Post: #1
Title: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-11-2005, 04:55 PM
Parent: #0
الأخ الحبيب عماد بشرى رجل يجبرك على إحترامه .. له عضوية معنا هنا في هذا المنتدى .. وأول من رحب به هو الحبيب محمد عبدالرحمن .. ولكن فقد الباسورد الخاص به فجأة .. وقد أرسل لك عدة رسائل بهذا الخصوص لإرجاعه .. وقد ملّ الإنتظار وأنا أعرفه رجل صبور .. حتى أشفقت أنا عليه من صبره .. فهل منحته باسورد جديد ليتحفنا بكتاباته الشيقة ..
تخريمة .. أتمنى من كل من يقع نظره على هذ البوست أن يبقيه فوووووق .. حتى يراه سيد الحوش بكري أبوبكر ..
|
Post: #2
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: هشام مدنى
Date: 07-11-2005, 05:01 PM
Parent: #1
Quote: أتمنى من كل من يقع نظره على هذ البوست أن يبقيه فوووووق ..
|
ماعندك مشكلة تب اخ العزيز معتصم
|
Post: #4
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-11-2005, 05:10 PM
Parent: #2
شكراً أخي الحبيب هشام مدني ..
دائماً حاضراً في الدواخل ..
عميق شكري وإمتناني ..
|
Post: #3
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: humida
Date: 07-11-2005, 05:02 PM
Parent: #1
Quote: أتمنى من كل من يقع نظره على هذ البوست أن يبقيه فوووووق .. حتى يراه سيد الحوش بكري أبوبكر .. |
طيب ما هو فوق اشيلو ليك اقد بيهو السقف يعني .. !!
|
Post: #5
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-11-2005, 05:13 PM
Parent: #3
بسم الله !!!!
إنت القومك من تابوتك منو ؟؟؟
ما كنا مرتاحين .. يا ودالباوقة ما تجي تلحقنا ..
|
Post: #6
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: Yasir Elsharif
Date: 07-11-2005, 05:16 PM
Parent: #1
الأخ العزيز معتصم دفع الله،
تحية طيبة،
وأرجو أيضا من الأخ بكري أبو بكر أن يعطي الأخ عماد بشرى كلمة سر جديدة..
وكدي يا معتصم بالله خت لينا هنا "إبلي المشرفات" بالصورة والصوت..
"إبلنا يا معشر مية وأربعتاشر"
وبالمرة أرجو من الأخ بكري أن ينظر لماذا لا أستطيع أن أحمل فيديوهات في موقع "بيانيت" لأنني أتلقى رسالة تقول "ممنوع الدخول"..
وأرجو من الأخ بكري أيضا أن يمنح الأخ أبو مازن العضوية فقد طال انتظاره..
والسلام للجميع.. ياسر
|
Post: #10
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-12-2005, 04:19 AM
Parent: #6
تحياتي دكتور ياسر الشريف ..
أتمنى من الأخ بكري أن يسمع هذا النداء ويستجيب لطلبنا .. ويمنح الأخ أبومازن العضوية كذلك .. معليش قد فقدت مدحة إبلي المشرفات بالصوت والصورة .. ولكن على وعد مني بإحضارها لك في القريب العاجل إن شاء الله .. هنا بالصوت فقط ..
|
Post: #7
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: waleedi399
Date: 07-12-2005, 03:02 AM
Parent: #1
Quote: أتمنى من كل من يقع نظره على هذ البوست أن يبقيه فوووووق .. حتى يراه سيد الحوش بكري أبوبكر .. |
الاخ بكري ابوبكر ..
هـل تسمـع هـذا الـنداء،، إن كنت كذلك أرجو تلبية هذا النداء أو على الاقل المداخلة للتوضيح ..
ولك التحايا النواضـر
|
Post: #8
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: tmbis
Date: 07-12-2005, 03:16 AM
Parent: #7
عماد بشرى ... الشاب الانيق الحديث .. الهادي التفاصيل .. مكسب كبير جدا للحوار والهادف ..
