظاره


لكم التحية


قرنفل

Quote: لما الليل الظالم طوّل وفجر النور من عينّا اتحول قلنا نعيد الماضى الأول ماضى جدودنا الهَزَمُوا الباغى وهدّوا قلاع الظلم الطاغى. وف ليله وكنا حُشود بِتصارع عهد الظلم الشبَّ حواجز شبَّ موانع جانا هتاف من عِند الشارع قسماً...قسماً لن ننهار طريق الثورة هُدى الاحرار. وغضب الامه اتمدد نار والكل يا وطنى حشود ثوار وهزمنا الليل هزمنا الليل. والنور فى الآخر طل الدار والعزة اتهادت للأحرار.

سلام الاخ ايهاب

شكرا للمداخله


هناك الصراعات الحزبية التى جعلت الكثيرين ينظرون اليها بانها متخلفة وهى التى
جعلت الكثيرين يشككون فى مصداقيتها لذلك الحماس من اجل التضحية لعمل شى
يهم الوطن بيكون بتردد شديد جدا ودى من اسباب تاخر الديمقراطية فى رايى انا
كفرد عادى من الشعب السودانى

هناك ايضا سوال ملح لماذا هاجر الكثير من الشباب الى الخارج ولم ينتظروا
فى حين كان من الممكن ان يقدموا الكثير
كل واحد اتخرج يحاول بقدر الامكان المخارجه من السودان لكى لا يواجه تبعات ما بعد
التخرج

انا فى اعتقادى انو الشعب السودانى ملول وعاوز اى شى بسرعه وفى نفس الوقت
ليس لديه الاستداد للمحافظة على الديمقراطية ان وجدت بحكم التجارب السابقه
لحكومات ديموقراطية فشلت على ايدى ساسه كبار وكانو على علم بكل ما يحدت
حولهم

ايضا مسالة الهوية ليست واضحة ولم تحل بشكل نهائى وبصوت عالى





قرنفل

طبعا ياقرنفل فهو متمرس

الاخ الفاضل قرنفل

وحدهم من الاحرار والشرفاء والمناضلين هم الذين يقودون
هذه الثورات الشعبية الهادرة اما المتاخاذلين والنائمين
واليائسين والجبناء لن يقدموا شيئا ,علينا التعويل علي
انفسنا وكل الاشراف والاحرار في بلدي
لك تقديري واحترامي
دقنه

سلام للجميع


عانى الشعب السودانى منذ الاستقلال وحتى الان يعانى من عدم الاستقرار

وهو لممارسات ساساتنا اللذين يعضون على الكراسى بالنواجز ولا يريدون

التخلى او التنحى بعيدا ليتيحو الفرص امام الشباب الذين يحملون الكثير

لتقدم هذا البلد وايضا تناحر الاحزاب هو ايضا جزء من هذه الكارثة

الاهم هو ان الشعب السودانى نفسه سبب ايضا فى تدهور الحالة الاستقرارية

بعجلته وتمنيه والفشخره بماضيه الذى فى رايى لا يحمل اى شى نفتخر به



قرنفل

الأخ العزيز / قرنفل
السلام عليكم ورحمة لله وبركاته ،،،
ثورة .. أنتفاضة .. إحساس بالظلم الدائم ... شعارات حماسية
نريد أن تكون الثورات و الأنتفاضات القادمة إقتصادية و تعليمية و صحية و دعونا من السياسة جانباً الأن
هذه ليست أنهزامية و لكن دعونا نعيش الواقع لحظة مرة
وشكراً

قرنفل يا رائع سوالك وجييييييييييييييييه و في محله كان غالبني اعبر
هناك ايضا سوال ملح لماذا هاجر الكثير من الشباب الى الخارج ولم ينتظروا
فى حين كان من الممكن ان يقدموا الكثير
كل واحد اتخرج يحاول بقدر الامكان المخارجه من السودان لكى لا يواجه تبعات ما بعد
التخرج

