وكالة السودان بالقاهرة وحوارات دكان ود البصيــر

السفارة السودانية فى القاهرة هى ليست بسفارة فى حقيقة الامر وانما مجرد مبنى يحتوى على مجموعة من فئة رديئة من البشر يتبعون لوزارة الخارجية السودانية يقولون انهم ارسلوا لتمثيل وجه السودان ( تقبيح وجه السودان والازدراء له ) .

اولا : لاتجد الا فئة قليلة يتكلمون معاك باللغة السوودانية المحلية ، البقية يتحدثون المصرية معا اخوانهم السودانيين باعتبار تغيير اللغة جزء من التطور .

ثانيا: اغلبية الموظفين من الحلفاويين الاغلبية العظمى، يتميزون بنسبة عنصرية عالية

ثالثا: ليس لديهم اى احترام اودنى معاملة لرعايا بلدهم او ادنى تقدير واحترام


فكيف يحترم المصريون السودانيين طالما سفارتهم لاتكن لهم ادنى احترام او اقل تقدير ، اذا جاء سودانى فى مشكلة من المشاكل بواسطة الشرطة المصرية وتم تحويله الى السفارة السفارة تتخلى عن مسئوليتها اتجاه احد رعاياها وتترك الامر لسلطات المصرية لتفعل ماتراه مناسب تجاه هذه اللقيط الذى لاتوجد له هوية تقف خلفه وتحميه وتقدم له يد العون والمساعدة

حوارات تجديد الجواز لدى موظف السفارة

صديق ذهب لتجديد الجواز

الموظف : انتا من وين

الصديق : من السودان
الموظف عارفك من السودان يعنى من الفلبين ، من اى منطقه فى السودان

الصديق:حلفا الجديدة

الموظف: حلفاوى انتا؟

الصديق: لا يعنى اى زول سكان حلفا حلفاوى

الموظف: طيب شنو انتا؟

الصديق: شكرية

الموظف : الشكرية البجيبهم مصر شنو ، معارضه انتا

الصديق : لم ارد عليها يعطنى الجواز واذهب

انتهى

حوار اخر

الموظف: اها انتا من وين يا اخينا؟

الصديق: من السودان الخرطوم الصحافة زلط

الموظف : براحه يازول

الموظف: قبيلتك شنو يازول؟

الصديق:حمرى

الموظف: جاى البلد دى تعمل شنو

الصديق : انتا مالك وما ل جاى لى شنو

الموظف : انتا يازول معارض

الصديق : المعارضه معناها شنو؟

الموظف: يعنى تعارض نظام الرئيس

الصديق : هو الرئيس منو

الموظف : عمر البشير

الصديق: بالله هو رئيسنا اسمو عمر البشير

الموظف : يعنى انتا ما عارف ؟

الصديق: ولا عايز اعرف

الموظف : يقذف اليه الجواز بشدة امشى يازول احسن وشيل جوازك ده

انتهى

السيد وزير الخارجية الرجاء التكرم باعادة النظر فى ممثلين السودان والسودانيين فى الخارج واعادة النظر فى

كيفية الرعايةالدولية التى اقرتها القوانيين بالنسبة لكل دولة فى حماية ابناءها ، اين نحن من بقية سفارة العالم حتى السفارة المصرية ،

قامت الخارجية المصرية بستدعاء السفير السودانى بالقاهرة بسبب احتجاز احد المصريين بالسودان عند مغادرته البلاد لعدة لساعات فقط.

لماذا لا تستدعون السفير وليس السفير الرئيس المصري لاحتجازه عدد لا يستهان به من السودانيين فى القاهرة ليس لعدة ساعات وانما لعدة أيام الرجاء التكرم باعادة النظر فى هؤلاء الغبش الذى يتغبشون يوما وراء يوم

بــــــــــــــــــــــــوب

فعلاً مشكلة ومأساة يابوب .. لكن وزير الخارجية عاجبو الحال طبعاً لأنه ببساطة واحد من رعاة هذا العبث ودُعامة لمن يهينوا الآخرين .. عشان كدة ماترجى منه خير

