Post: #1
Title: الناشطة الدارفورية الميرم فاطمة هارون سودانية أصيلة من جبل مرة ..
Author: محمدين محمد اسحق
Date: 03-26-2009, 10:46 PM
Parent: #0
في هذا البوست ذكر محمد الامين ان الناشطة الدارفورية فاطمة هارون ليست سودانية ..
فاطمة هارون التي خدعت المنظمات ليست سودانية
وهذا قول عار من الصحة ..
الناشطة فاطمة هارون دارفورية اصيلة من منطقة جبل مرة و تحديدأ نيرتيتي ..
|
Post: #2
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: محمدين محمد اسحق
Date: 03-26-2009, 10:54 PM
Parent: #1
هذه ليست القضية المهمة
لكن الأهم انها لم تخدع ايأ كان ..
انماظلت و ستظل صوتأ قويأيعبر بصدق عن مأساة أهل دارفور
فتحية لك اختي فاطمة ..
انت فخر لنا جميعأ ..
و آفي كومقو
|
Post: #4
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: Elsanosi Badr
Date: 03-26-2009, 11:03 PM
Parent: #2
افي تكرنق كندي...
محمدين يا قريبي ... مسالة رفض الانتماء للسودان مسأله غير مستحبه علي الاطلاق ...لا اعرف لماذا يلجأ الاخرون لهذا الخيار...
|
Post: #5
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: أنور أدم
Date: 03-26-2009, 11:05 PM
Parent: #2
أخي محمدين
جبل مرة ليست في سودان محمد الامين.
فالرجل مصاب هذه الايام بمتلازمة قرار الجنائية ، و زادتها بلة الضربة الاسرائيلية لهم.
آفي جمنقو
|
Post: #11
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: محمدين محمد اسحق
Date: 03-27-2009, 00:05 AM
Parent: #5
Quote: جبل مرة ليست في سودان محمد الامين.
فالرجل مصاب هذه الايام بمتلازمة قرار الجنائية ، و زادتها بلة الضربة الاسرائيلية لهم.
آفي جمنقو
|
الكويس اخوي انور في الموضوع انو ناس جبل مرة ديل ما عندهم اي امتداد خارج البلد اللي وضع خريطتها
الانقليز ابان عيون زرق ..
آفي جونقا
دوقلانق ايا سي سلام جاني
|
Post: #3
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: Khalid Kodi
Date: 03-26-2009, 11:02 PM
Parent: #1
اخونا محمدين،
تحياتى ووين الحى بيك ياخى؟
وتحياتنا لأختنا فاطمه هارون "الطلعوها ماسودانية" ... فالله فى خلقه شئوون.
.
|
Post: #6
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: esam gabralla
Date: 03-26-2009, 11:09 PM
Parent: #3
سلام يا محمدين
اى سودان يعنون؟ حقهم و لا حق الناس كلهم؟
untill there is no first class and second class citizen of any nation
untill the basic human rights
are equally guaranteed to all
without regard to race
untill the color of a man skin
is of no more significance
than the color of his eyes
war
|
Post: #13
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: محمدين محمد اسحق
Date: 03-27-2009, 00:31 AM
Parent: #6
Quote: اى سودان يعنون؟ حقهم و لا حق الناس كلهم؟
untill there is no first class and second class citizen of any nation
untill the basic human rights
are equally guaranteed to all
without regard to race
untill the color of a man skin
is of no more significance
than the color of his eyes
war |
صدقت اخوي عصام جبر الله
السودان لينا كلنا ..لكن واضخ انو في ناس لا زالت بتفتكر انو هي براها البتقوم و تقعد في البلد علي كيفها ..
و الزمن فات و اللي كان مغمض فتح و زي مال قال روبرت نيستا مارلي
The war will soon be over
and Africa
Will unite
the children who liveth in
Darkness
have seen the great light
keep on moving
|
Post: #28
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: على تاج الدين على
Date: 03-27-2009, 11:25 AM
Parent: #6
Quote: سلام يا محمدين
اى سودان يعنون؟ حقهم و لا حق الناس كلهم؟
untill there is no first class and second class citizen of any nation
untill the basic human rights
are equally guaranteed to all
without regard to race
untill the color of a man skin
is of no more significance
than the color of his eyes
war |
اختلاف الالوان والالسن والديانات من ايات الله وسننه اجراها فى خلقه ...ولقصور
معارف الانسان النسبية عند قراءته لهذه الايات خارج اطارها التاريخى او حكمتها (الماورائية)
وهى ان يدرك وعى الانسان مفاهيم الخير والشر ..الثواب والعقاب ..الصراعات والحروب ..السلم
والامن...العدل والظلم....وجميعها مفاهيم كائنة بحكم ضرورة الوجود....وقد تختلف الامم بحسب
اوضاعها التاريخية والثقافية والمادية فى توظيفها التوظيف الايجابى لما يدعم ثقافة القبول
بالتنوع....وقد يشذ البعض عن هذا التصور....مايعنينا هنا تصور بعض الناس لمفاهيم المساواة
والعدالة بان تصير مطلقة بين بنى البشر وهذا ما يتنافى تماما مع نواميس الكون.امابخصوص
فاطمة هارون...فمن الممكن ان تكون غير سودانية .. وقد تكون سودانية....لان ازمة دارفور
اتاحت ظروف لاناس غير سودانيين ان يزجوا انفسهم فى هذا المعترك خصوصا التشاديين...
