بصراحة ووضوح كده

:يا جماعة... بصراحة ووضوح كده.. البورد ده من دون هترشات شيري
مسييييييييييييييييييييييييخ
والمغالطني اليطالعني في السهلة

فعلا

فعلا يا اخ سرينادر
شيري ليها نكهة خاصة و تعابير جميله و اسلوب سلس و لها لغة خاصة تعتبر اضافة جديدة للكتابة و قد تعود الناس عليها و على قصصها و حكاويها و سودانيتها المأصله و تمسكها بها عكس بنات جيلها و اللاتي عشن معها في الخليج و اللاتي تنكرن للبلد الا انها تشعرك بانها بنت البلد الاصيلة التي لم تفارقه الا جسدا و الروح و القلب هناك في ابو جنزير و المحطة الوسطى و شارع الجمهورية
و لكن يا اخي الكريم هي هكذا حواء السودانية عندنا تغيب في قمة توهجها

يا صديقي
سلامات
صاح
لكن برضو حاطالعك
اها رايك شنو

صفيّ- في الزمن السابق عياناً، وفي اللاحق كتابة- ود برير
كنت ازمع التعاطي مع استجابتك لمكالعتي السهلة لو كنت واثقاً من وجود أدنى فرصة تجعلك تنافسني بدنياً أو عقلياً
لكن لما كان ليس بالامكان أن تمارس علي شيئاً من أسلحة العراك الشامل من شاكلة أم دلدوم وأم عضيم والدبل كيك وسائر اللبعات والعفصات الأخرى، فدعني أحيلك على ظلي لتتنتطح وإياه وإياك والفليق

أتهددني يا رجل
أنظر جيدا إن كانت عيناك ما زالتا سليمتين
أنظر إلى هذه الصرامة في العينين
العين التي ( باللفت ) بالذات فيها ما ينبؤك بشراستي و طول باعي في العراك
و أزيدك علما بأني ربيت لى مقانص تبش وعضلات لا يأتيها الخور
فلا تظنن نفسك غالبي
هيهات
محال
سنرجع يوما
و ليكن الطاهر حاضرا
بالمناسبة البوست دا فيما أظن لهترشات شيري
إفرد بوستا لنزالنا و سترى ما يسؤك و يسرني
و إن أنت كلفتني ما لم أطق
فقد سرني ما ساءك من خلق

والله فعلا بقى مسيييييييييييييخ.......وما عندو طعم

كنت يا عمو سجيمان اقترحت عليكم نعمل حزب للبنت المفلكبة دي، وقعدتو تمدو وتجيبوا وتقوموا وتقعدوا لحدي ما هي طفشت
أها هسى عندي ليك اقتراح تاني: إيه رأيك نعمل لينا كوم برانا أنا وإنت وأبو جهينة وود برير؟ صدقني لو اتعمل الكوم دا، الجماعة إياهم الضحك شرطهم
وبعدين أديك سر، والله، واللهن والله العظيم ثلاثاً، لو ما إنت وابو جهينة كنت زمااااان طفشت أنا برضو من البورد البقى دلجة بعد ما كان اخضر وسمح
ومرة تانية بحكي ليك قصة صاحبي مع البورد
أها قلت شنو؟

اها جنياكم يا الطيب
و اوافق الجميع ان هترشات شيرى بديعة . لا اسكت الله لهاحسا او قلما
فى الإنتظــــــــــــــــــــــــــار

سمح... أنشوف لينا كوشة نتلم عليها

يا زولة مالك؟ انشاء الله مافي عوجة.. الزعلك منو؟ انشاء الله ينشقا

صحبة الورد
وخوة الصفاء
سلام مربع

Serernader
اساسي
الزومه
ريمو
سجيمان
الطاهر -2
ميادا

ممتنة انا وشاكرة لكم هذه السودانويه الجميلة التي رعيتموني بها ، ممتنة لكل هذه الاريحيه التي ظللت اخي سريرندر تخصني بها ، هذه الجمائل التي تعودت ان تهديني اياها تخجلني ، ولا اعرف كيف اردها اليك ، ومع ذلك _وعساها ترضيك _ اهديك جردل حلومر بارد محنطر بالثلج وجمبو اباري ابيض ، لاني في هذه اللحظة اشم رائحة رمضان .
سلمتم احبتي ، سلمتم الف مره للاحتفائية النادرة في هذا الزمن ، التي هي بالفعل تشبهكم وانتم من نسيجها السمح .
سلمتم كلكم للطله