البتخرجوا و اتخارجوا ديل هم ناس الثورة ذاتم اقصد الذين مفروض يقوموا بالثورة
الثورة بالنسبة للفرد او في داخله هي عبارة روح يتشبع بها منذ البدايات الاولى و هذه الامر قوي الارتباط بمسالة الهوية و لي عودة
وضعت يدك على احد الجراح الشعب السوداني عاوز كل شي بسرعة....و دي مشكلة كبيرة لو فهمنا شجرة الزيتون؟؟نكون قطعنا شوط
نحنا مش محتاجين جيل ثورة و بس جيل تضحيات بكل ما تحمل كلمة تضحية من معنى يعني اليوم انا كا ام انسى قصة الذهب و التياب و الاغتراب افكر انو اولادي ياخدو احسن قدر من التعليم في برطانيا في الاردن في خلافووو و يفهموا قصة بعد التخرج دي راجعين راجعين...مش ارسل ولدي و لما يتخرج نبقى في انو المرتبات تعبانة و داير اكون نفسي لازم يفهم معنى التضحية
دا بالنسبة لي كا ام و مشش اخلى بعد درس في امريكا و برطانيا يمشي يشتغل لي فى دول الخليج او غيرو و ارجا الدولارات و ولدي مهندس وولدي دكتور يا جماعة لازم لازم نضحي
اما بالنسبة للشابت و الشباب الخريجات يا ريت لو تكون الاهداف اكثر وطنية و الدوافع يعني بعض بنات الزمن دا ما البورد دا مافي استعداد للكفاح نهائ ناس امك ما بقعد ووووو مرتبك تعبان ووو..يعني احترم جدا شابين اتزوجوا و اشتغلوا في السودان وضحوا عشان اولادم لما بعد عشرة سنين يكبروا ما يفقدوا هويتم
الافكار غير مرتبة من الرا في الكي البورد كدي لي عودة

صدق وامن يا قرنفل
الشعب السوداني الان يقود انتفاضة فعلية
امس تكلم زعيم سياسي ديمقراطي كبير لثلة من اهله ومقربيه لم اكن معهم كلاما لو سمعناه لاندهشنا وفرحنا وتفاءلنا
وصلني الكلام بطريقة ما
وزادني وجدا على وجد
صدق او لا تصدق يا قرنفل ويا كلكم
ربما كانت الطغمة الان تفاوض احزابا على تسليم السلطة لا اقتسامها
واغلب الظن بل كله
انهم يجيهون اوضاعهم الان في ماليزيا او قطر
او حتى سويسرا
صدقوا
وصدقوا فقط
الشعب السوداني ينضج انتفاضته الوردة على نار هادئة
والله يصدق السمحة

كدا ساي
ودم الشهداء و عرق الغلابه و كرامه كل من سحقهم واهانهم و شردهم الطغاء و زبانيتهم

سلام للجميع

الاستاذ موصلى لك الود

الاخ degna

لك التحية .........كيف لكن ..؟؟ البوادر ضبابية

الاخ khalid zamrawi

الثورة هى ثورة سوى كانت اقتصادية او تعليمية او صحية وهذه
الاشياء هى سبب كل تغيير وهى برنامج دولة كاملة فكيف تعمل به
وكيف تضعه وكيف تطرحه للشعب انظر الى كل هذه الاطروحات
الان وقيمها ربما لا تجدها اصلا.....؟؟؟؟؟

سلام azza

كلامك يا عازة جميل وحلو بس كبف تطبقيهو على الواقع
فى انتظارك لمعرفته

اخوى فتحى البحيرى

ايهاب قال ليك كده ساااااااااااى

التحية لك ايهاب


ناس الايام دى فى السودان تسال الواحد عن هل ممكن تكون فى مظاهرات
رده على واحد قال لى هى ياخى نحنا الصباح موية فول والمساء موية
فول يعنى الواحد لو هتف مرتين احتمال يودوهو الانعاش وقال لى تانيا
هى وينى الحنجرة دى عشان نكورك بيها ......؟
تذكرت فى الحال احد اصدقاى له التحية فى احدى المظاهرات
ذنقوه تلاتة من شرطة الاحطياتى وكان شايلين معاهم عكاكيز
الواحد ذى عكاز قرجه ده
قال ما كان فى اى طريقة الا مواجهتهم وحصل ضربه واحد من العساكر
بالقرجه بتاعتو دى اتخيلو اتكسرت( ده ما شمار) جد جد
الدهشة اصابت بتاع البوليس فى هذه اللحظة اتيحت له فرصة الهروب
وكان ما اراد ونفد بجلده وليس به اى شى فى راسه


