Post: #1
Title: بورداب الرياض .. بورداب السجم 00لاهزوا لينا كانون .. لادقوا لينا شتم
Author: DEEK_ALJIN
Date: 02-13-2003, 03:48 PM
توجه وفد بوردى على مستوى عالى من بورداب الشرقيه بقيادة الريس
الزول زاتو ... وشرغوف .. وشخصى الضعيف لمدينة الرياض وكان
ان تستقبلنا الرياض من نسيمها الى دخلها المحدود ومن عليتها
بابراجها السامقه الى منفحوتها بكل ماتحمل من سودنه
الا ان الزعيم صلاح غريبه واركان حربه بوش وبنبونى ونيل والنضيف
اثروا الاختباء خلف جلد الخروف والنعنشه الشربوتيه يضربون
اللحوم مشوييها ومحمرها دون الترحيب بوفد الشرقيه
ونحن اذ نقدم مظلمتنا الى كل البورداب نتمنى ان نلتقيهم غدا
بخيمة صلاح غريبه ويمتنع اصطحاب الشربوت
ديك الجن
|
Post: #2
Title: Re: بورداب الرياض .. بورداب السجم 00لاهزوا لينا كانون .. لادقوا لينا شتم
Author: ghariba
Date: 02-15-2003, 09:17 AM
Parent: #1
والله عيب الشوم علينا
والله انا بالذات ما سمعت بجيتكم يمكن علشان كنت ملخوم شوية بمهرجان الجالية السودانية
وبالمناسبة انا وجهت دعوة علشان نتقابل هناك
وفعلا اتقالنا مجموعة من بورداب الرياض ورغم مشغولياتي عنهم ومهم الاخ ميمان وكباشي ود الكرو
ولكن امسحنا في وشنا المرة الجاية بس ادينا الو وحتلقانا واقفني مستقبلنك من اول مدخل شارع الدمام
وعذرا حقيقي
|
Post: #3
Title: Re: بورداب الرياض .. بورداب السجم 00لاهزوا لينا كانون .. لادقوا لينا شتم
Author: noha_g
Date: 02-15-2003, 02:36 PM
Parent: #1
ديكو العزيز
كل سنة و إنت طيب
و مظلمتك اقوم أنا المتحدثة الرسمية برفعها لهيئة التظلم الشرعية في البورد
إذ أن تهميش مثل هذا الوفد معناه أن الشربوت فعل ما فعل
و عاينهم لبدوا كيف؟؟
ما في واحد مد رأسه غير غريبة
لكن بيننا البورد
و ألا يكونوا عملوا بالمقولة
خوة البورد الحدها الكيبورد
لك التحية
وربنا يحقق لك أمانيك
و أماني الجميع
|
Post: #4
Title: Re: بورداب الرياض .. بورداب السجم 00لاهزوا لينا كانون .. لادقوا لينا شتم
Author: الشرغوف
Date: 02-15-2003, 02:57 PM
Parent: #1
..........................................................................
..........................................................................
النقط الفوق دى ... اسمها رجع بخفى حنين , ودى حالتنا لمن جينا الرياض ورجعنا لديارنا ... انسى يا حبيب زاتا الرياض ما سمحة وكلها هنود وباكستانية سواقين ليموزينات ريحتهم عفنة معتتة
الشرغوف
|
Post: #5
Title: Re: بورداب الرياض .. بورداب السجم 00لاهزوا لينا كانون .. لادقوا لينا شتم
Author: ghariba
Date: 02-15-2003, 03:08 PM
Parent: #1
اخي شرغوف
حيث انني قررت ان ادرس الموضوع واشوف منو المقصر علشان اشوف لي اربعة كبار يبطحوهم
انتو متين قررتوا الجية وبلغتوا منو بانكم جايين وطبعا تلفوناتنا كلها عندكم وبخاصة الزول زاتو
وبعدين امس كنا متلمين في خيمة ابناء الابيض باليوم المفتوح بالثمامة وشفنا اخونا كباشي ومامان وتقولوا طنشناكم
وبخصوص الهنود والباكستان اكيد انت مشيت غبيرة ولا منفوحة
كان احسن تمشي طريق الملك فهد والعليا وتشوف المملكة والفيصلية
|
Post: #6
Title: Re: بورداب الرياض .. بورداب السجم 00لاهزوا لينا كانون .. لادقوا لينا شتم
Author: garjah
Date: 02-15-2003, 04:25 PM
Parent: #5
ديكو اللذيذ
بقيت لي ناس الرياض
ههههههه
زي ابحراز لي ناس جدة
|
|