البِكِر........ ما عوير!

كثيرا ما يجد محدثيني فرصة لإغاظتي عندما يعرفون أنني أكبر من الأخت والإخوين، فتكون أولى كلماتهم بعدها،

-"بالله، يعني أنتي البِكِر؟"

وسرعان ما يردفون، ولمحة الخبث تكاد تطل من أعينهم

-"علشان كده؟"

ولا أجد ما أقول سوي أن احلف بالله إنني (ما عويرة)، ولكن بلا فائدة، ولا أدري إن كان ذلك من استمرار المغايظة ومواصلتها، أم هي اقتناعا من محدثيني بحقيقة (عوارتي) بسبب كوني البكر في الأسرة. ولم أكن أدري أن سيأتي الوقت الذي أرد على تلك المغايظات لأثبت لكل مع أغاظني يوما،وبالدليل العلمي، على "أنا البكر، إذن أنا ذكية".


.
.
.

نشرت دراسة قامت بها مجموعة من الباحثين النرويجيين اهتموا بمعرفة ما إذا كان الطفل الأول أكثر إخوته وأخوانه ذكاءا أم أقلهم. بدأ البحث بقياس نسبة الذكاء في 241,310 رجل نرويجي ممن كانوا قد استدعوا للمشاركة في الجيش ما بين الأعوام 1967-1976, وكان يبلغ عمر المشاركين وقتها ما بين الثامنة عشر إلى التاسعة عشرة عاما. ووجدت الدراسة أن معدل نسب الذكاء لدى الرجال الذين كانوا أكبر أبناء الأسرة قد بلغت 103.2, بينما وجدت الدراسة أن الرجال الذين كان ترتيبهم الثاني بلغ معدل نسب الذكاء 101.2.

وأوضحت الدراسة أيضا أن الرجال الذين كان ترتيبهم الثاني في الأسرة، إلا أن الطفل الذي سبقهم قد توفي صغيرا، قد بلغت نسبة معدل ذكائهم أعلى من نسبة أولئك الذين كان ترتيبهم الثاني، فقد بلغ معدل ذكائهم 102.9, مما يعني، كما ذكرت النتائج النهائية للبحث، أن الطفل الأكبر هو الأكثر ذكاء ليس من ناحية المولد والترتيب وإنما من ناحية النشأة الاجتماعية. والدليل على ذلك أن الرجال الذين كان ترتيبهم الثالث في أسرهم قد بلغ معدل ذكائهم 100, إلا أن نفس أولئك الرجال إن كان الطفل الأول أو الثاني الذي يكبرهم قد توفي صغيرا فإن نسبة ذكائهم وقتها تعادل نسبة ذكاء من كان ترتيبه الثاني في الأسرة.


.
.
.

وذكر تقرير لقناة (أن بي سي) الأمريكية عن هذه الدراسة أن النقاش حول ذكاء الإبن الكبير من عدمه قد ظل مشتعلا ومثار للنقاش بين الباحثن منذ عام 1874، عندما قام السيد (فرانسيس جالتون) بتقديم تقرير يذكر فيه أن معظم الذين يتقلدون المناصب الرفيعة والذين يتمتعون بالمراكز العليا معظمهم جاء ترتيبهم الأول، من حيث المولد أو النشأة، في أسرهم، وأتت اليوم هذه الدراسة لتثبث صدق الملاحظة التي ذهب إليها السير فرانسيس منذ القرن التاسع عشر. وقال (فرانك سولواي) الباحث بمركز دراسات الشخصية والحياة الاجتماعية بجامعة بيركلي الأمريكية، أن السبب لربما يعزي إلى أن الطفل الأكبر يساعد أحيانا الأب أو الأم في تعليم الأبناء الذين يصغروه، مما يعزز معلوماته ويزيد ثقته بنفسه، بينما أصغر الأبناء لا يجد نفس الفرص التي أتيحت لإخوته الذين يكبرونه.


.
.
.

وتذهب هذه الدراسة في اتجاه عكس ذلك السائد في المجتمع السوداني بأن (البكر عوير)، لربما بسبب التدليل الذي يتلقاه الطفل الأكبر في كل أسرة والإهتمام الخاص الذي توليه إليه الأم قبل مولد ذلك الذي يليه. ولكن المفارقة أن نفس ذلك الطفل الذي يوسم بـ (العوارة) في بدايات حياته، يصير هو عميد الأسرة وكبير البيت، والمسئول عنه متى ما كبر. وبالرغم من هذه الدراسة العملية قد تلت كثيرات قبلها، ولن تكون الأخيرة. وبالرغم من أن نتائجها التي توصلت لها قد أعتبرها كثير من المختصين أنها تلعب دورا في فهم الحياة الإنسانية ومراحل تطور العقل، إلا أن هذا لا يعني أن لكل قاعدة، إذا سلمنا بنتائج البحث لتكون هي القاعدة، شواذ. فلم يركز البحث على المسئولية الفردية في التحصيل العلمي وفي القراءة والإطلاع، ولكن لا أخفيكم القول أنني (بصفتي البكر)، سعيدة، جدا، بنتائج البحث!

.
.
.

Quote: " أنا إقتنعت إنو البكر ما عوير ، لكين العورا أمو وأبوهو "

استاذ عاطف ..احييك على الطرفة ..

سلامات استاذة غادة .. موضوع جميل وتثقيفى ..تسلمى .

Quote: Quote: " أنا إقتنعت إنو البكر ما عوير ، لكين العورا أمو وأبوهو " استاذ عاطف ..احييك على الطرفة .. سلامات استاذة غادة .. موضوع جميل وتثقيفى ..تسلمى .

الأخت الحبيبة
هند

معذرة، فحقيقة، لم أرى مداخلتك إلا هذه اللحظة
أنا الأخت سعدية والأخ عاطف
فأبهجانا بالطرفة

لكي مني كل المودة
غادة

غايتو الحمد لله أنا ما بكر
ترتيبي الثالث في الأسرة
وللرقم 3 قصص كثيرة في حياتي ، أرجو أن أتمكن من سرد بعضها .

بعد أن أنجبنا كريمتنا هديل ، و( دفقنا ) فيها كل شحنات المحبة التي كانت بدواخلنا ، طلعت صديقتي اللدودة سعدية بنظرية جديدة قالت فيها

" أنا إقتنعت إنو البكر ما عوير ، لكين العورا أمو وأبوهو "

إزيك يا غادة

Quote: غايتو الحمد لله أنا ما بكر ترتيبي الثالث في الأسرة

أنا بعد صدور هذه الدراسة يا عاطف بقيت أقول
"الحمد لله الطلعت البكر"
وطلعت التالت في الأسرة
غايتو الفيك إتعرفت

Quote: بعد أن أنجبنا كريمتنا هديل ، و( دفقنا ) فيها كل شحنات المحبة التي كانت بدواخلنا ، طلعت صديقتي اللدودة سعدية بنظرية جديدة قالت فيها " أنا إقتنعت إنو البكر ما عوير ، لكين العورا أمو وأبوهو "

سلامات يا سعدية


وننتظر حكاياتك عن الرقم 3
يا عاطف

كامل المودة
غادة

الأخت الفاضلة غادة
مافي زول قال البكر بليد
لكن بقولوا عوير ... عادة يلقى الولود الأول الكثير من الأهتمام وبالذات دلع الوالدين والحبوبة الشئ الذي يعلق بذهنه انه محط انظار وقد يؤدي في بعض الاحيان هذا السلوك الفارط من الدلال أن يصبح الولود به شئ لا اقول عوارة لكن ممكن أن نسميها دلال معجن قد يبدو للآخرين عوارة

ولا نعمم ليس كل بكر لقى من العجن الفارط قسطا
لكن الغالب

لك التحية ولا تزعلي انت ماعويرة نحن أفلحنا في البيت هي شقيقتي الكبيرة وهي مرآتنا المجلوة رأينا وفتحنا عليها نلتمس خطاها في الحياة وكانت خير مرشد ودليل لنا ومازالت

خالد محجوب

الأخ العزيز
خالد المنسي

كنت دوما عندما أسمع أن البكر عوير
أتخيله شكله بليها، أقرب إلى التخلف
يجلس بطريق غريبة، ولا يعرف التحدث
أو طريقة التعامل مع الناس
فهو عوير..


بركة الطلعنا من العوارة والبلادة

تحياتي بلا حدود

غادة

الأخت/ غادة

سلام ... الموضوع شيق..يعني ومدعم بالدراسات.. لكن أنا كأب عندي ملاحظة.. إنو البكر دائما بكون زي رأس اليتيم الذي يتعلم فيه الآباء الحلاقة زي ما المثل بيقول.. فالبكر هو (بنش باق ) يتعلم فيه الآباء ولذلك تنعكس فيه تلك الخطاء سلبا.. كما أن الوالدين وبتجربتهم القليلة وغالبا ما يكون أكبرهما في منتصف أو نهاية العشرينات على الأقل في زمني كثيرا ما يخافوا على الطفل الأول ولا يتركوه يجرب كثيرا من الأخطاء البسيطة والتي تكسب الطفل مهارات التعلم من الحياة.. والطفل البكر.. يتنتظر حتى تتاح له الفرصة وينعتق من الحصار اللذي يضربه حوله الأبوين ليجرب مالم يسمح له بتجريبه في سن مبكرة.. ولذلك تكون الحركات والتجارب التي يقوم بها الإبن عندما تحين له الفرصة أصغر قليلا من عمره مما يوصمها المراقبون من حوله بأنها (عوارة) وهي إصطلاح لتقريب المفارقة التي تتم بين العمر والفعل..

والله أعلم

Quote: بركة الطلعنا من العوارة والبلادة

حاشاك العوارة

لك التحية

غادة: سعيدين بالطلة بعد غيبة


قالوا : البكر عوير ماقالوا البكرة عويرة

بعدين هم منو القالوا ديل؟

تحياتي

Quote: غادة: سعيدين بالطلة بعد غيبة قالوا : البكر عوير ماقالوا البكرة عويرة بعدين هم منو القالوا ديل؟

سلامات يا ياسر

كل من إلتقيت في فترة بعيدة
أو حتى (قريبة)
كانت لهم نفس (المكاواة)
حتى كانت تلك اللحظة (الخالدة)
التي سمعت فيها بذلك البحث
الحمد لله الذي أنصف البكر العوير والبكرة العويرة


تحياتي بعد غيبة
غادة

معذرة

Quote: حاشاك العوارة لك التحية

تسلم يا خالد

معا لإسقاط صفة العوارة
من البكر


كامل المودة
غادة

Quote: فالبكر هو (بنش باق ) يتعلم فيه الآباء ولذلك تنعكس فيه تلك الخطاء سلبا.. كما أن الوالدين وبتجربتهم القليلة وغالبا ما يكون أكبرهما في منتصف أو نهاية العشرينات على الأقل في زمني كثيرا ما يخافوا على الطفل الأول ولا يتركوه يجرب كثيرا من الأخطاء البسيطة والتي تكسب الطفل مهارات التعلم من الحياة..

الأخ الكريم
كمال كرار

ذكرتني بصديقة أنجبت مولودها الأول بأمريكا
ولم تستطع والدتها الكريمة الحضور إليها ومساعدتها
فقالت أنها قامت بشراء كتاب
يوضح مراحل تطور الطفل، ويقدم نصائح بكيفية التربية ورد الفعل
وقالت "بس كل ما يعمل حاجة، نجري على الكتاب ونحاول نفهم
هو عمل كده ليه وإحنا المفروض نعمل شنو"

وأذكر أن داعبتها ساخرة
"يعني إنتو بقيتو من أهل الكتاب"


وأعود لمزيد من النقاش

كامل الود
غادة

أختي غادة

ناس أمريكا ترى عندهم كتب.. لكن نحن ناس قريعتي راحت.. ثقافتنا كلها شفهية وتجريبية غير علمية.. الحبوبة تدلي بدولها والخالة بدولها والجارة بدلوها حتى (سيد اللبن) يتدخل في التربية.. عشان كده مش البكر.. كل الأبناء في النهاية يحصل ليهم تشويش تربوي لإختلاف المدارس التربوية التي يمروا بها من الحبوبة لغاية (ست اللبن).. وإذا ناس امريكا بقوا من أهل الكتاب ناس السودان ياهم الصابئة ولا شنو ما عارف..