كنتا عاوز أحكي عن
سفارة الوطن في الرياض
عاصمة المملكة
أو القنصلية السودانية
بجدة - عاصمة السودانيين
في السعودية
لكن خليت الحكي
الظاهر الحال من بعضو

الاخ ود شاموق

اذا كانت تتبع لخارجية واحده فلتحلم بان يكون الحال هناك افضل من هنا

بــــــوب

الاخ / مارد

فعلا كما قلت اخى مارد هو احد رعاة هذا البعث ودعامة لمن يهينوا الاخرين


بــــتوب

لك الشكر بوب علي عرض هذه الصوره المالوفه في سفارات النظام بالخارج
لا يمكن لهؤلاء ان يمثلوا وجه السودان فوجوههم كالحه لا يعرفون الا من يسبح بحمدهم فهم عبء علي الوطن والمواطن
لايظهر جماسهم الا في جباية المغتربين وتعذيبهم
ولكن اخى بوب كيف تطلب من وزير الخارجية معالجة الامر
وهو كما قال الاخ مارد مبسوط مما يحدث ولا استبعد ابد ان يكونوا اختاروهم بعنايه لتعذيب الناس وتكريههم فى الوطن
فهذا الوزير مسئول عن تقتيل وتعذيب وتشريد ملايين السودانيين فى داخل السودان اتريد من شارك فى كل هذه الماسي ان يصلح الخال؟
فهذه السفارات خير ممثل لهم ولاخلاقهم ولمنهجهم
ربنا يصلح الحال
مع محبتى

اغلبية الموظفين من الحلفاويين الاغلبية العظمى،


دي ما في داعي ليها

وكاله ؟؟؟؟؟
والله احترمت الجماعه ديل جدا
الوكالات دي مكتن محترم شويه

نحن ما نرصد شوية مهازل

مجموع ساعات العمل القنصليه بالسفاره
ست ساعات........ما يوميا و لكن......اسبوعيا تخيلو؟؟؟؟
السفاره تعمل من الساعهالتاسعه حتى الساعه الحاديه عشره و النصف
أيام الاحد و الاتنين و التلات و الاربعاء فقط

مهزله
هذه سفاره لاكبر جاليه سودانيه خارج السودان

ولسه..........!ا!!!!أ

awadnasa

اسف على التاخير

ده الواضح وتقريبا بقولوا الواضح مافاضح

بــــــــوب

مع احترامي الشديد لكم ورايكم ( الخاص ) ولكن كانت ومازالت سفارات في الخارج منبر منير للسودان بالخارج طيلة العهود والحقب ديمقراطية وغير ديمقراطية
والحديث عن سفارتنا في القاهرة يطول ويكفي انها كانت تحتضن عشرات الآلاف من الطلبة وغيرهم وكانت كغيرها من القطاعات السودانية تعاني من بعض الاخفاقات واسبب من الافراد وليس من السفارة
اما الحديث عن الاخوة الحلفاويين فاكن لهم كل احرتام وهم قديرون بالرد على هذه التهمة لهم والتي وصلت للاساءة لهم لانهم ( الاغلبية ) كما قلتم
لنعمل على احترام رموزرنا ومنها السفارة والسفير - مهما اختلفنا معهم - لان الرموز لا علاقة لها بالآراء الشخصية ولا أظن أنها ستؤثر فيها
ملحوظة :
كان السيد / محمد العثمان الميرغني بالقاهرة قبل ايام في وداع البعثة المصرية الطبية القادمة الى السودان وبرفقته السفير = وهذا للعلم فقط ربما لم تصلك هذه الاخبار بعد

الأخ
ghariba
ده كلامك !! يا الماسياسى .. يا الما مع الحكومة !!؟

رجاء أنا حأعمل بلوك .. وتانى ما ترسل لى وتفرض على دعاية المجلة التى اقتحمت عناوينى بلا استئذان .. لأنها مجلة سفارة وأنا كنت عارف كدة من زمان .. المجلة دى ما لازمانى

يا مارد خلي روحك رياضية وألمي البارد بقد الدلو

اما الحديث عن الاخوة الحلفاويين فاكن لهم كل احرتام وهم قديرون بالرد على هذه التهمة لهم والتي وصلت للاساءة لهم لانهم ( الاغلبية ) كما قلتم

