Post: #1
Title: بابا بيقرا في البورد........اللللللله
Author: zola123
Date: 02-26-2003, 07:51 PM
اشواقي وتحياتي
والدنيا من غير البورد حقكم ده صعبه والله
عذرا اختكم مزنوقة الايامات دي في برنامج قراية
لاكن لا اقاوم ان اتصفح بوردنا العزيز من آن لآخر
وماشاء الله اراه هادئا ورياحه ساكنة
لاكن يا ربي ما يكون الهدوء الذي يسبق العاصفة
تعالوا اضحكم شوية بموقف ظريف
عندي حاجات في الكمبيوتر حقي دايرة تصليح, ونظرا لانشغالي طلبت من الوالد متابعتها
اعتقد انها اول مرة يشوف جهازي الخاص عن قرب , وصفحة البداية عندي طبعا هي البورد
اها بس جاني ليك بعد يومين, انتي السايت ده سوداني, الماضيع الفيه دي بتقريها؟
طبعا مستغرب من زولة انها مهتمة كدة
والوقت داك المواضيع المرفوعة كلها سياسة وكيزان وفنجانين, وخلطتنا العجيبة من الشخصيات من رؤساء لفنانين وخلافه
وطلب العنوان , ومن ساعتها مشى على جهازه وعسكر في الصالون قريب ال4 ساعات
وانا امر والقيه بيفتتح موضوع ورا موضوع وانا ابتسم بخبث
للدرجة دي جرعة ادمان البورد بقت لمحة؟
طبعا مشيت نقيت ليه مواضيع قديمة مميزة في وسط طوفان المواضيع داك ومن ضمنهم موضوع قديم لي. اظرف حاجة انه ما عرف الصورة الخاتاها لووول
بعد ما وريته معليش يا حنين فتنت عليكي. قلت ليه..... زاتها بتكتب هناك
يعني بعد داك ختي بالك عمك بقرا ليكي
ده ما الموضوع , القصة وما فيها بمعدل قراءة بابا هذه لا استبعد ان يقدم على التسجيل في البورد, هنا اتذكر موضوع السنجك عن شقيقتك في البورد
اها ده مش شقيقتك, بنتك عديييييل في البورد
انا طبعا حانبسط, لاكن يا ربي هل حيأثر على طريقة كتابتي
ولا حيأثر على تعليقات الناس على مواضيعي
خصوصا ناس يا رايعة ويا مبدعة لووول
انا باضحك بمجرد طرح الفكرة اها انتوا رأيكم شنو؟
تحياتي
زولة123
|
Post: #2
Title: Re: بابا بيقرا في البورد........اللللللله
Author: الجندرية
Date: 02-26-2003, 07:58 PM
Parent: #1
زولة والله بت حلال
قبل دقائق بس نزلت بوست بسأل عليك وانت وبقية البنات الحلوات ديل
لوووول على بتك في البورد
انا انا اخوي وراجلي الاثنين معسكرين لي
لوووووول
تاني
حمد الله على السلامة
جد وحشتينا
عقبال الباقيات
|
Post: #3
Title: Re: بابا بيقرا في البورد........اللللللله
Author: حنين
Date: 02-26-2003, 09:55 PM
Parent: #1
زوله قلت لي شنو عمو بيقرا البورد :
الليله ما اتقمحنا يا اختي....الليله ما سجمنا وتاني نمشي عديل زي السوط لووووووووول
انا تاني ما حانزل الا مواضيع عن كيفييه تاديه الصلاه ومناسك الحج
وانت بالله خلي عنك فيروز والجماعه ديل عشان بيجيبو الهوا...وانا ارسل ليك شريط اولاد البرعي من هنا
سلامي الشديد للجميع واتمنى ليك التوفيق يا غاليه شدي حيلك
|
Post: #4
Title: Re: بابا بيقرا في البورد........اللللللله
Author: garjah
Date: 02-27-2003, 07:00 AM
Parent: #3
الزولة الرائعة 123
دخول السيد الوالد للمنبر مؤكد مكسب لينا جميعا
ونرجو منك توجيه الدعوة له نيابة عن الاعضاء وبكري
وتسلمي
|
Post: #5
Title: Re: بابا بيقرا في البورد........اللللللله
Author: Teeta
Date: 02-27-2003, 07:25 AM
Parent: #1