مع أطيب التحايا

Quote: ناس أمريكا ترى عندهم كتب.. لكن نحن ناس قريعتي راحت.. ثقافتنا كلها شفهية وتجريبية غير علمية.. الحبوبة تدلي بدولها والخالة بدولها والجارة بدلوها حتى (سيد اللبن) يتدخل في التربية.. عشان كده مش البكر.. كل الأبناء في النهاية يحصل ليهم تشويش تربوي لإختلاف المدارس التربوية التي يمروا بها من الحبوبة لغاية (ست اللبن)..

تعرف يا كمال،
هذه من أكثر الأشياء التي لفتت نظري في السودان
تدخل الكل معك لتربية الأبناء
وبالرغم من الجوانب الإيحابية الكثيرة لهذه الظاهرة
إلا أن بها بعض من الجوانب السلبية
فالطفل يتعلم أن يذهب لمن يحقق له طلبه بدون
إنتظار لإذن من الأم أو الأب
ويصير مدللا من قبيلة الخالات والأعمام والجيران

Quote: وإذا ناس امريكا بقوا من أهل الكتاب ناس السودان ياهم الصابئة ولا شنو ما عارف..

دي بالغت فيها


مودتي
غادة

هو بالله عليك لو انتي ما بكر بالجد
في زول بخت الصورة دي لغاية اسة ؟؟؟؟

Quote: هو بالله عليك لو انتي ما بكر بالجد في زول بخت الصورة دي لغاية اسة ؟؟؟؟

هييييييييييه
الله يسامحك يا حمد


ومن هنا نطالب الإخ عصام عبدالحفيظ
بتصميم لوحة أخرى بإنقاذ طفل دارفور
قبل وبعد الخريف

كل الود
غادة

يُحكى أُختي غادة أن أحدهم طار إطار سيارته قُرب مٌستشفى مجانين
وبحث عن صواميل إطاره التي تبعثرت شذرمذر
فإحتار
وكان هنالك أحد نُزلاء المُستشفى يُراقبه فقال له : أسمع خُذمن كل إطار من الثلاث الأُخرى صامولة وأربط بها الرابع
فقال له السائق : والله فكرة طيب إنتى بتفكر كدة قاعد هنا ليه
فأفاده النزيل : أنا قاعد هنا عشان مجنون ما عشان غبي !!!
المغزى / أن الجماعة قالوا البكر عوير ما غبي
تُشكري وتسلمي منهما

.

Quote: إلتصقت بي هذه اللفظة ( البِكِر ) لزمانٍ حتى أعيتني ، و تفرّعتْ منها اجتهادات الآخرين يخففون دمهم بها عليّ . جارتنا الخالة روضة تناديني تحُبباً - أو مسخرة - بـ : أبّو كبير ، خالي " أبو السيد " كلما أعياه ترويضي لَمَزني بـ : هوووي يا كبير أخوانو ( و هو المصران الغليظ للشاة , ذو العصارة المنتنة .. و الذي يُلقَى به في الخور لعدم جدواه ) . سكينة خالتي تغضبُ مني فتصيح : كبّور ( و هو أحد أشهر المعتوهين في أدب أحياؤنا الشعبية جنوب الخرطوم ) . ما أن أُخطيء في شيءٍ إلا و صفعتني زجرة : يا ود إنت بِكِر ؟؟ . فأنا بِكرُ أمي ، و على حس ذلك فأنا أيضاُ بكريٌ ما سبق لي أن كنت والداً

..
الله يريحك يا غادة ..
أنصفتيني ..

من هنا و لي قدام : أنا بكر ( تعالوا غالطوا الخواجات كمان !!!! ) .


.

Quote: الله يريحك يا غادة .. أنصفتيني .. من هنا و لي قدام : أنا بكر ( تعالوا غالطوا الخواجات كمان !!!! ) .

ايواااااااا....
سمح..
انا قايتو امى دافقت وبعد ذلك شرفنا ... برضو بكر؟؟

للامانة .. وبعد تحسس دقيق لتلك المقولة.. طلع كلام ضارب ..
انشتاين بكر .. وطيب !!!!

Quote: للامانة .. وبعد تحسس دقيق لتلك المقولة.. طلع كلام ضارب .. انشتاين بكر .. وطيب !!!!

يا سلام عليك يا عوض
شفت البكر رائع كيف؟


على قول أخونا عماد
تعالوا غالطوا الخواجات


كل الود
غادة

Quote: الله يريحك يا غادة .. أنصفتيني .. من هنا و لي قدام : أنا بكر ( تعالوا غالطوا الخواجات كمان !!!! ) .

بالغت والله يا عماد

نحو مجتمع يحترم كل بكر
ويرفع له راية الذكاء والنباهة
بدلا من العوارة



كل الود
وسعيدة بمداخلتك
غادة

الله يريحك يا غادة ..
أنصفتيني ..

من هنا و لي قدام : أنا بكر ( تعالوا غالطوا الخواجات كمان !!!! ) .


ياعماد عبدالله لو غادة اقنعتك انك ماعوير البقنع امك وامي منو

بالمناسبة انا بكر

Quote: ياعماد عبدالله لو غادة اقنعتك انك ماعوير البقنع امك وامي منو بالمناسبة انا بكر

إنت كمان ما تصعبها علينا يا يسري


كل بكر ونحنا طيبين


كل الود
غادة

سلامات يا أحمد

لما كنت أسمع موضوع البكر عوير
كنت في البداية (أزعل) بجد
وأقول لهم، والله أنا ما عويرة
وأجيب النتيجة المدرسية
والتي كانت بها أسطر قليلة
ونتيجة جيدة لمواد بسيطة
كأنما أحاول أثبت أن البكر ذكي، وما عوير
وبه كل السلبيات والإيجابيات
التي توجد بكل الأطفال الآخرون..

غايتو، الدراسة على الأقل ألصقت بنا صفات حسنة
ونحاول أن نجعلها تطغى على السلبيات

معا من أجل مجتمع خالى من صفة عوارة البكر


كل الود
غادة

Quote: البِكِر........ ما عوير!

شكرا غادة, وبارك الله فيك



أحمـد

أشطرنا وأكرمنا وأفضلنا وصاحب الفضل علينا أكبرنا له وعليه من الله السلام ولك أنتى يا كبرى كبير المقام السلام وله ولمن حولكم السلام




منصور

عزيزتي غاده....
اهااااا تعرفي يا غاده.....أختك منهم ....لكن أنا رأي فينا
أنو البكر دا هو الآحن و هو كبيرهم البيعلم الجماعه الصغار أي حاجه لحد ما يكبرو..
حاجاتنا يا غاده كلها زياده عن العادي...بنهتم بزياده ... وبنحب بزياده... وبنزعل بزياده مش؟ و القلب الحار التاعبنا...

تعرفي يا غاده كوني أكبر بنت لأكبر أبن لجدودي لأبوي وضعتني في مكانة خاصة جدا جدا ماببدلها أبدا
عشان كدي من يتجرأ ويقول عويره؟؟؟؟ ما كان ممكن يحصل...بس العواره حصلت في الكبر...
وكوني أكبر بنت في البيت برضوا مكانتها غير عاديه بالرغم من الجن الكنت عليه لكن برضوا أنا قائدة الجماعه ...
و أنا و الله ما ببدل البكر بأي حاجه ...
فتك بعافيه....

مهـــأ

مها

Quote: كوني أكبر بنت لأكبر أبن لجدودي لأبوي

ما صعبتيها علينا شوية؟؟؟؟؟؟..... يعني وين يعني؟؟؟؟


ممكن توضحي اكتر ....عشان البكر الزيينا كدة ده يفهم.....!!!!

غادة:

ماذا قالت الدراسة عن التيمان؟؟؟؟؟

تسلمي

Quote: ما صعبتيها علينا شوية؟؟؟؟؟؟..... يعني وين يعني؟؟؟؟ ممكن توضحي اكتر ....عشان البكر الزيينا كدة ده يفهم.....!!!!

يا عمر يا بكر

يعني هي بكرية وأيوها كمان بكر

Quote: ماذا قالت الدراسة عن التيمان؟؟؟؟؟

التوم ياتو، النزل الأول ولا النزل التاني؟


شفت حركة البكر دي كيف؟



تحياتي بلا حدود
غادة

Quote: كنت دوما عندما أسمع أن البكر عوير أتخيله شكله بليها، أقرب إلى التخلف يجلس بطريق غريبة، ولا يعرف التحدث أو طريقة التعامل مع الناس فهو عوير.. Quote: بركة الطلعنا من العوارة والبلادة

البلادة حاشاكي منها ......
وشكرا

ناصر وكمان الاء
تقبلي تحياتنا

وأنا في الحسبة { التني } ... لكن بعد كلامك تمينت أن أكون { البكر }
... أو هنيئا لأخي أنور إهداء الطبيعة له البكور ... وهو بالمناسبة زول
نجيض وفاهم ومسؤول ... على عكس ذلك الزعم التاريخي ... والذي
أرجو أن تستكملي بحثك عزيزتي غادة ... بالتنقيب فى جذوره الإجتماعية
وما الذي إستدعاه فى حياتنا حتى صار في صميم أمثلتنا الشعبية الدوارة .

مع مودتي

Quote: وأنا في الحسبة { التني } ... لكن بعد كلامك تمينت أن أكون { البكر }

يا حيدر إنت ما بكر، والله كان لا بد أن تكون في المقدمة
بعد هذه الدراسة الجديدة

Quote: هنيئا لأخي أنور إهداء الطبيعة له البكور ... وهو بالمناسبة زول نجيض وفاهم ومسؤول ... على عكس ذلك الزعم التاريخي

هذا تأكيد على صحة النظرية

Quote: أرجو أن تستكملي بحثك عزيزتي غادة ... بالتنقيب فى جذوره الإجتماعية وما الذي إستدعاه فى حياتنا حتى صار في صميم أمثلتنا الشعبية الدوارة .

دوما ما يكون تعليقك عميق يا حيدر
تنظر إلى أبعد من الظاهر وتصل حتى الجذور

كامل المودة لك وللأسرة الكريمة

Quote: ناصر وكمان الاء تقبلي تحياتنا

ناصر وكمان آلاء شخصيا
البكر قال ليك كمان محظوظ


تحياتي ومحبتي الكثيرة
غادة

Quote: لكن أنا رأي فينا أنو البكر دا هو الآحن و هو كبيرهم البيعلم الجماعه الصغار أي حاجه لحد ما يكبرو.. حاجاتنا يا غاده كلها زياده عن العادي...بنهتم بزياده ... وبنحب بزياده... وبنزعل بزياده مش؟ و القلب الحار التاعبنا...

عارفه يا مها،
أنا فعلا حاسة القلب الحار ده هو التاعبنا فعلا
مرات والله ما بنوم، أفكر ما الذي من المتعين أن يحدث
والمفروض أعمل كذا، كان من الواجب أن أقوم بكذا
وهلمجرا...

فليحيا البكر



كامل الود
غادة

Quote: أشطرنا وأكرمنا وأفضلنا وصاحب الفضل علينا أكبرنا له وعليه من الله السلام ولك أنتى يا كبرى كبير المقام السلام وله ولمن حولكم السلام

تحيات كثيرة إلى أشطركم، وأكرمكم وأكبركم
ولك يا منصور مثلهم وأكثر

كامل المودة
غادة

Quote: شكرا غادة, وبارك الله فيك

أحمد الشايقي
سلام

يعني إنت من عندينا


تحياتي بلا حدود
غادة

غادة سلامات ..

فى سؤال مهم ..

فى علاقة بين الذكاء و,, لطف السلوك والطبايع

البكر بتعرض لهزات عاطفية كتيرة اولها الغيرة من الاصغر منوا

والمكوشين على ممتلكاتو ( امو وابو وامكن ملابسو والعابو ..)

ولمن يشاكل مع اولاد الحلة بتلموا فيهو دايما اتنين اتنين ويدقو

لانو ما عندو اخو اكبر منو

وفى البيت بحملوا وهو لسه طفل مسؤولية انو كبير ..

ولو فى دق فى البيت لاى مشكلة بكون ليهو نصيب الاسد

لا لا .. اعتقد فعلا انو عوير

يعنى حتكون عوارتى دى من شنو لو ما كانت لانى بكر !!؟..

