Post: #1
Title: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 03:55 AM
ينازل منتخب صقور الجديان اليوم نظيره المنتخب المالي,
وهي المباراه الاولى في سلسله قوامها ست مباريات تفصل عن الحلم
الجليل للتاهل لمونديال 2010, وللتاهل لنهائيات الافريقيه القادمه ايضا,
هذه هي المرحله الثانيه في هذا النظام المطبق لاول مره.
مالي و غانا , بنين هم نظراء الجديان ومجموعته افضل اثنين الي المونديال ,
وافضل ثلاث الي الافريقيه !.
مالي و غانا , بنين فرق قويه نعلم ونعترف بذلك ,مدججه بالنجوم
لكن كلنا ثقه في منتخب شاب بنتائج متفاوته نعم لكن على العموم جيده وواعده,
منتخب يستطيع مفاجاه الخصوم القويه مهما كبر اسماء لاعبيها, ودوننا
الكاميرون ومالي في الماضي القريب !,
عزم وحزم مدرب انجليزي شاب ستيفن (46عاما) في قمه هرم التدريب , مدرب طموح
ومجتهد ومساعد مدرب شاب اخرسوداني هذه المره كابتن عمارخالد,
ومدرب لياقه الاسترالي جيمس ,وراموس البرازيلي مدرب حراس,
وفي المتابعه الخبره احمد بابكرواحمدعبدالله مازدا.
منتخبنا يدخل البطوله بجهاز فني من اربع قارات !, وكلنا امل.
الجهاز الاداري يستحق تحيه للاهتمام المكثف في الفتره الاخيره, وللعمل رغم
الصعوبات ,لكن للمصداقيه نذكر ايضا ان الاعداد متوسط بمباراه امام يوغندا,
ويبقى المعسكر التدريبي الاخير قوي ورائع ,بفترتين تدريب,وبرنامج غذائي محدد,
وتاهيل نفسي جيد.
نعاني من نقصفي صفوفنا لدواعي لاصابه ,لكن حواء السودان ولود, ومن حسنات المدرب
فتح الباب على مصراعيه لكل مجيد, وتنقل في مدن السودان لمشاهده المباريات
الدوريه المختلفه, ولازال الباب مفتوحا لكل واعد حار القلب ومجيد..
الجديان الان خليط مطلوب من خبره بالاضافه الي باقه من الشباب الماهر يسد عين الشمس,
والاهم حماس, والاعلى جمهور هادر محب , جمهور واعي رغم عراقيل مشجعي الانديه والنظره القاصره.
اليوم مع الوطن وغدا مع الوطن في مشوار قوامه ست مباريات فاصله,
وبعدها يظل النيل جميل ,ونظل كذلك مع الوطن..!.
منتصرين باذن الله.
سودانا فوق.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #2
Title: Re: بجهاز فني من اربع قارات , وقلب حار , صقورالجديان في الميدان !.
Author: علاء الدين حيموره
Date: 03-28-2009, 04:12 AM
Parent: #1
شكرا ليك يا رائع ..
نأمل ان يحقق منتخبنا الوطني نتائج مرضية للسودان ..
|
Post: #8
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 07:21 AM
Parent: #2
| Quote: نأمل ان يحقق منتخبنا الوطني نتائج مرضية للسودان . |
حباب طلتك اخي علاء الدين حيموره
وكلنا امل وعشم انتصار خبز لوطن..
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #3
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 04:36 AM
Parent: #1
|
Post: #4
Title: Re: بجهاز فني من اربع قارات , وقلب حار , صقورالجديان في الميدان !.
Author: الكباشى البكرى
Date: 03-28-2009, 04:46 AM
Parent: #3
د شهاب
سلامات
بالتوفيق انشاء الله لصقورا لجديان في اول مشوارهم
كل الود
|
Post: #12
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 10:04 AM
Parent: #4
Quote: د شهاب
سلامات
بالتوفيق انشاء الله لصقورا لجديان في اول مشوارهم
كل الود |
العزيز الكباشى البكرى
توفيقهم كنز افراحنا, وبسم الله..