لتشابه السحنات واللهجات ...وخير دليل على مانقول ...بعض من يدسون انفسهم فى حركات
التمرد اتوا الى السودان مع مجاعة 1982 وللاسف كان هذا الامر فى زمن الغفلة...ايام
صراع القوى السياسية الفاسدة على السلطة...باسم الديمقراطية التى يتباكون عليه الان.
|
Post: #12
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: محمدين محمد اسحق
Date: 03-27-2009, 00:16 AM
Parent: #3
Quote: تحياتى ووين الحى بيك ياخى؟
وتحياتنا لأختنا فاطمه هارون "الطلعوها ماسودانية" ... فالله فى خلقه شئوون. |
الاخ العزيز خالد كودي
المشكلة في انو الناس بقت تخلي القضايا الاساسية و تنصرف و تحاول صرف الناس الي مسائل هامشية
اقول حاجة حصلت في واحدة من الدول بدون تسمية
الحادثة كانت السنة الماضية ..و في منتدي يخض ناس دارفور ..بعض الشباب الغاضب من بعض الافكار في المنتدي طفق يتحدث و يطنطنوا لغة فور ..و دا كلو و هم فاكرين الميرم اطرش في الزفة و ما ناقشا الحرف
و تركتهم فاطمة يكملوا كلامهم للنهاية و بعد داك ..هاك جضيم بفور ناس الجبل ..و اقنعت الشباب باسلوبها الراقي في العودة لمواصلة النقاش و الحوار ..
علي الهامش
اخوي كودي المشاغل زادت لكن نتابع من حين لحين ..
سنتواصل عبر الايميل ..
|
Post: #7
Title: فاطمة هارون
Author: Mahjob Abdalla
Date: 03-26-2009, 11:35 PM
Parent: #1
العزيز محمدين...
هناك اشياء لا تحتاج مشقه الرد ...
السيد محمد الامين في احدي بوستاته في هذا المنبر قال ان الزياديه اصولهم من اليمن و نحن لا يهمنا من اين اتو و لكن الذي نعرفه ان الزياديه قبيله دارفوريه...
الذي يحير في هذا المنيبر ان محمد الامين لا يجيد شيئا غير التشكيك في سودانية او عدم سودانية الاخرين...من اهل دارفور...
شخصيا قد تعرفت علي فاطمه هارون في احدي المؤتمرات و كانت نموذجا للانسانه المثابره في كل المحافل و لاجل انسان دارفور...
التحيه لها اين ما كانت
|
Post: #14
Title: Re: فاطمة هارون
Author: محمدين محمد اسحق
Date: 03-27-2009, 00:37 AM
Parent: #7
Quote: الذي يحير في هذا المنيبر ان محمد الامين لا يجيد شيئا غير التشكيك في سودانية او عدم سودانية الاخرين...من اهل دارفور...
شخصيا قد تعرفت علي فاطمه هارون في احدي المؤتمرات و كانت نموذجا للانسانه المثابره في كل المحافل و لاجل انسان دارفور...
التحيه لها اين ما كانت |
اخوي محجوب عبد الله
شهادة اضافية اخري في هذا الزمن الصعب و كانه لا يكفي الالام و الجروح التي تمشي بها الميرم فيضاف اليها نكران و رمي شبهة ان هذه الجراح التي تنزف دمأ قانيأ ليست دماءها ..
|
Post: #8
Title: فاطمة هارون
Author: Mahjob Abdalla
Date: 03-26-2009, 11:43 PM
Parent: #1
في البوست المعني...
تري هؤلاء القوم تدافقوا كالجراد فرحا بأكتشاف شخص غير سوداني يقوم بعمل ما تجاه اهل دارفور السودانيين ...