عماد متمكن في إدارة الحوار بشكل عقلاني بيستند لكل الحجج والمبررات المقنعه اكاديميا.. وسلوكياً.. الخميس الفات .. استمتعت باجمل حوار بينو وعبد الرازق الطالب .. حوار افتقدو من ما يقارب عشرة سنوات .. حقيقي اتمني ان يتواصل هنا بنفس النفس والعقلانية بعيداً عن ضجة البعض اتمني أن تتحل مشكلتو عن طريق الأخ بكري وبأسرع فرصة يا معتصم عمرك طويل تتخيل متذكر اني انزل بوست خاص علشان عماد لكن انت دائما الاول..
بلاي عماد ده يكون بره .. وانا قاعد هنا ؟؟؟؟
يكون فوق البوست ..
ويابكري ويا إدارة باص وورد عماد ده معلق في رقبت سيرفركم
|
Post: #13
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-12-2005, 04:53 AM
Parent: #8
يخليك يا تامبا إنت السباق دوماً يا صديقي ..
Quote: استمتعت باجمل حوار بينو وعبد الرازق الطالب .. حوار افتقدو من ما يقارب عشرة سنوات .. |
فعلاً كان حواراً جميلاً إستمتعنا به جداً ..
Quote: ويابكري ويا إدارة باص وورد عماد ده معلق في رقبت سيرفركم |
دا الكلام يا تامبا .. يعني طريقة ليهم مافي ..
|
Post: #11
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-12-2005, 04:28 AM
Parent: #7
يلا يا ولي يديكم معانا .. عشان البوست دا يكون فووووووووق ..
حتى ينظر فيه من قبل الاخ بكري ..
|
Post: #12
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: waleedi399
Date: 07-12-2005, 04:43 AM
Parent: #11
Quote: يلا يا ولي يديكم معانا .. عشان البوست دا يكون فووووووووق .. |
معتصم دفع الله
لا يدي ولا حاجة ولا محتاجة شد ليك سلك لي بكـري ابوبكر قول ليه ولـيد 399 قـال ليـك ادي عماد بشرى الباسورد بتاعو خليه يرجع المنبر، وبعد داك ما عليك
خلي الباقي علي انا بتمها ليك موووووية
|
Post: #9
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: مريم بنت الحسين
Date: 07-12-2005, 03:34 AM
Parent: #1
اخونا عماد بشرى.. استغربته انا لفترة طويله عدم مشاركته رغم الترحيب والتصفيق لإنضمامه..
فوق
وسلم عليه يا معتصم
|
Post: #14
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: محمد عبدالرحمن
Date: 07-12-2005, 12:08 PM
Parent: #9
عزيزى معتصم دفع الله
تحياتى ...
بالله هو الود ده غالبو يدخل ؟! انا قلت لابد كده بكون بلم فى الريالات .. وهو عليك الله زى عماد ده بخلوهو بره؟ ده الخير والبركة كلها ، وفى قصة الحوار دى كمان (لايووق ) لياقة ، لياقة بتهذبيها وسلوكها ، واتخيلت حوارو مع الاخ عبدالرزاق بكون شكلو كيف ....
واديك حاجة تانى الزول مداح مديح مبااالغه ، خلوهو يمدح ليكم مدحة البرهانية (سلام سلام اليك يدوم ) ولا (ياعرب بذى سلم) او ( شيء لله ياحسن ) ، وبعد داك لومونى لو مابقيتو صوفية ..
المهم اتمنى ان يرى بكرى هذا البوست لتطل علينا (البشرى) مرة اخرى ...