على العموم لا يصلح السودان الا اذا عمل اهله بامانه لشعبهم ولوطنهم
والا سوف تتكرر الماسى



القرنفل

أبدا ما هنت يا سوداننا يوما علينا
بالذي أصبح شمسا في يدينا

المعارضة السودانية اشهرت «إعلان الخرطوم»

نعم

صعـــــــــب شديد
الناس هدتها المعاناة
ومافي زول قادر

سلام هوزى

منو وشنو الجاب المعاناة

لابد ان هناك روية لكل شى ولابد من وجود حلول
اذا اردنا ذلك


قرنفل

انا ما قصدت يا جماعة انهم حيطلعوا منها كدا ساي

انا قصدت انهم الان بيحاولوا حاجة زي دي
مما يؤكد صحة الفرضية (النحن فيها)البتوكد قدرة الشعب على ازاحة اي دكتاتورية
وطبعا الاولوية المنطقية للحاجات
ازاحتهم اولا
ومعاقبتهم والثار منهم ثانيا
وممكن يكون الاتنين ان ون مومنت
لكن الترتيب كدا


ولا شنو؟؟
المهم الاجابة على الوال المطروح هي نعم والان وليس غدا
بواقع ما بحدث فعلا

up

لك التحية ياقرنفل و انت رائع
عن نفسي طبقتوا و اخدت قرار هيغير كل حياتي
شوف يا قرنفل نحنا مفروض نبدا من تحت ما من فوق دا الوصلت ليه اخيرا زمان قناعتي انو لازماك سلطة عشان تغير لكن دي في بلدنا مااااااااااااااا...ظبطت ما داير اسيس كلامي بالواضح كدا نحنا محتاجين لي اساس جديييييييد العمارة دي كلام نكسرها و نبني مكانا ..انسى اخير ترمي ليك ساس من اول و جديد
هتقول لي كيف الناس الواعين بالقضية تماما يرجعوا ...موت موت حياة حياة
قصة الشعب السوداني الفضل دي زي ماقالت ليك هوزي
تعلاف نبدا بالمدارس شوية شوية انا وانت و المعانا نعلم ونبني في جيل يطلع واعي و مسلح ما بي بندقية بي فهم صحيح عليك باولادك و علي بي اولادي و خلينا نشوف و على قولك مشكلتنا الشفقة و الاستعجال

سلام للجميع

سلام فتحى
نعم نحن نريد سودان سلام وحوار لا ينقطع....؟

سلام عزة

بمداخلاتك احسست ان السودان بخيييييير ما دام فيهو زيك
تتناول قضاياها بجدية وحوارية رائعة لكى التحية
صحى كلامك عاوزين ساس من الاول
كفاية لهاولاء الديناصورات
اما حكاية الشعب انهده انهده
اما ان يكون جيل مسلح العلم والمعرفة فهذا ما ننادى به
لذلك فى الاول قلتا نحن مستعجلين الاشياء....؟

ولى رجعه




قرنفل

الأخـــوان ســــلام



الإجـابـة على السـؤال نـعـم لأنـو الشعب السوداني عندو الخبرة الكافية

و عـنـدو المعرفة الكاملة بي كيفية و متى إعملوا أي شـئ .


و عـزة قالت ليكم كــلام أنا بتفق معاها 100 % عليهو و هو حكاية إننا

نبدأ من الصغار و دي أهم حاجة يعني علشان تأسس ليك ديمقراطية سليمة

و تحافظ عليها لازم الصغار إتعلمو الديمقراطية و إمارسوها من صغرهم

أما الآن الشعب السوداني قادر على كـل شـئ لـكـن مـحـبـط


و دي حقيقة كـل الناس عارفنها لكن ما عايزين إعترفوا بيها


الشعب السوداني محـبـط من الأحـزاب كلها بدون أي إستثناء

لأنو الشعب السوداني ضحى و أداهم الديمقراطية في طبق من ذهـب

و الأحـزاب لا مارسـو الديمقراطية و لا عوضوا الشعب عن تضحياته

و لا حافظوا ليهو علي الديمقراطية .


تحياتي .