شفتى هسع العواره دي كيف ..

تحياتى ..

Quote: ولمن يشاكل مع اولاد الحلة بتلموا فيهو دايما اتنين اتنين ويدقو لانو ما عندو اخو اكبر منو وفى البيت بحملوا وهو لسه طفل مسؤولية انو كبير .. ولو فى دق فى البيت لاى مشكلة بكون ليهو نصيب الاسد

الأخ الكريم
محمد


البكر ذكي، وما عوير
وكمان مغلوب على أمره ومسكييين
وطيب، وذوق، وبيطلع دايما إنسان محترم
لو ممكن لك الأخوان يطلعوا بكر
تسود المحبة الأرض وما عليها


كل الود
غادة

Quote: البِكِر........ ما عوير!

طيب الحمد لله
أنا بكر وما حصل يوم تضايقت من اللفظه لأنو معظم اللي بيقولوها ما عارفين معنى عوير شنو.
ليه بيقولو البكر عوير ؟
البكر سموهو عوير لأن وبيكون تاعب الأم في التعامل معاهو وبتبذل مجهودات مضاعفه عشان تقدر تدبر إمورها معاهو يعني متين محتاج للرضعه التطعيم, الحمى , حمو النيل السهر أي حاجه بتكون قلق ذايد ومن هنا كانت العوارة وممكن تسألي أي أم عن الفرق بي البكر والبعدو " جد فرق كبير " .
أقول ليك ...
" البكر عوير "

إن كان كل المتداخلين هنا، غادة ست البوست "بكر البوست"، عماد عبدالله،ومحمد المشرف وكل البقية،
فلا أعتقد أن هناك دليل على خطل هذه النظرية "وعوارتها" أفضل من جمعكم هذا.

وهاكم طلب عضوية في جمعية البكر الما عوير.


أعتقد يا غادة لو أنك قد تقصيتي وبحثتي لنا جذور هذا المثل والذي في تقديري تجاوز حكاية القول المأثور إلى معتقد ويقين عند بعض الناس، وأؤكد على بعض هذه...وأظن "وليس كل الظن إثم"، أن مثل هذا البحث سيوصلك إلى أن مرد القول إلى تني كأخونا حيدر قاسم، زعلان من أخوه الأكبر والذي نصبته العائلة "Boss" لمجرد أنه بكر في حضوره لهذه الفانية، وفي اطار هذا التنافس ومن أجل زحزحته عن كرسي "Boss"، كان لابد من الطعن في كفاءته العقلية.
ويبدو أن هذه المقولة قد أثمرت فسار على نهجها بقية الأخوان/ت الأواسط بالتحديد.
أما لماذا الأواسط وهم الذين يأتي ترتيبهم بين "البكر" و"الحتالة"، وان كان البكر هو محل اهتمام ابويه لانه النموذج التجريبي، فإن مقادير مكوناته دائما في زيادة هنا ونقصان هناك، فالحتالة هو بلا شك
الماستربيس "Masterpiece"،والذي يتم من خلاله ضبط كل المقادير الا مقدار الحنان والدلع، والذي عادة ما يكون جرعاته فالته، وهذا الفلتان هذا عادة يأتي لا إراديا وغصبا عن أبويه وذلك للمرحلة العمرية التي دخل فيها والديه خاصة الأم.

أكيد ما عوير....

كيفك غادة

Quote: أكيد ما عوير.... كيفك غادة

تسلمي يا سلمى


مشتاقيين

Quote: وهاكم طلب عضوية في جمعية البكر الما عوير.

الأخ الكريم
نادوس

وهاك الختم والإمضاء
طلبكم مقبول مقبول مقبول


كل الود
غادة

Quote: أقول ليك ... " البكر عوير "

سلامات يا طارق،
يعني التبنيهو كريت في سنة
تجي تهدو في لحظة


البكر ما عوير

كل الود
غادة

Quote: معا لإسقاط صفة العوارة من البكر

تسقط كيف لكن يا غــاده ..؟ طالما الواحد لما بيكون قاعد يتكلم ليهو مع ( بكر أو بكره ) .. بيدوهو احساس أنو الواحد فيهم حاسي بي أنو ( أهبل ،، أهبل كدا )
والأهبل من كدا .. لما كمان يكون كبير ويجيهو ( برجم ) بيكون خلاص كمل اي حاجة
والأهبل شديد خالص .. لما يعضيهو ( كلب ) ويدوهو كم وعشرين حقنة كدا في ( البطن ) ويقولو ليهو شوف الكلب ( مات ) والا لسه . كان ما مات يدوهو الباقي والا شنو ما عارف .. غايتو دي تجارب واقعية عشتها واكدت لي إنو دراستك دي يا غــاده ما بتحلك ..
اسالي مجرب ما تسالي طبيب

بعدين رايك شنـو في ( الحتالة ) غايتو كان ما جبتي دراسة موازية لي دراسة ( العورة ) ديل معناته الدراسة دي ذاته عامله ( بكر ) ..
مش بكر بس .. ده بكر وعندو ( برجــم ) كمان زي اخوهو الفوقاني ده
الحمد لله طلعت في ( النص ) شايل من عوارت الكبار .. ودلع ( الحتالة )

بعدين طالبك في خدمة يا غــاده

شوفي لينا معاك مسالة ( التيمان ) البنقلبو كدايس دي يحلوها كيف ..؟
لانو بي صراحة كدا:
الأيامات دي بقيت اصحى من النوم اللاقي جمبي حاجات غريبة جدا .. في السرير
قبل كم يوم لقيت علبة ( ساردين ) فاضية .. وجناح ( شمال ) بتاع حمامة
الواحد خايف يقوم في يوم من الأيام ( يتعاور ) ويجيكم البورد ده ( بالزي ) الرسمي ( منقط ) بيجي باسود

نـــاو .. يا شباب

Quote: بعدين طالبك في خدمة يا غــاده شوفي لينا معاك مسالة ( التيمان ) البنقلبو كدايس دي يحلوها كيف ..؟ لانو بي صراحة كدا: الأيامات دي بقيت اصحى من النوم اللاقي جمبي حاجات غريبة جدا .. في السرير قبل كم يوم لقيت علبة ( ساردين ) فاضية .. وجناح ( شمال ) بتاع حمامة الواحد خايف يقوم في يوم من الأيام ( يتعاور ) ويجيكم البورد ده ( بالزي ) الرسمي ( منقط ) بيجي باسود نـــاو .. يا شباب

غايتو يا تمبس ضحكت ضحك وانا بتذكر في الإبتدائي قروا معاي تيمان (حمزة وعباس ).. أها بالليل لما يجينا كديس حايم في البيت نقوم نسكًه ونضربه.. وتاني يوم أمشي ابحلق في توم توم عشان اعرف السكيناهو أمبارح منو .. مرات كنا قاعدين نتكلم معاه.. وتاني يوم امشي أسال اي توم فيهم سؤال عن كلام امبارح مع الكديس وألقاه ما ناقش ابو النوم .. وبالرغم من كده ما قدرتا أثبت نظريتي ..

يا غادة.. كل العمايل الكنت بعملها فوق دي وأنا نمرة 4 في البيت.. يعني هسع لو كنت البكر. قطع شك كانوا حيقولوا علي عويرة ..

غايتو هدى أختي هي اكبرنا.. لكنها ما البكر.. لأنو بكرنا ربنا إسترداها وكان عمرها سنة ونص، إسمها "ناهد".. الله يرحمها

هدى دي اطيب بشر قابلتوا في حياتي.. زول كده ناسي نفسه عشان يريًح الحولينو.. وبالمناسبة دي. عمرها ما قالت (لأ) لأمي.. حتى ولو ما حتعمل الحاجة.. ونظريتها إنك ما تقول الكلمة الكعبة.. طبعا مقارنة مع (لاءاتي) احس قدر شنو أنا شرسة.


بوست ظريف خالص..

ودي

Quote: وتاني يوم امشي أسال اي توم فيهم سؤال عن كلام امبارح مع الكديس وألقاه ما ناقش ابو النوم

والله يا رجــاء كان عندنا ود عمتنا توم .. بعدين ( الحاجة ) بتريدو شديد وهو كمان بريده .. الريده دي جات في صالح ( كديس ) الجيران، كديس الجيران ( نقش ) ليك حنية الحجة واستغله الفرصة دي يجي المغربية يقعد في الحيطة ( ويكتل ) عيونو الحاجة تقول ده ( التوم حسين ) .. واللحظة ديك الحليب بيكون جاهز واتسخن ومنتظرنو يبرد .. بلاي يتسحب ويتسحب لحدي ما ( يشفط ) ليك الحليب كلووو .. ( ويقش خشمو ) ويتخارج ده طبعا في حالة أنو الحجة تكون في .. لما الحجو تكون مافيشة .. والله الحليب ده ( يشمو قدحه ) وهو زاتو عارف الحاجة دي ... لما يحس (بالحاجة) مافيشه ( بيتفكفك ) بدري بدري ..
طبعا حاولت تقنعني بإنو حسين .. قلت ليها حسين ده يوم واحد ما بيجيب معاهو صندوق بسكويت ..؟؟

Quote: غايتو هدى أختي هي اكبرنا.. لكنها ما البكر.. لأنو بكرنا ربنا إسترداها وكان عمرها سنة ونص، إسمها "ناهد".. الله يرحمها

رجاء العزيزة
كيفك يا صديقة..
بحسب الدراسة تعتبر هدى هي البكر في الأسرة، ما دامت ناهد،عوض الله والدتكم خيرا، توفيت صغيرة

Quote: هدى دي اطيب بشر قابلتوا في حياتي.. زول كده ناسي نفسه عشان يريًح الحولينو.. وبالمناسبة دي. عمرها ما قالت (لأ) لأمي.. حتى ولو ما حتعمل الحاجة.. ونظريتها إنك ما تقول الكلمة الكعبة.. طبعا مقارنة مع (لاءاتي) احس قدر شنو أنا شرسة.

يعني البكر فعلا كويس، شاطر وطيب..

ما قلت لي إنت ترتيبك رقم 4 في الأسرة، فذكاءه أقل وعرفنا كمان إنو الشرس


كل الود
غادة

غادة يا حبيبة..
ســـــلام

نمرة 4 ده زول غلابااااااااان. والعجب لو جابو بعده زول




تمبس يا عزيز..

غايتو التوم حسين إتلوم تب.. كلوو إلا البسكويت

Quote: بعدين طالبك في خدمة يا غــاده شوفي لينا معاك مسالة ( التيمان ) البنقلبو كدايس دي يحلوها كيف ..؟ لانو بي صراحة كدا: الأيامات دي بقيت اصحى من النوم اللاقي جمبي حاجات غريبة جدا .. في السرير قبل كم يوم لقيت علبة ( ساردين ) فاضية .. وجناح ( شمال ) بتاع حمامة الواحد خايف يقوم في يوم من الأيام ( يتعاور ) ويجيكم البورد ده ( بالزي ) الرسمي ( منقط ) بيجي باسود نـــاو .. يا شباب

سلامات يا تمبس
بقيت تصحى وتلقى الكدايس جنبك كمان


والله بقى منك خوف


نـــــــــــاو

تسقط كيف لكن يا غــاده ..؟ طالما الواحد لما بيكون قاعد يتكلم ليهو مع ( بكر أو بكره ) .. بيدوهو احساس أنو الواحد فيهم حاسي بي أنو ( أهبل ،، أهبل كدا )

والله الفيك إتعرفت يا تمبس
يعني البكر، وأنا منهم،
بنديك إحساس العوارة دي
هييييييييه، الله غالب، الله فيّ

الحثالة دي مبحث ثاني,,,

وهي أفظع أثرا... لأنو البكر حينها يفترض أن يكون في طريقه..إلى الرجالة أو المرارة (من إمرأة).. وأختفت كل مظاهر الإحتفاء به.. وإبتدأ يتقاسم المسئولية طوعا أو غصبا... يعني حالته بتكون أتخلبطت وبقى في عالم ثاني.. وأي حاجة يقولوا ليهو أنت ما الكبير أنت ما تتنازل...عايز تسوي عقلك بالجهال ديل.. يعني يلبسوه المسئولية ويخلعوا عليه لباس الحكمة.. والشهامة والكرم..وآخرة المطاف يكون فكوه خلاص عكس الهواء..