سودانا فوق.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #5
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 05:33 AM
Parent: #1
احد اجمل ما قرات للصحفي مزمل ابوالقاسم,
الجزء الاول من عاموده السبت 28-3-2009
Quote:
الفقران وغني
* سئل شاعرنا الفذ صلاح أحمد إبراهيم رحمة الله عليه عن سبب حبه للسودان بفقره وجدب بعض أنحائه ومعاناة أهله
وفقرهم وهو الذي كان يقيم وقتها في عاصمة الضباب فقال في واحدة من أحلى قصائده الوطنية (شين ودشن.. حر سيافى شين..
شين ودشن كلمة مافي شين.. وهظارو خشن.. بسموم وسوافي.. تسأل شن الحبب فيهو؟ الحب في ذاتو مبرر كافي.. ما شين ودشن..
حار سيافي وشين.. عشان بقعة خراب.. ما فيها شجر.. راويها سراب واطاتها حجر.. حصحاصا يولع في الرمضا.. الحب سلطان..
مسلط نافي.. لغيرو مرض لكن شافي)!
* واستطرد معدداً صفات أهله قائلاً: (الشعب الحر.. الفعلو بُسر.. أب لحماً مر.. في الزنقة أم لوم قدام باينين.. البسمع فيهم يا أبو مروة..
بي فرارو ينط من جوة.. يبادر ليك من غير تأخير.. دا أخو الواقفة يعشي الضيف.. الحافظ ديمة لحقوق الغير.. سيد الماعون السالي السيف..
الهدمو متّرب وقلبه نضيف.. لا تسألني عن حب وطني الفقران وغني)!
* اختصر صلاح رحمة الله عليه مقولة: (وطني ولو شغلت بالخلد عنه لنازعتني إليه في الخلد نفسي) فأجاد التعبير ورسم أحلى لوحة لأجمل الأوطان.
* اليوم يوم السودان.
* وطن الجدود.. مسرح الصبا ومرقد الآباء.
* وطن الصلابة.. الشجاعة.. المروءة والقيم النبيلة.
* وطني ولا ملي بطني.. سكاتي ولا الكلام الني.
* وطن تهراقا والمهدي.. ود حبوبة.. علي عبد اللطيف.. عبد الفضيل الماظ.. مهيرة بت عبود وبنونة بت المك.
* وطن الكرم (ضيف الهجعة عشيتو)!
* وطن الشجاعة (إن درت العديل والزين تعال يا زول.. وإن كست الكعب والشين أرح يا زول)!
* سودان أم ضواً بان.. وخلاوي القرآن.
* سودان إكرام الضيف (النعيم ود حمد).. بلد كردفان الغرة أم خيراً برة.. رطب الشمال.. عروس الرمال.. نخيل الباوقة..
ومن مريدي السمحة لفتة!
* سودان الطابية المقابلة النيل ومرفعين الفقرا وسمسم القضارف وغابة أم بارونة والشواك ومقرن النيلين وقطن الجزيرة ونسايم عطبرة
الحلوة وفيك يا مروي شفت كل جميل.. والحجازة وحريق المك في قلب الدخيل.
* سودان كرري والشكابة.. ديم عرب.. السواقي الجنوبية.. رهيد البردي.. جبال تقلي.. جبل الرجاف.. شندي فوق وأطلع برة!
* وطن حدادي مدادي.. ما بنبنيهو فرادي.. ولا بالضجة في الرادي.. ولا الخطب الحماسية.
* نتمنى أن ينتصر السودان اليوم ليشنق (وليد دارفور) الطاقية.. ويشرب أدروب القهوة بي مزاج ويغني (فنجان جبنة بي شمالو يسوى
الدنيا بي حالو)!
* ننتصر عشان شول ما يتضارى.. يفرح ويضرب النقارة.. وعوض الشايقي يقول للطمبور (جاك بلا)!
* ننتصر اليوم بعون الله ويغنن البنوت (يا غزلية وين الرايقة يا فنية ناري الليلة) ويردفنها (بالكنينة يا رطب الجنينة) ويصقر الجعلي ويعرض
بالسيف.. يهز ويرز.. والسوط يقول يا ليل!
* ننتصر ليلوح أدروب بالشوتال.. والبنوت زغارديهن تجيب الطاش!
* يا رب يفوز السودان اليوم ليفرح ناس قدح الدم.. وينبسط عشا الضيفان.. ويدنكل الغبش البوش بي موية الجبنة وزيت السمسم.