الا يقينون فيك انماسك
يا الاصرارك سطرا سطرا ملا كراسك

نغم

ارفع صوتك هيبة وجبره
خلي نشيدك عالي
عالي النبره

سلام الاخ فتحى البحيرى

ارفع صوتك هيبة وجبره

لك التحية ولاسهاماتك

نتمنى ان ترى امنياتك وللسودان العزة والرفعه

ABUHUSSEIN سلام

شكرا للمداخلة ولكن السوال كيف نعلم انفسنا ممارسة الديموقراطية

نحن شعب يفتقد الى الكيفية

اما ان تاتى ديموقراطية نتيجة للجوع او غيره فهذه لن تكون صحية

كما حصل فى السابق

اما احباط الشعب السودانى فليس هو العقبه لان الاشياء المحبطه كتيره

وانتظارحلها سوف يطول

اما الاحزاب فحدث ولا حرج هم اسباب كل الانتكاسات السابقة ولا تعرف من ماذا
هل هم مخلوعين ام نقص فى طريقة ممارستهم للديموقراطية ام جهلهم بها


لك الشكر اخى

انت نسيج الفدا هندامك

اخوتي/
الشعب السوداني فيه الخير وفيه البركة...
وفيه من هو قادر على ان يشنق اخر جبهجي بامعاء اخر عضو في مجلس قيادة اللاثورة.


العزة لاهل بلادي


اخوكم/ ابوساره

AbuSarah سلام

انت منحت الشعب السودانى الخير والبركة

اين خير السودان الان بعد ان صبح ما يقارب العشرة مليون خارجه طلبا فى
لقمة العيش الكريمه

وايضا نريد سودان جديد بحوار طويل وفكر يمنح الكل حقه

شكرا لمداخلتك ونتمنى للسودان الصحوة

الاخ قرنفل تحية طيبة : لا ادري ولكنك جردت الشعب السوداني من كل مقومات الثورة ولكن لا اري ان هذا مبرر كافي لمنع الشعب السوداني من القيام بثورة . ان كل مبرراتك التي سقتها هي الاسباب الحقيقية والدوافع للقيام بالثورة الوطنية .

لك الود

شكرا كمالا
إصرارك على رفع هذا البوست وحده يشكل إجابة ضمنية (أخرى) على السؤال
غير التي افترضها (بحسن نية التحريض )صاحب البوست
وبعض الناس لديهم تعريف (حبيب) للسوداني
وهو : هو الشخص الذي ليس بوسعك أن تحدس ماذا سوف يفعل في اللحظة التي تلي
فعسى هذا التعريف إن صدق
يكون لصالح ثورتنا المتخلقة الراهنة أيضا
وسلمتي لهذا الغضب الطهور
[b/]

شليل ما راح لكن الظلم رايح

in-sha2a-allah

فتحى سلام الاخ


لك التحية ولنت تناضل بقلمك

kamala سلام

الظلم لن يروح


الا اذا استخدمت ضوء او نور

كيف لنا ان نزيح هذا الظلم يحتاج الى ادوات

شعبنا مفجر الثورات اكتوبر وابريل وقادر على اسقاط حكومة الانقاذ بتصعيد النضال والوحدة وتكامل الظرف الموضوعى مع الذاتى ومصير الانقاذ الى مزبلة التاريخ

elsharief سلام


ليس هو مصير من ومن

اذا كنت تريد ان ترمى مصاير من هم كانوا فى سبب تاخر السودان

فمزبلة التاريخ لن تتحمل لان سوف ياتيها سيل

في اعتقادي ان محاولة تفكيك سؤال السهلة لا تنفصل عن مقاربات السؤال التالي
السهلة...................!!!!ـ

معليش ياقرنفل
ولكن السؤال هو هل انجز الشعب السودانى ثورة قديمة حتى نبحث له عن واحدة جديدة
حسب علمى ان اخر ثورة انجزها شعب السودان كانت تلك التى قادها بنجاح تام محمد احمد اعنى الامام محمد احمد المهدى
ماقولك
لك الود حتى الثمالة
منعم الجزولى

لا طبعا

ثورة عشان يجيب منو
الصادق والميرغني وقرنق
؟؟؟؟

يجيبهم يسوي بيهم شنو
قلت لي منو احمد ولا حاج احمد
ولا موية ولا ماء
لكن والله اي زول مشي السودان
بيقول بامانة الكيزان صلحوا البلد
هههههه وصلحوا جيوبهم
ما احسن من البصلحوا جيوبهم بس
تعويضات منو
ال وال وال ول البيت

