|
رايكم يا حلوين في كلام هذا سجيمان
|
الحق يا بكوري...... منبرك... دقس واتلحس...اكلتو الارضة..... كلو من ناسك المتفلهمين ديل.... خالفين كرعينهم...وكلو واحد فيهم عامل فيها ابو عرام....ويقولو في جنس نضم لا في السما لا في الواطا........ ويجو بجاي عليك امانة تقول داخلين الوطنية امدرمان وشعب كمان....نسوانهم على رجالهم....يرجعو لاصلهم ولي حلاتهم....... يا ربي العيب فيهم و الله في البنبر بتاعك؟.....هنا ياكلو بايدهم الاتنين... ويشربو بالقرعة....ويرقدو فوق كراب العنقريب.....ويلبسو عراريقهم... ويدوبو ويشربو البقنية....ونسوانهم يزغردن بطول حسهن...ويسون في البنينة.....هوووي بن بن بين يا بينة...... دحين يا بكري يا اخوي قول لناسك ديل اليتعصرو في واطاة الله دي....... ويعرفو انو الناس كلهم ولاد تسعة....يعني عشان واحد بيعرف يلصق لو كلمتين مع بعض عامل فيها شاعر.....والغريبة الباقين يصفقو...والله واحد عندو غنيتين ليهن عشرين سنة.... ما عندو غيرهن شئ..وعامل لينا دلوكة في راسنا.........والله واحد زمان كان شغال في برنامج الاطفال في التلفزيون والله في الرادي...... ايام جنة الاطفال وعمكم مختار...وخلاهو ليهو تلاتين سنة.... يجي حسي برضو يتفقلص.... انت اظنك زولا عديل يا بكري....... دا حين ناسك ديل اهديهم وحدسهم براحة..........كدي.....والله اقولك خليهم يقومو يكجنوك ساكت..ويفرتقو منك
|
|
|
|
|
|
|
|
Re: رايكم يا حلوين في كلام هذا سجيمان (Re: abas)
|
ما فهمتني؟....وكاتب ؟وبارز؟ واديب طويل عريض...و مثقف...وما فهمتني؟... الاخ مثقف من فنزويلا؟ امال الاختشو ماتو دي لزومها شنو؟......يمكن يا اخي شكرتك......... حسي....دا بدل تقول شكرا
| |
|
|
|
|
|
|
Re: رايكم يا حلوين في كلام هذا سجيمان (Re: سجيمان)
|
نعم العديل راى والأعوج راى.... لكن ما كل الأعوج راى ولا كل العديل راى.بمقياس عدم احترام الآخرين والتقليل من شأنهم..وملاحظاتى على الأخ سجيمان أنه متحامل على الكلمة النقية.والهادفة ويسعى الى الاثارة أكثر منه الى فائدة ما...يحاول دائما مخالفة الطرح العام فى شجاعة سايبرية لا أظنها تتوفر على أرض الواقع.ولا أدرى لماذا؟؟؟..كثير الاسقاطات ولا أدرى لماذا؟؟...فهو قد فسر حركات الصوفية بايماءات جنسية..وغدا سيفسر بنفس التفسير ...الجمباز...وحركات لاعبى كرة القدم وكرة السلة والسباحة..وركوب الخيل ...اعتقد أن تجاهله أفضل من الرد عليه أو التعقيب.. وسؤال برىء..هل الاساءة للأخرين هى رأى آخر؟ إذن ما الفرق بين الأدب وقلة الأدب تحياتى ودعزة
| |
|
|
|
|
|
|
Re: رايكم يا حلوين في كلام هذا سجيمان (Re: سجيمان)
|
C G Man
قريت قصة النمر؟...القال للنمرة...انتى النقط ليك جلدك أسود أسود شنو.؟...لووول هو ما شاف عوجة نقرطتو..