* نفوز لترتفع مبيعات الآيسكريم والشوكولاتة في العمارات والرياض والمنشية وقاردن سيتي ونمرة 2!
* ننتصر لنرقص الكمبلا والصقرية والمردوم.. ويتمايل الغبش والحناكيش في آنٍ واحد (شبابك تشابك)!
* ننتصر لنغني: يا عيني تعاينن جننتنو قلبي.. يا الماشي الإجازة.. أرجوك تغشى الحجازة.. ودي الديمة حجازة.. يا قلبي تتجازى
سهران وقل نومي!
* ونعطف على (حبيبة عليك دينك.. وحق والدينك.. اتوضي بي زينك وأنا هايم مخبي.. ويا غربة هنتينا.. واشتهينا ستينا..
يا الله ودينا للمتمة.. غرب شندي)!
* رحم الله المبدع عصام الجاك فقد ترنم بها فأجاد.
* ينتصر السودان اليوم وندوبي مع طه: التلب اللزوم مدخور يشيل العايلة.. يقدل بي مهل فوقو الحمولة الهايلة.. إياك (مرق) القبايل فيك
نسند المايلة.. فراج كربة الهم أب قبايلا جايلة!
* عامر جمعكم إن شاء الله ما ينفض.. ما جابني مال ما بدور دهب لا فضة.. بدور المك نمر سيد النحاس الجضّ.. جيتو على حملة غيرو
ما بتنجض!
* ونجر النم مع عيال جعل: كان ضيفنا ما نحجاه و ندافع عنو.. نرمى سيوفنا ليه تاني الحصان ساعينو.. قديم يا مك ديارنا مرتع الآمال..
و شعبة الكون وركازة الزمان إن مال.. صغيرنا إن جال يضاير العوق يمين وشمال.. بدمانا النزيل نحجاه قبل المال.. أديهو الأمان يقدل
و يلقى مناهو.. البقى فوق أمان المك منو البدناهو.. كل اسم جعلى من أعلاهو لي أدناهو.. محال يبعد والمك نمر أدناهو!
* النصر للسودان.. والعزة لأحلى الأوطان.
|
|
Post: #6
Title: Re: بجهاز فني من اربع قارات , وقلب حار , صقورالجديان في الميدان !.
Author: waleed nayel
Date: 03-28-2009, 05:43 AM
Parent: #5
العزيز دكتور شهاب
الله يدينا الفي مرادنا
بس مباراه صعبه
|
Post: #7
Title: Re: بجهاز فني من اربع قارات , وقلب حار , صقورالجديان في الميدان !.
Author: haroon diyab
Date: 03-28-2009, 06:01 AM
Parent: #6
دكتورنا وحبيبنا / شهاب
سلامات ياجميل
ورغم صعوبة المشوار
سيجتاز ابطالنا الصعاب
ورغم قوة الخصم ستكون
روح السودان هي قوة شبابنا
ورغم النقصان فالسودان دائما
خطر ....بمن حضر
نتمني وقفة حضارية وبطولية مع
المنتخب حتي يجتاز اهم مرحلة.
هذه التصفيات مؤهلة لنهائيات كاس العالم
2010 بجنوب افريقيا ونهائيات امم افريقيا
جمع تسعة نقاط في الخرطوم يضمن التأهل لنهائيات
افريقيا ومن ثم التفكير في ابعد من ذلك .
كل التوفيق لصقور الجديان .
مع كل الود
|
Post: #9
Title: Re: بجهاز فني من اربع قارات , وقلب حار , صقورالجديان في الميدان !.
Author: محمد سنى دفع الله
Date: 03-28-2009, 07:25 AM
Parent: #7
دكتور
شهاب
التحية والمودة النقية
قلوبنا مع صقور الجديان
اليوم نحلق نحو الشمس
صقورا افريقية
نحو المجد نحلق
|
Post: #15
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 11:14 AM
Parent: #9
Quote: التحية والمودة النقية
قلوبنا مع صقور الجديان
اليوم نحلق نحو الشمس
صقورا افريقية
نحو المجد نحلق |
السني الفنان القدوة ونبراس الامه,
ومعك نحو حراره القلب الشمس وبها نحلق ونحلق,
فالجديان مك سماء, ومك ككر,
حباب طلتك.