سلام اساسي

احانا كثيرة تجد نفسك انت محتار من الشعب السودانى هل هو مع العسكرية ام الشعبية

ولكن يا اساسى من ياتى ومن يمشى متروك للايام ووعى الشعب

هناك ديناصورات اصبحت واقعا انا فى راى الاجدى كيفية التعامل معهم

شكرا اساسى

السهلة...................!!!!ـ

Gazaloat سلام

اى انجاز لاى ثورة لابد ان يكون لها مردود اقتصادى واستقرارى

فالسودان تفاصيل اشيائه كثيرة ومشاكله كثيرة وجزء كبير

من هذه المشاكل صناعة محلية

لك الشكر اخى لمداخلتك

سلام فتحى

لك التحية وللمداخلين اعظم التحايا

اسف جدا لتاخرى فى الردود وذلك لانشغالى في الفترة السابقه




Save To PC

نجح الشعب السودانى البطل
فى اسقاط عبود
ومن بعده نميرى
واهم اسباب سقوتهما
انهم عساكر وصلوا للسلطة
وزمنهم كان غير
اما الانقاذ فهو تنظيم
وصل الى السلطة بالسلاح
واعلن منذ البداية
انو العاوز السلطة
يجى يأخدها بالسلاح
وطبعا التنظيم على علم
ودراية بالاسباب التى ادت
الى سقوط الانظمة السابقة

فعمل منذ البداية
على ضمانها او اضعاف دورها
كمثال القوات النظامية
معظم افرادها من النظام الحاكم
وسرح للصالح العام كل من له
ولاء الى اى نظام آخر

جامعة الخرطوم
اعتقالات وقمع شديد
وبالرغم من ذلك خرج طلاب
الجامعة اكثر من مرة
لم يجدو اى دعم من الشارع

العصيان المدنى
فى كل موقع من مواقع
الخدمة المدنية يوجد
من هو تابع للنظام
بحيث اذا حدث اضراب عام
كوادر النظام تقوم بتسيير
العمل

اما عن الشباب
اقول لك ما قالته
خالتى سعيده وهى من
الرعيل الاول المتعلم فى السودان
الشباب القادر على التغيير
قتلو فى الجنوب والباقين
?????? قاعدين وراء
???? امهاتهم

فثورة اكتوبر البيضاء
(نعم سالت فيها دماء
ولكنها تظل بيضاء
لانو لم يكن هناك قصاص)
والانتفاضة لن يتكررا

فالشعب السودانى الان
غير قادر على عمل انتفاضة

وممكن يكون ما عاوز يعملها
علشان مايرجع الامام المنتخب
وولد عسكرى الانجليز للسلطة

اكيد غير قادر والجواب من عنوانه....

