Post: #1
Title: سيدي الرئيس نريدها ( فرة ) داخلية ...
Author: ود الباوقة
Date: 03-26-2009, 10:17 PM
Parent: #0
بعد ان استمتعنا واستمتع معنا كل شرفاء العالم بالجولات الماكوكية الخطافية للسيد رئيس الجمهورية اطال الله عمره . بعد ان نزلت كل هذه الجولات الخاطفة بردا وسلاما علينا جميعا وعلى اعداء السودان حمما بركانية ووهجا محرقا بعد كل هـــــــذا نريد سيدي الرئيس ( فرة ) داخلية تروي ظما هذا الشعب الابي التائق الى لقاء فخامتكم ....
وفقكم الله وسدد خطاكم وحفظكم من كل سوء ...
|
Post: #2
Title: Re: سيدي الرئيس نريدها ( فرة ) داخلية ...
Author: عبدالكريم الامين احمد
Date: 03-26-2009, 10:22 PM
Parent: #1
شنو يا ود الباوقة
ما بدري ياخليفة..!!!
ولسع ياخي منتظرين فرات وفرات حتي ارض الفرات نريد للطائر الميمون ان يرفرف فوق رشيدها..
وبعدين بالله متعونا بفرة فرتين كده اروبيات
حتي يرعوي اوكمابو ومن لف لفه من الرعاديد الخونة ماسحي جوخ الامبريالية الماسونية الصهيونية
القاصفة للاراضي السودان الطاهرة..وحكومتها ذات الفرات والفرفرة عاملة نيام نيام..
|
Post: #3
Title: Re: سيدي الرئيس نريدها ( فرة ) داخلية ...
Author: Deng
Date: 03-27-2009, 09:49 AM
Parent: #2
مسيلمة الانقاذ.
نحنا قلنا هسع الريس ح يتحمس ويجي يزورنا في نيويورك ولا واشنطن؟
ولا أنت داير تقول للريس كفاك خارجيا لأن الجماعة لابدين لك
دينق.
|
Post: #4
Title: Re: سيدي الرئيس نريدها ( فرة ) داخلية ...
Author: كمال سالم
Date: 03-27-2009, 11:14 AM
Parent: #3
كلام جميل ياود الباوقه ,, فليبدأها بزيارة
موقع القصف الجوى بشرق السودان والترحم على
أرواح ( الفطائس ) من أبناء السودان الذين
إستشهدوا بسبب تلك الغارات الجويه , ويواسى
ذويهم ,, ويعلن لنا من هناك الرد الرد الرد ,,
|
Post: #5
Title: Re: سيدي الرئيس نريدها ( فرة ) داخلية ...
Author: Deng
Date: 03-27-2009, 11:53 AM
Parent: #4
| Quote: بعد كل هـــــــذا نريد سيدي الرئيس ( فرة ) داخلية |
يا مسيلمة.
أصلوا الرئيس ده راكب عجلة إيجار؟
فرة تانية قال.
دينق.
|
Post: #6
Title: Re: سيدي الرئيس نريدها ( فرة ) داخلية ...
Author: Elmosley
Date: 03-27-2009, 12:08 PM
Parent: #1
جلدت الحكومة الفنان محمود عبد العزيز فسكت لانه مغلوب علي امره
وجلدت طائرات اسرائيلية قوافل في شرق السودان
فسكتت الحكومة السودانية الي ان افتضح امرها
بينما زميلنا ود الباوقه يقول لهم
وفقكم الله وسدد خطاكم وحفظكم من كل سوء !!!!!
الباوقه هي منطقة اجمل الفواكه السودانية
حفظها الله من كل سوء
تحياتي
|
Post: #7
Title: Re: سيدي الرئيس نريدها ( فرة ) داخلية ...
Author: اسماعيل عمر ابراهيم
Date: 03-27-2009, 02:21 PM
Parent: #6
| Quote: بعد ان نزلت كل هذه الجولات الخاطفة بردا وسلاما علينا جميعا وعلى اعداء السودان حمما بركانية ووهجا محرقا |
بعد كل هذه الجولات لازالت ..... حلايب محتلة !!!!!!!!!!!!!!!
بعد كل هذه الجولات لازالت ...... الفشقة محتلة!!!!!!!!!!!!!
بعد كل هذه الجولات لازالت ...... آلمي محتلة !!!!!!!!!!!!!!
