قصيده

بسم الله الرحمن الرحيم


السلام عليكم ورحمة الله تعالى وبركاته اخوتي هذه القصيده هديه مني الى عموم اهل البورد وهي تحمل عنوان :

خائف من الاقدار

بقيت خائف من الاقدار

وخوفي عليك من المجهول

بقيت خائف من المشوار

اتوه في سكه ليلها يطول

بقيت خائف كمان ارجع

وشوقي اليك دوام موصول

واصدق فيك كلام الناس

اصدق فيك عمل معمول

تمر بي فكري خاطرة فال

تطير الفرحه مني تزول

وصدري يضيق وصبري يقل

ويبقى محال اليكي وصول

واشيل في خاطري من قلبي

بحكم الريد اتاريه جهول

بهيم في الحب ما داري

هناك الناس تصول وتجول

وكم من مره وصيتو

يبقى تقبل وديمه بقول

دوام اتانى في ريدك

مصير الحب مصير مجهول

وفيني تشمت الحساد

لانو بطبعك انت عجول

بقيت عايش مع الاوهام تردد في كلام معسول

بقيت انا في انتظار باكر

مصير احلامنا في ايد زول

بقيت محتار مع الايام

تلف وتدر بدون ما تقول

بقيت مستني لي قدري

قبيل لا البال لا الفكر مشغول