zahjana سلام

شكرا لمداخلتك هناك اسباب كثيرة يصيغها كتاب السياسة

منها الملل ومنها ان الثورات السابقة كانت اما صدف او جوع

سلام ابو الزفت

نحن نعلم ان السودان قد فجر ثورتين ولكن الكثر يتسال ماذا جنى الشعب السودانى

منهما على كل الاصعده الم يضيعوا او بالاحرى يسرقوا باتفاق او بعلم الساسه

نحن يا استاذ نحتاج الى تربية وطنية فى المقام الاول

وبعدها كورسات فى كيفية ادارة الحكم فى ظل ديموقراطى والمحافظة عليه

لك الشكر

متى يأتى هذا اليوم؟؟؟ أفيدونا

فصل الدين عن السياسة

وسلامي لكم

اعزائي
انا غير منتمي لاي حزب غير الوطن والمواطن الضعيف الذي يعاني ويعاني ونحن دوما نتحدث في السياسة من خلال الصراع السياسي البغيض الذي لم يودي الي شي سوي المزيد من الموات والبوار والهجرة، اعزائي لست مستسلما أو غير عابي او مدرك لما حدث من تجني في الفترة السابقة من حكم ناس الجبهة الدكتاتوري، لكني كثيرا انظر للاشياء من زواية اخري ربما ارغب في ان تنتهي تلك الدوامة لشعبي، ولا يهمني كثيرا ان اعاقب او اعفو عن ناس الجبهة، ففي بلادي هناك مدمني عمل سياسي ودوما يجدون لانفسهم الحل، او حتي اللجوء، فليس بعيدا عنا ان ناس الموتمر الشعبي (ناس الترابي) الان يتحدثون علي الديمقراطية وهم من ذبج الديقراطية بذلك الانقلاب البغيض، فحقيقي الساسة في بلادي يتميزون بقدر كبير من الانتهازية وعدم الانتماء الحقيقي للمواطن، فالاحزاب بمجموعها لا تمارس ذلك الارتباط العضوي بمشاكل المواطن ويمارسون السياسة بلا برنامج واضع يضع المواطن في قمة اولوياته، بالتاكيد هناك احزاب عقائدية تضع برنامجها الواضح ولكن هذا لا يخرجها من دائرة ادمان الذاتية الفكرية فمثلا الاحزاب الاسلامية وضعت الشكل الاسلامي بعيدا من الاعتراف الحقيقي بالتنوع العقائدي والثقافي للبلاد وحرمت الوطن من السلام الداخلي وهذا ايضا صحيح بالنسبة للاحزاب اليسارية التي تجاهلت حقيقة الواجدان الاسلامي الديني لاهل السودان فحرمت نفسها من الشعبية وجعلتها تنغلق في الصفوية الضيقة، اما الاحزاب الطائفية فاني لا اجد ما اناقشها فيه لانها في تقديري الخاص وربما الخاطي لا تمتلك مقومات الحياة في المستقبل القريب لانها بنيت من خلال القبول الطائفي لا غير وتفتقد القدرة علي البقاء في المستقبل القريب لعدم وجود الاطار الفكري الواضح، وما يحدث من كر وفر من حزب الامة بشقيها الحكومي والمعارض يوضح فقدان الروية، بعد كل هذه الحيثيات ماذا اريد ان اقول، لا استطيع ادعاء اني صاحب فكر واضح ولكني حقيقي اريد ان أرمي حجر في بركة الانتماء الضيق، والبحث مع الاخرين لصيغة جديدة تخلصنا من تلك الورطة التي نحن فيها، اعترف بصعوبة ان يتحد الناس علي فكرة واحدة وهذا طبيعي، لكن يجب ان نتحد علي الحد الادني من قبول الاخر والاهم علي وضع برنامج وطني اقتصادي، تعليمي، ثقافي وديمقراطي يهتم اولا واخيرا بالمواطن، حقيقي اني ادعو جميع الوطنين للتخلص من النظرة القديمة التي تضع الحلول لجميع المشاكل من خلال النظرة السياسية الضيقة وعمل حزب سوداني جديد تماما يضع مشاكل المواطن في الاول والاخير من دون ادمان مسبق لافكار محددة تضعنا في دائرة التجريب وتحرمنا من القدرة علي الخلق والابداع، حقيقي اتمني يوما اري فيه حزبا جديد تماما يجمع الناس لمصلحة محمد احمد الاغبش الذي استغله الجميع بدون رحمة.
قدرة الشعب السوداني علي الانتفاضة حديث مرتبط لحد كبير علي ما سبق ذكره فكثير من افراد الشعب السوداني فقدوا انتماتهم القديمة وصاروا يفكرون كيف يحسنون من اوضاعهم الاقتصادية لا غير، ولا يمتلكون كل الثقة في الاحزاب القديمة وصار المواطن السوداني اقرب الي المتفرج.