أما الحثالة.. لغاية ما يبقى راجل... أو إمرأة لازمة يقول ليك ده ما الصغير.. وتلازمه كل لوازم الدلع حتى لو أصبح جدا.

وبصراحة الحثالة ما بتعلم لأنو بيكون حاتل في ماضي كله دلع وأنانية..

Quote: الحثالة دي مبحث ثاني,,, وهي أفظع أثرا... لأنو البكر حينها يفترض أن يكون في طريقه..إلى الرجالة أو المرارة (من إمرأة).. وأختفت كل مظاهر الإحتفاء به.. وإبتدأ يتقاسم المسئولية طوعا أو غصبا... يعني حالته بتكون أتخلبطت وبقى في عالم ثاني.. وأي حاجة يقولوا ليهو أنت ما الكبير أنت ما تتنازل...عايز تسوي عقلك بالجهال ديل.. يعني يلبسوه المسئولية ويخلعوا عليه لباس الحكمة.. والشهامة والكرم..وآخرة المطاف يكون فكوه خلاص عكس الهواء.. أما الحثالة.. لغاية ما يبقى راجل... أو إمرأة لازمة يقول ليك ده ما الصغير.. وتلازمه كل لوازم الدلع حتى لو أصبح جدا. وبصراحة الحثالة ما بتعلم لأنو بيكون حاتل في ماضي كله دلع وأنانية..

والله يا كمال،
الجماعة ديل مقبلين على البكر ومخلين الحتالة ده ساي
من الأولى أن يقولوا أن الحتالة عوير
فهو المدلع والمدلل، وهو كما وصلت إليه نتائج البحث
أقل من في الأسرة ذكاءا

من الليلة، الله قال بقولكم يا الحتالة


على فكرة، مرارة دي حلوة


كل الود
غادة

الأستاذه / غاده
تحية طيبة
لو البكر ما عوير .. العوير يكون منو ؟؟
كلامك ده ذكرنى مثل قريب منه بقول:-
(السمح ما آكال) .. لكن فى ناس (بشقلبوهو) وبقولو ( السمح مو اكال) .. عشان الواحد كان ما نسف الصيتيه كلها ما يرفع يدو !!!!

Quote: لو البكر ما عوير .. العوير يكون منو ؟؟

الحتالة


إن شاء يا تاج السر، لا البكر لا غيرو

تحياتي
غادة

غايتو من يوم الليلة انا بكر .. وعويرة كمان !!

طالما العوارة ( قصدي البكور) دي فيها زولة راقية زيك كدا .. !!

وكان جيتي للجد انا ذاتي بكر .. والحمد لله .. وكان على العوارة .. انسى بس !!


سبق وان طرحت الموضوع دا في موقع آخر بس انا كنت اشجع منك وكان عنون البوست ( البكر عوير )


http://3aza.com/vb/showthread.php?t=891&page=1&pp=10


ودي اجزاء من الاراء والدراسات التي طرحتها آنذاك

Quote: انا ... بكر !! والبكر هو اول طفل في الاسرة !! كلنا نسمع المقولة المتوارثة ( إن البكر عوير ) !! كانت لدي صديقة ( بكر ) كنت انا وهي نتفاكر في هذا الامر كلما شعرنا ( بعوراتنا ) بحكم اننا ( بكور ) !! فهل كلمة عوير .. تعني .. واحد اهبل ( بريالة ) ؟؟؟ او هي تعني أنه شخص طيب لدرجة السذاجة ( الغنماية تأكل عشاه)؟؟ او ... او .... تناقشنا وحللنا ...!! ولكننا لم نتوصل الى شيء واضح !! فكنت لما اغتاظ من نفسي .. وازعل منها بقول ليها ( يا بكر ) !! ولكن خلونا نشوف الدارسات قالت شنو عن الطفل البكر !! ربما نستطيع ان نصل الى صحة المقولة ان (البكر عوير) !! وبرضو احتمال ان القال الكلام دا .... قصدو يقول (البكر عبقري) ... وبرضو احتمال يكون مسألة غيرة ما اكتر !!

Quote: تقول الدراسات : أن الأشخاص الذين يحتلون المرتبة الأولى من أبناء العائلة، أكثر عرضة للأمراض التاجية، بسبب طبيعة شخصياتهم المعروفة بـ"شخصية النوع A" التي تتميز بفرط السلوك التنافسي وسرعة الغضب والعند والنشاط. وقال هؤلاء إن العوامل البيولوجية والاختلافات البيئة والاجتماعية وفرص التعليم تتفاوت بين الطفل البكر وأخواته الأصغر، وهو ما قد يؤثر في احتمالات إصابة بأمراض حادة ومزمنة في مراحل حياته اللاحقة. ووجد الباحثون أثناء دراستهم للعلاقة بين الولادة البكرية الأول وأمراض القلب عند 348 شخصاَ من المصابين بمرض القلب التاجي أن 46.7% من المرضى كانوا أبناء بكريين وهي ضعف النسبة الموجودة في المجتمعات. ويرى العلماء أن شخصية الابن البكر وطبيعة سلوكه التنافسي التي يكتسبه من طفولته بسبب ضغط الوالدين عليه لتوجيهه إلى الطريق الصحيح ودفعه إلى التقدم والفوز والتحدي وأحياناً العدوانية، تلعب دورا في زيادة خطر تعرضه لأمراض القلب التاجية.

Quote: وتقول ايضا : تتوفر أدلة في غاية الأهمية تبين أن الابن البكر يختلف بعدد من الصفات عن الطفل الأخير 0 فترتفع نقط البكر والوحيد في روائز التحصيل والذكاء عن نقط الطفل الأخير 0 وفي هذا الصدد نذكر أن الأمريكيين كلهم الذين استطاعوا الوصول إلى القمر كانوا أبكار أسرهم 0 ولا يزال سبب تلك الظاهرة مجهولاً على الرغم مما قيل في إيضاحها 0 وفي إحدى الدراسات اختيرت ثلاث عينات ممن أخذوا رائز أهلية المعونة القومية 0 وقد سحبت العينة الأولى عشوائياً من الذين أخذوا الرائز كلهم وسميت بالعينة المعيارية واختيرت العينة الثانية عشوائياً من المتفوقين في الرائز وشملت العينة الثالثة كل من أخذ الرائز نفسه في واحدة من السنوات الماضية شمل الرائز خمسة مواضيع هي : استخدام اللغة والحساب والاجتماعيات والطبيعيات واستخدام المفردات 0 ولقد تبين أن الطفل البكر من العينات الثلاث المتحدر من أسرة صغيرة قد حصل على أعلى النقط في حين أن الولد الأخير المتحدر من أسرة كبيرة قد حصل على أدنى النقط 0 وتفوق الابن البكر على الأولاد كلهم في المهارات الحسابية 0 وفي محاولة لتعليل ظاهرة التفوق التحصيلي عند الأولاد البكر يقترح شاختر نظرية المقارنة الاجتماعية 0 أنه يرى أن الولد البكر يقيس نفسه في إطار تحصيل والديه فيغدو قوي النزعة للتحصيل المدرسي بسبب ضخامة الهوة بينه وبين والديه الأمر الذي يدفعه لسد الثغرة واللحاق بهم 0 ويرى باحثون آخرون أن الأهل يعاملون الولد البكر بصورة مختلفة عن الصغير إذ أن الأهل يلقون ضغوطاً ثقيلة على البكر ويتوقعون منه الكثير 0 لهذا يبدي البكر سعياً دائماً للتحصيل 0 إلا أن شاختر مع تأكيد التفوق الدراسي للأولاد الأبكار قد كشف الكثير من سمات الشخصية الاتكالية لديهم ووجد أن المترددين على العيادات النفسية كان أكثرهم من نوع الطفل الأول أو الوحيد وأقلهم من الأطفال المتأخرين الذين يفضلون أن يحلوا مشاكلهم بأنفسهم وأن الأطفال المتأخرين في الترتيب أكثر ميلاً إلى إدمان الخمور من المجموع العام للسكان وإن الطيارين المقاتلين من الأطفال الأوائل أقل ممن عداهم شراسة في القتال 0 وبرأي هارولد كيلي أن للترتيب الميلادي أثراً في تحديد نوع الصراع على القوة عند الفرد فالطفل الأول حين يصارع غيره على القوة لا يسلك سلوكاً من شأنه أن يؤدي إلى خسارته لهم تماماً على حين أن الطفل المتأخر يعنيه أن تكون له الغلبة بصرف النظر عن نتائج الصراع في علاقته بالخصم وأخيراً فإن البنات الأبكار اللواتي لهن أخوات أصغر منهن والصبيان الأبكار الذين لهم أخوة أصغر منهم يبدون درجة أقل من ( السعي الدائب للتحصيل ) والاتكالية التي تميز الأبناء الأبكار 0 وربما وجب على أي تعميم بصدد الولد البكر والأطفال المتأخرين في الترتيب الميلادي أن يعدل ليأخذ بعين الاعتبار جنس الأشقاء في الأسرة وفروق السن بينهم وغير ذلك من العوامل ففي الوقت نفسه الذي يبدي فيه غالبية الأطفال الأبكار التركيب الشاذ المكون من ( السعي الدائم للتحصيل ) والتعلق الشديد تبقى بقية الأشقاء والشقيقات في منأى عن تلك السمات وخاضعة لتأثيرات عديدة أخرى

Quote: فقد جاء في دراسة نرويجية أمريكية مشتركة أن الأطفال الذين يولدون أولا أكثر ذكاء وتفوقا ويتمتعون بقدرة أكبر على تحقيق النجاح الأكاديمي والمهني, من أخوتهم الأصغر سنا حسبما أفادت قدس برس. وأوضح الباحثون في الكلية النرويجية للاقتصاد وإدارة الأعمال أن الطفل البكر ينال فرصا أفضل من حيث التعليم والتثقيف ومتابعة الدراسة ويصبح أكثر نجاحا في سوق العمل عندما يكبر مؤكدين أن الترتيب الولادي هو الذي يلعب دورا في هذه الظاهرة وليس بالضرورة حجم الأسرة. ووجد هؤلاء في دراستهم التي أجروها بالتعاون مع زملائهم في جامعة كاليفورنيا الأمريكية وتابعوا فيها جميع الأطفال النرويجيين الذين ولدوا في الفترة بين 1912 - 1975 أن فرص الطفل البكر في التعليم والعمل كانت أفضل من أخوته الأصغر سنا الذين قلت فرصهم في الحصول على تعليم مناسب أو مهنة ذات دخل مادي مرتفع, فاحتاجوا إلى العمل الإضافي لتغطية نفقاتهم. وأشار الخبراء إلى أن هذه الاكتشافات لا تنطبق على النرويجيين فقط وإنما قد تشمل دولا أخرى موضحين أن وزن الطفل البكر عند ولادته غالبا ما يكون أعلى من أخوته وأخواته الأصغر سنا وهو ما يعتبر مؤشرا جيدا على النجاح العلمي والمهني في المستقبل

العزيزة الغالية غادة عبدالعزيز والله مشتاقين كتير وإنشاء الله تكوني بخير

وكذلك اسرتك الصغيرة والكبيرة , الدخول من اجل التحية والسلام لكن البكر

ما عوير مدلع بس ومعجن لكن بعد مرات بيعمل نفسو عيان عشان يجبو ليهو

الحاجات البحبها , نقدر نقول البكر ( مـسـتـهـبـل كـبـيـر ) .

Quote: الدخول من اجل التحية والسلام لكن البكر ما عوير مدلع بس ومعجن لكن بعد مرات بيعمل نفسو عيان عشان يجبو ليهو الحاجات البحبها , نقدر نقول البكر ( مـسـتـهـبـل كـبـيـر ) .

طيب لو البكر مدلع ده كلو
الحتالة كيف؟


المهم في الموضوع، البكر ذكي وشاطر
وما عوير

كل الود والتحايا للأسرة الكريمة
غادة

Quote: غايتو من يوم الليلة انا بكر .. وعويرة كمان !! طالما العوارة ( قصدي البكور) دي فيها زولة راقية زيك كدا .. !!

الأخت الحبيبة
سمرية

تسلمي يا راقية

Quote: وكان جيتي للجد انا ذاتي بكر .. والحمد لله .. وكان على العوارة .. انسى بس !!

