يوميات انسانه مشكلتها بس انها سمينه.............6

الليله الفالنتين....العالم كلو اتنين اتنين...الا انا....واسامه قشر من الصباح واتجبجب بالريحه....وجا مارق
_سمسم....اخوي حبيبي...ماشي وين
_ماشي....انا والشباب عاملين رحله
_رحله ....علي اناالكلام دا.....ا رحله ايخسي عليك....انا اختك الوحيده....تمشي كدا تخليني براي....ما محنناك....افلتن براي كدا
_زينب......كر علي يا يمه...انت حاسبه روحك زول واحد
_امشي يا عواليق....انشاء الله يدوك شاكوش
كويس....امشي اشوف امي بتعمل شنو....يا ربي امي وابوي بيكونو جايبين خبر للفالنتين
وتاوقت من باب المطبخ براحه....امي بتصارع في الكمونيه....دا شكل زول بيعرف الفالنتين واللا سمع بيو...اخير اجري قبل ما يقبلو علي
اما ابوي....ضرب الفطور....وراح في سابع نومه...اعتقد انو الفالنتين مع الزمن يتحول عند السوادنيين الا فطور كارب
وقعدت اتخيل...يا سلااااام ...لو كان عندي جكس الليله ....كنت خليتو يجيب لي علبه شوكولاته كبيييييييره...واللا كيكه شوكولاته ..والا ايس كريم شوكولاته....وعشان ما يتهموني اني كروشه....لازم شويه ورود في الحكايه
طيب اقوم اضرب لعزه هي الوحيده الحالتها زي حالتي
_عزوزه هابي فالنتين
_يا زينب...علينا وعليكم....بالصحه والسعاده
_يا عريريبه...بقول ليك فالنتين....فالنتين
_سجمي.....هو جا
_جا زي الترتيب يا بايركس
_انتي الساعه كم....الزول ما بلحق يعمل ليو جكس قبل نهايه اليوم
_هههههههه لو لقيتي جيبي لي معاك
_ايييييواااا وانا اقول موبايل هند مشغول من الصباح ليه
_ هندويه كمان بتلعب زينا.....
__ السنه الجايه ما دايره اشوفك....ولا اسمع حسك....ولا تضربي لي
_انشااااااء الله يا عزه يا بت الوسيله....ولا انتي
_اها كملتي ورق دكتور يوسف
_يا بت بقول ليك الفالنتين والناس كلها في عالم تاني تقول لي قرايه
_يا بت فالنتين عليك شنو انتي....امشي اقري ليك كلمتين ينفعنك....وباكر في الامتحان....خلي اب راسين داك ينفع هند
_ كويس يلا باي باي
_يا حليلها هند....يا ريت لو امشي الليله الجامعه....بس بيقولو علي ضهبانه ساكت...وهو في احلى من الضهب....السنه الفاتت قبل ما هند تخوننا وتخلينا ....قعدنا تحت الشجر نصور ساكت....يا سلامداك جكس تمام.....وديل مطقمين هدومم....وديك لابسه احمر تقول لجكسها انطحني
والناس في شارع النيل....والقصر....والحدائق...والمتحف....اتنين اتنين اتنين....وناس السينما....وغير كميه الشواكيش البتحصل
والله يا اخوانا ....ما ممكن اقعد كدا ساكت لازم اعمل موضوع
ومشيت دولاب اسامه اتشمشر كالعاده....دا شنو.....فيلم هندي.....تمام
بس ناقصو صحن بطاطس محمر.....بسيطه بتعمل في دقايق
_ وفي خلال نص ساعه كان قدامي صحن شيبس كارب....قزازه كولا لتر ونص.....وانا مع الفيلم الهندي الكارب....
يا سلام.....دا الفالنتين واللا بلاش......منو محتاج للرجال في وجود الحب الكبييييير دا..........البطاطس

لوووووووول


ياحنين

قصدك شنو بالباطاطس الرجال ولا الفانتاين؟

اليك الحل لمشكلة انسانتك التي مشكلتها بس انها سمينة


الوقوع في الحب يخلصك من الوزن الزائد!

بحث ايطالي يقول ان بامكان الاشخاص البدناء أن يتخلصوا من اوزانهم الزائدة عبر الوقوع في حب جديد.

ميدل ايست اونلاين
فيينا - ثبت على وجه اليقين أن الوقوع بحب جديد صادق يمثل أفضل الطرق لتحقيق الرّشاقة والتخلص من السمنة، سواء للرجال أو للنساء على حد سواء.

وبيَّن المسح الغذائي الذي سجلته مجلة "ديماجرير" الإيطالية أن بإمكان الأشخاص المصابين بالبدانة وإفراط الوزن وممن يعانون من الكروش خاصة التخلص من أوزانهم الزائدة بالحب الصادق والتعبير عنه للحبيب.

وأظهر هذا المسح أن ثمانية من كل عشرة إيطاليين يرون أن الوقوع في الحب هو أفضل طريقة للوصول إلى شكل الجسم المرغوب.