شكرا معتصم ..وبالمناسبة انت الود ده ( ماطرى العرس) ؟ محبتى ليك ولعماد وبحاول اتصل ليكم على بكرى لكن كلمو قول ليهو تكلفة الاتصال بتكون ا ضافة للمديونية القديمة التى بطرفكم
...
|
Post: #15
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: محمد عبدالرحمن
Date: 07-12-2005, 03:22 PM
Parent: #14
****** **** *** ** *
|
Post: #16
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: tmbis
Date: 07-12-2005, 05:31 PM
Parent: #15
*
|
Post: #18
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-13-2005, 04:58 AM
Parent: #14
الحبيب محمد عبدالرحمن
سلام شديييييييييد .. تخيل يا محمد كل الوقت دا وهو ما قادر يدخل المنبر ورسل لي بكري كم رسالة ومافي رد .. أها حوار عبدالرازق دا كان حاجة تانية إستمتعنا بيهو شديد .. وعماد يعجبك في الحاجات دي رأسه ملان ويمسك بناصية الكلام ..
بيني وبينك كده سر يعني ماشي يزور المصطفي صلي الله عليه وسلم نهاية الأسبوع يعني بكرة .. وأنا عارفه صوفي من الدرجة الأولي ويحفظ الكثير من المديح .. بس يلقى الوقت عشان يسمعنا الحاجات الحلوة دي ..
أها موضوع العرس دا قال لسه هو صغير وعايز يقرأ وبما إنو لسه عايز يقرأ يعني مافي ليك حق المكالمة أتصل بس .. ممكن تحول لينا الفاتورة على حسابي أنا ولا الكاشف أخوي تمبس ..
|
Post: #17
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-13-2005, 04:40 AM
Parent: #9
شفتي يا مريم كل الوقت دا وهو صابر بتاوق بس من برة .. بالله شفتي جنس البهدلة دي ؟..
تقبلي تحيات عماد وسلامه .. وإن شاء الله بكري يسمع النداء عشان عماد يجي يحصل البوست دا ..
يلا خليك معانا وبالمرة شدي لينا حلة كاربة كده ومعاها التحلية بالله عليك .. أنا شايف تمبس قاعد هنا وحارس البوست دا ..
|
Post: #19
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: A.Razek Althalib
Date: 07-13-2005, 06:54 AM
Parent: #17
Quote: فهل منحته باسورد جديد ليتحفنا بكتاباته الشيقة .. |
عماد بشري.. يا معتصم دفع الله.. القابلناهو في الليلة ديىىىىىك.. ولا واحد تاني... لو داك.. فهو يستحق.. كلمة فوق..
ولي قدام...
|
Post: #20
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-13-2005, 01:47 PM
Parent: #19
ياهو عماد زاتو يا أبورزقه .. كده بقينا مجموعة يحلك الله مننا .. طبعاً أولنا شتات ..
بس همتك معانا خلي البوست دا فووووق ..
أنا ما عارف الزول دا غتسان وين ؟.. بعد دا إلا نهتف بأعلى صوتنا ..
عايزين باسورد يا بكري .. عايزين باسورد لعماد بشرى يا بكري ..
|
Post: #21
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: محمد عبدالرحمن
Date: 07-13-2005, 03:48 PM
Parent: #20
معتصم
سلاام
والله سألت خلق الله كلهم مافى زول عرف لى تلفون بكرى .. لكن افضل حل اشيل اللنك بتاع البوست وامشى بيهو بوست (لقاء بورداب الخرطوم ) يمكن بكرى يعتر فيهو ..
نرفع ده ....ونمشى نشحد بالنك ده بهناك ..
مودتى معتصم وماقصرت تب
|
Post: #22
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: Haydar Badawi Sadig
Date: 07-13-2005, 06:49 PM
Parent: #21
الأخ الكريم معتصم،
أحييك على دعوة بكري لاسعاف عضوية أخي العزيز عماد، فهو كما قلت، وزيادة. والزيادة هذه سيعرفها من لا يعرفه حين يأتي. أشكر كل من تداخلوا هنا للإعانة في هذه المحاولة الإسعافية، نيابة عن الأخ عماد إلى أن يعود! والعود أحمد!