إنت برضو البكر؟ أسمعتم يا معشر الإنس
سمرية بكرية ايضا..
يا سلام يا سلام
حاجة تمام، حاجة تمام


لك الشكر على المقال الثري
محبتي بلا حدود

غادة

بالله هي نسبتنا دي بكر

الحمد لله انا الحتالة غايتو
شيلي شيلتك مع ريم

الاخ كمال كتب

Quote: سلام ... الموضوع شيق..يعني ومدعم بالدراسات.. لكن أنا كأب عندي ملاحظة.. إنو البكر دائما بكون زي رأس اليتيم الذي يتعلم فيه الآباء الحلاقة زي ما المثل بيقول.. فالبكر هو (بنش باق ) يتعلم فيه الآباء ولذلك تنعكس فيه تلك الخطاء سلبا.. كما أن الوالدين وبتجربتهم القليلة وغالبا ما يكون أكبرهما في منتصف أو نهاية العشرينات على الأقل في زمني كثيرا ما يخافوا على الطفل الأول ولا يتركوه يجرب كثيرا من الأخطاء البسيطة والتي تكسب الطفل مهارات التعلم من الحياة.. والطفل البكر.. يتنتظر حتى تتاح له الفرصة وينعتق من الحصار اللذي يضربه حوله الأبوين ليجرب مالم يسمح له بتجريبه في سن مبكرة.. ولذلك تكون الحركات والتجارب التي يقوم بها الإبن عندما تحين له الفرصة أصغر قليلا من عمره مما يوصمها المراقبون من حوله بأنها (عوارة) وهي إصطلاح لتقريب المفارقة التي تتم بين العمر والفعل.. والله أعلم

منطق

يا غاده تحايا بلاحدود
اها انا بكرى اسمها غاده (اى اسمك ذاتو)
و صحبتى السميتها عليها برضه بكر
من تجربتى مع الغادات البكريات (لا ما ناس ولاده ما تفهمونا غلط)
انو البكر لايوق...
اها بقن عليك اتنين امشى شوفى ليك دراسات خارجى رقبتك

غادة سلامات

ياغادة

سيدنا محمد بكر
وسيدنا عيسى بكر


تاني شنو ؟

Quote: سيدنا محمد بكر وسيدنا عيسى بكر تاني شنو ؟

الأخ العزيز
وليد

تاني بعد ده في شيئ
الله يفتح عليك

تخريمة:
دخلت نملة وأخذت حبة وخرجت


كل الود
غادة

العزيزة غادة سلام بنكهة اللمه
البكر هو اول طفل ادخل البسمه على والديه وبقية افراد الاسرة
متع والديه بطعم حلاوة الامومه والابوة
متع جدوده بطعم حلاوة الحفيد الاحلا من الابن زاتو
( ولد الولد احلا من الولد )مقولة معروفة
هوالاول الاستمتع بطعم اخ اوخت فى اسرته

على فكره انا ما بكر
لكن لابنى البكر رامى مكانة خاصة فى نفسى
به عرفت معنى الامومه وفى تربيته تعلمت الصبر
وطولة البال وعرفت كم عانت والدتى الله يطيل فى عمرها
والامومه شىء ما سهل .. ربنا يقدرنا نسعد والدينا
الحبيبه غادة ..لك ولكل البكور عبق البخور
وشكرا محنة

Quote: على فكره انا ما بكر لكن لابنى البكر رامى مكانة خاصة فى نفسى به عرفت معنى الامومه وفى تربيته تعلمت الصبر وطولة البال وعرفت كم عانت والدتى الله يطيل فى عمرها والامومه شىء ما سهل .. ربنا يقدرنا نسعد والدينا

تعرفي أيتها السومة الحبيبة
أول ما أنجبت، نظرت لأمي وقلت لها
"أنا فقط حزينة لأ أخوتي (خالد ومحمد)
لن يستطيعوا أن يعرفوا قدرك أبدا"

قدرنا الله على طاعة والديا وإسعادهم
ولك التحية معبقة وأكثر

كل الحب
غادة

Quote: يا غاده تحايا بلاحدود اها انا بكرى اسمها غاده (اى اسمك ذاتو) و صحبتى السميتها عليها برضه بكر من تجربتى مع الغادات البكريات (لا ما ناس ولاده ما تفهمونا غلط) انو البكر لايوق... اها بقن عليك اتنين امشى شوفى ليك دراسات خارجى رقبتك

هييييييييييه، يا سهام المجمر
ده كلام شنو الليلة ده؟

إن شاء الله بتنا غادة تكون بس ما شافت البوست ده
وقلت لي إيميل صاحبتك السميتي عليها شنو؟
بس لزوم التحية وكده يعني


كل الود
غادة

Quote: بالله هي نسبتنا دي بكر الحمد لله انا الحتالة غايتو شيلي شيلتك مع ريم

تصدق الكلام ده يا طارق
أنا بكر،،
بس والله ما بكر عوير


عروستنا ريم، مش البكر برضو،
ولا أنا غلطان؟

أمشي يا حتالة


كل الود
غادة

بسم الله الرحمن الرحيم

السلام عليكم ورحمة الله وبركاته

غاده

الذكاء براهو والعواره براها,,,

والعينه الشالوها دى كلها عوره,, هم كان ما عوره بمشوا الجيش

كدى أسمعي القصه دى و أحكمى :-

عندى صاحبى ظريف وحكاى,, قال يوم كانوا فى جلسه اسريه ظريفه هو وأربعه
أصدقاء وزوجاتهم,, أها فى برنامج الونسه العابر إتفتح موضوع البكر,,,
قام هو قال ; بقولوا البكر عوير,, أها الجنبو قام لكزو قال ليهو; شنو
يعنى... انا ما بكر,, ومافى ذول سمعو,,, صاحبى قال لى طنشتو,, قام داك
كرر ليهو اللكزه,,, شنو يعنى... انا ما بكر,, مرتين,, قال لى قبلت عليهو
وقلت ليهو ,,, إنت ذاتك عوير.

,,,,,,,,,,,,

العواره هي شنو ??


على عامر

الراسي يوم بابورو صفَّر
رجف قلبي المعذب دم مقطَّر

سلب نومي الملاك وصفاي عكَّر
زاد نبض القلب والدم تفجَّر
معزز عند ابوهّو البهو بكَّر
أنا عقلي سرح معاهو وفيهو فكَّر

Quote: الراسي يوم بابورو صفَّر رجف قلبي المعذب دم مقطَّر سلب نومي الملاك وصفاي عكَّر زاد نبض القلب والدم تفجَّر معزز عند ابوهّو البهو بكَّر أنا عقلي سرح معاهو وفيهو فكَّر

يا سلام عليك يا خالد
البكر معزز، ومكرم
وما عوير
كمان ذكي

تسلم يا سيد الناس
غادة

Quote: كدى أسمعي القصه دى و أحكمى :- عندى صاحبى ظريف وحكاى,, قال يوم كانوا فى جلسه اسريه ظريفه هو وأربعه أصدقاء وزوجاتهم,, أها فى برنامج الونسه العابر إتفتح موضوع البكر,,, قام هو قال ; بقولوا البكر عوير,, أها الجنبو قام لكزو قال ليهو; شنو يعنى... انا ما بكر,, ومافى ذول سمعو,,, صاحبى قال لى طنشتو,, قام داك كرر ليهو اللكزه,,, شنو يعنى... انا ما بكر,, مرتين,, قال لى قبلت عليهو وقلت ليهو ,,, إنت ذاتك عوير

بالغت يا على


العوارة هي صفة البكر (في الماضي)


كل الود
غادة

سلامات يا غاده
البكر بي سبب عواره غير العواره القصدتيها وأنا بكر ود بكر بكر أمو وبكر حبوبتو "بكر تربيع"
قريتي المداخله من الأول ؟

نفاج 6 ضلف:
البكر عوير

Quote: وأنا بكر ود بكر بكر أمو وبكر حبوبتو "بكر تربيع"

سلامات يا طارق

أرسل إلىّ أحد القراء الكرام قائلا

أنه بكر، وأمه ايضا بكر، وأباه بكر، ولديه إبنة واحدة
هي البكر..

وأردف

"شفتي نحنا أسرة ذكية كيف؟"


كل المودة
غادة

تمبس

Quote: لما يعضيهو ( كلب ) ويدوهو كم وعشرين حقنة كدا في ( البطن ) ويقولو ليهو شوف الكلب ( مات ) والا لسه . كان ما مات يدوهو الباقي والا شنو ما عارف

واحد بكر ...وعوير عضاه كلب.... الدكتور اداهو 21 حقنة وبعد آخر حقنة قال ليه امشي شوف الكلب

مات ولا ما مات..... اها مشي يشوف الكلب.......... الكلب عضاهو تاني!!!!!!

شكر ياغادة علي البوست خفيف الظل

سلامي للولد البكر

أنت زارعة حقولنا البكرية بفكرك وخفت ظلك وقلم مثل قلمك لا يصدر إلا من كبير

قلب وفكر وكم نتمني أن يكونوا كل البكور في روعتك غادة مودتي وأحترامي للدراسة

الشاهدة ونحن مع البكور في كل شي حتي الحقول تخضر باكرا من أيدي خبرة جميل البكور

صحوا ويغظة تسلمي غادة.

،،،،هو منو البيقول البكر عوير! وأي مقياس أخذه ؛؛؛

،،،،أبوقصي،،،،

Quote: ،،،،هو منو البيقول البكر عوير! وأي مقياس أخذه ؛؛؛

والله يا أبو قصي
أنا من قمت، وأنا في موضوع البكر عوير
لامن إتوهمت أنا زاتي

ومهما كانت المقاييس، فهي الآن من غير فائدة
فالبكر، ذكي، ذكي، ذكي
وعلى قول أخونا عماد،

كمان تعالوا غالطوا الخواجات


كل الود
غادة

واحد بكر ...وعوير عضاه كلب.... الدكتور اداهو 21 حقنة وبعد آخر حقنة قال ليه امشي شوف الكلب
بس ما يكون لقى الكلب زاتو عندو حقـن ..
عندنا صاحبنا زمان جنو سينمات .. دخل فيلم طرزان .. وجاي ماشي مع الجماعة .. والغريبة بيحكي ليهم في الفلم الدخلوهو معاهو .. ومنفعل جدا .. الجماعة الماشين معاهو كل واحد ينسحب شوية شوية .. لما يصل لي اللفة بتاعت بيتهم .. صاحبنا بقى براهو في الشارع وقرب لي بيتهم.. بقى ماشي بي تحت الحيطة بتاعت جيرانهم والكلب في الحيطة عامل جوطة .. فجأة الكلب ( نطه ) وهجم على صاحبنا .. قام داك على طول واصل المسالة .. وبقى في ( صراع ) مع الكلب .. فكيناهم بي الله ويامين..
اللذيذ في الموضوع .. صاحبناده حالف ولي مدة طويلة جدا .. إنو أصلو ما يخلي الكلب ده .. واللذ من كدا .. الكلب بقى كل ما يشوف صاحبنا ده .. بلاي لو نايم في سابع نومه .. يصحى ويدخل البيت .. وده طبعا بينفي نظرية ( الكلب بريد خناقو )
صاحبنا الاتصارع مع الكلب ده ..طبعا بكــر .. دي الحاجة الما قلتها ليك طبعا

Quote: صاحبنا الاتصارع مع الكلب ده ..طبعا بكــر .. دي الحاجة الما قلتها ليك طبعا

والله إتخيلتك حتقول كده في الآخر يا تمبس

الزول ده كدي، بيني وبينك بس،
ما إنت؟

من باب العلم بالشيئ فقط


سؤال،
إنت ترتيبك الكم في الأسرة؟
علشان نعرف موقعك من الإعراب والذكاء بحسب الدراسة


تخريمة،
اليومين ديل براي يا ناس مقوع براااي


كل الود
غادة

Quote: واحد بكر ...وعوير عضاه كلب.... الدكتور اداهو 21 حقنة وبعد آخر حقنة قال ليه امشي شوف الكلب مات ولا ما مات..... اها مشي يشوف الكلب.......... الكلب عضاهو تاني!!!!!!

