الاولاد ديل كويسين .. يا أخوانا كوره ولا كوار ؟

قلنا كويسين مخصوووص وما قلنا ممتازين
عشان ما نكضب
لكن لما (بنى وطنى) يقيفوا وقفه زى دى
مع منتخب بقيادة كانوتيه وسيدو كيتا وغيرهم
ويطلعوها درون 1-1
اتخيل لى معقوووووووووله ومناااااااسبه
وبتدى دافع كويس للشفع الجايين فى الدرب
ده تاريخ يا أخوانا ما ونسه ساكت

ونفس المالى دى ... قبلى كده ضربناها 3
الأولاد كويسين يا شباب بس واضح انه سوء الاداره هو الكان جايط الشغله

نرحب بكل الآراء الايجابيه والغير ايجابيه فى هذا البوست

بس قبل ما تقول رايك
لاحظ معاى كيف قدر موسى الزومه يحد من حركة كانوتيه النجم الأسطع حاليا فى اسبانيا

لاحظ برضو كيف سيدوكيتا لعن الشيطان 3 مرات قبل ما يلعن حافظ

لاحظ كمان للاهداف الضيعوها مهند الغزال ومدثر

وتعال نتناقش برااااحه وبدون كواريك

فائق احترامى للجميع