وسودانا فوق.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #14
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 10:49 AM
Parent: #7
Quote: ورغم صعوبة المشوار
سيجتاز ابطالنا الصعاب
ورغم قوة الخصم ستكون
روح السودان هي قوة شبابنا
ورغم النقصان فالسودان دائما
خطر ....بمن حضر |
الرائع فارس الملاحم هارون دياب,
لكلاماتك وقع الطبول,
ونتمنى الجمهور اصاله ووقفه الحاره السودان داخل الميدان,
والقلب الحار شعار واماره ومطلب ,
حبابك.
وسودانا فوق.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #13
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 10:22 AM
Parent: #6
Quote: العزيز دكتور شهاب
الله يدينا الفي مرادنا
بس مباراه صعبه |
اخي waleed nayel
مباراه نار منقد
ونسائل الله الذي يجعل الصعب ان اراد سهلا ان يوفقنا,
شكرا لمرورك الكريم.
سودانا فوق.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #10
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 08:10 AM
Parent: #5
Quote: أكد ستيفن كيشي مدرب منتخب مالي أنه يتطلع الى قيادة النسور الى نهائيات كأس العالم، وقال المدرب: لا نركز كثيراً على
التأهل الى نهائيات الأمم لأن المنتخب سبق أن تأهل عدة مرات الى هذه البطولة ولكن الانجاز الحقيقي سيكون بالتأهل الى نهائيات المونديال،
وذكر المدرب أن بداية تحقيق الحلم ستكون على أرضنا وعلى حساب منتخبنا، وأبان كيشي أنه لا يسعى الى الانتقام ولا الثأر من الهزيمة
السابقة، ولفت الى أن همه قيادة مالي للانتصار |
Alsadda
نحترمك ونحترم رايك الواعي سياده المدرب,
ومرحبا بنا تنافس شريف في حضره الرياضه وباسم الاوطان والقاره,
حبنا للرياضه وكره القدم على وجهه الخصوص باسلوب قل نظيره في الشعوب,
ولنا تاريخ , وبرغم الرغم فاحلامنا للمجد دائما مشرعه,
ومبارتنا الخطوه الاولى في امدرمان وهي لو تدري تاريخ وعرين اسود وكرري وطابيه
وفرسان وميدان !,
ابقى مارق ! ,
والنصر لنا اليوم ,والتاهل لنا غدا باذن الخالق الواحد.
سودانا فوق.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #11
Title: Re: بجهاز فني من اربع قارات , وقلب حار , صقورالجديان في الميدان !.
Author: مجدي عبدالرحيم فضل
Date: 03-28-2009, 08:18 AM
Parent: #10
نتمني لهم التحليق في سماء البطولة صقور الجديان
شكرا د.شهاب الفاتح
|
Post: #16
Title: Re: بجهاز فني من اربع قارات , وقلب حار , صقورالجديان في الميدان !.
Author: Hisham Ibrahim
Date: 03-28-2009, 11:19 AM
Parent: #11
Quote: دكتور
شهاب
التحية والمودة النقية
قلوبنا مع صقور الجديان
اليوم نحلق نحو الشمس
صقورا افريقية
نحو المجد نحلق |
كلام السني دفع الله دا زي كلامي الكنت عاوز أكتبو -
وبضيف عليهو ( اليوم نحلق في الســـماء بلون واحد هو لون الوطن انشاء الله )
شكراً السني دفع الله
شكرا د. شهاب
هشام
|
Post: #19
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-29-2009, 04:14 AM
Parent: #16
مباراه صعبه ,
انتهت بتعادل ايجابي بهدف لكل سجل لمالي كانتونيه,
وسجل للسودان في لوحه مهاريه رائعه الواعد كاريكا,
لم نكن سيئين ولم نكن جيدين كذلك , الخصم المدجج بالنجوم رمى بكل اسلحته
بغرض الفوز والفوز فقط طمعا في النقاط,
حافظ, الشغيل وكاريكا والجديد طارق نجوم من دهب في مباراه الامس,
والمكسب الاكبر مدرب انجليزي غير بارد , اجاد في الامس
في التغيرات فدخول مهند احدث نقله في مجريات المباراه وكاد مهند ذاته
اخر الدقائق ان يخطف هدف الصفعه,
ويحتاج المنتخب الكثير من الاعداد والمباريات الوديه.