هيييييييييه، الله يسامحك يا عمر


أنا سممعت نفس القصة دي بس بالولد الحتالة


كل الود
غادة

الله يا يطمنك العزيزه غاده بت ابوخالد!

التحية لك غادة
انا في نظري هذه العوارة نابعة من التربية وكما هو معروف وخاصة في المجتمع السوداني المولود الاول له نكهة خاااااصة وله تقدير مميز ويوفرون الابوين له كل غالي ونفيس ومن هذه التربية تنتج نتائج عكسية تخل من تكون الشخصية السليمة للطفل وبهذا يصبح "مدلع &معجن" ولذلك يتصف بالعوارة وانا لاحظت ان كل الابناء الذين تربوا مع الحبوبات تربوا تربية سليمة لانهم يمتلكون الخبرة وخاصة المولود الاول انا بفتكر الام محتاجة لوالدتها حتي يترعرع ابنها في حجر الحبوبة وبذلك تتعلم الام الصغيرة كيف تنشئ اباءها القادمين بعيدا من الشقق والبيوت المنفصلة"هذا من باب التجارب المعاشة".

هذه وجه نظر أختي غادة ليس الا والتحية لك وللاخ مصعب وانتم تتقلدون منصب الاولية؟؟؟

Quote: انا في نظري هذه العوارة نابعة من التربية وكما هو معروف وخاصة في المجتمع السوداني المولود الاول له نكهة خاااااصة وله تقدير مميز ويوفرون الابوين له كل غالي ونفيس ومن هذه التربية تنتج نتائج عكسية تخل من تكون الشخصية السليمة للطفل وبهذا يصبح "مدلع &معجن" ولذلك يتصف بالعوارة وانا لاحظت ان كل الابناء الذين تربوا مع الحبوبات تربوا تربية سليمة لانهم يمتلكون الخبرة وخاصة المولود الاول انا بفتكر الام محتاجة لوالدتها حتي يترعرع ابنها في حجر الحبوبة وبذلك تتعلم الام الصغيرة كيف تنشئ اباءها القادمين بعيدا من الشقق والبيوت المنفصلة"هذا من باب التجارب المعاشة".

الأخ العزيز
مصطفى دوليب

أوردت نقاطا مهمة جدا،
ولكنني حقيقة أعتقد أن الطفل الأول
يكون مدللا في أول أعوامه فقط
ويكون بعد ذاك (مقسي) عليه
فهو يرعى الإخوة الأصغر منه
ويتنازل عما عنده
ويساعد أباه وأمه
وعلى فكرة، الحتالة هو المدلع
التحية لحبوباتنا أحياءا
ورحمهم ربنا أمواتا بما قدموا

كل الود
غادة

Quote: الله يا يطمنك العزيزه غاده بت ابوخالد!

ويزيدك ذكاء يا مكي
يا إبن أم مكي


خالص المودة
غادة

الأخت العزيزة غادة..
و كل زوار البوست..

أنا شخصياً و عن تجربة بفتكر إنو البِكِر زول مظلوم جداً جداً...
ليه؟؟

* زي ما زول قال هنا..البِكِر دا البنش باغ بتاعت الأبوين..
يتعلموا فيهو..و يتلقى بصبر كل غلطاتهم و هفواتهم..الناتجة عن عدم خبرتهم.
..
* لمن يجيهو أخ أو أخت...يضطر يعتمد على نفسو إلى حدٍ ما..
عشان كل الإهتمام مشى للضيف/ة الجديد/ة

* لو زاد عدد الأخوان و الأخوات الأصغر منه..يجد نفسه فجأة مسئول مسئولية كاملة عنهم..
عليك الله يا بِكِر...أدي أخوك البزة..
عليك الله يا بِكِر...سمِع لأختك النشيد..
عليك الله يا بِكِر..عاين لأختك ما تقع من السرير...
إلخ...

* مهما كانت غلطتو صغيرة أو كبيرة هو مُحاصر طوالي بعبارة
(( حالتك الكبير العاقل ؟؟!!!)) أو (( خليك إنتَ الكبير )).

الخُلاصة..
البِكِر...زول مسئول...قيادي...عاقل..رزين..و...
فاقد حنان..!!!

Quote: للامانة .. وبعد تحسس دقيق لتلك المقولة.. طلع كلام ضارب .. انشتاين بكر .. وطيب !!!!

الاخت العزيزة غادة موضوع شيق وجميل ولكن هنالك حقيقة وهى ان انشتاين كان بليد فى بداية مشواره الدراسى وخاصة فى مادة الرياضيات حتى استاذه قام بطرده من الفصل الدراسي وفى ما بعد اقنعت والدته المعلم واسرة المدرسة ومن ثم بدا التركيز وجاء لنا العالم انشتاين... ولكن انا اعتقد ان البكر عندنا لصقت عليه كلمة عوير وهذا مرتبط با(الريالة) التى تسيل من لعاب الطفل عند النوم وتوجد عند بعض الكبار ايضآ وهنالك دراسة تقول ان معظم المواليد البكر لهم ريالة ولذلك ربطت الريالة بالعوارة فلذلك العوارة تكون مصاحبة للشخص حتى يقلع عن الريالة.... غير ان البكر فى منحى آخر هو مربوط بالكثير من القيم الجميلة فنجد ان الطيور دائمآ يرتبط رحيلها ببواكير الصباح ... وفى منحى آخر حيث يقول الشاعر مترنمآ:

أمتدت يدي الى .. بواكير الحب.... كأنى لم أعرفه عمرآ


فاقتطفتُ الشهد من شفتيه .. ودفئته بعطر مزجته يداي

Quote: هنالك حقيقة وهى ان انشتاين كان بليد فى بداية مشواره الدراسى وخاصة فى مادة الرياضيات حتى استاذه قام بطرده من الفصل الدراسي وفى ما بعد اقنعت والدته المعلم واسرة المدرسة ومن ثم بدا التركيز وجاء لنا العالم انشتاين...

يعني يا سيف جبريل
إحنا نلتق بهنا،،
نجي نلقاك تقدد بهنا

المهم في النهاية انشتاين
رفع رؤوسنا كلنا
وخلا البكر عالي المقام

كل الود
غادة

Quote: عليك الله يا بِكِر...أدي أخوك البزة.. عليك الله يا بِكِر...سمِع لأختك النشيد.. عليك الله يا بِكِر..عاين لأختك ما تقع من السرير... إلخ... * مهما كانت غلطتو صغيرة أو كبيرة هو مُحاصر طوالي بعبارة (( حالتك الكبير العاقل ؟؟!!!)) أو (( خليك إنتَ الكبير )).

والله يا ممكونة ضحكتيني

عارفة، لما أنجبت شهاب
هاشمحبيبي و(بكري)
كان صغيرا، عمره سنة ونصف
لكن كانت المراسيل
هات لي البامبرز، ناولني الغيار
والله يا حليلو

بعد كم يوم كده، بقيت أقول ليهم
والله أنا شايفة هشومي ده المفروض بعد ده
يسوق العربية ويمشي الشغل وكده يعني


كل المحبة الممكونة، للأخت الحبيبة ممكونة
غادة

البكر عويرة امه لانها اول تجاربها مع الولادة والتربية واحتمال كبير جدا يطلع عوير او لدية قليل من الخناتة... وهذا يتوقف علي مدي نجاح التجارب التي خاضتها امة معة مع مراعاة ان كان يعيش مع جدتة في بيت واحد او في نفس الحي ام لا ....

Quote: البكر عويرة امه لانها اول تجاربها مع الولادة والتربية واحتمال كبير جدا يطلع عوير او لدية قليل من الخناتة... وهذا يتوقف علي مدي نجاح التجارب التي خاضتها امة معة مع مراعاة ان كان يعيش مع جدتة في بيت واحد او في نفس الحي ام لا ....

يعني الله يستر على هاشم ولدي
ولا واحدة من حبوباته ساكنة معه
والله البكر مظلوم

غادة الحبيبة
البكر للبكر رحمة
أختك البكر :لنا!

Quote: البِكِر........ ما عوير!

حسادة!
عشان نخب أول!
يعنى الكريمة!

ولا يهمك يا غادة
والله ولدى البكر بجى اول الانترناشونال سكول من عدة جنسيات لعدة سنين!
حالتو بكر سودانى!
جنى البكر ولا غرو

Quote: أنا شخصياً و عن تجربة بفتكر إنو البِكِر زول مظلوم جداً جداً... ليه؟؟ * زي ما زول قال هنا..البِكِر دا البنش باغ بتاعت الأبوين.. يتعلموا فيهو..و يتلقى بصبر كل غلطاتهم و هفواتهم..الناتجة عن عدم خبرتهم. .. * لمن يجيهو أخ أو أخت...يضطر يعتمد على نفسو إلى حدٍ ما.. عشان كل الإهتمام مشى للضيف/ة الجديد/ة

والله الشعب السودانى كله!
دا لو ما البكر كان حقو راح !
لان الاخوان الباقين كلهم عاملين قيها الطيش مشترك!
المسؤل عن علااج امك وابوك والمصاريف حقت البيت وحقت وقراية اخوانك ومجاملة ازواج اخواتك وعيييك!
اسألينى أنا لى عشرين سة فى ام طرقا عراض وباقى لى عشرين قدرها لو الله مد فى الايام!
تعرفى يا غادة وممكونة البتعرس ليها بكر تكون أيوبة مؤنث أيوب!
وبعد دا تبقى الكعبة هى يقولوا زمان ما كان بدينا لكن من جات فلانة دى.. الله يديها العافية!
العافية حقت أهلك المغاربة يا غادة (النار)
جنى

.
و لأنني البكر ( العوير ) ..
كنت أحمي أخواني ( في طشت في نص الأوضة ) ..
و انا من يعمل ليهم شاي المغرب ..
و انا من يخلي بالو منهم و هم بيلعبوا ( انا ما ألعب .. أخلي بالي و بس ) ..
و أنا من يراجع لهم دروسهم ..
و نفس الانا من يتصدى للدفاع عنهم حين يجب ..
و ذات الانا من يوجه و يرشد و ينهر و يهرش ..
و هو انا من يعمل في العطلات الصيفية ( بناء / نقاش / كاتب لافتات / مراسلة في البريد / كمساري ) .. عشان يجيب مصاريف ..
و انا ذات نفسو من يشيل حمل الوالد المتوفى و هم زغب الحواصل ..
و هو هو أنا من يدخل كلية ليس له فيها تور ولا برسيم .. عشان يتخرج سريع و براتب تمام ..
و ذات الأنا من تعبره كل موبقات الدنيا .. و يتعاطي كل بلاوي الغيبوبة , يجربها عن أخوته الآخرين حتي ينصحهم بتجنها .. !!!!
و أنا من يغترب ..
و .....
أول واحد بينهلك و يُستهلك .. و يقعد طرزان .


الله يقطع البكر و عوارتو ..
يا غادة .. البكر عوير و عوقة و دلاهة كمان ..
ما تاكلي راسنا بتنظير الخواجات ده ..

..

Quote: و لأنني البكر ( العوير ) .. كنت أحمي أخواني ( في طشت في نص الأوضة ) .. و انا من يعمل ليهم شاي المغرب .. و انا من يخلي بالو منهم و هم بيلعبوا ( انا ما ألعب .. أخلي بالي و بس ) .. و أنا من يراجع لهم دروسهم .. و نفس الانا من يتصدى للدفاع عنهم حين يجب .. و ذات الانا من يوجه و يرشد و ينهر و يهرش .. و هو انا من يعمل في العطلات الصيفية ( بناء / نقاش / كاتب لافتات / مراسلة في البريد / كمساري ) .. عشان يجيب مصاريف .. و انا ذات نفسو من يشيل حمل الوالد المتوفى و هم زغب الحواصل .. و هو هو أنا من يدخل كلية ليس له فيها تور ولا برسيم .. عشان يتخرج سريع و براتب تمام .. و ذات الأنا من تعبره كل موبقات الدنيا .. و يتعاطي كل بلاوي الغيبوبة , يجربها عن أخوته الآخرين حتي ينصحهم بتجنها .. !!!! و أنا من يغترب .. و ..... أول واحد بينهلك و يُستهلك .. و يقعد طرزان .

