نزهة بين الواقع ..والهزيان

للاسف وقع المحظور
كنت دائما بتجنبه وبتجنب سيرته لكن القدر تقولوا شنو!!!!!!!
دنيا
واحد مخستك بكل معنى الكلمة ومفطس ومجنون رسمى وشعبى وما عارفة العاجبنى فيه غير جنه شنو

اول ما اصحى الصباح صورته بترتسم فى خيالى
واخر طيف بيزورنى قبل ما انوم طيفه

بلقاه فى طريقى فى كل مكان
فى الشوارع …………فى النواصى ………فى الاركان .
فى دهاليز الحياة فى متاهات عقلى
حتى فى قلبى
اكون حبيت بى جد؟؟؟؟؟؟؟؟؟
يعنى انا ممكن احب!!!!!!!!!!!! انا عن نفسي ما واثقة من انه حالة من عالم اللامنطق ممكن تنتابنى
انا واقعية اكثر من اللازم متوجسة من المستقبل لدرجة التشاؤم بخت احتمالات الفشل قبل النجاح
والحزن قبل الفرح
اكون حبيت؟؟؟؟؟؟؟؟ لا لالا الحكاية مامنطقية
ليه يعنى العايز يحصل فى الدنيا شنو
شنو البيخلى يد القدر فجأة تحن على وتمدنى بالهام الحب دوناً عن الخلق
ماطول عمره الزمن ظالمنى
بيزرع فى الناس الحب ويزرغ فينى الكراهية
يديهم البسمة ويدينى الدمعة الحارة السخية
يديهم البهجة ويدينى التعاسة الابدية
اخ من البى والعلى
اهرب منه يا ربي؟؟؟؟؟؟؟؟؟
حاولت لكنى فشلت
اغض بصرى عنه ……..القي طيفه بينفرد قدامى
انأى عن مناجاته ………….القى صدى كلماته جواى
تفتكروا ده حب!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا
هى حالة من الهذيان تنتابنى بين الفينة والاخرى فانغمس فيها بكامل ارادتى
واعود منتشلة نفسي بكل شجاعة الى عالم الواقع…عالم الضياع
تحياتى اليكم
مريم

الله عليك يا مريم الاخري البعد حقت مصطفي سيد احمد
لكن ده حب مافيهو اتني تلاتة
اسالي مجرب ؟؟؟؟؟؟؟؟؟

ما الحب الا جنــــــــــون

شكسبير


ما الحب الا هذيان وجنون

كحلوش

الباقر الطاهر و كحلوش
كل سنة وانتو طيبين

بتقولي لا لقليب رهيف ما ظن لا لا... لالا ..... بيحمله وكل سنه وانتي طيبه وعيشي حبك وما اقصر الايام حبي وحبي وحبي وكل سنه وانتي طيبه والقابله كلك حب

كل سنه وانتى في هذيان الحب الجميييييييل..........
عيشيوهو حتى يصبح حقيقه.....




كل الود
ليون

ويليام اندريه
ليون
كل عام وانتم بخير

نزهتى ضرب من الهذيان ............هروب من عالم الواقع الى عالم الخيال الواسع .... عالم لا يحكمه قانون غير قانونى.. عالم انا فيه الحاكم والمحكوم

من ضياع الى ضياع اكبر

وتحياتى اليكم

مريم
وكان فى مخيلتى رائعة مصطفى و ود المهدى
ما بين زمنا متمنيهو وزمنا ذادنى اسية


وانا متجول بين حروفك والاغنية خلفية
كانت نقطة الالتقاء

وفجأة سكت المركب

وكل العالم اتحور للغتين

وشوية شوية


لمن لقيت نفسى براى
اتكوم
حنين الدنيا امامى

لقيت نفسى بين الواقع والهذيان

ده من شنو يا مريم ده انا برضو عندي احساس زي ده تجاه واحده مجنونه وعنديه ومزاجاتيه

شرنوبى
الحكاية هروب …… ربما من واقع ارفضه …ربما لعدم قنوعى بعالم
انتمى اليه لا ارادياً
هو ثمة شىء فى اعماقى يدعونى لابحر عبر الخيال فانتشي بتوهانى خارج مدن الواقع
فلا البث في هذيانىحتى اعود لقدري ..لواقع حالى
فاظل حبيسة بين واقع وهذيان
سمير ابراهيم
شتان ما بين هذا وذلك
انت تحمل حلما جميلا لواقع يمتثل امامك
وانا احمل ثوبا البسه لخيال زارنى فى واقعى
مجنونة ..عندية.. مزاجاتية.. عايز اكثر من كده شنو ؟

...
..
.
الأنثى الأخرى .. مريم السمراء المتشحة بالعشق
والجنون ..
من قال أن العشق ليس جنون
وضرب من ضروب الخيال يناطح واقع الذات فيفترسه
مخلفا هالة للجنون
تظل تدور حول نفسها فى دوامات دائرية
تماما كتلك التى يحدثها القاء حجر
فى بئر راكدة ..
أطلقى لخيالك العنان .. لاتوصدى امامه الأبواب
ولاحتى مواربة ..
مارسى الجنون .. والجنوح
وحلقى بلا مساحة للعقل فى فضاءات الحنين .. والشوق
عند أطراف القصائد ..
وزخات المطر ..
تبرّعى لحزنك المقيم بالجنون .. والفرح ..
وخّبرى مريم عنى
أنها صاحبة الأحلام الأجمل .. والأكبر
صاحبة الجنون ...