يبدو لي أن بكري مشغول بحكم كونه في زيارة للسودان. مع ذلك، فإني أرجو أن تتيسر له فرصة لمعالجة هذا الأمر، لأننا، بحق، نحتاج للأخ عماد بيننا.
|
Post: #23
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: عمر محمد عبد القادر
Date: 07-14-2005, 00:34 AM
Parent: #22
Quote: الأخ الحبيب عماد بشرى رجل يجبرك على إحترامه .. له عضوية معنا هنا في هذا المنتدى .. |
نضم صوتنا الى صوتك اخي معتصم .. الرجل عماد في منتهى الاحترام والتهذيب .. عليه نطلب من الاخ بكري بسرعة معالجة مشكلته ...
ود الباوقة
|
Post: #29
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-18-2005, 04:31 AM
Parent: #23
Quote: الرجل عماد في منتهى الاحترام والتهذيب .. |
عشان كده لازم يكون بيننا يا ودالباوقة ..
شكراً جميلاً ..
|
Post: #28
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-18-2005, 04:24 AM
Parent: #22
شكراً أخي دكتور حيدر .. فقد إستجاب الأخ بكري أخيراً لندائنا وأعطى عماد باسورد جديد .. أكيد يا دكتور عماد إضافة حقيقية للمنبر ننتظر منه الكثير المفيد ..
ودي وتقديري ..
|
Post: #24
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-15-2005, 04:46 AM
Parent: #21
يظهر يا محمد .. بكري دا دخل لجنة الدستور ..
عشان كده اليومين ديل مشغول ..
أها فكرتك دي خطيرة شديد .. وأنا من دربي دا معاك ..
|
Post: #25
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: Imad Bushra Mohamed
Date: 07-16-2005, 01:31 AM
Parent: #1
شكراً بكري أبوبكر على "كلمة السر" الجديدة وشكراً أخي وصديقي معتصم على الإغاثة والشكر كمان لسعادة الرجل اللطيف مستر تمبس، والغالي وليد وياسر الشريف وحميدة ومريم بنت الحسين والرجل الفريد محمد عبد الرحمن سلام وتحية ومحبة وشوق ... وللكل المرحبين بي في أعلى الخيط عماد
|
Post: #26
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: Imad Bushra Mohamed
Date: 07-16-2005, 02:32 AM
Parent: #25
الجماعية ديل أخجلوني وإغرقوني محبة .. شكراً كتيير أخوي حيدر على اللطف، وشكراً حبيبنا هشام مدني ، ود الباوقة كتر الله خيرك ، وعبد الرازق كيف حالك ومشتاقين، جايب حاجة قد تصلح حالك مع سيدنا أبن عربي ، والشكر موصول للجميع (ويا محمد عبد الرحمن .. اديني تليفونك قد أجيك في قطر .. وافضح امر الجعليين مع الكفلاء )
عماد بشرى
|
Post: #30
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: معتصم دفع الله
Date: 07-18-2005, 04:40 AM
Parent: #25
الحبيب عماد بشرى ..
ألف حمداً لله على السلامة .. مبروك الباسورد الجديد .. وأبقى عليهو عشرة صماء عشان ما يروح منك تاني ..
يا مرحب تراحيب المطر ..
|
Post: #27
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: waleedi399
Date: 07-16-2005, 06:15 AM
Parent: #1
عماد بشرى ..