وكمان قاليها:أكيد كنتى مع الفيل واتراششتو باللبن أقصد بالزيت الراجع... نتمنى تكون فاعل اكتر وتبعد من الاسقاطات الغطست حجرقبيلة لازواندا...وما تسألنى من القبيلة دى شنو
تحياتى ودعزة
| |
|
|
|
|
|
|
Re: رايكم يا حلوين في كلام هذا سجيمان (Re: سجيمان)
|
انت عارفا عرفة شديدة كمان.. ومشكلتك انك بتحاول تتخلى عن مواهبك الأصلية وتدعى عدم الثقافة.. وبتحاول تسقط محاولات التخفى دى فى كتاباتك وعشان كده بتحاول تلوى عنق كتاباتك وتوديها لى الجهة المتعمدة من الاثارة اللفظية..وكذا موضوع يشهد..انت بتنازع نفسك بنفسك تحياتى
| |
|
|
|
|
|
|
Re: رايكم يا حلوين في كلام هذا سجيمان (Re: Ridhaa)
|
كدى خليكم من سجيمان وكلامه وكلام كل الحُساد ديل ناس الما بتلحقه لكن تعالوا شوفوا هل نحن فعلا بننصر الناس ونسينا نصر الله
شوفوا الكلام الجاى دا برضو من ناس البورد التانى
والله ماقلتا الا الحق ناس البورد التاني كل واحدفيهم داخل لابس جلابية دون كيشوت و نظارة افلاطون .ويقولوا ليك منبر والاشتراك فيهوا انتقاءي وصفوي انتاعارف انوا اكان الواحد فتح خشموا في محمود محمد طه تلقي الف واحد يجي ناطي ليك لكن كان اتعديت علي الدين او الرسول مافي اى زول حايتكلم معاك
ومن هنا برضو أُحِّى أختنا رمانه وأقول ليها كل سنه وإنت طيبه فقد دافعت عنا دفاع مستميت ضد كل الحُساد رمانه أنت جوه قلوبنا دمت يا حبيبه على فكره أُعذرينى فقد أضعت شيئامهم يخصك أرجوا أن تعيديه لى
| |
|
|
|
|
|
|
Re: رايكم يا حلوين في كلام هذا سجيمان (Re: سجيمان)
|
لم يكن كلامى لإثاره المشاكل وتعكير صفو بيتنا الجميل ولكن لآذكر نفسى ولآخرين أن حدود الله والرسول صلى الله عليه وسلم وحدود الدين يجب أن لا تُنتهك لكى نشد على آيدى كل القابضين على الجمر وليعلم الجميع أن من يُدافع عن حدود الله لا يُشترط أن يكون تحت آى مُسمى ولنعلم أن من ندافع عنهم اليوم وندافع عن فكرهم ومعتقداتهم هم آول من سيتبرئ منَّا يوم القيامه ويبقى وجه ربك ذو الجلال والإكرام
إخوتى جاء فى الحديث الشريف عن الرسول صلى الله عليه وسلم(أن الحلال بيِّن وإن الحرام بيِّن وبينهما أمور مُشتبهات لا يعلمهن كثير من الناس فمن إتقى الشُبهات فقد إستبرئ لدينه وعرضه ومن وقع فى الشبهات وقع فى الحرام كالراعى يرعى حول الحِمى يُوشك أن يرتع فيه الاَّوإن لكل ملكِ حِمَى الآ وإن حِمَى الله محارمه)؟
مفروض نحن كأمه مُسلمه يجب أن تحمد الله ليل ونهار أن فضلنا على العالمين بنعمه الإسلام وأن وجدنا على الصراط المستقيم قرأننا فى يدنا وسنه نبينا تحت أيدينا والحمد لله وبفضل الله أن ولدنا على الفطره ووجدنا كل سُبل العباده مهيَّأه أمامنا وبُعث فينا محمد صلى الله عليه وسلم فلماذا نلوث أنفسنا بأفكار ومعتقدات وآرآء مهما إرتقت ومهما خلَّدت لذكرى أصحابها فهى ليست مُنزله ولا شريعه تُتبع
هذا كان موضوعى الأساسى الذى أردت أن أطرحه منذ أن وقعت عينى على مقالكم المحترم ولو كان قصدى غير ذلك لنقلت ما قرأته من الأول لكن من الأول وجدت بوردكم يفتقد الإلفه والمحبه والأخوه التى ينعم بها هذا البورد ولله الحمد مما يجعل الكل يرتاح للخلود إليه لذلك عرفت أن ما يُقال هناك من باب الحسد ليس الإَّ ولكن الظاهر أن الشيطان شاطر حاد بى عن ما أردت قوله وأنزلق لسانى الا حيث لم أشاء فأستغفر الله العظيم ..وأعوذبالله من الشيطان الرجيم وبرضو من شر حاسد إذا حسد
| |
|
|
|
|
|
|
Re: رايكم يا حلوين في كلام هذا سجيمان (Re: وجن)
|
وجن......... انا ما عارف انتي بتتكلمي عني والله عن شخص تاني.....لو كان عني وعن مقالي.... لم اتطرق لحدود الله من بعيد او قريب والمقال امامك بشحمه ولحمه......لو كان عن شخص اخر فاعذرني.....انا احي فيك شجاعتك... التي يفتقر اليها كثير من الرجال
| |
|
|
|
|
|
|
Re: رايكم يا حلوين في كلام هذا سجيمان (Re: وجن)
|
الأستاذ وجن
تحية طيبة
لقد استغربت لكتابتك التالية:
Quote: انتاعارف انوا اكان الواحد فتح خشموا في محمود محمد طه تلقي الف واحد يجي ناطي ليك لكن كان اتعديت علي الدين او الرسول مافي اى زول حايتكلم معاك |
أنا أعتقد أن معرفتك بالأستاذ محمود محمد طه مستقاة من الجهات التي شوهت صورته في أذهان الشباب، وهذا أمر مؤسف.. ارجو أن تقراي في هذه الواصلة التي تحتوي على كتبه. http://www.alfikra.org/books/index.htm وهو يدعو إلى اتباع طريق النبي صلى الله عليه وسلم.. هذا أقل ما يمكنني أن أقوله في هذه السانحة.. ولك الشكر والتقدير
| |
|
|
|
|
|
|
Re: رايكم يا حلوين في كلام هذا سجيمان (Re: abas)
|
يا صديقي العزيز سجيمان
سلامي وودي
يا جماعة أنا داير أقول ليكم أن سجيمان ليس قصده الإساءة ولكنه يرمي إلى النقد بطريقته الخاصة، وأنا أفهمها وأعتقد أن المشاركة في الحوار بدون الشعور بالاستفزاز أولى ..
