أول دفعة من اللاجئين تصل الحدود الأردنية كلها سودانيين

أعلن التلفزيون البريطاني أن حافلة مليئة بمواطنين

كلهم من السودان

وصلت الحدود الأردنية

قادمة من الأراضي العراقية

كأول دفعة من اللاجئين


شرطوا عينا

تحياتى انتهازى
بس كيف شرطوا عينا، اتريدونهم ان يظلوا تحت هذا القصف فى حرب لا ناقة لهم فيها ولا جمل.

هييييييييييي يا أخوانا ما قلنا حاجة

لكن ما يسووووها ظاهرة كدا

و أول ناس كمان



على الأقل كانوا يطعموها

إنشالله

تطعيم ضد السعال الديكي

و يجيبو معاهم أسرة مصرية


و لا الراي شنو يا أخوانا

الاخ انتهازي

عشره الف شاب وشابه فضلوا العيشه علي الفتات...ولو لاحظت ان احدهم يقول لي السي ان ان....بلدي احلي بلد...انا ضحكت ...وقلت يخوانا ديل المعتمد عليهم القاتل قرنق والمارق عن القانون منصور خالد....ما رجال حاره....

اها الاردن قررت ان ترجعهم السودان فورا؟؟؟؟؟ما موقفهم؟؟؟؟وماذا سوف يقولون لبت الجيران....سبنا امتعتنا وعرباتنا وجرينا....والله ما بعيد حتي يطالبوا العراق بكره بتعويض...اصلهم متعودين علي عض اليد......

سلام جميعا
اكتب مرة اخرى عبر هذا البورد ما كتبته في سودان نت
شكرا انتهازي على الخبر
الحقيقة دي ما فيها شرطة عين و لا حاجة،
الواقع ده بيوضح انو السودانيين صبروا مع العراقيين لغايت آخر لحظة ، انا متأكد انو بقية الاجناس سافروا من زمن بعيد، عشان كده ما حتسمع عن اسرة مصرية معاهم او غيره
انا متذكر تماما في طرابلس ليبيا نفس الوضع كان حاصل عندما ضرب الامريكان هناك برضو السودانيين كان آخر من خرج و حيث مات الكثيرين من الليبيين من حوادث الطريق هربا من طرابلس بعد ان طلوا انوار عرباتهم بالازرق، كانت الجلاليب السودانية من ابرز معالم العاصمة الليبية
و هذا ليس دليل شجاعة بالمناسبة برضو احتمال عدم اهتمام السفارات السودانية بمواطنيها و اجلائهم جعلتهم في هذه الاوضاع المأساوية
مجرد راي
تحياتي
امجد

اخي امجد

الذين هربو للاردن ديل....لاجئين...خرجوا من ا لسودان وقدموا لجوء سياسي ....اتصور قالوا عن السودان ايه ...في طلباتهم ...عشان يقبلوهم كلاجئين...وها اليوم اول الجبناء يهربون اول من هرب..وسوف يرحلون للسودان...فماذا يقولون لحكومه السودان....يعني ماهم بالمغتربين ولا الموجودين في العراق بحثا عن العمل...ولك التحيه

يا أخ سمير إبراهيم...إنت مشيت شفتهم لقيتهم لاجئين....ومنو القال ليك ديل تبع قرنق ولاَ الترابي
يا أخي خليك زول عندك منطق......نحن أسلوب الطعن والهمز واللمز وال..... ما عاوز أقول زياده لأنو في بنات ناس هنا....المهم أسلوب بسمة الثعبان إياه دي نحن غلتنا وعملت لينا السكري

يا أخي اكسب الناس وبلاش تكون عدواني كده

اخي عثمان مرغني

طالعت هذا الخبر علي الهواء مباشره من السي سي ان...لاجئين من اصل عشره الاف لاجيء سوداني....يفرون الي الاردن....وقد تعاملت صرح مسئول اردني انهم سوف يرحلون الي بلادهم....قد يكون انت رايت خبرا اخير...ولكن هذا خبر السي ان ان...عزيزي....

بس يا اخ سامر العاجبك في السي ان ان سنو غشان تصدق انهم لاجئين سياسيين وكانوا الكلام منزل منهم
صدقني سيعودون لانهم اشتروا بلادهم بالغربة والحنين ..

الله حيتوب علينا متين من القصص دي

من يرغب في ضيف لاجئ
أعياه سراب الوعد
بداخل صكه اختام
من كل بقاع الأرض
فأنا أحياناً لاجئ
وأنا أحياناً فرض
وببعد الأحيان الأخرى
أضطر وأصبح زائر

.

أنا رأى إنو السودانيين ديل كان أحسن يجاهدوا مع الشعب العراقى الذى إستضافهم طيلة الفترة السابقة ويموتوا معهم ولا يكونوا كالأخرين يفرون عند الزحف

ياجماعة اليده في الموية ما زي اليده في النار

i saw them on TV. and frankly speaking i was so shocked to the extened i believed and for some minutes that it was Sudan,NOT Iraq ,was attacked,
why do we always suffer from others' tragidies,I FIRMLY BELIEVE,AND DESPITE THE UNFORTIOUNATE SITUATION IN SUDAN,IT IS BETTER FOR THOSE SO CALLED (REFUGEES) TO GO BACK AND SAVE THEMSELVES AND THEIR KINS ALL THE SHAME AND THE UNEASY FEELING OF SEEING THEMSLEVES ON TV,IN AN UNFORTIONATE SITUATION,SUFERING FROM A WAR ,NOT MENT AGAINST THEM ,NEITHER AGAINST THEIR GOVERNMENT,