صباحك نور
جناح عصفور.. فراشة تدور
يا عنب معصور
يا عجب.. يا تعب.. يا دهب مصهور
زمانك مظلل بالسحاب والزين
زمانك معطّر بالطلح والنيل
وموعود بالوصال واللين
خديني معاك
من الزمن القديم لزمنك الضحاك
لي عالم محتفل بي بهاك
لي ناس مستمتعين سعدا، ولي زمن ضحاك
تتعود عيونا النور
ونجلس في حرير قمرا قصاد بللور
ولما الصبا تتعتق في الدنان
بتنبت لينا جنحات الفرح
نطير وندور
في بروج النغمة والطنبور
نهاجر في عروق النور
في زمن مسحور
ونرتاح في ضرا عمرك دهور ودهور
...وتاني يا
..يا زمن.. يا عنب.. يا دهب مصهور
محمد المكّي إبراهيم

سريندر العزيز

دي بدفعو عليها جمارك ولازم تكون مظرفة عشان الواحد يوصلها
انت قايل الوصل ساهل كده

بتكون شايف زي سبعتاشر واحد مرو عليها
وكلهم كانوا اما شايلين امتر من وزنهم او ما عارفين العنوان او دايرين حق الجمارك او ما مسافرين علي الخطوط السعودية

اما انا فعاوزك تظرف الوصية وتديني حق الجمارك

بوصلها انشاء الله

يا سلام عليك يا ود حسين، إنت الفيهم والله.. الشباب كلهم يخشوا عليها ويمرقوا بدون حتى مجاملة. المهم، شاكر عرضك، ودي المحرية فيك
بالنسبة للجمارك، فبعد هرش الرأس، وكشكشة الجيب، عثرت على تسجيل ماستر لواحد مخستك كده بقلد فنان ما بعرف اسمو، وبقول
سلمتك خطااابي يا ساعي البريد للسافر وطول في بلداً بعيد.. ترم ترم
والحساب يجمع

مية مسا
على الناس
المدهشة

طبعا زي انا عاملة بت بتشبه البنات
وبتخجل يعني

واقول ليكم
افرحتوني
جدا

اخواني
serenader
نزار حسين

لكم مني
ضحكات البنفسج
وانفاس الياسمين

سلمتم للسؤال
وسلمتم اكثر لطلتكم علي

هذه الامانة ايضا

امنح قلبك فرصة للتصالح حتى مع الاعداء ولو رشقوك بسواد الفكره . امشي بقوة متصالحا نحوهم وان عز ذلك .. على الاقل افعلها مع نفسك . هم الاخسرون .. احسدها تلك القرود اذ اراها تتقافذ على قمم الاشجار دون ان تفقد توازنها تفلي صغيرها وتجرب طعم صخب القمم ، دون ان تفقد نكهة ثبات الارض حينما تتراكض عليها.. __________________ _ التوقيع. شيري قبل ان يصدمها طعم التوت الذي قزف اليها به قرد اعمش عشق بصورة ما حول لم تشفي عيني منه بعد

أبلغ أحوال الورد
خطاب حسن احمد
نجمتين إتجادعن لمة أساك
لحق المسافرين فى الصحارى الإرتباك
مخصوم منك وطن ,
ناس
وصحاب
قدر الطنابير ماشكت
طبل المساهرين مارطن
منشور هواك
فضا الجناحات الصفقن فى ليلاً أشتر
غدر الرياح الودّرن من المراكب إتجاه
معلوم عناك ولوعتك
كل الدقايق تلسعك
وانت بتغامد فى نعاس عسل الغُنا
كل المواسم تلدغك
بى سم حنينا الحصنك
ضد المناخات الغريبة
ونشرة أحوال الحبيبة
الأرهقت
كورس حقيبتك دوزنة
وتعبت معاك
مادّا إيدا
وواردة موجه
من عيون النيل
تمُ تمُ شجى مال بيها نازله
وهى بتفج الموج فجيج
مردوم صبى
قام بيها قادله
إيديها جوزين
يرووا الحجيج
أبلغ أحوال الورد
عاكسانى خدودك بالبلدات
منثور ومشتت
وعازمانى اتلملم من تانى
مدينة مدينة واتوحد
إيقاعك جابد أقدامى من غابة
ضحكاتك واحات
مالية الصحرا
لقيتينى جزيرة مُشردة بالمجرى
إيدينك فاضوا وحضنونى
مأهول ياليل
بى إبل النجوى
الدقشت
ضربت انحاك
ومجنون يانجم
متجادع نمّى مشهر بى
بين الأفلاك
مخصوم منك وطن ,
ناس
وصحاب
مخصوم منو
مخصوم مني