انسانة التقيها لحظة الرحيل

ومرة حاجات

اليك.. احتمى بظلالك.. وانا لا بينى بينك قصة ريدة....ولا غرام
ولا مقدمات
واجد نفسى مهزوم بلا سبب

وقررت لحظة انى ما لقيت غير العناوين السراب
اكتب اليك
وفيك استنيت منابيع تتفتح بلا تصاريح...
ولم لقيتك اتوكلت قلت اجيك لا فارس ولا مغوار
جيتك بلا عنوان
وكان بى احساس مهزوم لحظة التقيتك
وكنت بتلم حولك لا حولة ولا قوة
وكتبت ليك

لما لقيتك انسانة فيك عيون الكلام بتتفتح صباح
وانا المغبون التاه لحظة ميلاده الفرح
وحضنت الحزن
لا كان بينى وبينك
ملامح
وجيتك
انسان بسيط عنوان
ولقيتك ساحة
ولحن منسى
وشلت طنبورى
وبديت اعزف
لحنك
لكنك
كنت صعيبة يا نجمة
وبقيتى لحن
منسى
وبقى الحزن البيجنى دغش
بتلفح معاك كلام

هزمنى معاك غنى
وغاب لحنى لمن دوزن الوتر
السماعو شتر
وبقيت اتلف حول غناك
لا وتر مشدود
ولا حزنا بيجنى براك

وقلت القاك واتحزمت واتلزمت
شايل نصى ليك وحداك

بقيت اعزف وكانت غنوة
راحلة اليك
لكن الصدى رجع كلامى الى

واتحسرت لمن غبت لحظة اشتهيتك

وخاب ظنى الكبر فيك

وغصبنا عنى سكنتك
لقيت عنوانك
وكنت يا صبية
جواى
انسانة

خواطر جميلة يا شرنوبي

بالمناسبة، انا احب هذا الاسم جدا

مهدى

لا اريد ان اعلق

وختيت صورتى
للملا
عشان اشتهر بيك
لا كان بينى بينك
غير التسامح الغير مبرر
انى لمن اعتريك بلقاك على الغنى المنوع

انسانة

راكبة الموجة الجايه حداى وانا المتكوم على الشاطى



وانت الفيك ملامحى الغابت زمن
واشتهيك
انسانة

وبينى وبينك
احساس بتسامى على الحزن

البيجمعنا


وانت معاى لا بندم
وايجيك
مرتاح بفتش فى حداك
عنوان
واكتب ليك قصة ريدة

لمن كان الغنى ممنوع


واشتهيتك
يا جميلة ومستحلة

وقررت رغم الاسى البى
ارحل وفينى
عزر
معلش تماضر
هى عذر
ارحل ليك وكان زاحف اجيك
يا السمحة
واكتب
ليك احساس بيتسرب غصب شرقا اليك

واتمنيتك
يا حلوة
رغم الحزن


اليك انسانة
بلقى عيون الكلام بتفتح
وانا العجمى


احبك وكان غرامى حرام

اخي العزيز

كفاره ياخي ....وما ليها حق ام شاكوش دي الله يديها قدر نيتها

اخوك سمير ابراهيم (الشحات)

اشتقت اليك الى حد الهزيان
نصفى يحملنى اليك والآخر يتسامى
الى واحة عينيك
علمنى كيف
اصد موجة احساس
تنساب اليك حنينا
علمنى كيف اواجه
هذا العارم من دفع
يهز ثباتى
كالشولة
تنهمر الدمعة بلا طائل
يهزمنى شعور الصبر عليك
يقتال الوقت الذهب
الغالى
بتلاتى تذبل
اين فراشاتك يا هذا
لا تجعل
هذا الفصل
يمر علينا دون تلاقح