التحية لكل بكر
في شخص الأخ عماد عبدالله
البكر دايما تعبان
لدرجة أنا زاااتي،
حانة على روحي وعلى ولدي البكر
وعلى كل بكر ولد بيننا
وسيولد على مدى العمر

تخريمة:
بركاتك يا الخرطوم


كل الود
غادة

نفي النفي .. اثبات

بت خال عاطر تحياتي .. عيالك وابوهم إن شاء الله بخير ؟

تالت اخوانو


أبومتوكل ... أحمد عوض

Quote: والله الشعب السودانى كله! دا لو ما البكر كان حقو راح ! لان الاخوان الباقين كلهم عاملين قيها الطيش مشترك! المسؤل عن علااج امك وابوك والمصاريف حقت البيت وحقت وقراية اخوانك ومجاملة ازواج اخواتك وعيييك! اسألينى أنا لى عشرين سة فى ام طرقا عراض وباقى لى عشرين قدرها لو الله مد فى الايام! تعرفى يا غادة وممكونة البتعرس ليها بكر تكون أيوبة مؤنث أيوب!

عارف يا جني،
حقيقة، البتعرس البكري
أو الحتى عنده إحساس إنه البكري
فلا بد أن يكون لديها صبر (أيوب)
كما قلت..
وحتى الفتاة، لما تكون هي البكرية
تكون مهتمة بامها، وأباها
وأخوانها، وتحاول أن تلم بيت العائلة
البكر تعبااااااااااان
الرحمة يا ناس

Quote: والله ولدى البكر بجى اول الانترناشونال سكول من عدة جنسيات لعدة سنين! حالتو بكر سودانى!

والله ولدك رفع راسنا فوق
السودانيين والبكريين
يعيش البكر... يحيا البكر
يا يعيش، يا يعيش


إزيك يا جني


.
.
.

Quote: غادة الحبيبة البكر للبكر رحمة أختك البكر :لنا!

لنا الحبيبة
من البكر غادة، إلى البكر لنا
أجل آيات التحية والمحبة

سلامات يا لنا
مشتاقين والله

Quote: فهو يرعى الإخوة الأصغر منه ويتنازل عما عنده ويساعد أباه وأمه وعلى فكرة، الحتالة هو المدلع

هذا يعتمد علي الشخصية ...
في الماضي كان ابي الله يديه العافية يرسلني للسوق في الساعة التي اتهيب لها الي الخروج الي ميدان الكرة حتي ألعب مع الاخوان والاصدقاء فكان يناديني تعال ياولد مصطفي جيب القش والعليقة للغنم ديل فاتحجج واقول له يابا محمد قاعد فيقول لي يا ولد محمد أكبر منك فاقول له طيب هاشم برضو موجود فيقول لي ياولد هاشم صغير ومابعرف حاجة وما تكتر الكلام"هذا توعد للعلقة"وقوم علي مضد واحضر القش والعليقة للغنم.وانا هنا لا بكر ولا حتالة فما هو التفسير لمثل تلك الحوادث اختي غادة؟.

Quote: في الماضي كان ابي الله يديه العافية يرسلني للسوق في الساعة التي اتهيب لها الي الخروج الي ميدان الكرة حتي ألعب مع الاخوان والاصدقاء فكان يناديني تعال ياولد مصطفي جيب القش والعليقة للغنم ديل فاتحجج واقول له يابا محمد قاعد فيقول لي يا ولد محمد أكبر منك فاقول له طيب هاشم برضو موجود فيقول لي ياولد هاشم صغير ومابعرف حاجة وما تكتر الكلام"هذا توعد للعلقة"وقوم علي مضد واحضر القش والعليقة للغنم.وانا هنا لا بكر ولا حتالة فما هو التفسير لمثل تلك الحوادث اختي غادة؟.

والله يا ود دوليب حيرتني عديل


عارف، معز زوجي رابع ولد بين أخوانة الخمسة
ودائما يقول، أنا في الأسرة ما كانت عندي أي حاجة مميزة
رابع ولد، وه مستنين بيت
والكبير كانت ليهو هيبة، والحتالة بيتدلع
فهو أصغر منه بستة أعوام
الظاهر، الفي النص مظلوم
غايتو، الله يعينك إنت ومعز


تحياتي للحلفاية ولكل أهل الحلفاية
ودي

غادة

يا سلام يا غادة...

الساعة عندنا الخامسة صباحا.. صلينا الصبح وجينا نتاوق

ولقيناك ما شاء الله تقريباالصاحية الوحيدة وبتحاولي تردي

على كل الناس.. أها نضيف للبكر صفة المجاملة,, والإحساس بالآخرين

حتى لو كنت في أمريكا والوقت عندكم نهار أو صباح برضو مقدرة

منك الناس نائمين وأنت مهتمة بأن تردي لهم التحية.. ودي ما بعملها

غير البكر ..زي وزيك .. أها ريحتك ..مش كده؟؟

سلامات يا كمال
وحياتك البكر مزنوووق
معاهو النسابة وكده يعني


بنحاول نعمل الواجب علشان ما يقولو لمعز
"الوداك تعرس البكرية دي شنو"


كل الود لك ولصاحبة الصورة الجميلة

غادة

بصفتي احد اعضاء اتحاد البكور....

اشيد بهذه الدراسه وشكرا يا غادة انك نكتي الموضوع دا...

كذلك الشكر للاخت سمريه علي الاضافات الجيده...

وبرضو كان عندي بوست قديم عن اتحادالبكور انه نكون اتحاد للدفاع عن حقوق الاعضاء

وازالة الظلم والتهم الملصقه بهم زورا وبهتانا...

كل التحايا,,,,

يا غاده يا يكر يا ما عويره
الاثنين عرفين انهن لايوقات
يعنى تحاياك لى المسمى عليها فايته قعر اضانها

اتكلم معاك جد
الياقه دى بقت حاجه عامه يعنى ما عندها علاقه بالبكر.. انا لاحظت انو اولادى و اولاد صحباتى و اولاد الجيران و الجنبهم و القصادهم كلهم لايوقين ... الياقه بقت تبدأ عندنا من عمر سنه و انت طالع يعنى ما عندها عمر بتقيف عنده.. و دى مشكله حقيقيه ما هظار بدليل انها بقت نقاش معطم الامهات الحولى يعنى مافى لمه الا الموضوع ده نمر عليهو نبدا بالشكيه و ندعمها بالقصص التى تعكس درجة اللياقه.. ذى المسابقه نشوف اولاد منو الاكثر لياقه.. ثم ننتهى بمناقشتنا التى لا تنتهى بصعوبة التربيه ونردد نفس التعليقات
و الله ذى ما قالو الولاده ساهله لكن التربيه صعبه.. والا البتقول ليك و الله الربايه دى ذى عصر الجمر فى الايد..
ثم لنرضى انفسنا نحاول نعمل فيها امهات متعلمات و كده يعنى نبدأ نناقش الاسباب و كيفية معالجتها
المهم فى الموضوع اكتشفنا انو نحن ذاتنا لايوقات من كتر لتنا و عجننا لنفس الموضوع

رايك شنو يا غاده تفتحى لينا بوست عن التربيه و الله كل مره اقول اعمل كده لكن الله ما يسهل بقيت زولة قراية و احيانا مداخلات ساااااااكت لما الموضوع يحرقنى شديد
اعتقدبيكون مفيد شديد لو اتناقشنا عن تجاربنا و كمان لقينالينا كم مشاركة كده من الناس المختصين
المهم اماتنا يمتنعن عن البوست لانو ما ح نسمع غير " والله مافى شى مبهدل وليداتكم ديل غير التربيه الحديثه دى"

Quote: رايك شنو يا غاده تفتحى لينا بوست عن التربيه و الله كل مره اقول اعمل كده لكن الله ما يسهل بقيت زولة قراية و احيانا مداخلات ساااااااكت لما الموضوع يحرقنى شديد اعتقدبيكون مفيد شديد لو اتناقشنا عن تجاربنا و كمان لقينالينا كم مشاركة كده من الناس المختصين المهم اماتنا يمتنعن عن البوست لانو ما ح نسمع غير " والله مافى شى مبهدل وليداتكم ديل غير التربيه الحديثه دى

سلامات يا سهام
والله موضوع التربية ده حارقني بشكل
وفعلا عاوز ليهو بوست..
حأخت ماده وأفتح الموضوع في الفترة الجاية دي
إن شاء الله
في أسئلة كتيرة تحوم في راسي وتجي
وفي أشياء لاحظتها،
المهم، يدك معي وبنبتدي

وسلاكي للغادات (اللايوقات) والعارفات



كل الود
غادة

Quote: وبرضو كان عندي بوست قديم عن اتحادالبكور انه نكون اتحاد للدفاع عن حقوق الاعضاء وازالة الظلم والتهم الملصقه بهم زورا وبهتانا...

الأخ العزيز
إيهاب

تحياتي الكثيرة
صدقت، والله كثير من التهم ملتصقة بينا
فقط بسبب كوننا الأول في الأسرة
وبسبب المعايير الإجتماعية، ليس أكثر

نعم لإتحاد البكور


كل الود
غادة

أمانة يا سهام يا أختي..

ما فتحتي موضوع ..ما معروف ذاتو يمسكو من ياتو جهة..

والله التربية دي غايتو قطعة من جهنم.. المشكلة في إنو المسلمات عندي وعندك وفي مجتمعي ومجتمعك.. أهتزت...وربت وأثمرت كمية من المتناقضات تخلي أساطين الفلسفة محتارين..يعني ياسهام.. قدر ما تقول أخاوي العيال.. تلاقيك في وادي وهم في وادي.. والعجيبة لو البكاري عندك أولاد..يا لطيف.. أمانة ما غشونا زمان حبوباتنا في دعاهم لنا أن نبكر بالوليد.. يا سهام نحن ما شفنا الويل من يتربية الأولاد.. وأخوك في الله عندي 4 أولاد وبنت واحدة والمشكلة البنت في النص مخفورة بأخوين أمامها وأخوين وراها.. ربنا يخليهم ويخلي ليكم إنتو كمان.. لكن الأولاد جنونني بكرهم على حتالتهم أما البنية والله تب ما تعبتنا حنينة ورقيقة.. وما لايوقة يعني.. بس طبعا بتجيها زهجات لأنو ما عندها أخت.... أثني إقتراحك بفتح بوست عن التربية أكان نفضفض فيه من العلينا..ويا بخت من بكر بالبنت .. صدقوني.. الأولاد اكان بكروا بيهم ولا جابوهم في الآخر...أعور وأليق.. وأتعب منهم مافي,,

فتكم بعافية

تعرفي ياغادة بقوا أولاد المغتربين كلهم في نظر أهلنا في السودان يندرجون تحت لواء العوراء
والعوارة في مفهومهم لاتعني التخلف والبلاهة ، بل هى الدلع والعجن الزائد أضف إليه عدم الإلمام والخبرة بالأشياء ، وطبعا البكر له الحظ الأوفر من الدلع ، أما الحتالة دأ إشتراك أخوانه وتدخلهم فى أمره بخفف عليهو جرعة الدلع .
ولا علاقة للعوارة بالغباء .. فحسب الدراسات ثبت أن الذكاء والغباء يورث من الأم .. فيابختنا

وتسلمي .

