Post: #1
Title: الفنان محمود عبدالعزيز يجلد حد الخمر فى مدينة الفاشر (توجد صورة للجلد!)
Author: Biraima M Adam
Date: 03-26-2009, 12:43 PM
نقلاً عن منبر مجاور ..
حزفت .. نتيجة لرغبة القراء ..
بريمة
|
Post: #2
Title: Re: الفنان محمود عبدالعزيز يجلد حد الخمر فى مدينة الفاشر (توجد صورة للجلد!)
Author: Rawia
Date: 03-26-2009, 12:46 PM
Parent: #1
يابريمة شيل الصورة دي
دا شنو دا
إنتو أصلكم من وين
اولا عامل فالح وجايب خبر وفرحان بيهو
الخبر قديم ونزل من كم يوم وماحاجة تفرح
|
Post: #3
Title: Re: الفنان محمود عبدالعزيز يجلد حد الخمر فى مدينة الفاشر (توجد صورة للجلد!)
Author: jini
Date: 03-26-2009, 12:46 PM
Parent: #1
أستروا من فى الأرض يستركم من فى السماء!
لقد فعلت انكر مما فعل محود والذين جلدوه!
انت فى امريكا ولا فى القصيم!
جنى
|
Post: #6
Title: Re: الفنان محمود عبدالعزيز يجلد حد الخمر فى مدينة الفاشر (توجد صورة للجلد!)
Author: عزام حسن فرح
Date: 03-26-2009, 12:50 PM
Parent: #3
المفروض الواحِد يزعل لامن [ يِحِدو ] أخو ... مُش يِفرح
|
Post: #19
Title: Re: الفنان محمود عبدالعزيز يجلد حد الخمر فى مدينة الفاشر (توجد صورة للجلد!)
Author: ASHRAF MUSTAFA
Date: 03-26-2009, 01:09 PM
Parent: #6
| Quote: المفروض الواحِد يزعل لامن [ يِحِدو ] أخو ... مُش يِفرح |
حتي البشير؟؟؟؟
|
Post: #7
Title: Re: الفنان محمود عبدالعزيز يجلد حد الخمر فى مدينة الفاشر (توجد صورة للجلد!)
Author: hassan bashir
Date: 03-26-2009, 12:51 PM
Parent: #3
فليستغل محمود هذه الصورة على ما فيها من آثار نفسية عميقة، ليفضح الممارسات الظالمة وكم الإذلال والإهانات والمعاناة التي يتعرض لها أبناء شعبنا من قوى الاحتلال التي جاءت لكي تدرأ عنا داء التسول، فأصبحت تتسول بنا وبسمعتنا
|
Post: #4
Title: Re: الفنان محمود عبدالعزيز يجلد حد الخمر فى مدينة الفاشر (توجد صورة للجلد!)
Author: صلاح أبودية
Date: 03-26-2009, 12:47 PM
Parent: #1
| Quote: نقلاً عن منبر مجاور .. |
مجاور هيتة بالهيتة ؟؟
ما قبيل كان فى بوست هنا عن الموضوع ده والناس طلبوا مسح الصورة ..
إنت أتاريك كنت بتاوق عند الجيران ولفحت الخبر وجيتنا جارى بيهو !!
أمسح الصورة وتانى مرة ما تمشى بهناك !!
|
Post: #5
Title: رجاء حذف الصوره
Author: بشير حسـن بشـير
Date: 03-26-2009, 12:48 PM
Parent: #1
رجاء خاص يا بريمه برجاء حذف الصوره ،،،، برجاء
|
Post: #8
Title: Re: رجاء حذف الصوره
Author: عزام حسن فرح
Date: 03-26-2009, 12:52 PM
Parent: #5
شُكراً الأخ بريمة ... كتر خيرك
|
Post: #9
Title: Re: رجاء حذف الصوره
Author: shahto
Date: 03-26-2009, 12:52 PM
Parent: #5
ولد ابوي عليك الله اجزفها
الزول .... من اهلنا كردفاني طب ...و ان لم بكن كردفاني ايضا احذفها لو سمحت
احزنتي كثيرا....