يا بنتى ما ابوك براه كلنا غير البولاد بقى ما عندنا حاجه
وفى ناس وريناهم درب البورد بقوا ناسه اكثر مننا
وربنا يدى البورداب كلهم العافيه وعلى راسهم بكرى
تحياتى
ام الاء
|
Post: #6
Title: Re: بابا بيقرا في البورد........اللللللله
Author: karim
Date: 02-27-2003, 07:47 AM
Parent: #5
الزوله
تحياتى
و الله البورد ده بقى لزيز شديد لدرجه أنه الواحد بقى بدون
شعور طول اليوم بتكلم عنه و فجئه يكتشف أنه الشخص الآخر كمان فى نفس البورد و تحصل الكبكبه و الشقلبه
على العموم مرحب بالسيد الوالد ألف مرحب و أنا بشجع كل البنات يدخلو أبائهم فى البورد عشان يوفروا علينا المشوار
وتبقى الخطوبه طوالى عن طريق البورد
|
Post: #7
Title: Re: بابا بيقرا في البورد........اللللللله
Author: شرير والبرتقاله
Date: 02-27-2003, 07:54 AM
Parent: #6
صباحاتكم
بنكهة القرنفل
زوله123
يابت قولي لابوكي
عمو الشرير
قال تعال اشرب معانا
شاي المغرب
وفول بني مالك
في ساحة المطار القديم
دي موش عزمة مراكبيه
يازوله
دي عزومه من ناس
بورداب جـــده
|
Post: #8
Title: Re: بابا بيقرا في البورد........اللللللله
Author: wadazza
Date: 02-27-2003, 08:25 AM
Parent: #7
إحساس بروح الأسرة الواحدة يغمر هذا البورد الجميل..
ومرحب بالوالد العزيز عضوا نشطا...انتى زولة 123 وهو زول رائع..
تحياتى
ودعزة
|
Post: #9
Title: Re: بابا بيقرا في البورد........اللللللله
Author: عزيز
Date: 02-27-2003, 09:35 AM
Parent: #8
بابا فين بابا هنا هنا هو
الله أخوى مشرفنا هنا فى البورد
والله ياللسعادة وحسن الطالع
لك التحية ابنتنا ( الرائعة) والتحية للوالد الفاضل ومرحب به قمرا ساطعا بين نجوم البورد
عمك عبدالعزيز خطاب
|
Post: #10
Title: Re: بابا بيقرا في البورد........اللللللله
Author: zola123
Date: 02-27-2003, 12:33 PM
Parent: #5
الجندرية الحبيبة
يا ستي انت امورك سلكت خلاص , الدور والباقي علينا احنا الراجين الري
(الري دي صحيحة؟)
قلتي لي راجلك واخوك؟
المقعدك بعد ده شنو
لوووول
حنين
اول حاجة طبعا فتحت ليه مذكرات واحدة سمينة
والتعليق بجيك بعدين
يا بت امي الحص حصل خلاص
كان لبستي نملتك دي زاتها طرحة مافيش فايدة
الأخ قرجة
شفت أخ دي لزوم الرسميات وكدة
انا حاتابع الموقف واشوف يمكن يزهج براه, لاكن كانت اتعلق بالبورد بعدين اعمل روحي بادعوهه , عشان اعمل فيها ظريفة
لوووول
Teeta
يديكي العافية
ده زي.. علمناهم.... ولا بلاش
الزول يمسك خشمه بعد ده في البورد
|
Post: #12
Title: Re: بابا بيقرا في البورد........اللللللله
Author: HAMZA SULIMAN
Date: 02-27-2003, 12:46 PM
Parent: #10
يا زوله
فاليتفضل والدك وده مكسب لينا كلنا
|
Post: #14
Title: Re: بابا بيقرا في البورد........اللللللله
Author: ايهاب
Date: 02-27-2003, 01:11 PM
Parent: #10
العزيزه زوله
اولا مرحب بالوالد الكريم بيننا
طبعا انا حصل لي الموقف دا قبلك
طبعا والله كلو ما يجيني يلقاني فاتح ليك البورد و غاطس اها نفس الاسئله بعد داك مرتين رد بي اسمي و كتب تحت ا بو ايهاب
اها لما مره رقد مستشفي و طلع بالسلامه قعد ليهو زي اسبوع نقاهه كدا في البيت و طبعا لقاها فرصه و غطس ليك هو كمان بقيت انا زاتي ما لاقي طريقه ادخل البورد و رجعتا اكوس ليك في الشباب و ين و البرنامج شنو الليله لغايه ما نزل شغل و هسه بقى يطلع على البرود من مكتبو