غريبة

انتا تــرى انها تهم واساءة هل قول الحق يعتبر اساءة اعرف كيف تكون الاساءة اولا حتى تتحدث ،

واحترام الرموز لا علاقة له بالاراء الشخصية السفارة جماد اما السفير من الاحياء وله قرارات يمكن ان تؤثر فى كل شى


كان السيد / محمد العثمان الميرغني بالقاهرة قبل ايام في وداع البعثة المصرية الطبية القادمة الى السودان وبرفقته السفير = وهذا للعلم فقط ربما لم تصلك هذه الاخبار بعد

هذه الاخبار لاتهمنى فى شى وهى خارج اطار الموضوع الرجاء عدم الخروج عن الموضوع

نحن فى مشكلة تخص السودانيين فى مصر وليس فى وداع

بــــــــوب

ااخي المارد
تحية طيبة
انت تذكرني بالقول المأثور اما اسود او ابيض واللون الرمادي ما بحبوه
والمهم في الموضوع
عذرا للاقتحام الذي حصل وانا ارحب ( بالبلوك ) حتى ولو كان بالبلوك او حتى بالطوب

ومجلة الشراع مجلة تتبع لجمعية التراث والثقافة وهي جمعية تمارس مهامها منذ اكثر من عشرين عام أكرر اكثر من عشرين عام وليس لها علاقة باي سفارة او كيان معين واسال عنا وستجدنا وانا مستعد ان ارسل لك نسخ من هذه المجلة واقصد المجلة التحريرية وليست المجلة الالكترونية
وبامناسبة كل سنة وانت طيب بمناسبة العيد السعيد عيد الاضحى المبارك
وانا مش حاعمل ليك بلوك بالمناسبة

الأخ غريبة

بما انك بادرت بالتهنئة فإنى أبادلك التهنئة بالعيد أيضاً
وبالنسبة لك فلا شئ يدعونى للأخذ بالرمادية .. ذلك لأننى متابع لكتاباتك هنا منذ مدة طويلة ، وعرفت كيف أقرأ ما بين السطور وبوضوح ، ثم إنك فى هذا الموضوع " الآن " أنت الوحيد الذى يدافع عن السفارات وخمج مسئوليها غير المسئولين الذى يشهد عليه القاصى والدانى ممن يتعاملون مع السفارات مضطرين وممن لايتعاملون معها على السواء .. ودفاعك هذا أيضاً يصب فى خانة تبييض وجه النظام ومسئوليه بالرغم من أن كل جرائمه مشهودة وكل قبحه ملحوظ ولاتخطئه العين ، أما بالنسبة لمجلة الشراع فإن المسألة واضحة من عناوين مواضيعها ، حتى ولو تأسست قبل خمسين عام ، لقد ألقيت نظرة على عناوينها مرات ومرات عديده وثبت لى أن المجلة مُحتضنة من السفارة بشكل واضح ، لذا لم أقبل مجرد ورود دعايتها عبر عناوينى . مرة أخرى أشكرك على استعدادك لإرسال نسخ من المجلة لى ، ولكنى لست بحاجة إلى ذلك فكماأشرت فإن الجواب واضح من عنوانه ، ثم من كتاباتك إنت شخصياً بالمنبر.. وفى الختام أقول مرة أخرى كل عام وأنتم بخير

مارد

هذه سفاره لاكبر جاليه سودانيه خارج السودان

سؤال بري: هل توجد جالية سودانية داخل السودان؟؟؟؟؟؟؟؟؟

يا مارد كل العاملين في سفارة السودان في انجمينا والقنصلية في كانو من ناس الغرب... عرفت السبب ليه الحلفاويين اكتر من غيرهم في سفارة السودان بالقاهرة... انا ما حلفاوي يامارد

قالوا كان غرضك عند القرد قول ليهو عمي الحاج. ما دام غرضك عند ناس السفارة هدي اللعب معاهم واديهم كلمة طيبة وبعد ما تقضي غرضك انسى فرنسا... الكلمة الطيبة بخور الباطن...