ستي غادة

كلمة عوير كلمة خرطومية بحتة وفي القري نجد كمية من الناس لذيذين ودهم خفيف

لو اتو للخرتوم طوالي يقولو ليه يا عوير

الخير في البكور

غادة .. إزيك
مداخلتي في موضوع البكر ده من زاوية مختلفة وبحصرها في النقاط التالية:
النقطة الأولي وتتعلق بعوارة البكر:-
صفة العوارة البيطلقوها السودانيين على البكر دي موجودة برضعا في ثقافات قوميات أخري غير السودانيين.
- في تشاد على سبيل المثال أكثر من 150 لهجة محلية لإثنيات مختلفة .. في ثقافة أغلب هذه الإثنيات البكر عوير.
- في الكمرون لدى قومية البامليكين أبضا البكر عوير.
- في نبجييريا عند قبائل اليوربا والنشامري والبرنو يعد البكر عويرا أيضا.
- لست متأكدا من الثقافات الأفريقية المجاورة لنا لكني أكاد أجزم بعوارة البكر فيها.
السؤال: كيف حدثت هذه المشتركات؟
النقطة الثانية تتعلق بموضوع البكر بشكل غير مباشر:
- في اللغة الفرنسية تجد مسمى لغوي للبكر و لآخر العنقود أو الحتالة كما يطلق عليه السودانيين
- في لهجاتنا المحلية في تشاد والتي أرطن بثلاثة منها إلى جانب رطانتي بالفرنسية وبعض الإنجليزية، هناك مسميات لغوية للبكر ولأصغر واحد في البيت وللبت البتجي مع أولاد وللولد البجي مع بنات ولوحيد أمه وأبوه ولوحيدة أمها وأبوها، مما لا أجده في اللغات الحية، وذلك يجعلني أحيانا أشكك في أن اللغات التي ندعي شموليتها وعالميتها كثيرا ما تكون عاجزة عن رفدنا ببعض المدلولات اللغوية لبعض تفاصيل حياتنا.
-حاجة أخيرة في الأوف لاين: عندك أي شرح كارب كده للعوارة .. أقصد تعريف ليها.. أنا ما متأكد إنها مفردة عربية أصيلة ولا نجر سودانيين ساكت..لكن عندي إحساس كده إنها ممكن تبقى حاجة كيسة.. أو على الأقل حاجة عادية - طبعا أقصد المعنى المجرد ليها-، خاصة وأن السودانيين بارعين في تفريغ بعض المصطلحات من مضامبنها الأصلية وشحنها بمضامين جديدة موغلة في السودانية.

دي محاور أولية للنقاش .. وبجيك راجع.
أوعك تقولي العوير ده بيقول في شنو؟


تحايا من بكر أمه وأبوه
وكلنا في البكر عورا.

كلمة عوير خرتومية خالص ولكن في الولايات تتدلع ويقال


دلاهة

لخوخة

فرطوق

طرنقح

تسة

أبو الخل
الدلاهة واللخوخة والطيرة والكخة وما إلى ذلك من مفردات تدل على العوارة
قضيتي أنا مع العوارة ذاتها في عضمها؟
هل هي مفردة عربية صرفة؟ أم راندوق سوداني؟
إن كانت عربية : ما هي مدلولاتها؟
هل تعطي نفس مدلولات الدلاهة واللخوخة والطيرة والكخة والفاره؟

Quote: النقطة الأولي وتتعلق بعوارة البكر:- صفة العوارة البيطلقوها السودانيين على البكر دي موجودة برضعا في ثقافات قوميات أخري غير السودانيين. - في تشاد على سبيل المثال أكثر من 150 لهجة محلية لإثنيات مختلفة .. في ثقافة أغلب هذه الإثنيات البكر عوير. - في الكمرون لدى قومية البامليكين أبضا البكر عوير. - في نبجييريا عند قبائل اليوربا والنشامري والبرنو يعد البكر عويرا أيضا. - لست متأكدا من الثقافات الأفريقية المجاورة لنا لكني أكاد أجزم بعوارة البكر فيها. السؤال: كيف حدثت هذه المشتركات؟

الأخ العزيز
محمد نور

أول مرة أعرف عن أن صفة البكر موجوده ولها مسميات مختلفة في تقافات غير السودانية
ولكن هذا لا يجب أن بفاجأني، فقد برهنت الأيام والخبرات
على أن العالم به كثير من عوامل مشتركة
في مخال قريب عن (الخسيم) كتب لي أحد القراء
عن عادات الخسيم في أثيوبيا
وأخبرني آخر عن زيارة لهم للبنان العربي الشقيق
وضعت ربة المنزل الغذاء وفضلت تقف بجانبهم وهم يتناولون الطعام
رافضة رفضا قاطعا الدعوات لكي تجلس وتأكل معهم
وأخبرهم رب المنزل على أن هذه هي عاداتهم وتقاليدهم في تلك المنطقة
كيف حدثت هذه المشتركات؟ هل هي النفس البشرية؟

ونواصل معك
ودي
غادة

الزول الفي البلد وجاء القاهرة
بيقولوا باعوا ليهو الترماي

Quote: الخير في البكور

ونحو مزيد من الكلمات الإيجابية
في حق البكور


ودي
غادة

Quote: تعرفي ياغادة بقوا أولاد المغتربين كلهم في نظر أهلنا في السودان يندرجون تحت لواء العوراء

الأخت العزيزة
سمية

أخبرتني صديقة أنها كانت في زيارة للسودان
وبينما هم في مناسبة، وإبنها (يلعب) مع ألرفاق
الذين إلتقاهم هناك، وهي جالسة بين النساء
الذين لم يكن أغلبهم يعرفونها
وبدأوا الحديث عن الأطفال
وعن أن طفلها (عوير)
وواحدة تقول للأخرى
تلقيوهو ولد مغتربين، ماهم أصلهم عويرين

وقالت أنها فقط إلتزمت الصمت، وعضت على نواجزها
كل لا تقول شيئا

مودتي
غادة

Quote: وأخوك في الله عندي 4 أولاد وبنت واحدة والمشكلة البنت في النص مخفورة بأخوين أمامها وأخوين وراها.. ربنا يخليهم ويخلي ليكم إنتو كمان.. لكن الأولاد جنونني بكرهم على حتالتهم أما البنية والله تب ما تعبتنا حنينة ورقيقة.. وما لايوقة يعني.. بس طبعا بتجيها زهجات لأنو ما عندها أخت.... أثني إقتراحك بفتح بوست عن التربية أكان نفضفض فيه من العلينا..ويا بخت من بكر بالبنت .. صدقوني.. الأولاد اكان بكروا بيهم ولا جابوهم في الآخر...أعور وأليق.. وأتعب منهم مافي,,

الله يسامحك يا كمال،
مالك عاوز تقنعني وتحبطني كده وأنا عندي ولدين
وما عندي بت وحدة!
أخ معز لدية إبنة واحدة، وعندما يرون هو وزوجته
(عمايل) هاشم وشهاب
يستعجبون ويضربون بأيديهم بعضها على بعض
إيه رأيك نفتح بوست التربية بتنسيق جماعي؟

ودي
غادة

Quote: البكر...... ما عوير!

طيب يا ما عويرة جاوبيني
يعني انت بتقصدي انو سيدة هي العويرة
والله خالد او محمد واحد فيهم الدلاهة؟؟

وعشان أنا بكر وعوير أصلو ما حارضى الحقارة في الناس الفوق ديل

غايتو يا كمال كرار غاده بنديها يومين فتحت البوست عن التربيه اهلا و سهلا ما فتحتو نفتحو نحن لكن ح يكون بطريقة ملاسيه

إلى عامة قبيلة البكراب .. تحية

وبدون ابحاث الخواجات والجوطة دي كلها

غادة .. عماد عبدالله

أها في عوارة اكتر من كده ..

بالمناسبة انا بكر وتنطبق علي العوارة الذكرها عماد عبدالله

غادة مودتي

Quote: تالت اخوانو

الأخ العزيز
خال فاطمة

قلت لي تالت الأخوان؟
الفيك إتعرفت، بالله العمة قلت لي
ما كنت قادر تلفها


تحياتي للأسرة الكريمة
غادة

اها يا كمال كرار بشوف غاده البكر جابت ليهاطناش

عاد شكلو البوست الملاسى على الطريق تفتحو و الا افتحو انا ... اميارح كان فى جلسه "اموميه" رفعت لى البوست قبل سودانيز اون لاين ... يعنى اختك موضوع رباية الاولاد ده مسخن معاها

أختي سهام عافي ليك لوجه الله .. أفتحي البوست إنت... عارفة ليه... لأنو ماشي المطار عشان أستقبل واحد من الأولاد جاي من السودان عشان بعد أسبوع ثاني أوديه المطار عشان مسافر للبلد البيدرس فيها قولي واحد..

بالأمس أستقبلت واحد من الأبناء والذي عاد من إجازته.. التي قضاها في السودان وجاي لاحق المدرسة.. قولي أثنين

بكابس في الحجز لنمرة ( 3 ) لأنو أنتهي من إمتحانات الجامعة ومتوقع حضوره حالما يتأكد الحجز قولي 3

وفي واحد حيجي في رمضان عشان يقضي معي رمضان والعيد...

فاضية ولا لسع تسمعي.. دي بس رمية الفنان قبل الغناء

الله يعدل خطوتك... وبنحصلك إن شاء الله...

أدعي لينا بالسلامة فالمسافة 50 كيلو من البيت,,,,

العزيز كمال الله يخلى يا رب
باقى ليك بحالتك دى اكان انا فتحتو ما ترانى الاتوكحت ... صدق الساعه 9 بالليل و انا فى الشغل والاود اتنين و ديتهم لاصحابهم و و احد و لاقيت بيهو ابوهو فى الشارع!!!! و جيت صاده الشغل عشان و انا راجعه اجيب حاجات السندوتشات و المويه( اها طبعا شرا المويه دى برضه من بركات الانقاذ) و ح اغشى العيش و الفول ... اها فاضى تسمع ... دى رمية و لا جعص فنان

أختي العزيزة سهام بت المجمر

الله يكون في عونك.. أنا عارف تمام كيف أنتو بتتعبوا وبتشقوا وشايف التعب في أم العيال الله يديها ويديكم العافية.. والله صدقيني يا سهام أنا بحن عليكم شديد من الشايفو في زوجتي العزيزة والله حقو إذا في بوست يكون بوست تقدير لدوركم البتقوموا بيه ياسلام أنتو دوركم عظيم عظيم... وبتتعبوا وتشقوا في سبيل العائلة ربنا يديكم الصحة والعافية..

نرجع لموضوعنا..رافقني للمطار الذي وصل بالأمس.. ليه.. عشان بعد ما نجيب أخوه عدل على المكتبة عشان نشتري متطلبات المدرسة من كراسات وأدوات وخلافه.. والمسكين الواصل حس برضو جاملنا ومشى معانا... مالو ما بيمشي... أصلا هو الحاديفع!!! غايتو تصدقي هادي دخلة.. بس قلت لأزم أكتب في حقكم كنساء وزوجات سودانيات ولو جزء بسيط من تفانيكم وإخلاصكم وحبكم لأولادكم وأسرتكم.. وأنا بحكم عملي والوسط الذي أعيش فيه... ما شفت زي إخلاص المرأة والزوجة السودانية فالتحية لكن..

وإلى أن نلتقي في البوست الموعود أخليك بألف عافية

بسم الله الرحمن الرحيم

ام هاشم .. كيفك .


كما قال شمس الدين السنوسي

Quote: طيب يا ما عويرة جاوبيني يعني انت بتقصدي انو سيدة هي العويرة والله خالد او محمد واحد فيهم الدلاهة؟؟

اولاد البيضه ( الخواجات ) المره دي الظاهر غلطو في نظريتهم ؟؟!! .

غايتو الحمد لله انا و نسرين الاتنين في النص ..


حاتم هاشم .

Quote: والمسكين الواصل حس برضو جاملنا ومشى معانا... مالو ما بيمشي... أصلا هو الحاديفع!!!

هيييع هييع هيع
صدقت تب

صحيح يا غادة البكر ما عوير

دايما هم البيضحوا بأنفسهم في البيت، بنت أو ولد، لتحمل المسئولية في غياب أحد الوالدين. لذلك عندهم سلطة في البيت.

وآخر العنقود دايماً آخر دلع.

أما الزينا نحنا (في النص) لا لامين جاي ولا جاي. لا سلطة ولا جاه.

Quote: أما الزينا نحنا (في النص) لا لامين جاي ولا جاي. لا سلطة ولا جاه.

تبادل يا العوض!
عشان تطلع مظاهرات هى لله !
ليست للسلطة ولا الجاه!
قريت لللآخوات برونتى!
ايميلى وشارلوت وحكاياهام عن شقيقتهما مارى بعد وفاة والتهما!
حتى الخواجات البكر عندهم راسه مسخن!


هذا الطفل اليابانى يحمل اخاه الاصغر الذى توفى باشعاه هيروشيما الذرى لدفنه وهو لايعرف خطةرة الاشعاع الذى يمكن ان ينتقل اليه!
جنى

حكاية البكر عوير
و الحتالة مدلع
يعني يمكن فرضيات
ما صحيحة

المهم لو سمحت واثناء بحثك
لنفي صفة العوارة عن البكر
شوفي لينا البكر وحتالة
وضعه شنو .

يعني وحيد