Post: #1
Title: قزازة لكل مواطن ... في صحتكم .
Author: بشير أحمد
Date: 03-29-2009, 08:56 AM
Parent: #0
لزوم حرية شخصية وكده.
|
Post: #2
Title: Re: قزازة لكل مواطن ... في صحتكم .
Author: بشير أحمد
Date: 03-29-2009, 08:59 AM
Parent: #1
عرقي صافي نخب اول
لو كبيتو في تنك موتر او عربية بتمشي زي الترتيب
وما ح تحتاج تقيف في اي محطة بنزين.
|
Post: #3
Title: Re: قزازة لكل مواطن ... في صحتكم .
Author: علاء الدين يوسف علي محمد
Date: 03-29-2009, 09:02 AM
Parent: #2
دكتور بشير
سلامات
مع الأغبياء النافعين ديل لا نملِك إلا أن نقول
إبشِر بِطولِ سَلامة يا عُمَرْ
|
Post: #4
Title: Re: قزازة لكل مواطن ... في صحتكم .
Author: محمد فرح
Date: 03-29-2009, 10:04 AM
Parent: #3
أذكر قبل فتره كتبت بوست بعنوان
لمزيد من الترنح .. حكومة الجنوب تنشيء مصنعاً للبره بتكلفة 70 مليون دولار (لاأتذكر تكلفة المصنع تحديداً)
التقول ناقصين ترنّح
ربنا يهدي
|
Post: #6
Title: Re: قزازة لكل مواطن ... في صحتكم .
Author: Alshafea Ibrahim
Date: 03-29-2009, 10:32 AM
Parent: #4
أخي بشير
السلام عليكم ورحمة الله وبركاته ...
بعد عشرين سنة عدل ورحمة وشرع ومساواة ورغد في العيش ورفاهية عيني باردة ..... نصيب المواطن (قزازة) طيب دبل الكابينة المكيف ده حكر على مواطن دون الآخر ؟؟؟ ولا الجامعات الأجنبية فرص لمواطن دون الآخرين ؟؟؟ وبعدين لماذا اختزل النظام وقوانينه ومحاكمه كل الشريعة في حد (الخمر) ؟؟؟ أليس هناك محرمات تصل لحد إزهاق الروح المعصومة ولا تنتهي بالتعذيب والتنكيل والتشريد والفقر والإفقار والمرض والجهل والسرقات والإختلاسات ؟ أم أن الشريعة الغراء لم تضع لها تعريفات وعقوبات ؟ من قتلة ، ولصوص منسوبي النظام تحاكم بموجب الشريعة المفترى عليها ؟ كيف تحكمون ...
مودتي
المواطن / الشفيع إبراهيم
|
Post: #11
Title: Re: قزازة لكل مواطن ... في صحتكم .
Author: بشير أحمد
Date: 03-29-2009, 08:56 PM
Parent: #6
الاخ المواطن/الشفيع ابراهيم
تحياتي؛؛؛
ياخي قلنا زول جا سكران وفي مكان عام يعملوا ليهو شنو؟
موية ليمون ولا كيف.
القزازة زاته معاها جلد بالسوط
سرقة الاخرين لاتبرر لسكرة الفنان محمود
|
Post: #8
Title: Re: قزازة لكل مواطن ... في صحتكم .
Author: بشير أحمد
Date: 03-29-2009, 12:13 PM
Parent: #4
الاخ/ودفرح
تحياتي؛؛؛
العالم دي دايرة البلد تكون ام فكو ساي
ونفتح بارات وهلس.
|
Post: #5
Title: Re: قزازة لكل مواطن ... في صحتكم .
Author: بشير أحمد
Date: 03-29-2009, 10:28 AM
Parent: #3
الباشمهندس/علاء الدين
تحياتي؛؛؛
المشكلة النضال بقي في كل شئ
واحد جاي حفلة سكران ؛عايزين الناس تعمل ليهو شنو ؟ تصفق ليهو
والتبرير غريب جدا قالوا عشان ماغني للبشير
طيب في دشليون فنان ما غني للبشير ؛ماجلدوهم
ياخي عندنا في كاب الجداد لمن واحد يسكر ؛المواطنين براهم بجلدوك من غير حكومة ولا يحزنون
ياخي خليهم يسكروا في بيوتهم ؛ولو الحكومة سالتهم تكون غلطانه
لكن تسكر في الشارع العام وتقول لي حرية شخصية ؛تنجلد طوالي.
|
Post: #7
Title: Re: قزازة لكل مواطن ... في صحتكم .
Author: ibrahim alnimma
Date: 03-29-2009, 11:46 AM
Quote: ياخي عندنا في كاب الجداد لمن واحد يسكر ؛المواطنين براهم بجلدوك
من غير حكومة ولا يحزنون |
الاخ بشير سلام :
ناسكم ديل بدقو الزول رجالة ام شريعة ؟؟
طيب ماعندكم حرامية مابنطوا الحوش لكن تلاقيهم في فترة وجيزة تحولوا من فقراء هنود الي
اثرياء عرب طيب ديل بعملوا معاهم شنوووووووووووووو؟؟؟؟؟
|
Post: #9
Title: Re: قزازة لكل مواطن ... في صحتكم .
Author: على تاج الدين على
Date: 03-29-2009, 03:59 PM
Parent: #1
سلام...يادكتور...لكن دى ما اول مرة يدان فيها الفنان محمود عبد العزيز...بنفس الجرائم
ويحاكم؟؟؟يبدو ان المناضلين فقدو الذاكرة....ادين محمود من قبل وعلم جميع اهل السودان
وان لم تخوننى الذاكرة توسط السيد....صلاح ادريس ....عندما قضى نصف المدة فى السجن
واطلق صراحه بعد ذلك....عن اى نضال يتكلم هولاء السكارى الحيارى؟؟؟
|
Post: #10
Title: Re: قزازة لكل مواطن ... في صحتكم .
Author: ود الباوقة
Date: 03-29-2009, 04:11 PM
Parent: #9
دكتورنا ...
النضال خشم بيوت ...
|
|