السؤال الذي يتبادر الي الذهن ... لماذا تترك هذه المرأة الغير سودانيه كل همومها لتساعد اهل السودان؟
|
Post: #9
Title: Re: فاطمة هارون
Author: حواء سليمان ابراهيم
Date: 03-26-2009, 11:53 PM
Parent: #8
Quote: في البوست المعني...
تري هؤلاء القوم تدافقوا كالجراد فرحا بأكتشاف شخص غير سوداني يقوم بعمل ما تجاه اهل دارفور السودانيين .. |
واظرف حاجة اخونا بريمة جا ناطى أم صلبونج
وهو يزغرط فرحان بالاكتشاف العظيم دا
عالم فاضية بشكل مبالغ
|
Post: #15
Title: Re: فاطمة هارون
Author: محمدين محمد اسحق
Date: 03-27-2009, 00:47 AM
Parent: #9
Quote: واظرف حاجة اخونا بريمة جا ناطى أم صلبونج
وهو يزغرط فرحان بالاكتشاف العظيم دا
عالم فاضية بشكل مبالغ |
اختي العزيزة حواء ابراهيم سليمان ..ليك التحية و القومة
اختنافاطمة هارون نموذج مصادم لتلك المرأة الدارفورية و التي مثلما ذكر الاخ محجوب تركت اسرتها لتجول حاملة صوت مقبولة و حواء حجام و كبري و زهرة و عشة ..
حقيقة اخواتي ليكم كلكم تحية ..يوم حريتنا قرب و بان و اليوم داك ما حننسي انو انتو كنتو في المقدمة
|
Post: #10
Title: Re: فاطمة هارون
Author: محمدين محمد اسحق
Date: 03-26-2009, 11:59 PM
Parent: #8
Quote: افي تكرنق كندي...
محمدين يا قريبي ... مسالة رفض الانتماء للسودان مسأله غير مستحبه علي الاطلاق ...لا اعرف لماذا يلجأ الاخرون لهذا الخيار...
|
اخوي الحبيب السنوسي بدر
آفيا طيبين
و في النقطة التي ذكرتها تكمن فيها عقلية انكار الاخر و محاولة اقصاءه وهي تدل علي نهاية الفكرة و انعدام الحجة لمن يلجأ اليها ..
|
Post: #16
Title: Re: فاطمة هارون
Author: خالد العبيد
Date: 03-27-2009, 00:55 AM
Parent: #10
محمدين يا صديقي الاول
تحياتي
تحية لاختي فاطمة
فهي فخر لنا جميعأ
ارقدو عافية
مودتي
|
Post: #17
Title: Re: فاطمة هارون
Author: Mohamed Suleiman
Date: 03-27-2009, 01:25 AM
Parent: #16
الأخ العزيز محمدين محمد إسحق
لك التحية و الإحترام
هناك البعض لا يحتاج الي رد ....
محمد الأمين محمد من حيث يدري أو لا يدري أثبت أصالة و سودانية أختنا العزيزة فاطمة هارون حين أنكر عليها سودانيتها ....
لماذا لا يهاجم محمد الأمين أولئك الذين أتي بهم موسي هلال من النيجر و منحهم صلاح قوش الجنسية السودانية و أسبغ عليهم عبدالرحيم محمد حسين الرتب العسكرية في قوات حرس الحدود و كافأهم البشير بالحوافز لحرقهم القري في نيرتتي ( قرية فاطنة) ؟؟؟
إنه لا يهاجمهم لأن أولئك جنجويد مرتزقة قدموا من وراء الحدود و إقتلعوا مواطنين دارفوريين سودانيين من أراضيهم ..... الآن محمد الأمين محمد تضيق برئيسه البشير الأرض بما رحبت .. و يقطع الفيافي و الأجواء هربا من الحساب و السؤال الذي ينتظره في لاهاي: كيف أنكرتم علي أصحاب الأرض الإنتماء الي تراب السودان فأوعزتم للشذاذ الأفاق بطردهم من ديارهم بتهمة أنهم ( ما سودانيين) ...
محمد الأمين محمد المستلب لا يدري أنه هو سيأتيه الدور ... كما قال أحدهم لأحد أقرباء محمد الأمين محمد بعد أحداث 10 مايو 2008 في التحقيق: ما تقول لي رزيقي و لّ زغاوي .. غرّابة كلكم واحد ..
نحن من نسأل يا محمد الأمين محمد: هل من إستقدموا من خلف الحدود .. من نيجر و مالي و الكمرون و ملكوهم أرض جبل مرّة و وادي صالح ... هل هؤلاء سودانيين ؟؟!!
التحية لفاطنة هارون التي في سبيل دارفور ينالها رذاذ الساقطون ضحايا الإستلاب من أمثال محمد الأمين محمد و بريمة ...