اشتاق اليك شوقاً لم اعهده من قبل اشتاق اليك اتوقعك فى اية لحظة فقدت مقدرة التركيز والصبر . ابحث عنك بين فروع الشجر ورزاز المطر .. وفى السراب … انتظرتك كثيرا … لا خبر ولا نعيق البوم.. ما هذا الشؤم الذى حل بى . أهذا خيارى ام قدر يغدر بى..!!!. احن الى كل المواعيد القديمة والتلاقى فى اروقة المسافات التى كنا نقتالها غداة ومجيئاً …آه منك ومن خيالك الذى ادمنته آه من طلعتك التى اتوقعها بلا طائل فى كل لحظة تقتالنى وفى اللحظة المؤدة اجد الحطام يا حسرتاً تلم بى
ولا اجد غير من اقتالنى شافع دمعتى!!!!
آه من هذا الغرام اسكت صرختى وجعل البكاء صمتاً ينهش ملتى .
.. اليك يا من اسمه علا على كل السموات.
. اليك يا من سرق منى راحة البال واورثنى هم الانتظار فى المحطات القديمة …
آه منك ومنك تاتينى الرحمة والعذاب
يا من ملك وجدانى وتركنى للريح يوم
.انهارت قدرتى
وتلاشت ملامح جتتى
وامسيت لا اعنى بلاك شئ . ….
اشتاق اليك الى كلك لا بعض منك ..
اتمنى ان اجد عذرا يحملنى اليك

وما ليها مثيل
وما طاله خيال


وجلست فى مواعينى لا ادرى ما الذى حل بى
غير مكترث بحولى غير طيف منك يتسرب فى مساماتى احس برغبة عارمة
ورح
تلتف حولك يا بنت

كحلم جميل


وانت ارائعة التى التف حولك ولا اجد غير السراب
وارى فى مراسى عينيك فجر
فيه حزن طال

ارى حولك العيد
مرحلة تكوين
والفرح

نكر صوتك صداك
غالطنى الزمن فيك
شهرت على الجفاف وعدك بطاقاتنا الخريفية
رجع فاضى الكلام مليان
معاك اتبرجت غيمة
وشهق جواى صوت جدول
مرقت على المطر حفيان
لقيتك والرزاز مدخل
وناديتك
اقيفى معاى نشيل كتف الغنى الميل
ونتخيل ... حلم ندونك بيتحقق
وقبلك سيل( خيل) دامى واقفة
على شريانى تتشهق
وبرق صوتك.. صداك.. غنيتى
رشحت حلقك لى اذاعات الشجر
والمنتظر من عودة المدعو المظر
للطنابير والمسادير
واللسة فى رحم القصيد والدابو حس
فى سوق عكاظ بين مزادات الحروف
غيبت رسمك وإدخرتك( واحتكرتك) للظروف
للزمان الجاى
واللحظة اللى فاتت .. منى هسة
يا واقفة بين جرح السحاب
وبين شهقة الارض البكر
ما كان ده ريد
ما كان ده ريد
...
..



الى
جيل الشمس موكب حريق
واقف على باب الدخول
بيناتو بينات الوصول
لحظة شهيق

(عاطف خيرى / مصطفى سيد أحمد)

عزيزى شرنوبى
ااااه من الغرام . . مااقساها من اهه
تظل تشاركنا فى كل لحظة زفير وكل لحظه شهيق
ظلت تمتزج مع كل ذزرات الاوكسجين وثانى اكيد الكربون

واحبك لتضحك
واحبك عبوس
فى هيبة جلالك يطيب الجلوس
مداين تعاين كام العروس
ومابين ظلالك افتش واكوس
افتش طفولتى وملامح صباى
احبك مكانك صميم الفؤاد
وباسمك اغنى تغنى السواقى
بيوت الطواقى سلام التلاقى ودموع الفراق
فى حضرت جلالك يطيب الجلوس
مهذب امامك يكون الكلام
لانك محنك
عميق الدروس. .شديدالمهابه
عظيم الجلال . .شبابك تشابك
شديد الزحام
اصدق كلامك حقيقه واخاف
بخاف الطريق الما بودى ليك
واعاف الصديق الما بهم بيك
معاك انتظارى ولو بالكفاف
وعنك بعيد ابيت الرحيل
وبيك اعتزاز الصباح الجميل
جميع الاغانى اتكالت عليك