و طبعا انا كنتا سعيد شديد انو اتعرف عليكم و هو كان اسعد
بي وقفه اهل البورد جنبو في وكعتو و تمني السلامه ليهو
و من ثم انضم لي البورد و اسعدو شديد ترحيبكم بيهو
فاكيد انتي سعيده الان
اما بالنسبه لي اسالتك فاعتقد انو وجوده حا ياثر شويه على كتاباتك لكن بعد شويه حا تتعودي
مره تانيه مرحب بيهو و في انتظار انضمامو لي البورد
تحياتي
|
Post: #11
Title: Re: بابا بيقرا في البورد........اللللللله
Author: intehazy
Date: 02-27-2003, 12:46 PM
Parent: #1
أنا طبعا يا زولا مشارك جديد في البورد دا ، لكن لي زمن مشترك في البورد التاني و ما مخلي ليييك زوول من البعرفم أو الحواليني إلا و قريتم مساهماتي بهناك بالقوة و العجب الأيام دي عامل فيها شاعر
لكن ما عارف هل حيجي اليوم أبوي يشوف أنا بهبب في شنو
ما أظن
و الله يكون في عونك يا زولة
|
Post: #13
Title: Re: بابا بيقرا في البورد........اللللللله
Author: zola123
Date: 02-27-2003, 12:46 PM
Parent: #1
karim
ماه الكلام زاتو المجنن وبي
بوبي ده ما باعرفة بس باسمعهم بيقولوا المثل ده
:P لوول
شرير والبرتقالة
حتتكم دي يجوها كيف
ما ديل المراكبية زاااتهم
قالوا تعالوا بس كيف يصلوهم في نص البحر لووول
ود عزة
شكرا ليك
ده لزوم الترحيب لا شنو
عم عزيز
شكرا على التحية الجميلة, بس مش الاغنية لعمو مش بابا؟
استاذ حمزة
شكرا ليك وحابلغه بدعواتكم له
intehazy
وانت الصادق يا خوي, بانتقي المواضيع البوريها ليه بالفرازة , بعد ما يتعود براه بيمشي يكوس ابحث , وكويس برضو انه بكري عملها صغيييييرة في آخر الصفحة
تصدق مشى فتح الارشيف, قلتا ليه ارشيف شنو تعال انا اوريك الحاجات الحلوة وين
لقيت ليك قصة بياض العجيبة دي متحكرة وسطهم لووول
كان منعوا لينا الانترنت زاتها مش البورد
لووول
|
Post: #15
Title: Re: بابا بيقرا في البورد........اللللللله
Author: غدى
Date: 02-27-2003, 02:05 PM
Parent: #13
لووووووووووول يا زوله
يعنى ابوى اصلو ما اخليه اقرب على الجهاز
|
Post: #16
Title: Re: بابا بيقرا في البورد........اللللللله
Author: Rose
Date: 02-27-2003, 10:12 PM
Parent: #1
والله يا زولة123 دي مدخل جديد الليلة ابوكي بكرة أبوي بعد بكرة أبو غدي وبعده وبعده .. بعد داك الا نعمل ليهم بورد براهم ، ونسمية سودانيزآباء نت
|
Post: #17
Title: Re: بابا بيقرا في البورد........اللللللله
Author: Dima
Date: 02-28-2003, 00:59 AM
Parent: #1
يا زولة 123 يا صديقة الكفاح المشترك
والله دي مشكلة أساسية
لكن أنا أكثر حاجة لفتت نظري
إنه السيد الوالد ما عرف الصورة
صدقي الحكاية دي مناسبة جداً لأبوي
أظني كان ختيت صورتي حسه ما يعرفها
لوووول
بعدين أبوي بيخاف من الكمبيوتر
ولما بدأ يتعرف عليه مشى دخل ليه كورس
ليه؟
عشان ما نعمل ليه عشرة بقرش ونص
ونسطّح بيه
رأيك شنو؟
لكن قولي لي أنا فهمت صح ولا لا؟
حنين بت عمك وعزيز عمك
وأيهاب أبوه شرنوبي؟
لووووووول
خلينا نشوفك في الراكوبة يا زوزو
|
Post: #18
Title: Re: بابا بيقرا في البورد........اللللللله