انهم قوم اذا سرق القوي منهم منحوه ترقية
|
Post: #12
Title: Re: رجاء حذف الصوره
Author: عزام حسن فرح
Date: 03-26-2009, 12:56 PM
Parent: #9
Quote: فليستغل محمود هذه الصورة على ما فيها من آثار نفسية عميقة، ليفضح
الممارسات الظالمة وكم الإذلال والإهانات التي يتعرض لها أبناء شعبن من قوى
الاحتلال التي جاءت لكي تدرأ عناداء التسول، فأصبحت تتسول بنا وبسمعتنا |
عاينو جِنِس ده ...
|
Post: #10
Title: Re: رجاء حذف الصوره
Author: ismeil abbas
Date: 03-26-2009, 12:53 PM
Parent: #5
اللهم لاشماته..
لايحق للمسلم ان يشمت فى أخيه المسلم...
شخص أخطأ ونال عقابه لماذا التشهير ..
وومكن يتوب ويكون أفضل منى ومنك...نسأل الله ان يتقبلنا برحمته ..
أخ/بريمة أرجو منك طلب سحب البوست كامل ..نسأل الله السماح...
إسماعيل محمد احمد عباس..
|
Post: #11
Title: Re: رجاء حذف الصوره
Author: Biraima M Adam
Date: 03-26-2009, 12:54 PM
Parent: #5
الأخ جنى
ملاحظة .. أنت تداخلت فى بوستاتى كل مرة تظهر مداخلتك بأسم غير أسمك
هذه المرة بأسم صلاح أبودية وقبلها بالأمس بأسم على تاج الدين
هل أنت جنى أو الناس الأسماء قاعدة فى المداخلة ..
بريمة
|
Post: #15
Title: Re: رجاء حذف الصوره
Author: hassan bashir
Date: 03-26-2009, 01:02 PM
Parent: #13
الأخ عزام
| Quote: عاينو جِنِس ده ... |
إذا كنت ترى أن عقوبة الجلد ممارسة غير ظالمة فلماذا لا تقل ذلك وتوضح حجتك أو احتجاجك بدلاً عن إبداء التعجب بعبارة تنضح بالسخرية والتهكم
|
Post: #14
Title: Re: رجاء حذف الصوره
Author: jini
Date: 03-26-2009, 01:00 PM
Parent: #11
Quote:
الأخ جنى
ملاحظة .. أنت تداخلت فى بوستاتى كل مرة تظهر مداخلتك بأسم غير أسمك
هذه المرة بأسم صلاح أبودية وقبلها بالأمس بأسم على تاج الدين
هل أنت جنى أو الناس الأسماء قاعدة فى المداخلة ..
|
يا بريمة أخوى اعمل حسابك ما تتلطش معلوماتك الشخصية!
انا جنى
|
Post: #16
Title: Re: رجاء حذف الصوره
Author: Biraima M Adam
Date: 03-26-2009, 01:04 PM
Parent: #14
أيوه كده أنت جنى .. فى المداخلة ..
وصلاح أبو ديه وعلى تاج الدين دخلوا فى أسمك من وين ..
المهم الهكر خالط الدنيا وما فيها ..
بريمة
|
Post: #18
Title: Re: رجاء حذف الصوره
Author: Biraima M Adam
Date: 03-26-2009, 01:07 PM
Parent: #16
| Quote: عاينو جِنِس ده ... |
أها .. ياهو الكلام ذاتو ..
الزول عارف قوانين البلد وجاء مخالف وبرضو يمشى يشتكى .. !!
بريمة
|
Post: #21
Title: Re: رجاء حذف الصوره
Author: عزام حسن فرح
Date: 03-26-2009, 01:16 PM
Parent: #14
حسن بشير ...