استاذى الجليل خواطرك رائعه
روعة مدادك النقى
كل عام وانت بالف خير
ولك ودى

شرنوبي جميلة تداخلاتك ذكرتني بامسية كنت قد قررت ان اقضيها في حوش حبوبتي الرحب...
وكانت اغنية وردي (التي اسميهااناولامسحور)كانت جديدة
فاحضرت الشريط الجديد والمسجل ...وصوت وردي اخترق الصمت...بحمله الهمبريب للجيران والماره...ولكنى كنت فى الحقيقةاستقصد بة حبوبتي التى كانت قد فرغت لتوهامن رمي اخر لقيماته...والشاي بالبن جاهزاحتفاء بمبيتي عندها....
خبوبه تعالي اسمعي معاي الكلام السمح دة(انا)
اه بقول في شنو وردي (حبوبة)
فلم اصدق انهاسالت وانبريت ان ارددالكلمات
كيف انة لم يحبها لانهابت اغنياء....ولا لانها بت قبايل
ولا لانهاساحرة الجمال....
وكانت حبوبتىعندها قداتخذت من راحه يدهامتكاء لوجهاوهي جالسةفي بنبرهاوعده الشاى امامها وهى تخمن الي اين ترمى قصة حفيدتى هذة ياتري.....
وعندهافالت( وكانهاتريدان تتاكد اولا..قبل ان تتهمني بالجنون)..قلتى بتاماغنيانه سمح دى مامشكلة...-عند هذه اللحظة بدات حبوبتي بالعد علي اصابع يدها-..وواصلت
لكن لا سماحه ولابت قبايل..... سمح دى شن بدوروا بيها ....لوووول...
فواصلنا ليلتنا تلك نضحك ونحتسي الشاى وحبات
اللقيمات.... وصوت وردي ....ودة دهن اتمسحي يابتي عشان باعوضتناكعبة وجري سريرك لجوة عشان الشمس بتجي في حتتك دي بدري و....و.....و.....ومااجملهامن ذكريات

رسالة من مدوك


لحظة الرحيل ليست هي اللحظة التي نترك فيها مشاعرنا و ذكرياتنا




جانبا و نغادر صوب ذاك الانفجار ..
لكنه لحظة التسامي علي كل أشكل الزيف .. و رؤية العالم من زاوية تتيح الرؤية بعمق أكبر .. حين تتصاعد الروح مع أبخرة السيارات و بقايا الضجيج الذي تذخر به المدينة أيضا صوب ذلك الانفجار ..
لكن ما دام في فؤادك مرتع للعشق و المشاعر النبيلة .. فلم يحن وقت الحسم بعد .. اسمح لانسانه بمزيد من التجوال في أروقه روحك .. فقد خبرتها .. فحين كنت أنت تعزف لحن الغياب .. كانت هي تنصت لموسيقي العشق و تشرب كأس الجمال
أعذرني لم أرد في البورد .. لأنني معتزله منذ فترة
كل الحب
مـــــــودك

حزني عارف مابيمثل اي حاجه
الا لكن اي حاجه مابتمثل حزني اصلو
سعد الدين ابراهيم

ده السبب يا نفسي صابك و لا طاش سهم الظنون
الحب معذب بالهواجس و السلام اصبح جنون
بس الحنان في دار هواي و الليل سكن جوه العيون
اخلص انا و الناس تبيع صدق المشاعر للعدم
اعشق و اكون فرح الزمان القى الجميل اصبح ندم
يا ريتني بس شاعر قدر يرسم مشاعرو و حالو بي حبر القلم


هاشم صديق