Author: Arbab
Date: 02-28-2003, 01:07 AM
Parent: #17
!! ووووووبس , هو هنا
نشوفك بعدين اذن
|
Post: #19
Title: Re: بابا بيقرا في البورد........اللللللله
Author: zola123
Date: 02-28-2003, 12:14 PM
Parent: #1
ايهاب
فعلا سعيدة, وتتصورت انه ممكن يأثر, لاكن وجدتني اعود طوعا للكتابة بعد غياب
نصحني بالفعل ان اكتب قصص قصيرة بعد ان قرأ حنكوشة الماكملت, قال عشان ما تزهجي القاري
قمت كتبت لمودك في مطارحته القصصية
غدى
والله تعتمد, كدي جربي وقولي لينا النتيجة
روز الروز
نفتح ليهم صفحة براهم كان عايزين, لاكن شكلها ما حتنفع زي تقسيم البورد الزمان
مستنية برضو والدك نتعرف بيه
ديما المكافحة لوووول
حنين وعائلتها اصدقاء لعائلتي من قبل ولادتي حتى, ووالدي بمثابة عم لها فعلا
وعزيز ومن ادعوهم عمو برضو بمثابة اعمام لي, مع انه عزيز ده شاكة في الحسبة حقته لووول
Arbab
بعدين وين يا ارباب, خلاص مافي مفر لوووول
تحياتي
زولة123
|
Post: #20
Title: Re: بابا بيقرا في البورد........اللللللله
Author: zola123
Date: 02-28-2003, 12:23 PM
Parent: #1
في ما يلي نص رسالة من الوالد لكم
كلفني بطبعاتها
...................
البنات والابناء أعضاء البورد
لكم جميعا تحياتي
يا ريت لو كنت في عمركم, كنت حاكون معاكم كل يوم في البورد
تاني حاجة مشغول جدا ومهموم بالعمل وتحضير ظروف الحياة بعد التقاعد
وجامعات الاولاد وبعدها الضرائب وما عارف امشي وين؟ للدردشة في الانترنت! لا اعتقد
أنا مبسوط جدا ومتفائل بوجود مثل هذه الشخصيات المرحة والذكية التي تكتب في البورد من جميع بلاد الاغتراب. أبناء وبنات ماشاء الله. اتمنى ان أرى السودان كله كذالك حينها فقط نقول انه بخير
أشكر قرجة وود عزة وعزيز على الدعوة والابن كريم على ظرفه
ويا حنين خدي راحتك ومافي داعي لأولاد البرعي, خلينا مع أولاد شمبات أو عشانك
back street boys
وخلاص شلت العنوان من كمبيوتري
ومع السلامة
أبو زولة123
|
Post: #21
Title: Re: بابا بيقرا في البورد........اللللللله
Author: omdurmani
Date: 02-28-2003, 12:23 PM
Parent: #1
وانا اقول البت دي كتابتها نضفت ليه\
......
shereef
|
Post: #22
Title: Re: بابا بيقرا في البورد........اللللللله
Author: noha_g
Date: 02-28-2003, 12:32 PM
Parent: #1
zola123
مرحبا ببابا
|
Post: #23
Title: Re: بابا بيقرا في البورد........اللللللله
Author: omdurmani
Date: 02-28-2003, 01:10 PM
Parent: #1
بسم الله
نرحب بالوالد العزيز ابو زولة...
.........
ياشباب نضفت دي علي سبيل الدعابة والتضخيم....
اختى زولة........اعتذر عن نضفت لو زادت شوية....
..............
yours,
shereef
|
Post: #24
Title: Re: بابا بيقرا في البورد........اللللللله
Author: WAD ELGAALI#4
Date: 02-28-2003, 06:23 PM
Parent: #23
وارمى لى قدام ورا مؤمن والله ما كده
لك تحياتى وللوالد العزيز حبى والتقدير
|
Post: #25
Title: Re: بابا بيقرا في البورد........اللللللله
Author: bit barber
Date: 02-28-2003, 11:26 PM
Parent: #1
سلام يا زوله
اتخيلي انا مرت بي نفس القصه تقريبا برضو بابا اتعرف علي البورد مني وعجبه جدا لدرجه انه قال ناوي يسجل فيه
اختك لبني
|
|