ء
|
Post: #18
Title: Re: فاطمة هارون
Author: Egbal Elmardi
Date: 03-27-2009, 01:30 AM
Parent: #16
الاخ محمدين والمتداخلين
تحياتى
الجنسيه البقوا يوزعوها زى صكوك الغفران دى ما عارفه حكايتها شنو؟؟؟
أنا ما بعرف الاخت فاطمه هارون من زمان...لكن فى خلال العشره سنوات أو يزيد... العرفتها فيها
كانت الأخت فاطمه رمز للإنسانه المهمومه بقضايا الوطن...ومدافعه عن القضيه الدارفوريه بكل شجاعه
وذات حضور دائم فى كل حدث يخص دارفور أو السودان...رغم مشاغل كسب العيش..ومسؤلية الاطفال
فهى ام عامله وزوجه..ورغماً عن ذلك لم تقعدها هذه المسئوليات عن واجباتها تجاه قضايا الوطن...
لماذا تتكبد تلك المشاق من أجل وطن لاتنتمى إليه؟؟؟
وإن فعلت هذا من أجل سوداننا فلها الجنسيه عن جداره واستحقاق...
إقبال / فلادلفيا
|
Post: #19
Title: Re: فاطمة هارون
Author: Sabri Elshareef
Date: 03-27-2009, 01:41 AM
Parent: #18
الاخت فاطمة هارون وهي التي تناضل من اجل اهلها ووطنها عملها
ضاق اهل النظام التعيس بنشاطها وهي شعله من النشاط من اجل الانسان وحقوقه
وفخر للمراة السودانية معها اسرتها لي عظيم الشرف بان اعرف اناس من العفة والاخلاق والنشاط من اجل اعلاء كلمة
الحق والعمل من اجل القضية الدارفورية بدون انقطاع لنصرة اهلها الضحايا والمشردين \ات
وما يريده اهل نظام الفساد في النيل منها مجرد احاديث غير مجديه وسوف تدفعها للعمل اكثر ضد المرجفين
من اهل الجبهة الغير اخلاقية التي اغتصبت الوطن واغتالت اهله وشردت الاخر
ومعا من اجل مواصلة العمل علي فضح هذه العصابه
|
Post: #20
Title: Re: فاطمة هارون
Author: الفاتح ميرغني
Date: 03-27-2009, 03:32 AM
Parent: #19
التحية لها ولكل من ناضل من اجل دارفور والمهمشين اينما كانوا في هذا الزمن الردي
شكرا استاذ محمدين
|
Post: #21
Title: Re: فاطمة هارون
Author: سيف اليزل جعفر عبد الرحمن
Date: 03-27-2009, 03:44 AM
Parent: #20
| Quote: التحية لها ولكل من ناضل من اجل دارفور والمهمشين اينما كانوا في هذا الزمن الردي |
؟؟؟؟؟؟؟؟؟؟؟؟؟؟
شلولخ
|
Post: #22
Title: Re: فاطمة هارون
Author: doma
Date: 03-27-2009, 06:39 AM
Parent: #21
Quote: الجنسيه البقوا يوزعوها زى صكوك الغفران دى ما عارفه حكايتها شنو؟؟؟
أنا ما بعرف الاخت فاطمه هارون من زمان...لكن فى خلال العشره سنوات أو يزيد... العرفتها فيها
كانت الأخت فاطمه رمز للإنسانه المهمومه بقضايا الوطن...ومدافعه عن القضيه الدارفوريه بكل شجاعه
وذات حضور دائم فى كل حدث يخص دارفور أو السودان...رغم مشاغل كسب العيش..ومسؤلية الاطفال
فهى ام عامله وزوجه..ورغماً عن ذلك لم تقعدها هذه المسئوليات عن واجباتها تجاه قضايا الوطن...
لماذا تتكبد تلك المشاق من أجل وطن لاتنتمى إليه؟؟؟
وإن فعلت هذا من أجل سوداننا فلها الجنسيه عن جداره واستحقاق... |
شكرا اقبال المرضي والتحيه لفاطمه السودانيه
وتحايا خاصه للاحباء خالد كودي ومحمدين
|
Post: #23
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: هشام مدنى
Date: 03-27-2009, 07:07 AM
Parent: #1
| Quote: محمدين يا قريبي ... مسالة رفض الانتماء للسودان مسأله غير مستحبه علي الاطلاق ...لا اعرف لماذا يلجأ الاخرون لهذا الخيار... |
محمد الامين رجل مسكين !!!!!
