Post: #1
Title: مناشدة عاجلة:سودانايل محتاجه لدعمنا ياناس بره
Author: Ishraga Mustafa
Date: 03-27-2003, 11:02 PM
فى زيارتى القصيره للسودان اجتهدت ان التقى رفاق دربى الجميل فى الزمن الجميل، من ضمنهم كان طارق الجزولى رئيس تحرير سودانايل وحكينا كثيرا عن العام والخاص ومن ضمن ما حكيناه الواقع الذى تصدر فيه والظروف قاهره جدا يصعب شرحها هنا
ولكن ما ينبغى فعله فى رأى ممكن وغير مستحيل لان ما تقدمه لنا سودانايل من خدمات وربطنا بشكل يومى بالوطن تجعلكم مثلى حريصيين عليها ولو فكرنا كل واحد يدفع خمسه دولار فقط فى الشهر لدعمها مائة مننا يساهمون بهذه الخمسه دولارات، وياناس أوربا وامريكا وكندا الخمسة دى قيمتها فى السودان ولسوانايل كبيرة
وحتى نضمن استمراريتها اناشدكم لدعمها ماديا
ارحب بمقترحاتكم ومن له الاستعداد عليه الاتصال مباشرة بطارق الجزولى تحت عنوان: www.sudaneseonline.com
ولكم معزتى
ام واصل ومرافىء
|
Post: #2
Title: Re: مناشدة عاجلة:سودانايل محتاجه لدعمنا ياناس بره
Author: mo
Date: 03-28-2003, 01:05 AM
Parent: #1
تستاهل سودنايل منا الكثير غير ان المسالة اظنها لايمكنها ان تمضي هكذا فالتكن هنالك قائمة من الملتزمين بالخمسة دولارات او عشرة دولارات شهريا ساكون في اول القائمة ان شاءالله علي كل فرد ان يضع اسمه في القائمة لتطول ويطول معها عمر سودنايل المتفردة في نقلها للاخبار بسرعة الصاروخ ولاتاحتها الفرصة لمن لافرصة لهم ليقولوا من خلالها ....
|
Post: #3
Title: Re: مناشدة عاجلة:سودانايل محتاجه لدعمنا ياناس بره
Author: ودرملية
Date: 03-28-2003, 01:26 AM
Parent: #2
سلامات
سودانيل هي الرائدة في مجال الصحف الالكترونية السودانية وان لم تخني الذاكرة فهي الاولي علي الاطلاق في هذا المجال ونحن حاضرين وانشاء الله بس تورونا رقم حساب نقدم من خلال دعمنا المتواضع لو انه بسيط ولكن ايد علي ايد تجدع بعيد
|
Post: #4
Title: Re: مناشدة عاجلة:سودانايل محتاجه لدعمنا ياناس بره
Author: بكرى ابوبكر
Date: 03-28-2003, 01:35 AM
Parent: #3
الغالية ام واصل و مرافى
قبل فترة عرضت على سودان نايل استضافة موقعهم بلاشى فى سيرفا سودان هوستن وقد قمت بارسال رسائل عدة لهم لكنهم دقوا طناش منى على كل حال سيرفا سودان هوستن مفتوح ليهم بسعة استهلاكية و تخزينية مفتوحة
|
Post: #5
Title: Re: مناشدة عاجلة:سودانايل محتاجه لدعمنا ياناس بره
Author: SAMIR IBRAHIM
Date: 03-28-2003, 02:40 AM
Parent: #1
الاخت اشراقه
تحياتي......
اقتراحك جميل...لكن وما طال اتفتح الموضوع ده...كان هنالك مشروعا يجري تحت الانظار من اجل سودانيز اون لاين قبل ان يطرح موضوع سودانايل....لقد كنا وما زلنا نخطط الي حفل سوف يحيه الاخ الفنان الرائع الموصلي والاخت العزيزه الفنانه تماضر ...وكنا سوف نخصص دخل هذا الحفل الي دعم سودانيز اون لاين ...فالاخ بكري مشكورا ما قصر وماسك الرايه لوحده....ظروف الحرب للاسف الشديد..عطلت موافقه مدينه نيويورك التي سوف تصدر اجلا ام عاجلا ...فلو نجح مشروعنا من اجل دعم سودانيز اون لاين التي قدمت خدمه الي كل السودانيين بكل مستوياتهم وخدمه كبيره في مجالات كثيره وفريده ....سوف نتناقش كيف يمكن ان نقدمها لسودانايل.....
نرجوا التوفيق لمشروعنا ومشروعكم
|
Post: #6
Title: Re: مناشدة عاجلة:سودانايل محتاجه لدعمنا ياناس بره
Author: Ishraga Mustafa
Date: 03-29-2003, 02:22 PM
Parent: #5
فى انتظار المزيد
رأيكم يا ناس بره
ام واصل
|
|