سجيمان أنت قلت:
Quote: الحق يا بكوري...... منبرك... دقس واتلحس...اكلتو الارضة..... كلو من ناسك المتفلهمين ديل.... خالفين كرعينهم...وكلو واحد فيهم عامل فيها ابو عرام....ويقولو في جنس نضم لا في السما لا في الواطا........ ويجو بجاي عليك امانة تقول داخلين الوطنية امدرمان وشعب كمان....نسوانهم على رجالهم....يرجعو لاصلهم ولي حلاتهم....... يا ربي العيب فيهم و الله في البنبر بتاعك؟.....هنا ياكلو بايدهم الاتنين... ويشربو بالقرعة....ويرقدو فوق كراب العنقريب.....ويلبسو عراريقهم... ويدوبو ويشربو البقنية....ونسوانهم يزغردن بطول حسهن...ويسون في البنينة.....هوووي بن بن بين يا بينة...... |
يا أخي كل فولة وليها كيال.. وكل بورد وليهو طريقة.. بنفس الطريقة كل مطعم ليهو طريقة.. يعني أنا مثلا ممكن أذهب إلى مطعم شعبي وأطلب شريفة "وهي ملاح خدرة بالكسرة" وأستمتع بها أكثر من أي طبق، وقد أذهب إلى الأكل في فندق مع بعض الأصدقاء وأستمتع أيضا بأطباق لبنانية أو حتى ماليزية.. مش لازم أجد في الفندق الكبير شريفة؟؟ إيه المشكلة؟؟
| |
|
|
|
|
|
|
Re: رايكم يا حلوين في كلام هذا سجيمان (Re: Yasir Elsharif)
|
صدقيقي وعزيزي الدكتور....... ياسر.....
كيفنك؟
يعني انت اتفقت معاي انو البورد دا للناس المتفلهمين.......او استولو عليهو المتفلهمين........او العاملين فيها متفلهمين....لانو بيجو بهناك..... وزي ما قلت انا بيمصلو البدل والقمصان.... ويلبسو العراريق ويقعدو يصوطو مع الصايطين........
| |
|
|
|
|
|
|
Re: رايكم يا حلوين في كلام هذا سجيمان (Re: سجيمان)
|
العزيز سجيمان
قولك:ـ
Quote: يعني انت اتفقت معاي انو البورد دا للناس المتفلهمين.......او استولو عليهو المتفلهمين........او العاملين فيها متفلهمين....لانو بيجو بهناك..... وزي ما قلت انا بيمصلو البدل والقمصان.... ويلبسو العراريق ويقعدو يصوطو مع الصايطين........ |
لا أنا لم أقصد أن هذا المنبر به ناس متفلهمين وإنما به ناس فاهمين.. وبنفس الطريقة المنبر التاني به ناس فاهمين لكن هو منبر مفتوح أكثر من هذا ، وهذا من حسناته وكذلك من سيئاته.. البورد الآخر شعبي ومليان بالناس من كل الاتجاهات والاهتمامات لأن الدخول إليه غير مقيد.. أما هذا البورد فإن كونه مقفول من حسناته وكذلك هي من سيئاته.. أما الناس الفاهمين ففي كل بورد سوداني موجودين..
ولك حبي وسلامي
| |
|
|
|
|
|
|
Re: رايكم يا حلوين في كلام هذا سجيمان (Re: Yasir Elsharif)
|
العزيز الدكتور ياسر......... صديقي عفيتك منها.... قد يتهموك بمخاواة الغبش...........
كلامك صح...ماية الماية........ الفاهمين هنا في والما فاهمين في.....وعاملين فيها فاهمين...وحامين الفاهمين يفهمو الناس الفاهمنو.....وهناك كلهم في.....لكن كل زول بيعرض في دلوكتو
| |
|
|
|
|
|
|
|