العزيز الاخ محمدين...لك التحيه والتقدير والاحترام
|
Post: #24
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: مجاهد عبدالله
Date: 03-27-2009, 07:18 AM
Parent: #23
ليس مستبعداً أن يلجأ أعوان النظام لرمي الناس بتلك الفرية ولكن لن يستطيعوا أن يهربوا بفعلتهم ..
|
Post: #25
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: saif massad ali
Date: 03-27-2009, 07:40 AM
Parent: #24
سلام
محمدين وضيوفه
الزول ده حمي القرار طلعت ليهو في راسو
|
Post: #26
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: د. بشار صقر
Date: 03-27-2009, 08:44 AM
Parent: #25
فاطمة هارون تلك القامة الشامخة المنافحة
عزيزي محمدين
أخونا م. الامين ده زول ودر درب
وبقى يهلوس بأي حاجة يعتقد انو يرفع اسهمو لدي النظام
ياخي الاستلاب ده شين خلاص
تلقى الواحد يبيع أهلو و يتودد لجلادو!
التحية لفاطمة
والتحية لك يا محمدين
|
Post: #27
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: Biraima M Adam
Date: 03-27-2009, 11:10 AM
Parent: #26
بت أبا حواء
سلامات ..
Quote: واظرف حاجة اخونا بريمة جا ناطى أم صلبونج
وهو يزغرط فرحان بالاكتشاف العظيم دا
عالم فاضية بشكل مبالغ |
الحمدالله أخونا محمدين أجلى الحقيقة ..
وأعجبنى جداً أعرف أن الحبيب محمدين يعرف (يرطن) بلغة الفور ..
من قبل قال دريج ذات مرة فى ندوة "إننى مازلت أتحدث لغة الفور"، مشيت لدريج بعد الندوة وسلمت عليه وقلت عمو دريج .. أنا مازلت أتحدث لغة الأستنطاء الجهينية .. التى يتحدثها البقارة.
أثبات الذات مهم فى هذه المرحلة .. لا تنسوا تراثنا الثقافى .. وتعدده هو قوتنا .. وأنا مع أخوى محمدين رطانى حتى الثمالة.
وأنا أثمن نضالات أبناء الفور فى مجملها ونضالات أبناء دارفور .. إلا الذين يحشروا قضيتهم تحت أقدام اليهود .. دييل أنا لن أتركهم أبداً .. و(أتناولهم) بعكاز (فوق) الحجاز... وأرجوكم أن تفهمونى فى هذه النقطة.
فاطنه هارون حاشره نفسها فى محلة تسبب لى مغص .. وعشان كده أىّ فرصه ألقاها فيها أنجرها نجر؛ نجر النجار ما بسوى فى الخشب.
تحياتى لكم جميعاً
بريمة
|
Post: #29
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: أحمد طراوه
Date: 03-27-2009, 11:31 AM
مالك عليها يا بريمة يا أخي
http://www.youtube.com/watch?v=rSzlWuLX-uw&feature=related
دي من شكلها و طريقة كلاما و اضح عليها (حفية و صفية)
إنت ما سمعت ب (خُدرة الورتاب) .. دي ما ياها ذاتا خدرة الورتاب سمحة دارفور
.. شكرا لجدها سليمان سولونج الذى منح و افدي عرب جهينة و ربيعة إقامة
دايمة في السودان
|
Post: #30
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: Biraima M Adam
Date: 03-27-2009, 01:21 PM
Parent: #29
الدكتور طراوه
وين أنت يا حبيب .. ياأخى نحن ربونا على أىّ شيئ إلا الجماعة .. أحفاد شلوم!
فاطنه هارون سليلة جدنا العربى سلونج .. البخليها تحشر نفسها فى المحلة دى شنو؟
أنا متأكد أمثال فاطنة يتم إستدراجهم ..
بريمة
|
Post: #31
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: Elsanosi Badr
Date: 03-27-2009, 02:10 PM
Parent: #30
| Quote: لماذا لا يهاجم محمد الأمين أولئك الذين أتي بهم موسي هلال من النيجر و منحهم صلاح قوش الجنسية السودانية و أسبغ عليهم عبدالرحيم محمد حسين الرتب العسكرية في قوات حرس الحدود و كافأهم البشير بالحوافز لحرقهم القري في نيرتتي ( قرية فاطنة) ؟؟؟ |
ما هو الفرق بينك وبين محمد الامين يا محمد سليمان... تعابير انت ما سوداني وداك ما سوداني لا تخدم غرض البته... اقعدوا كوركو ده سوداني وده ما سوداني والتانين بيعملو تنميه في بلدهم ويضربوكم ببعض ... واحد ورا التاني ..الليله انت وبكره محمد الامين... ودشليون سنه نقعد (نقطع) في بعض ... ايوا يا محمد انت زغاوي والسنوسي عربي ومحمدين فوراوي وانور تنجراوي... دي حاجات اتولدنا بيها وهويه ما عندنا فيها يد...لكن المفاهيم يجب ان تتغير... لو فينا مجرمين وكتالين كتله يجب ان يتحاكمو حتي لو كانوا ابواتنا ... ح تستفيد شنو لو طلعت السنوسي ما سوداني او فاطمه ما سودانيه او محمدين ما سوداني ...زي ما نحنا ضد خطاب محمد الامين بنفس القدر ضد خطابك البيروج لقبائل وافده ...