msd سلام


شكرا لمداخلتك التى فيها كثيرا من الصواب والواقع

Quote: اعترف بصعوبة ان يتحد الناس علي فكرة واحدة وهذا طبيعي، لكن يجب ان نتحد علي الحد الادني من قبول الاخر والاهم علي وضع برنامج وطني اقتصادي، تعليمي، ثقافي وديمقراطي يهتم اولا واخيرا بالمواطن، حقيقي اني ادعو جميع الوطنين للتخلص من النظرة القديمة التي تضع الحلول لجميع المشاكل من خلال النظرة السياسية الضيقة وعمل حزب سوداني جديد تماما يضع مشاكل المواطن في الاول والاخير من دون ادمان مسبق لافكار محددة تضعنا في دائرة التجريب وتحرمنا من القدرة علي الخلق والابداع، حقيقي اتمني يوما اري فيه حزبا جديد تماما يجمع الناس لمصلحة محمد احمد الاغبش الذي استغله الجميع بدون رحمة. قدرة الشعب السوداني علي الانتفاضة حديث مرتبط لحد كبير علي ما سبق ذكره فكثير من افراد الشعب السوداني فقدوا انتماتهم القديمة وصاروا يفكرون كيف يحسنون من اوضاعهم الاقتصادية لا غير، ولا يمتلكون كل الثقة في الاحزاب القديمة وصار المواطن السوداني اقرب الي المتفرج

ربما تاتى فى القريب العاجل نتمنى كلنا ذلك

لك الشكر

قادر .. وقادر.. وقادر.. وقادر.. وقادر.. وقادر................... ومليون قادر

قادر .. وقادر.. وقادر.. وقادر.. وقادر.. وقادر................... ومليون قادر


أنظر ماذا فعلت جامعة الخرطوم اليوم لتعرف بأنه:
قادر .. وقادر.. وقادر.. وقادر.. وقادر.. وقادر...................

و30مليون قادر

لا أرجو إلا رجاءك يا رجاء
ولا أقول إلا قولك ياصادق

up

upppppppppp

Haydar Badawi Sadig سلام


الشعب السودانى انهكه التعب .....الاقتصاد.....التشرد......الكذب السياسى

Raja سلام


هذا المليون كله خارج السودان انظرى حوللك .........؟

UP

سلام جندرية وهالة قوتة


شكرا لرفع المعنويات

وتانى فوق

مكرر

قادر .. وقادر.. وقادر.. وقادر.. وقادر.. وقادر................... ومليون قادر

لا قادر والله قادر


ارفع فوق

Tumadir سلام

نتمنى ان يفعل الشعب السودانى ما يفيد بلده ويتمسك بتضحياته

شعبنا قادر علي صنع المعجزات الثورية


ali adroub

3. (حبيبنا الشعب يا قادر ويا نادر) ..لم يجد هاشم صديق صعوبة فى وصف الشعب عندما أزف مخاض هذه الكلمات ...شعب اليوم ...فى رايك هل تنطبق عليه ذات الصفات ..وما هو احساسك به؟


- فى تقديرى نفس الشعب ...وان تكالبت عليه قوى الشر والعدوان سياسيا واقتصاديا واجتماعيا, هو بالتاكيد ليس الشعب الذى صنع اكتوبر وابريل ..بمعنى ان جذوة الانتفاض اصابها بعض الوهن نتيجة للدائرة السياسية الجهنمية ..عسكر ..احزاب ..عسكر .., ولكننى اعتقد انه اصبح اكثر تأملاً وحزناً وأقل اندفاعاً ربما لانه لا يعلم من سياتى على صهوة الفجر القادم. لدى احساس كمبدع – وانتى تعلمين ان المبدعين يتجاوزون الظواهر الطارئة لينفذوا الى جوهر الاشياء – احساسى هو ان ثورتا اكتوبر وابريل هما مجرد بروفتان لثورة حقيقية قادمة تستلهم كل المرارات والاخفاقات السابقة.
.
.
.
تسلمو

dreams سلام

Quote: احساسى هو ان ثورتا اكتوبر وابريل هما مجرد بروفتان لثورة حقيقية قادمة تستلهم كل المرارات والاخفاقات السابقة.

هذا وعى منك يدل على معرفتك بالاخفاقات وان كانت ظاهرة للعيان ولكن
كثيرين لا يريدونها اخفاقات

هل الجديد القادم يمكن ان يحقق احلامك والاخرين

شكرا لك

ده كلام استاذنا هاشم صديق فى اجابة على سؤالى له


لكنى ما بختلف معاه كتير

تسلم يا قرنفل

dreams سلام

ليس هناك اختلاف على كلام الاستاذ هاشم صديق

ولكن اليس من الاجدى بنا معرفة حقيقة ثورة اكتوبر

لم نحضرها ولكن لابد ان هناك الكثيرين يعرفون عنها
كل التفاصيل عيبنا لا نناقش اخطاءنا بل نمجد منجزاتنا
وقبل ان تكتمل كمان

