Post: #1
Title: الجعلى قالوا حالف يتلب من الطيارة وجمبلق فى البحرالاحمرفى حال اعتراضو
Author: قرشى محمد عبدون
Date: 03-29-2009, 11:41 PM
الجعلى قالوا حالف يتلب من الطيارة وجمبلق فى البحرالاحمرفى حال اعتراضو فى الرجعة
و بكدا يكون ادى درس فى ادبيات التضحية والنضال ومقاومة الاستعمار من اجل السودان وضحايا دارفور والمهمشين فى كل السودان
واراح اوكامبو من البحث والجرى والسفر الكتير والظهور فى الفضائيات
وخليل وعبد الواحد وكل الثوار يكون سكتو ولموا عدة الشغل بتاعم ويكون مشوا الخرطوم
وفرنسا تكون اكلت فى حنانا والامريكان شغالين سنين عددا فى التخطيط يكون صرفوا دم قلبهم ويرجعوا يخططوا من اول وجديد
والرئيس حسنى مبارك وكل القاده العرب حيبدوا يحترموا الشعب السودانى الاسود ده ويبطلوا اللف والدوران لانهم حيكتشفو بعد القفزة العجيبة بتاعت الريس انو
السودانيين ما ساهلين وعندهم كرامة وبيكروا وما بيعرفو الرجعة..وبكده البشير يكون بالجد كمل الرجاله..طبعا ده اشتشهاد وما بيعتبر انتحار..
وربنا يجيب العواقب سليمة
ههههههههههههههههه وش باكى وممخط
|
Post: #2
Title: Re: الجعلى قالوا حالف يتلب من الطيارة وجمبلق فى البحرالاحمرفى حال اعتراضو
Author: قرشى محمد عبدون
Date: 03-30-2009, 00:02 AM
Parent: #1
عله بيعرف العوم؟ بيعرف لاكين الكبر ما بساعدو
الشعب السودانى المقهور كلو يكون منتظروا فى ساحل البحر الاحمر والمعلم بيكون عايم فى اللحظات ديك
مالكم ما رئيسنا وكده والوقوف واجب انسانى يمليه الضمير ..
الجعلى حديد الجعلى حديد
ههههههههههه
|
|