Post: #1
Title: مانعنى وصالك حراسك
Author: Dr.Elsarrag
Date: 03-11-2003, 07:45 PM
مساء الخير اعزائى
هاكم دى:
وصحيت من حلمى العشته معاك
فى عطر عبيرك وانفاسك
ما كنت معاك عايش فى نعيم
فى دفء حنانك واحساسك
متلفح توب الريده وشاح
متوسد لطفك وايناسك
لو كنت صحيح صادق فى الريد
وامتلك الحب كل ...........حواسك
ما كنت رحلت نسيتو هواى
بدلت ..........عهودك واخلاصك
ما كنت بخاف من نسمه عليك
من روحك حتى ونبراسك
لو قصدك كان للغيره تثير
ما ياني حبيبك .............وناسك
طريق الحب ليك كان شايك
مانعنى وصالك حراسك
فى حلمى بعيشه نغم حالم
حين اسمع رنة اجراسك
نمشيها دروب الريده سوا
ايدى فى ايدك نتماسك
|
Post: #2
Title: Re: مانعنى وصالك حراسك
Author: Hozy
Date: 03-12-2003, 00:00 AM
Parent: #1
د. السراج
انت طبيب عيون ولا عينك لسه واجعاك
خلاص كفاية ما ممكن تخليها للهوا كتير كده
لوووول
كلماتك جميلة
دمت
|
Post: #3
Title: Re: مانعنى وصالك حراسك
Author: WAD ELGAALI#4
Date: 03-12-2003, 01:08 AM
Parent: #2
والله يا دكتور لمستنى فى منطقه حساسة بلحيل وقومتا على وجع الاحساس بعد ما خليتو ينساب برا شرايين ريدى انت جراح عيون والله قلوب ياخى الله يديك الفوق مرادك ياسيدى
|
Post: #4
Title: Re: مانعنى وصالك حراسك
Author: toona
Date: 03-12-2003, 07:27 PM
Parent: #1
دكتور السراج
ان شاءالله وصلت يا خوى
ام الاء
|
Post: #5
Title: Re: مانعنى وصالك حراسك
Author: Teeta
Date: 03-12-2003, 07:32 PM
Parent: #1
معليش يا اخوان حصل تشابك فى الاختصاص
واصلو تونا دى بنتى
كلامك ظريف يا دكتور
ام الاء
|
Post: #6
Title: Re: مانعنى وصالك حراسك
Author: toona
Date: 03-12-2003, 09:15 PM
Parent: #1
حبيبتي أم آلاء ….
مافي مشكلة يا غالية ، انت اتلخبت عليك الاختساس ، واحنا من ايدك دي لي ايدك دي ! الله يخليك لينا ويديك العافية يا رب …
دكتور ، القصيده جميلة ، لكن والله حراسو بالغو معاك !! ما قلت لي ، مالو هو حراسو شداد كدي ؟ ما مدين الواحد نفس ! ولك كل الحب
|
Post: #7
Title: Re: مانعنى وصالك حراسك
Author: Dr.Elsarrag
Date: 03-14-2003, 09:31 AM
Parent: #1
يا هلا بيكم جميعا
خلاص يا هوزى العين قفلناها
وشكرا على تعليقك الظريف ولك كل المشاعر الطيبه الجميله
وانت ياغالى يا ود الغالى اتمنى ليك الشفاء وعودة الاحاسيس الجميله والمشاعر النبيله وربنا يبتليك بالحب من جديد على شرط يكون حب صادق بدون اوجاع والام وخلى الوجع لينا اما انت يا ام الاء نشكرك على اهتمامك بالاشعار والمتابعه الجاده ومنتظرين مزيد من التعليق البناء لانه بيدينا دفعه لمزيد من الابداع والكتابه والمشاركه
اما انت يا تونه نشكرك على اسهاماتك فى هذا البوست ونتمنى ليك كل التوفيق فى مجال الشعر ومجال الطب
|
Post: #8
Title: Re: مانعنى وصالك حراسك
Author: سجيمان
Date: 03-14-2003, 09:45 AM
Parent: #1
رائع يا دكتور
|
|