Quote: إذا كنت ترى أن عقوبة الجلد ممارسة غير ظالمة فلماذا لا تقل
ذلك وتوضح حجتك أو احتجاجك بدلاً عن إبداء التعجب بعبارة تنضح بالسخرية
والتهكم |
عقوبة شارِب الخمر هي الْجَلْدُ بِاتِّفَاقِ الْفُقَهَاءِ . لِما رواه مُسْلِمٍ ( 3281 )
عَنْ أَنَسٍ رضي الله عنه : أَنَّ النَّبِيَّ صلى الله عليه وسلم : { جَلَدَ فِي الْخَمْرِ بِالْجَرِيدِ
وَالنِّعَالِ } ... الزول سِكر وقبضو سكران وجلدو أها الهِتافات السويتا دي شنو
Quote: فليستغل محمود هذه الصورة على ما فيها من آثار نفسية عميقة، ليفضح
الممارسات الظالمة وكم الإذلال والإهانات والمعاناة التي يتعرض لها أبناء شعبنا
من قوى الاحتلال التي جاءت لكي تدرأ عنا داء التسول، فأصبحت تتسول بنا وبسمعتنا |
مُمكِن مِتِل ما قال أحد الأخوان المُتداخِلين هِنا أن الإعتِراض فقط ، ينصب في كَون
الحكومة تُقيم [ الحد ] على الضعيف وتترُك القوي ... لكِن تقوم تستهجن [ الحد ]
في رقبتو ... بتعجب وبتعجب وبتعجب ...
بِالله يا حسن بشير طالما الله أتاح لي فُرصة لِقاكُم أشرح لي حِته [ قوى الإحتِلال ] دي
معليش يا خوي الفهم مَقَسمْ ...
|
Post: #17
Title: ..
Author: مؤيد شريف
Date: 03-26-2009, 01:07 PM
Parent: #1
السُتره اناس !!
|
Post: #20
Title: Re: ..
Author: jini
Date: 03-26-2009, 01:15 PM
Parent: #17
سمحة بلحـــــــــــــــــــــــــــــــــــــــــــــــــــــــــيل
من نعم اللله على خلقه انهم لا يسمعون ما يقوله عنهم الآخرون!
والا لمشوا فى الشوارع وهم يكلمون أنفسهم!
اللهم استرنا واستر خلقك ولا تشمتن احدا فينا
جنى
|
Post: #24
Title: Re: ..
Author: hassan bashir
Date: 03-26-2009, 01:31 PM
Parent: #20
الأخ عزام
إدعاء محدودية الفهم مع إلقاء الكرة في ملعب الآخر برضه محاولة to belittle others
كدي في الأول إنت أشرح لي like I'm six-year old زي ما قال دينزل واشنطن: لماذا تعتقد بضرورة إزالة الصورة طالما تعتقد بعدالة العقوبة. ولكي أساير منطقك: الفهم قسم يا خوي: مش إنت مؤمن بتطبيق حدود الله. طيب مش الحدود دي مفروض تتطبق في العلن (وليشهد عذابهما طائفة من المؤمنين)؟ طيب معترض ليه على الصورة طالما أنها تؤدي أحد الأغراض التي من أجلها شرعت (بضم الشين وكسر وتشديد الراء) الحدود؟
واللا أقول ليك:
أنش الموضوع، حتى لا تشوف جنس دا
|
Post: #22
Title: Re: ..
Author: معاوية الأرباب
Date: 03-26-2009, 01:20 PM
Parent: #17
سؤال لأهل التأصيل:
ما مدي إتفاق ما قام به الأخ بريمه مع الأيه " .. وليشهد عذابهما طائفة من المؤمنين .."
هل تدعو الايه للتشهير ؟؟
|
Post: #23
Title: Re: ..
Author: عزام حسن فرح
Date: 03-26-2009, 01:28 PM
Parent: #22
ود الأرباب ...
Quote: ما مدي إتفاق ما قام به الأخ بريمه مع الأيه " ..
وليشهد عذابهما طائفة من المؤمنين .."