خليني احكي ليك قصه واقعيه...
حاكم سابق دارفوري زارني في منزلي في بريطانيا قبل احداث دارفور الاخيره ولم يكن يعرف خلفيتي الاثنيه لانها لم تكن مهمه بالنسبة لي وتحدثنا عن قضايا التنميه في دارفور انذاك ... كان الرجل لا يتحدث عن التنميه بل تحدث عن قبائل وافده من خارج الحدود ...واكثر من هذا الحديث واسهب وسمي قبائل وافخاذ بعينها... وحاولت جاهدا ان احصر النقاش حول التنميه وضرورته لكل الناس هناك ... ولكن الرجل مصر...فقلت له هل تعرف دارفور جيدا ... قال نعم ..قلت سمي لي مناطق معينه في شمال دارفور مثلا قبل العوينات او النخيل او وادي راهب والعطرون فلم يجب الرجل... وكان جاهلا ببلده ...مما اضطرني لكشف هويتي الاثنيه التي كان يدعي انها اتت من خارج الحدود... فاعتذر الرجل ... شرحت له بان المساله لها عوامل مناخيه واقتصاديه ومتعلقه بالتنميه ادت لنزوح اخرين من داخل الحدود لديار اخرين ...
المشكله يا محمد اخوي انو نحنا كمثقفين ما بنعرف بعض ...خليك من الناس الساي ...ودي الازمه ذاتها... بنمسك لينا في عظم ونتشاكل فيهو وتانين خامنها كلها....
|
Post: #34
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: ذواليد سليمان مصطفى
Date: 03-27-2009, 02:50 PM
Parent: #31
صبر
تولى جمايلا
افى جم
جل نكو
|
Post: #33
Title: Re: الناشطة الدارفورية الميرم فاطمة هارون سودانية أصيلة من جبل مرة ..
Author: Egbal Elmardi
Date: 03-27-2009, 02:26 PM
Parent: #30
يا أخ بريمه
إزيك أولاً بالتبادى
ثانياً, سويت حكاية الجا يكحلها عماها... بعد ثبت ليك إنها فاطمه هارون سودانيه أصيله..
جيت شايل إعتزارك الخجلان...ماسكه زى جنيه البخيل..داير يفكه..وغالبه يفكه...
مالك طابزها..وعايز تحرم فاطمه من القدره على القدره على التحليل وإتخاذ القرار بنفسها...
(( أنا متأكد أمثال فاطمه يتم إستدراجهم...))
ليه متأكد إنه( أمثالها)!!!!!!!!!؟؟؟
فاطمه إنسانه واعيه وقادره على إتخاذ قرار ألإنحياز لشعبها بنفسها...وما محتاجه لأى إنسان
يديها صك غفران تانى يثبت بيه أهليتها لإتخاذ أى قرار...!!!
|
Post: #35
Title: Fatima Harun
Author: nada ali
Date: 03-27-2009, 04:26 PM
Parent: #1
Dear Mohamadein Mohamed Isaac,
Fatima Harun ,
"ظلت و ستظل صوتأ قويأيعبر بصدق عن مأساة أهل دارفور
فتحية لك اختي فاطمة ..
انت فخر لنا جميعأ .."
best regards
nada
|
Post: #36
Title: Re: Fatima Harun
Author: Biraima M Adam
Date: 03-27-2009, 05:22 PM
Parent: #35
إقبال
سلامات ..
| Quote: ثانياً, سويت حكاية الجا يكحلها عماها |
كحل شنو مع فاطمة .. أنا عاميها معها على طول.
فاطمة حرام تكون ميرم من الميارم اللائى حكى عنهن التأريخ.
هنا يا أقبال أحسن وصف أنو النار تلد الرماد.
معقول حفيدة السلطان سولونج تقعد تبارى حفيدات شالوم!!