و نظرآ بأنكم فى قمة السعادة التى نزلت عليكم بردآ و سلامآ بسبب جولات "بشكيركم " المفدى
فأنني سأحجب بقية القائمة و التى تحل " فقط " بعض المواضيع " الغير " هامة لك او لسيادته مثل
الشهداء ببورتسودان و كجبار و دارفور.....
|
Post: #8
Title: Re: سيدي الرئيس نريدها ( فرة ) داخلية ...
Author: azhary taha
Date: 03-27-2009, 03:08 PM
Parent: #7
وهنا الهتاف الحقيقي من اجل وطن تنتهك حرماته مش من اجل سد...
الرد الرد
اذا خرج الكيزان يهتفون الرد الرد لحماية هبلهم اليس من الوطنية والواجب ان يخرجوا اليوم والوطن تنتهك حرماته ويموت ابناؤه???/
عن اي وطنية يتحدث الكيزان???
|
Post: #9
Title: Re: سيدي الرئيس نريدها ( فرة ) داخلية ...
Author: صديق الموج
Date: 03-27-2009, 03:35 PM
Parent: #8
ود الباوقه كيف حالك
لو متذكر نسوان السودان عندهن توب بسموه توب الجيران
ممكن ينزلوه من الحبل وبدون مكوة بلفحنوا ساكت ويمرقن
لكن المرقات الرسميه بتجهزن ليها ...مش؟؟
هسه خلونا من مرقة الجيران دى وخلى الرئيس يزور اى دولة اوربيه..
قادر الله،،،،
|
Post: #10
Title: Re: سيدي الرئيس نريدها ( فرة ) داخلية ...
Author: saif massad ali
Date: 03-27-2009, 03:39 PM
Parent: #9
ود الباوقة
مكان قصف الطيارات الاسرائيلية خلي الريس يزورو بدل من الجري جاي جاي
|
Post: #11
Title: Re: سيدي الرئيس نريدها ( فرة ) داخلية ...
Author: Al-Shaygi
Date: 03-27-2009, 04:16 PM
Parent: #1
Quote:
( فرة ) داخلية تروي ظما هذا الشعب الابي التائق الى لقاء فخامتكم ....
|
ود الباوقة
جمعة مباركة
سمعت قصة بير المريدين؟؟؟
قالوا الأمم المتحدة عملت مهرجان لمعرفة شعبية الزعماء الأوحدون وقياس مدى حب شعوبهم لهم.
فحفروا أبار لكل زعيم أوحد بير،،،
قالوا كل زعيم يجيب مريديه ويخليهم يقعوا في البير المخصص له حباً وتضحية من أجله وبعد داك يقيسوا إمتلاء كل بير ويحددوا من هو أكثر شعبية في بلده...
كويس كدة.
قال ليك بشار الأسد واقف قدام البير والسوريين يتزاحموا ويهتفوا بالروح بالدم نفديك يا بشار وجملغ جوة البير
حسني مبارك واقف والصفوف تتوافد فلاحين وصعايدة ويهتفوا أحنا بتوعك يا ريس ومدافرة وعلى البير طوالي
القذافي نفس الشيء وكمان أفورقي...
زحام شديد على الوقوع في الأبار....
البير الفوقا علمنا حولها خلق وزول داير يقع مافي والحكاية طالت والزول يعرض ويشجع ويهتف،،، ومافي فايدة.
فجأة زول جملغ وقع في البير.....
هنا صاح الزعيم ألحقوا الزول ده أنقذوه وجيبوه يتمنى بس نديه كل الشيء الدايرة،،، ده فدائي ومخلص بجد...
المهم جروا وبالحبال مرقوا ليك الزول وأنعشوه من الغيبوبه الأصابته...
صاحبك أول ما صحى قام على حيله زعلااااااااااااان ويكورك ،،، ما داير أي شيء غير بس أعرف الدفرني ده منو؟؟؟؟؟
تعرف الحكاية دي كان حاضره الفريطيق والهريطيق دينق وقال لي في أضاني بالسر كده يعني ،،، تعرف يالشايقي الزول الدفروه ده طلع منو؟؟؟
قلت ليه أبداً ،،، ما أنت عارف أنا ما كنت معاكم يوم داك....
قال لي بيني وبينك كان زميلنا في البورد الإسمه ود الباوقه!!!!
لكن الدفرو منو يا دينق؟؟؟
قال لي دي بالذات ما بقوله ليك،، لأني عارفك ما بتحفظ السر ،،، وضحك ضحكة كدي ما ريحتني......