الف حمد لله على السلامة بعد طول غياب بس عندي نصيحة صغيرة، رسل لي كلمة السر بتاعتك عشان لو حصل اي حاجة لا قدر الله تلقاها عندي حافظها ليك
وسر بيييييير غريييييييييييق ..عوداً حميداً مستطاب
بس سؤال صغيييير:
داير اقول ليك من هسع ح تكون معانا ولا مع الخيانة؟؟؟؟
|
Post: #31
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: Imad Bushra Mohamed
Date: 07-18-2005, 04:49 AM
Parent: #27
ألف شكر تاني الحبيب اللاعب الماهر (كروياً طبعا) الصديق وليد .. الخيانة منو ّّّ؟؟؟ تقصد التوابيت ولا الخيانة الفي اغنية هاجر كباشي (ناس كلها خيانة وقلوبها وسخانة .. وحقو تعمل صيانة ) أسمعها واقعد اضحك تحية يا وليد طبعاً انا معاك قلباوقالبا عماد
|
Post: #32
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: محمد عبدالرحمن
Date: 07-18-2005, 04:53 PM
Parent: #31
عماد حمد الله على السلامة ومرحب بيك مرة تانية وبعدين يازول كيفن بتسأل عن تلفونى ؟ فى زول مابعرف تلفونى ؟ انت مامثقف ولاشنو؟ يمكنك الاستعانة (بمالدينى) او(غانا) وفى اضعف الحالات (جاديكا) لمعرفة الرقم .. وبعدين تعال هنا كمان فى البلد دي فى جعلية ؟ والله ياخوى فارقناها فراق الطريفى (لنجدة) ، اخوك (خال ) محترم جدا ، وبسمع كلام كفيلو ولايرفض له طلبا ، وغاية مناهو ان يرضى عنه ، والرضى فى عالم الكفلاء كألغول والعنقاء ..
عماد والله لو عملتها وجيت قطر يكون ده اسعد حدث مر على طوالى وجودى هنا...فى انتظار مزيد من التفاصيل حول الامر ... تحياتى للناس المعاك كلللهم وقول ليهم اخر اخبار الخرطوم المدينة التى لاتستقر على حال ، ان المدعو الطاهر محمد الحسن الطاهر (ودعفاف) الشهير بارتولى قد تم قرانه على السيده (سمية ) ، ويبقى الاتصال على سمية لتعزيتها ومؤاساتها فى هذه المصيبة واجب على الجميع وشكر الله سعيكم مقدما .. وده الرقم 009745456163
معتصم اسفين للتخريمة ..
محبتى ..
|
Post: #33
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: Imad Bushra Mohamed
Date: 07-18-2005, 11:41 PM
Parent: #32
وينك يا حميد .. كمان هنا الأخ اللواء اركان حرب (مستهدف) كمال على الله عايز اتهور ويدخل في موضوع زواج (طبعاً بتكون عارف حايتزوج منو؟) المهم ربنا يجبر مصيبة سمية المسكينة وعقبال ليها مزيداً من التورط تجيب ليها ارتولي صغير (حبوبتو عفاف) ..
أما موضوع الكفلاء هنا حكايتو عجيبة .. العجب لو شفت اشرف غزالي ؟ مشى معاي المدينة المنورة .. وفي الرجعة اليوم كلو يمدح في كفيلو .. الرجل بحترمني وبحبني والرجل عظيم وذكي وانت لو شفت في ارقى حالتو اذكرك النسوان الببيعو السعف...
معليش اخوي معتصم دا شوية شمار داخلي .. بيطرب الراجل الحبيب محمد عبد الرحمن .. بس نحن يا محمد في انتظار معتصم اتزوج .. المشكلة بتبقى انو الزي معتصم دا نلقى ليهو مرة وين، فهو يتخير ملابسه كما يتخير آكل التمر اطايبه .. فكيف بزوجة .. ربنا يكون في عون الناس الراقيين الزيو.. لكن في عنقالا ورمتالا يمكن اتزوج من اي فديو فيهو واحدة نططت عيونا في لقطة من لقطات الفيلم ...
على العموم شكرا لكل المرحبين
عماد
|
Post: #34
Title: Re: عماد بشرى يا بكري أبوبكر .. هل يطول إنتظاره ؟؟؟؟؟؟!!!!!!!
Author: محمد عبدالرحمن
Date: 11-14-2005, 02:54 PM
Parent: #33
اطالب الاخ بكرى ابوبكر بسحب عضوية المدعو عماد بشرى ..
لانه غير متسفيد اطلاقا من هذه العضوية ومشغول عنها بجمع
الريالات ، وهو جشع لم نعهده فى الاخوة الجمهوريين ..
|
|