ألمي البارد بقد الدلو

اخي المارد
تحية طيبة
وكل سنة وانت طيب
وبالمناسبة لا رد عندي ليس لاني فقدت المنطق كما قيل ولكن لان المنطق ليس له مكان مع حديثك
وعلى كل حال برضو كل عام وانت بخير وسفاراتنا بخير وسفراءنا الاعزاء بخير
في كل العهود وكل الانظمة بدء من الاستقلال وانتهاء بالنظام الذي قاعد ( انا ) ابيض وجه
واياكي اعني يا جارة

الأخ كنتونة

الذى تكلم عن الحلفاويين هو صاحب البوست ، وليس مارد .. بعدين أنا ما بتعامل مع السفارات من أصله . فهمت ؟

الأخ غريبة
ما يسمى بسفارات السودان كلها سجم وفساد ونهب ولصوصية وظلم

أما عن تعبير " اياكى اعنى ياجارة " الذى ذيّلت به حديثك !! فأقول : أنا ببيض فى وجه من !!؟ ما تقوله مضحك فعلاً

السفارات السودانية زي الزفت والحقيقة الواحد يشعر بالخجل لما يمشى ليهم !!!!!
الكلام حول انو الموظفين كلهم حلفاويين كلام مسف وبايخ وينم عن ضيق افق .....انا درست بمصر وذقت الامرين من السفارة هناك ولم يكن فى ذلك الوقت ولا حلفاوى واحد !!!! اذن المسالة مش فى مين القدامك انما فى مين الوراهو ..... دا نظام كامل شغال بخطة عشان يحبطوك ..سواء الموظف حلفاوى ,دينكاوى ,جعلى او شكرى لايهم طالما هو بينفذ سياسات جاهزة من نظام زى نظام عمر البشير والترابى ....ولو انقسموا ...لان الدكتاتورية لاتنقسم الا لتتوحد على جلد الجماهير .
اذن يا عزيز انت محتاج تفتش عداءك وين ,مع انو المسالة ما عادت عايزة فتيش
انا نوبى ...ومنا الحلفاويين ...اطلاق الكلام بهذه الطريقة عيب فى زمن نحن بنكاتل من اجل سودان موحد وللجميع بغض الطرف عن اىىىى حاجة . هذا لا يعنى النفى ان هنالك حلفاويين ملوثين بداء الكيزان ..وما اكثرهم ... ولكن انا لا اعتقد ان وجود الحلفاويين هو سيئة السفارة بمصر وانما وجود سلطة سيئة يديرها السيؤون من مختلف القبائل .

مارد العزيز ....وانا خبرتك اينما كتبت تدافع عن الحرية والانسانية وقضايا شعبنا المظلوم الصابر ....
انا لااعرف شيئا عن المجلة مثار شكك , ولكن يا حبيبي اعتقد ان لا تذهب الى حيث الشك وانت نظيف كما انت .... لك الانحناء ايها الصحفى الجميل.

بالمناسبة , السفارة السودانية بلندن تشبه سوق البهايم ايضا من كثرة الذقون وغياب الاوتوكيت ...الا ان بها ناس كوسين ايضا , لكن بالطريقة السودانية المدمرة .... فاهم كيف ؟ يعنى لو بتعرف فيها زول ممكن يعاملوك زى السفير زاتو ....والعجب لما تمشى ليهم بجواز ما سودانى !!! ما عارف ليه التقديس للاجانب فى بلد ما بتقدس غير ناسا ؟؟؟

اذن يا عزيز انت محتاج تفتش عداءك وين

ده كلام شنو ياارباب تفتش عداءك وين على ما اعتقد ان ليس لى اى عداء معا قبيلة او لدى اى نزعة عنصرية ولكن اقول الحقيقة ولكن رايت ان قول الحقيقة يعتبر عداء واعتداء سافر

اتفق معك فى كلامك الاول

بــــــــوب

اخي مارد
اعذرني لاني نسخت الجملة التي قلتها حرفيا
(ما يسمى بسفارات السودان كلها سجم وفساد ونهب ولصوصية وظلم)