الكثير من النقاش حول ثورة ابريل يرجح انها تثورة جوع
اين الحقيقة
اذا لم نناقش اخطاءنا بصوت عالى لن نتقدم ابدا
سوف نظل نمجد الماضى على الدوام

الكل يتكلم كان وكان وكان زمان اين هذا الكان زمان

لكى الشكر تانى

degna سلام لك وانت تقف فى الشرق

هل هذه المعجزات الثورية اعطته ما يستحق ام دفنت تحت باطن الارض

بواسطة اهلنا الكبار

نتمنى القادم ان يكون جميل ومفيد

الاخ قرنفل
تحياتي
السؤال مهم وعميق والإجابة عليه تتطلب جهد وبعد نظر .. ولكن أود أن أشير هنا إلى أن للثورة أو الانتفاضة ظروفها وشروطها الموضوعية والذاتية التي يجب أن تتوفر للقيام بأي شكل من أشكال الاحتجاج أو الرفض التي يمكن أن تتطور بعدها إلى أكثر من ذلك .. وفي اعتقادي الشخصي أن هناك ظروف أدى تواجدها الآن على الساحة السياسية السودانية إلى إطالة أمد حكومة الانقاذ وهي الظروف في الوضع الإقليمي والدولي الذي أصبح جزء من القضية السودانية بمعنى أدق المؤثرات الخارجية والضغوط وتجزئة القضيةفقد اصبح الشغل الشاغل في السياسة السودانية هي إيقاف الحرب في الجنوب أي تسيد قضية السلام على بقية القضايا الأخرى.
ورغم كل ذلك فأنا أضيف إلى سؤالك أسئلة أخرى أتمنى أن تثري الحوار وتفتح الآفاق لمزيد من المناقشة ..
1- هل الانتفاضة أو الثورة القادمة يجب أن تكون كأكتوبر أو إبريل أم أنه يجب أن تتوفر أشكال أخرى أكثر تطوراً وأكثر التصاقاً بالواقع الفعلي والمعاش حلياً؟؟

2-هل التركيبة السكانية الحالية ( الهجرة الداخلية ، الهجرة الخارجية ) مؤهلة لإحداث التغيير؟؟

3- هل نتائج هذا التغيير ستؤدي إلى ما أدت إليه في السابق (أصتراع + حكومات ضعيفة )؟؟

أعتقد أن هناك أطر وأساليب جديدة للنضال نحن في الشتات بعيدين عنها فالصمت نوع آخر من الاحتجاج.
ولا زلت أثق بأن الشعب السوداني الجسور لديه في (القفة) من أبداع وثورية ما يدهش.
ثم up

Yassir Hamid سلام

السوال الاول لا يجب ان تكون مثلهم هذا فى راي انا لان الاولى والتانية لم نجنى منهم
شى يذكر وحتى الان هناك اراء حولهم نريد ثورة حقيقيه لرفعت السودان من هذاالمستنقع

السوال الثانى ربما تكون الهجرة الداخلية والخارجية اثرت فى تركيبة ومفاهيم
الشعب السودانى فى التمسك بى حقوقه والسوال عن الحقوق والواجبات التى عليه
وعدم التفريط فى مكتسباته

السوال الثالث الاجابة عليه تتوقف على وعى الشعب نفسه

وللكلام بقية
تشكر اخى على المشاركة

hiiz everyone
اقتناع الشباب بوجود فرصة احسن بالغربة في المعيشة و السكن وغيرة... الخ ادي الي عدم تفكيرهم بالمكوث في السودان..بل يتعدي الي تفضيل بلدان اخري علية....اما بالنسبة للثورة فاظن ان الشعب السوداني قد تعب منها و اصبح يرجو السلام .........
تحياتي
(F)(F)(the_girl

the_girl سلام

اما بخصوص كلامك ان الشباب اصبح يفضل العيش خارج وطنه فهذا واقع

حقيقى الان الكثيرين يفضلون المكوث خارج السودان بل العيش اطول

فترة زمنية اذا ما توفرت لهم الظروف لان بلدهم طارده وتحتكرها

فئة قليلة........ الكل ينتظر السلام ولكن هل يفى بالوعد