حبابكم.
سودانا فوق.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #17
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 01:22 PM
Parent: #11
Quote: نتمني لهم التحليق في سماء البطولة صقور الجديان.
|
الراقي استاذ مجدي عبدالرحيم فضل
ونتمنى لهم التحليق بكل بطوله,
ونطلب منهم التحليق كجارح مهاب,
وبهيبه وطن.
سودانا فوق وفوق باذن الله.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #18
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-28-2009, 01:59 PM
Parent: #17
مع صقور الجديان قلوبنا عقولنا امالنا في الميدان اليوم,
في حضره الوطن كلنا حضور ,
بادب وجلال وكثير جنون حضور
ومنتصرين باذن الله
سودانا فوق.
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
|
Post: #20
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-29-2009, 05:41 AM
Parent: #18
Post: #21
Title: Re: بجهاز فني من اربع قارات , وقلب حار , صقورالجديان في الميدان !.
Author: haroon diyab
Date: 03-29-2009, 06:01 AM
Parent: #18
دكتورنا
صباح الخير
وبكل المقاييس هي نتيجة طيبة
لعب المنتخب وهو ناقص اهم اعمدته
العجب / سفاري / مساوي /دامر/ريتشارد/ علاء الدين
ولعب طارق مختار / وراجي/ وبله/ والباشا/وكاريكا
امام نجوم الدوريات الاوربية في
ظل اعداد متواضع فكانوا علي الموعد.
وسجل كاريكا هدفا لايسجله الا الكبار
فكان كبيرا .
ان تكسب نقطة امام زملاء كانوتية افضل
من خسارة النقاط كاملة.
مازال المشوار طويلا ...ومازال الامل قائما
في انتزاع 9 نقاط تضمن المشاركة في نهائيات
افريقيا ويبقي الحلم المونديالي مشروعا رغم صعوبته .
كل التوفيق لصقور الجديان في قادم المباريات .
كل الود
|
Post: #22
Title: Re: بجهاز فني من اربع قارات , وقلب حار , صقورالجديان في الميدان !.
Author: شهاب الفاتح عثمان
Date: 03-29-2009, 06:37 AM
Parent: #18
Quote: وقال استيفن: (لو قلت لكم قبل المباراة اننا سننتزع نقطة من مالي ربما لايصدقني بعضكم وذلك من واقع فترة الاعداد القصيرة والظروف العديدة
التي احاطت بالمنتخب).
وفي رده علي سؤال »قوون« عن ما اذا كان عهد الاسماء والنجوم قد انتهى في الكرة السودانية قال استيفن لا افكر في الاسماء احترم
عطاء جميع اللاعبين هنالك وجوه جديدة وطريقة جديدة نسعي لتطبيقها.. شاهدتم اليوم فريقا فيه لاعبين جدد قدموا انفسهم بصورة جيدة .
ونفي استيفن ان تكون لديه مشاكل مع الاعلام السوداني وقال : من ينشئ موقعا خاصا به علي الانترنت لايمكن ان تكون له مشاكل مع الاعلام..
ووضع استيفن روشتة للمرحلة المقبلة وقال اذا كنتم تريدون ان يمضي المنتخب الي الامام فعليكم ان تصبروا عليه.. وعليكم كذلك ان
تنسوا تماما الحديث عن الهلال والمريخ وتتحدثوا فقط عن السودان. |
مدرب منتخبنا لقوون بعد المباراه.
|
Post: #24
Title: Re: بجهاز فني من اربع قارات , وقلب حار , صقورالجديان في الميدان !.
Author: ismeil abbas
Date: 03-29-2009, 11:47 AM
Parent: #23
ألأخ/شهاب .السلام عليكم...
شكرآ لهذا البوست التحليلى وياريتك لو نقلتو معاك قبل ألأرشفة..حتى تعم الفائدة ونواصل من خلال هذا البوست المباريات القادمات.....
Quote: مع صقور الجديان قلوبنا عقولنا امالنا في الميدان اليوم
في حضره الوطن كلنا حضور |
اليوم وكل يوم بأذن الله..................شكرآ.إسماعيل محمد احمد عباس....
|
|
|