حملة جهاد لعلاج......... عبدالرحمن عبدالله

اخوتى الاعزاء
قبل فترة ليست بالقصيرة كان هناك نداء لعلاج الفنان
الانسان عبدالرحمن عبدالله .. ولم تثمر تلك الحملة بما
هو مطلوب .. ومن هنا ومن هذا المنبر اناشدكم ان تلبو
نداء انسانى لعلاج الاستاذ عبدالرحمن .. ولنجعلها حملة
جهاد ولتتضافر جميع جهودنا لما عرف عنا من اغاثة الملهوف
وتكافل اجتماعى قلما يوجد فى شعب آخر .. لذا اخوتى ارجو
ان نستثمر كل جهودنا لانجاح هذا النداء .. لكم ودى واحترامى

انا من هنا اناشد جميع الفنانين الموجودين بدولة الامارات

حمزه سليمان
سيف الجامعه
وكمان اليومين ديل توجد بيننا عابده الشيخ لعمل حفل خيري في الانديه السودانيه الثلاثه الكبري

اخى عباس
اضم صوتى لصوتك .. وليتحرك الاخ حمزة سليمان
وهو عضو بهذا المنبر .. لاثراء الحملة حتى
نساهم بفعالية فى علاج الاستاذ ولك ودى

ياريت يا اخوي ود الدامر

والله كلنا مستعدين للمساهمه ما بنغني بس بنساعد ساااااااااااااااكت

الاخ عباس
تحياتي انقل اليك هذا المقترح من بوست شريط الموصلي هاديه السقيد والمجموعه
كمال باذن الله العمل حيتم وعندي اقتراح انكم بالبلدي توزعوا منو علي الاقل خمسمائه علي الناس في السوعوديه فب عشرين ريال تخصص للاستاذ الزميل عبدالرحمن عبد الله يعني ببساطه
500 fi 20
= 100000
ولو اجتهدتو وعملتوها 1000 نسخه بتعمل
25000
ريال
واي اجتهاد زياده في التوزيع
تكون لمصلحة الصديق المبدع عبد الرحمن مارايكم

والله اقتراح عملي جدا يا استاذ الموصلي وبعد دا نشوف اجتهاد الناس العمليين هناك في السعودية ونكمل كلام الناس البتكلموا ساكت

من ناحية تانية ممكن الناس الجادين يقوموا بتنظيم جمع التبرعات بصورة منظمة حتى بدون الالبوم، بس الناس عايزة زول واحد مسؤول يتولى المسالة ويديهم عنوانه ورقم حسابه مثلا

وربنا يوفق ونسال الله ان يعين الاستاذ عبد الرحمن في ازمته حتى يبلغ كامل الشفاء ان شاء الله

تسلم ياالصاوي

الاخوان الاعزاء

الموصلي المبدع

انا متبرع هنا في الامارات اوزع كميه من الالبومات
وكمان نشوف ناس السعوديه رايهم شنو يعني اي واحد من البورد لازم يوزع علي اهلو واصحابو كميه يعني لو كلو واحد وزع 10 البومات بكون الوضع جيد جدا

عباس لك التحيه وارجو ان تقولو اقتراحاتكم هذه في البوست بتاعي تحت عنوان سامحوني

الاخ الموصلى
اولا اشكرك على الاقتراح الجميل الذى تقدمت به
ونتمنى ان يرى النور .. ونحن هنا فى الامارات
حيث انطلق النداء سنكون اول من يبادر بانجاح
هذه البادرة الطيبة .. وهلمو بنا لنضع ايدينا
فوق ايدى بعض .. لنعيد البسمة لبلبلنا المغرد
ولكم الود اينما كنتم

قد كنت اتحدث مع هاديه وعلي السقيد
بالتلفون وقد وافقا ان يكون توزيع السعوديه
لصالح علاج الصديق عبد الرحمن ونتوقع ان يكون اقل عائد عشرون الفا من الريالات
وانتو في الامارات ومعاك باقي الدول اشتغلو لاستمرار هذا المشروع الذي يمكن ان يسهم في اشياء كثيره
سلمتم يا ود الدامر

فنانا الرائع الموصلي


نحنا معكم وزي ما قلنا حا نوزع هنا في الامارات وحا نلزم اخوانا البورداب كل يوزع كميه معينه لي اهلو ومعارفو لذلك العمل

وربنا يوفقنا جميعا انشاء الله

الأخوة الاعزاء
السلام عليكم ورحمة الله وبركاته
وبعد
هذه مبادرة كريمة منك وأنتم أهل لمثل هذه المواقف الانسانية
حين إنطلاقة الحملة الأولى للمساهمة في علاج الاستاذ الفنان عبدالرحمن عبدالله
من رابطة أبناء الابيض وبارا تناقشت مع بعض الاخوة وتعميم المساهمة لتشمل كافة السودانيين خاصة وأن معظم السودانيين يسهل الوصول إليهم هنا في السعودية عبر الجمعيات الخيرية خاصة أبناء الشمالية
وأنا على إستعداد للقيام بتوزيع أكبر قدر من ألبومك يا موصلي وكذلك بجمع التبرعات لمن يريد أن يساهم بمبلغ أكبر
ولكن المسألة محتاجة لنوع من التنظيم والسيطرة لكي لا تكون مسألة عشوائية وذلك بتحديدي شخصين في كل مدينة يتواجد فيها السودانيين بكثافة
مثلا الرياض شخصي والمهندس صلاح غريبة وفي جدة يمكن تحديد شخصين والدمام
وهذا مجرد اقتراح وأرجو أن تتبلور كل الافكار وتلخص في خطوات محددة للتنفيذ
مع خالص شكري لكم
وليد

الاخ ود الدامر والاخوة الاعزاء
تحياتي الطيبات ليكم
الاخ ودالدامر ربنا يديك العافيه انت وكل من ساهم او سيساهم في هذا العمل النبيل وهو ما شئ غريب علي اولاد البلد.
لكم مني كل الود
الاخ ود الدامر ارجو مراسلتي علي ايميلي