غايتو كان لاقاك دينق قريب من بير أوك تغفل....
...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
|
Post: #12
Title: Re: سيدي الرئيس نريدها ( فرة ) داخلية ...
Author: Deng
Date: 03-27-2009, 05:39 PM
Parent: #11
الفرة ود الباوقة.
تعال مارق لي برة.
الفرة التفرفر لك في فرفورك.
دينق.
|
Post: #13
Title: Re: سيدي الرئيس نريدها ( فرة ) داخلية ...
Author: الأمين عثمان صديق محمد
Date: 03-27-2009, 06:27 PM
Parent: #1
| Quote: سيدي الرئيس نريدها ( فرة ) داخلية |
غايتو لو فرتو حتكون زي قراصة قبيل ديك
ابشر بطول فراتو
|
Post: #14
Title: Re: سيدي الرئيس نريدها ( فرة ) داخلية ...
Author: Elsanosi Badr
Date: 03-27-2009, 06:40 PM
Parent: #13
ود الباوقه جمعه مباركه...| Quote: سيدي الرئيس نريدها ( فرة ) داخلية ... |
ياخي الصقر اللخطفك فررر ... قول امين...
الطيارات تصقع في بلدنا جاي وجاي ...سماك في البحر ما خلتو... وناس متشعلقين في اللواري ما خلتهم ... وانت شايل طارك تكورك في سيدك الريس عايزه فره جوانيه...ياخي الفره الترميك من الحمار قول يامين...
|
Post: #15
Title: Re: سيدي الرئيس نريدها ( فرة ) داخلية ...
Author: ود الباوقة
Date: 03-28-2009, 05:45 AM
Parent: #14
الاخوة الاعزاء..
ساتيكم بالردود حسب الاولوية ...
الفريطيق تابع معي ...
|
Post: #16
Title: Re: سيدي الرئيس نريدها ( فرة ) داخلية ...
Author: Alshafea Ibrahim
Date: 03-28-2009, 07:30 AM
Parent: #15
ودالباوقة :
تحياتي
بس فرة داخلية بعجلات .. يقوموا الجماعة يشوفوا الموكب وكثرة العربات يروح في شربة موية مثل ضحايا الشرق .. البلد برا وبحرا وجوا ملك خالص للغير لا لحكومتكم.. خلاص لا سيادة ولا رمزها .. نساءل الله التخفيف على المواطن الضعيف .
الشفيع
|
Post: #17
Title: Re: سيدي الرئيس نريدها ( فرة ) داخلية ...
Author: ود الباوقة
Date: 03-28-2009, 12:27 PM
Parent: #16
ساعود ان شاء الله ...
بعض الامور تحتاج لبعض المعالجات وبعض الوقت ...
انتظروني ...
|
Post: #18
Title: Re: سيدي الرئيس نريدها ( فرة ) داخلية ...
Author: Deng
Date: 03-28-2009, 12:59 PM
Parent: #17
الفرة.
شايفك فريت من البوست ده زي فرت الرئيس.
دينق
|
Post: #19
Title: Re: سيدي الرئيس نريدها ( فرة ) داخلية ...
Author: adam khatir
Date: 03-28-2009, 01:06 PM
Parent: #18
أخى ود الباوقة
سلامى ومودتى
صدقنى ما ترجوه هو بمثابة الصواعق على هؤلاء الأقزام
الريئس ان لم يفعل ما فعله الآن لن يصبح من قلوبنا بهذه المكانة
والله خير حافظا
|
Post: #20
Title: Re: سيدي الرئيس نريدها ( فرة ) داخلية ...
Author: محمد عمر الفكي
Date: 03-28-2009, 01:30 PM
Parent: #18
والله انت في الزمان الغلط والمكان الغلط، والله لو عاصرت ناس ابونواس وابي العتاهية والبحتري والمتنبي كانوا ماتوا من الجوع والا يمشوا يسكنوا في بلاط شارلمان او قصور اباطرة الصين، لكن في بلاط حاكم ناطق بالعربية لومك على اكان اكلوا معاك عيش. بس عايز اوصيك التلج دا لما يتطاير اوعى يخش ليك في عيونك ولا اقول ما مشكلة بعالجوك في روسيا وكسر كسر ولا يهمك.
ما عارفة قصة الفرة الداخلية دي ذكرتني قصة (الفيلة دايرا ليها رفيقة)
امانة ما ضعت يا غريبة.
|
|