بريمة
|
Post: #37
Title: Re: Fatima Harun
Author: أحمد طراوه
Date: 03-27-2009, 10:45 PM
Parent: #36
.. تحياتي مجددا يا بريمة،
.. و الحمد لله إنك الان مقتنع بإنو فاطنة سودانية
ارضا و ميلادا و تاريخا .. و إنها ضمن شعوب السودان الأصيلة - القديمة
بحكم إنها جاية من كيانات الكيرا و الداجو الجابت سلطنة دارفور
ناس : سولونج و تيراب و الفضل و الرشيد
* طبعا سولونج ما كان عربي (صر)، كان نتاج تلاقح .. و انت برضك يا بريمة ماك عربي (صر ) ،
.. الصحيح إنو انا و إنت و كل حملة
لطعات جينوم ( يعرب و أدد و قحطان ) بنظل سيناريو لاحق لتمازج عربي
افريقي .. عليه من اليوم انت تبقى (آفرو - عرب) زينا كدا .. صدقنى دي اجمل
" لكن المؤكد إنو فاطمة هارون هي صاحبة حق اكثر مننا .. فانا ما عارف إنت الدخلك
شنو في الصراع السياسي - الايدلوجي السا عي لنزع سودانيتا اللي اصلا ما عاوزة
إثبات "
دار فور ، كردفان، جنوب كردفان، النوبا العليا .. مسرح شاهد على سلاسة الحِراك الانثربولوجي
للتلاقح الافرو - عروبي .. و هنا بكمن جمال و قوة الخطاب ( البسيط - المُجلجل ) بتاع فاطنة
هارون و بقية نشطاء دارفور : بالاصل هم ما ناكرين اثر الجين و الثقافة العربية .. لكن
بظل سؤالم كالاتي : طالما نحنا فينا العروبة و الاسلام، ليه الحكومة الإسلامية - العربية
بتاعت الخرطوم بتعمل فينا كدا
.. و طالما إنو تماثل الدين و العِرق ما بمنعوا القتل و االإستباحة، فببقى كل يهودي
مستنير و مسلم مستنير و مسيحي مستنير على خط الإنسانية و رافض للقتل
حيوحدوا نشاطم، و ببدو يفكروا في اصل الدوافع الإقتصادية - السياسية و الايدلوجية
للمحارق البشرية .. خاصة في بلاد زي امريكا ما فيها حواجز دينية و عرقية ، او
كلام على شاكلة اهلنا حذرونا من اليهود و ناس القرضاوي قالوا لينا
* بعدين يا بريمة نفرض إنها لاقت يهود امريكان في البلد الزي (لحم الراس) دي ، و إتفقوا
معاها ( بمنطلق رسالة اليهودية، و الاسلام، و المسيحية ) بأنو الإبادة البشرية محرمة
و العدالة الجنائية واجبة .. فما هي المشكلة ؟ عاوزا تسيب اصل الموضوع الحقوقي - السياسي
و تقعد تقول ليهم : انا حذروني من متابعة اليهود في بلاد الغربة و المهاجر ؟ !
.. بعدين يا بريمة، لا تنسى إنو امير المسلمين جعفر نميرى، و الذى بايعته الحركة الإسلامية
على المنشط و المكره .. كان مصاحب ناس ديفيد
كمحي بغرض ترحيل الفلاشا ( الترحيل مدفوع الاجر ) !
إذن المشكلة ما اليهودية كديانة بحد ذاتا .. المشكلة لمن اليهودية و الإسلام يتم توظيفم
في نزع الارض و تركيز الثروة في يد (غير اصحاب الحق ) و عبر القتل و الإستباحة
و إنتهاكات حقوق الإنسان ..
.. يعني لو لاقيت اولاد شالوم يا بريمة، طول بالك معاهم شوية .. شوف كلامهم شنو .. و بلاش
تتلخبط و تدخل في امر الله طوالي كدا، و تحرجنا مع الأجانب .. قواسيب مودتي يا آفرو - عرب
|
Post: #39
Title: Re: Fatima Harun
Author: Biraima M Adam
Date: 03-28-2009, 04:10 AM
Parent: #37
الأخ دكتور طراوه
تحياتى ..
نأتى من أخر نقطة .. أنا ليس ناكر إننى آفرو-عرب، قلت ومازلت أقول جدتى لوالدتى تنحدر
جذورها من نوبة الجبال .. من قبيلة أصلها نوبية .. وجدتى تربيت فى حضنها حتى كبرت .. كغير
بقية أخوتى .. أنا ود حبوبات وسافرت معها إلى حيث أهل والدتها .. أها الناس الشابكنى عربى-عربى
بلا وعى .. أها فاطمه هارون دم عروبتها بتاعت الفور أكثر من دم العروبة فينا الحوازمة بحسب
الدراسات الجينية لهذه المجموعات ..
