Post: #1
Title: اؤرنيل 8
Author: Yara
Date: 03-02-2003, 00:22 AM
Parent: #0
اقصد { اورينك}8
وقصة اخري عن ابراهيم هالك وفاجعه اخري اسميها -تجاوزا- قصه.سلام اهل البيت ..
فهذه هي اورنيك 8 ...
كان نهارا اخرا ساخنا وكنا اربعتنا نقوم بتغطيه نبطشيه الجراحه...وكان اخصاى الجراحه عنده يرفضون ان يشرفوا على الاطباء
الجونير تحت شعار الاحتجاج علي فكرة ابراهيم مالك من الاساس....
المهم نحن كاطباء امتياز لاحول لنا ولاقوة فوق قرارت الوزاره { كان
هذا في زمن انكسار الدكاتره}...
نرجع لتلك النبطشيه اللعينه وبين مانحن ننوي تدبير راحه فيما بينا نقدر بعدها علي متابعه النهار باليل بالنهار الذي يليه... فاذا باصوات كثيره تعلو وتقترب رويدا رويدا...ومامهلنا وقت للتساؤل وجدنا انفسنا وفي داخل غرفة النبطشيه المختصره محاطين بعدد مهول من مايبدو عليهم طلاب ثانوي؟ يحملون عنقريبا به طالبااخر يصرخ ويقفز بكامل جسده عاليا حتي نظنه لن يعود لي عنقريبه مره اخري لكن زملاؤه يعيدونه بالقوه....كان منظرا مروعا لو تناقلته وكالات الانباء لحذرت من هم في سن مثل سن هؤلاء الطلبه من مشاهدته....وفى هذا الاثناء ونحن نحاول فهم الحاصل
يترامي الي سمعنا {وفي نص محاولات الانقاذ} اصلو اتضرب بي رصاص في المدرسه يادكتوره- صرخ احد الذين كانو مسكين بالعنقريب-
...والله كلنا شفناهو اضاف اخر....
كويس كويس كدي هسي حاولوا اصلو اوضه الاشعة بالعنقريب
ده سريع ....وتوالت الاجرءات الدم....جهزوا العمليه...سريع دايرين دم وين اهل الولد ده؟؟ جاين هسي بيتهم في اركويت هسى كلموهم!
طيب ممكن زول ينادي نايب اخصاي عشان نحن حنخش عمليه هسي ومحتاجين لدكتور اكثر خبره؟؟؟
والله قالو نائب الاخصائ امكن في سوبا!!!! غايتو قال حيجي يمسك النبطشيه باليل وهسي مافي طريقه نلم فيه.... غايتو اتنين من زميلاتنا اللي ما متعينين رسمي {ممنوع تعينهم كنواب لانهم رافضين يمشوا الدفاع الشعبي} اتبرعوا انو يعملوا معانا العمليه رغم خبرتهم لمحدوده ولكن لابديل يا!!!!
ناس التخدير ياجماعه عندنا ولد ثانوي مضروب رصاص محتاج عمليه استكشاف مستعجله ممكن يتخدر؟؟؟
ايوه يادكتوره ده ماعند نا وده ناقص لكن بنخدرو والفيها خير ربنا يسويها...
وهرولنا نحو غرفة العمليات ...وجموع الطلبه اخذت تزداد وتخللتهم عددا من الاساتذه وحينها اضيف الي الجموع..... اهل ... حسن احمد سعد والبقيه تاتي
|
Post: #2
Title: Re: اؤرنيل 8
Author: Arbab
Date: 03-02-2003, 04:17 AM
Parent: #1
كملى لينا القصة يا د. يارا نحن فى الانتظار . يبدو الاجرام وصل حتات بعيدة فى وطنا !!
|
Post: #3
Title: Re: اؤرنيل 8
Author: Yara
Date: 03-02-2003, 02:26 PM
Parent: #2
بعض من بقيه
داخل غرفه العمليه ارتاح الجسد اليانع تحت التخدير..
اربع ايدي تتعلم المهاره تحاول فهم حجم الاذلال الذي
الم بهذا الجسد فلا احد يجرؤ لمحاوله فهم ماالم بالروح..
هذا هو مدخل الرصاصه اشاره زميلتنا...اري الثقب تحت الضلع الاخير الايمن ....وخارجه من الظهر هنا بجانب الفقرة امكن t12
عندما فتحت بطن حسن ولدهشتنا لم نري نزيفا !!!!
بل كانت ناشفه تماما.....ماذا حدث لك ايها الشاب
هل اصاب دمك الاندهاش ففر من سوء المنظر!!!!
كانت الرصاصه اللعينه مرت من هنا
ففقعت مراره حسن...
ومزقفت جدار امعاء حسن....
وقطعت معده حسن....
وجات جنب كبده حسن ولكنها ابت فالرصاصه كانت ارحم
من اليد التي عبثت بها....
ومنعتها المهابه من ان ترتكب اي حماقات اكثر من ذلك فخرجت من السلسله الفقريه ل1
to continueانتهت عمليتنا الاستكشافيه وما انتهىنا....ولكن ابتدينا
|
Post: #4
Title: Re: اؤرنيل 8
Author: Arbab
Date: 03-02-2003, 10:26 PM
Parent: #3
يا حسن .. يا طفلنا البريئ ...ماذا يا تري حدث لجسدك اليانع !! لا تمت يا حسن , يا طفلنا الرصاصة يا حسن ..
!! العزيزة د. يارا ارجو ان لا تقولى ان حسن مات مقتولا
|
Post: #5
Title: Re: اؤرنيل 8
Author: اسامة الخاتم
Date: 03-08-2003, 12:38 PM
Parent: #1
اين البقية يا يارا
|
Post: #6
Title: Re: اؤرنيل 8
Author: بت قضيم
Date: 03-08-2003, 01:32 PM
Parent: #1
يارا
ارجوك كملي
انتظرك حتى نشف دمي ايضاً مع حسن
قولي لي بالله
هل هذه القصة في السودان
؟؟؟
وين في السودان
؟؟؟
كيف
؟؟؟
والإجابة المستحيلة لسؤال يقول،، لماذا؟؟؟
!!!!!!
|
Post: #7
Title: Re: اؤرنيل 8
Author: nazar hussien
Date: 03-08-2003, 02:25 PM
Parent: #6
|
Post: #8
Title: Re: اؤرنيل 8
Author: Yara
Date: 03-08-2003, 07:45 PM
Parent: #1
اسفه جدا للتاخير..... القصه حقيقيه ..حصلت بحزافيرها فى السودان يابت قضيم....
والبقيه اتيه قريبا
yara
|
Post: #9
Title: Re: اؤرنيل 8
Author: اسامة الخاتم
Date: 03-08-2003, 07:45 PM
Parent: #1
نرجو ذلك
|
Post: #10
Title: Re: اؤرنيل 8
Author: بت قضيم
Date: 03-09-2003, 06:35 AM
Parent: #1
الله يفضيك لينا شوية يا يارا
|
Post: #11
Title: Re: اؤرنيل 8
Author: shiry
Date: 03-09-2003, 08:41 AM
Parent: #10
سلااام مربع
يارا يايارا
الله يخلي تجي تمي لينا
حراااام نموت بالشمار
كدا
في انتظارك
|
|