هووى يابت...شيلى شيلتك !!!!!!!

ياجماعة الكلام ده صحيح؟..بعض بنات المغتربين بنزلو اجازات ومعاهم الشيلة؟ تحسباً للزواج يعنى؟..وليه شايلين شيلتهم كده يعنى؟..حقيقة اذا كان الكلام ده صحيح...يبقى نلغى كل أغانى البنات..ولو ما مغترب يبقى تاجر غرب...واللا يزيدوا ليها التاء المربوطة...وده من شنو؟ كانت فى ظاهرة زواج المغترب من مغتربة لكن يظهر خفت شوية ويمكن عشان الحالة الاقتصادية وتدنى الوظائف حتى فى دول الاغتراب..وبقت البير وغطاها معروفين على الأقل العايشة فى الغربة عارفة حالة المغترب ومافى طريقة يدق ليهاماكينات...زى ما بحصل من بعض المغتربين لبنات الداخل...وهل يمكننا رد ذلك الى مشاكل الغربة المترتية؟...ونضيف ذلك الى مشاكل التعليم..التى يعانى منها أبناء وبنات المغتربين أيضا؟
ونسميها مشكلة البحث عن عريس ما شالش حاجة....خالى شيلة يعنى؟
تحولات كبيرة فى مجتمعنا السودانى...آثار الغربة بدت تظهر وتلقى بظلالها على كل المناحى...ينتبه المغترب فجأة أن ولده فى عمر الجامعة وبنته فى عمر الزواج...لاهو قادر ينصهر مع المجتمعات الهو فيها..ولا قادر يلم شمل أسرته فى الوطن الأم...حيظل فى نظر المجتمع حتى لو استقر فيهو وبطل الغربة..حيظل اسمو المغترب ...يحاسبه الناس ماذا استفاد من غربته؟وماذ حل بابنائه وبناته؟ولن يعينه أحد لا الذين أغدق عليهم وهو المغترب سابقاً ولا الحكومة التى بطشت به ضرائبا ورسوم...وفى اعتقادى الشخصى أن الاغتراب كمفهوم وواقع قائم على الخوف..الخوف على الأبناء ...الخوف من المستقبل ..الخوف من انهاء التعاقد..الخوف من الخدمة الالزامية لمن هو فى سنها أو له أبناء فى سنها..الخوف من رسوم الجامعات ..الخوف من باريكسيزم البنات الخوف من المقاول الذى يبنى له مسكنا بالسودان .
الخوف من قدرته على الايفاء بالتزاماته نحو من يعيلهم بالسودان
الخوف من السفر بسودان طير ..الخوف..الخوف.
وأزاء كل هذا الخوف..قد..تترسب داخل المغترب...أوهام أو تهيؤات تستحيل الى ..واقع يتلمسه قسرا فيحاول سد تلك الفجوات ببعض السلوكيات التى ليس أولها السماح لابنته أن تشيل شيلتا..وليس آخرهاالضلوع فى مظهرية الحضور فى الاجازات بما يملك ولا يملك وبما كسبته يمينه أو مااستدانه...
آمل أن نتناقش
تحياتى
ودعزة

يا ود عزة هسى كيفن نقراء موضوعك ده
يعنى عشان شايفنا عميانين
ياريت تكبر الخط لانو اخوك وحاتك شايف طشاش وهاك النضارة دى

عزيزى كولا
أهو كبرنا الخط....
وكل سنة وانت طيب

تحياتى
ودعزة

ود عازة اخونا
موضوعك مهم جدا
و كمان بقترح توسيع دائرة النقاش ليصبح اوسع من موضوع
ابناء المغتربين فقط
بل يشمل كل مشالكنا و خاصة اننا لم يصبح لنا ابناء بعد
لا قدرنا نتأقلم مع الاغتراب لا قدرنا نرجع للوطن الفارقناهو قريب
و الدور عموما ما داخل دماغناو نفسنا نرجع لانو ما زلنا بغبار البلد
و باستطاعتنا ان نعود كما كنا وظيفة عادية فى اى مؤسسة بس نضمن الاستقرار و ستر الحال
لكن كيف و بتين و ده نهايتو وين ؟ دى الاسئلة المدوشانا
أما ان نركن و نسكت و ناس حاول تتاقلم دى ما عندنا خلونا واقفين على حيلنا احسن بدل الوهيط لانو بعدين بتغلبنا العودة
و السنة الفاتت عندما نزلت اول اجازة للسودان كان فى نيتي التي اخفيتها ان لا اعود للغربه
و صارحت بعض الناس القراب الا انني تفاجئت بهجومهم الضاري و العنيف و الذي نعتونى فيه بعدم المسئولية و الهروب
يا اخوانا الواحد يقول عايز بلدو يبقى غير مسئول كيف؟
دى قمة المسئولية لكن مين بيعرف
بتبكي ما عارف الميت
و فى النهاية كتمت مافي نفسي و عدت راجعا للسجن الكبير حاسر الراس مهزوما من جميع من عادوني
ظروف البلد و الحكام و المرتزقة و محبي السلطة فقد تطاحنو جميعا
و طحنوني فى نصهم دون ان يعرفو حتى من انا

الأخ الكريم ود عزه
هذا تأكيد للأغنية السودانية التي تقول:
وشيلتي براي بشيله

أعزائى
الزومة
عمر




فعلا شيلتى براى بشيلا...ذاتا...ويشمل ذلك شيلة الكراتين برضو وشواويل السكر...العريس يجى بى جلابيتو بس..بس تكون بيضا مكوية

تحياتى
ودعزة

ودعزة يارائع لك التحية وانت تسبر بنا في اغوار ومتاهات ما يسمى تجازوا اغتراب فهي بالاحرى هجرة وعذاب ..فانا شاهد عيان وعائد للتو من ارض الوطن يومين فقط ..يعني فريش حتى الان واتنفس نسائم بلادي ..وساعود للنقاش معك بعد قليل

مبروك ابراهيم وانت شلت شيلتك ومشيت عرست لووول..وبيت مال وعيال وفى انتظارك تكلمنا...وفى انتظار بوستات من بيت كلاوى واقع الداخل..
ومؤكد حتعكس لينا الصورة ...وكل الحاصل هناك
تحياتى
ودعزة

العزيز وادزا

في الحقيقة موضوع في غاية الاهمية
بس دايرة اقول ليك اني اول مرة اعرف انو بنات المغتربين بينزلو السودان بيشيلتهم

انا مغتربة مع اسرتي ليا سنين والسودان شفتها وانا عمري 15 سنة في الخريطة
وعد ماكبرت مشيت السودن اجازة مرتين
وعمري ما سمعت بيكدة

لكن احتمال ون كان دة اكيد فانا حقول للبنات ديل


حوى والدة

والرزق مادام رزقك حيجيك لحدي عندك
من غير خفة


تحيااتي


عاشقة