وقال الباحثون أن الحب يجلب نفس الشعور بالسعادة كالتي تسببها أطعمة معينة كالشوكولاته والحلويات والنشويات الأخرى التي تنشّط المواد الكيماوية الناقلة للإشارات العصبية ولكنها تسبب تراكم السعرات الحرارية والإصابة بالبدانة مشيرين إلى أن هذا الأثر للحب لا يدوم للأبد، وسرعان ما يزول بعد الزواج أو بعد إنجاب الطفل الأول.

فقد أكد ثلث الإيطاليين أن وزنهم ارتفع بعد الزواج، بينما زاد الوزن عند 23 في المائة منهم بعد الإنجاب، في حين بقي الوزن كما هو عند 12 في المائة فقط.(قدس برس)

المصدر:http://www.meo.tv/?id=12359

حنين يا حنين
عقبال ما إجي علي زينب عيد الحب و الجكس إجيب ليها بطاطس شبس قرقاش بنكهة الكاطشوب

كل سنة و الجميع طيبين و حابين و محبوبين

best regards
woroorrook

حنين كنا أربع صديقات
حبينا وإتحبينا
لكن إتعودنا على خيبه الآمال
لكن من عزيمتنا كنا بنتنفض من غبره
الحب القديم عشان نقع فى حب جديد
وعشان نعلم الناس أن الدنيا بلا حب ما بتبقى
لكن مشكلتنا كل فلآنتاين يمر علينا
بيلقانا تحت بطاطينا بنسأل نفسنا هل
كل البنات زينا كده
لكن كنت مفعمه بالحياه شويه أكتر منهن
يعنى بتجينى أم هلا هلا كده فى الآخر تخلينى أنفض
عن رأسى توصيات صديقاتى المعقدات
أوعك تطلعى من البيت الليله إجازه سامعه ولالا
سامعه سامعه يعنى حامشى وين
أنت ولا غيرك بعد شويه بنلقاك بتتضهبى
ياحليلى هو انا بقدر اتحاوم من غيركم
ولا عندى زول بمشى عليهو ما نحن دافاننو سوا
وهوووووووووب تلقينى نطيت من السرير
ومشيت أحتفل مع الأحباب وأشتل فى قلوب كل من أًُحب
ورود البنفسج وزهر البسند
لكن اليوم تبدو هذه السنه غريبه
أفتقدت أحبتى وأفتقدت صديقاتى
واحده قررت أن تغادر معتقلنا
لكنها كانت أكثرنا شفافيه لذلك غادرت وتركت لنا الصقيع
هاتفتها اليوم لآتحسس فرحتها بهذا اليوم
وكنت قد طولت من سماع صوتها
كل سنه وأنت طيبه
وفعلاً جأنى صوتها أكثر عذوبه
وإنت طيبه يا هطله يا شينه يا ما عندك ذوق
هسه كل سنه وأنت طيبه تحوق فى شنو ولا شنو
فى عيد ميلادى ولا عيد الفطر ولا الفلانتاين
أجبتها بالنحيب على فراق أجمل أيامى بصحبتها
أما الأُخريات فلم أقوى على مكالمتهن
لآنى أعلم أن ذكرى هذا اليوم صعبه لثلاثتنا
فمازلنا نتوسد الصقيع
لكن يا حنين لسه عندى ناس حلوين زيكم
كفايه أنكم بتسمعوا هضربتى وبتستحملوا سماجتى
وكل سنه وأنتى طيبه يا حنين والقابله على أمانيك يا عسل

ود الخواض
الشكولاته عسل بس
من ياتو محل بالله عشان الواحد إتعود على الطعم وكده

يا وجن وحنين هوى يا بنياتى انتن لسة ما بقيتن للحب اولك يا بادى كملن قرايتكن دى بعداك تعالن اتلفتن فتشن على الحب وقعلكن كلامىدا والله لا

الشباب الحلوين كيفنكم
يا مشتاااااااق.....انت تفتكر انا قصدي شنو بالفالنتين زاتو.....الرجال...واللا البطاطس....لوووول


يا انسانه تفتكري الكلام دا صح....يعني ما شاء الله ما شاء الله نحن شعب بتميز انو الواحده كدا كدا بعد ما تعرس بيبقى دبل مره واحده....كدي يا زوله انا لسه عايشه في اجواء الفالنتين وما قادر يركب لي انو النسوان ديل بيتنفخو عشان......الحب طار؟؟
الله يكضب الشينه

الرائع الخواض
لفتاتك جميله كالعاده....ومين قال انو الفالنتين دا حق ال جكس بس.....
دا شعار جمعيه العزابه الحاقدين.....لوووووول

العزيز جدا:ورورووووووك
كل سنه وانت باتلف خير والسنه الجايه عيد بنكهه........الشطه

يا وجن الجميله......ضحكتني والله
انشاء الله الفالنتين الجاي ما تتزكرينا كلو كلو يا بت.....وقولي امين عشان حسه المغرب عندي باذن

يا ود الجعلي....هو دا بفتشو ليو.....اكان بتفتش ما كان في زول غلب

لكم التحيه كلها يا احباب