الشعب السودانى ما ياهو البغل ذاتو، أبن حصان وحمار .. (مع أعتذارى لحمار دى) فهو لا يمكن أن يكون إلا بغلاً .. وأنتم عايزين تجروه ناحية معينة .. لا يمكن، لانه أكتسب خصائصه نتيجة خليط من خصائص الأبوين ..
وهذا هو مشروع سودان المستقبل .. السودانوية!
نرجع ونقول أن هذا الهجين السودانى ثقافتة عربية وموروثه الشعبى إسلامى .. وبالتالى خصائص العروبة
فيه هى المؤثرة .. وغالب الشيئ هو ما يحدد خصائصه .. ولا ككيف؟ إذن فاطمه موروثهاً وثقافتها عربية ..
ووراثياً هجين مما يعنى حسب فهمى عربية أكثر من أفريقية ..
نعود إلى حكاية أصلها أفريقى من جانب أخر .. وأنا أقول أصلها عربى .. لأن الفور أنحدروا من مملكة التنجر ..
والتنجر حسب الروايات هم فى الأساس عرب هاجروا إلى أفريقيا قبل الأسلام ويقال أنهم عرب وثنيين،
ثم دخلوا الأسلام، وتحولوا بفعل التماذج إلى أشبه بالأفارقة ..
أطلع على هذا البوست لترى ظهور نموذج جديد لنج فى أقل من 500 سنة .. كيف تحول من العروبة إلى الأفريقية
أو العكس .. حسب فى أيهما طرف تقف!
ِAlert :- إلى منظمات حقوق الأنسان: قبيلة الشوابنه فى جن...ن تواجه خطر الأبادة
نعود إلى مسألة دخول أحفاد شالوم وأستلامهم للقضية .. أولاً يا دكتور من لحظة التفكير للسماح لأحفاد
شالوم هم خلاص أستلموا الموضوع .. إذا نظرت للحملات الأنتخابية، هناك عبارات صريحة لا نقبل دعم مادى
من المؤسسات الدينية .. يعنى يا أحفاد شالوم execuse yourself وإلا تعالونا غير الصبغة الدينية
إن كنتم تؤمنون بعدالة قضيتنا .. لكن فاطمه هارون وعبدالواحد لو لبسوهم طاقية اليهود يلبسوها!!
كما إننى أختلف معك أختلاف جذرى فى حكاية أصحاب الحق وغير أصحاب الحق .. مادام الواحد سودانى، فهو
صاحب حق غير منقوص ..
تحياتى
بريمة
|
Post: #38
Title: Re: Fatima Harun
Author: محمدين محمد اسحق
Date: 03-27-2009, 10:48 PM
Parent: #36
الاخوة الاعزاء/ات العزيزات
خالد العبيد
Mohamed Suleiman
اقبال المرضي
Sabri Elshareef
الفاتح ميرغني
doma
هشام مدنى
مجاهد عبدالله
saif massad ali
د. بشار صقر
بريمة محمد بريمة
احمد طراوة
ذواليد سليمان مصطفى
د.ندي علي
لكم التحية و التقدير جميعأ ..
و الي ان اعود للتعقيب مرة اخري ..اضع نبذة مختصرة عن الميرم فاطمة محمد هارون .
فاطمة محمد هارون
ولدت ونشأت في دارفور في مدينة نيرتيتي بجبل مرة .
تنتمي الي أسرة العمدة سيف الدين بابكر ، وهو أحد أبرز زعماء قبيلة الفور في
منطقة جبل جبل مرة ،و الذي عرف عنه الصدق و الامانة .
درست المرحلة الثانوية بمدرسة الفاشر الثانوية للبنات .
تخرجت من جامعة الخرطوم .
عملت في مجال تنمية المرأة في مشروع جبل مرة.
تزوجت من احد ابناء دارفور العظماء المعلم عمار جلاب معلم الاجيال ..
عملا معأ في مجال التدريس و التعليم في كل من السودان و السعودية .
حضرا الي الولايات المتحدة في منتصف التسعينيات
فاطمة هارون ام ل7 اطفال .
و قد ظلت فاطمة هارون و لفترة طويلة مدافعة عن حقوق الانسان
و ذلك من قبل ان تنشأ ازمة دارفور الحالية .
و تعتبر فاطمة هارون واحدة من اكثر النساء اللائي كرسنّ وقتهنّ
لاستعادة حقوق و كرامة انسان دارفور و المهمشين في كل انحاء السودان .
|
|