=============================================
وعذرا سفاراتنا العظيمة في كل بقعة من بقاع الدنيا وعذرا للاسرة الدبلوماسية وعذرا لكافة حاملي رسالة رعاية المغتربين بالخارج ونيابة عن كافة المغتربين في كل البقاع وكل الطلاب الذين تلقوا مدارك العلم بالخارج اقول لكم كل عام وانتم بخير والسلام للدبلوماسية السودانية اما عن السجم والفساد والنهب واللصوصية والظلم فهي امور داخلية يمكن التحقيق فيها بالاسترشاد باقوال الاخ مارد ولكنها على كل حال لا تلغي دوركم الرائع ورسالتكم السامية


واحد قاعد ( يبيض ) وجهه
ها ها ها ها ها ها ها

الأخ أرباب
لك الشكر ..أحيى فهمك الراقى ، وهذا يكفيك

الأخ غريبة

يبدو أن شكارتها دلاكتها فعلاً ..وفساد السفارات والظلم لايحتاجان " لضو نار " كما يقول أهلنا البسطاء

الأخ كنتونة
أنا روحى أكثر من رياضية .. ولكن أطلب منك أن تقرأ ما بين السطور إن امكن


وكل سنة والسودانيين الشرفاء فى كل بقعة طيبين وبألف خير

الأخ أرباب
لك الشكر ..أحيى فهمك الراقى ، وهذا يكفيك

الأخ غريبة

يبدو أن شكارتها دلاكتها فعلاً ..وفساد السفارات والظلم لايحتاجان " لضو نار " كما يقول أهلنا البسطاء

الأخ كنتونة
أنا روحى أكثر من رياضية .. ولكن أطلب منك أن تقرأ ما بين السطور إن امكن


وكل سنة والسودانيين الشرفاء فى كل بقعة طيبين وبألف خير

وكل سنة وانت طيب وكل السودانين بخير ولا دامت دولة ظلم حتى ولو لساعة واحدة

سلام جميعا
السفارات السودانية في الخارج و خاصة في الدول العربية بتجامل تلك الدول على حساب مواطنيها و كأن تلك هي رسالتها، و انا لو علي في اي دولة عربية ارسل ليهم سفير جنوبي، بعدين انتو مستغربين مالكم، اذا الشخص الماسك في السفارة حاسي نفسو انه ولد للسلطة و ليس له فهم ان جاء لخدمة المواطنين، اذكر جيدا احداث الزاوية في ليبيا و كيف انو السفارة في اول تصريح لها نفت وجود ضحايا مع ان الموتي من السودانيين كانو بالعشرات و المبعدين قسريا كانو بالمئات، بل حتى انو الخارجية السودانية انكرت وجود ضحايا، حتى نشرت الخبر الصحف العربية و العالمية، و مع العلم انو الزاوية دي تبعد نصف ساعة بالعربية من العاصمة الليبية طرابس و بيوصل لها طريق اسفلتي انعم من الحرير و عجبي
قال سفارات قال
اسالوا طلبة روسيا
و اسألوا طلبة رومانيا ، واللي حرقو ا سفارة بلدهم في اول حادثة في التاريخ انو زول يهاجم سفارة بلدو لانها بتصعب عليه الحياة، و انا درست في بولندا و دايما نحمد ربنا انو ما عندنا سفارة لانو وجود سفارة بعطل الدراسة و بكتر المشاكل
بالمناسبة عدم احترام السفارات السودانية للسوداني مشكلة اقدم من الكسرة و ليست بس مع الكيزان مع انهم وصلو الازمة الى قمتهاو التي هي في الواقع ادني نقطة
تحياتي

الاخ / امجد

قلت الحقيقة

تحياتى

بــــوب

الشهاده لله بعثه السودان لدي الامم المتحدده في نيويورك والتي نقصدها لمعاملاتنا من تاشيرات وتشهادات والخ كلهم في مستوي عالي من الاخلاق فوفقهم الله ....والله يهدي الجميع

الاخ / سمير

شكرا على التعليق

تحياتى

بـــــــوب

الاخ/ مارد

لك كل الشكر وانتا تقف من وراء الحق

تحياتى

بــــــــوب