هل تدعو الايه للتشهير ؟؟ |
أعتقِد غَير جازِم ، أن الآية الكريمة تقصُد المؤمنين وقت
إقامة الحد ... فإذا قام مَن شهِد الحد وإغتاب المحدود
أثِم
|
Post: #25
Title: Re: ..
Author: Biraima M Adam
Date: 03-26-2009, 01:36 PM
Parent: #23
يا أخوانا .. أنا مع دولة إسلامية تقيم الحدود
وهذا هو مدخلى للبوست .. القصد ليس المسكين الذى وقع عليه العقاب
لكن للحقيقة الزول ركز .. كردفانى أصيل.
بريمة
|
Post: #29
Title: Re: ..
Author: shahto
Date: 03-26-2009, 01:52 PM
Parent: #25
ولد ابوي
انهم قوم اذا سرق القوي منهم منحوه ترقية
عجبتي هذه الكلمات . Quote:
لكن للحقيقة الزول ركز .. كردفانى أصيل.
|
...انت عارف اجوك اتجاه واحد
|
Post: #26
Title: Re: ..
Author: عزام حسن فرح
Date: 03-26-2009, 01:39 PM
Parent: #23
حسن بشير ...
Quote: كدي في الأول إنت أشرح لي like I'm six-year old
زي ما قال دينزل واشنطن |
في البِداية دينزل واشنطن قال : like I'm four-year old
ما قال : like I'm six-year old زي ما إنت كتبت بِالإنكِليزِية
أما بعد
إقامة الحدود في مكان عام بِشِهادة شِهود كتبتو في مُداخلتي
الفوق ...
|
Post: #28
Title: Re: ..
Author: عزام حسن فرح
Date: 03-26-2009, 01:47 PM
Parent: #26
حسن بشير ...
| Quote: to belittle others |
ليه يا خوي فِهِمتها كِده ؟ والله أبداً ما خطر لي على بالي
حاجة زي دي خالِص ...
أنصح بِمُراجعة طبيب
|
Post: #27
Title: ..
Author: مؤيد شريف
Date: 03-26-2009, 01:45 PM
Parent: #1
| Quote: لكن للحقيقة الزول ركز .. كردفانى أصيل. |
ولا فنان مشهور؟
أكاد اجزم ان الشرطي أو (الجلاد) تساهل في الجلد .. ما لانو كردفاني اصيل ,.. يمكن لانو فنان مشهور ...
سؤال الاخ الكريم مهم جدا حول مدى توافق الدعوة للستر والاية الكريمة الداعية لشهود جماعة من الناس ...
اوافقه ان الدعوة لحضور العقوبة لا تعني السعي بالحدث والتشهير به بعد انقضاء العقوبة والله اعلم ...
احتراماتي للمتداخلين جميعهم
|
Post: #30
Title: Re: ..
Author: Biraima M Adam
Date: 03-26-2009, 01:54 PM
Parent: #27
لا لأنه كردفانى .. الكردفانيون مشورين بالجلد.
ما بخافو منو
بريمة
|
Post: #31
Title: Re: ..
Author: عزام حسن فرح
Date: 03-26-2009, 01:58 PM
Parent: #27
حسن بشير ...
طَيِب حأشرح ليك كأنك في السادِسة مِن العُمر حسب طلبك ...
| Quote: لماذا تعتقد بضرورة إزالة الصورة طالما تعتقد بعدالة العقوبة. |
لأن ده إسمو [ تشهير ]
| Quote: مش إنت مؤمن بتطبيق حدود الله. |
طبعاً بس على الجميع القوي والضعيف
Quote: مش الحدود دي مفروض تتطبق في العلن (وليشهد عذابهما طائفة من
المؤمنين)؟ |
نعم تُطبق في العلن
Quote: طيب معترض ليه على الصورة طالما أنها تؤدي أحد الأغراض التي من
أجلها شرعت (بضم الشين وكسر وتشديد الراء) الحدود؟ |
بس العلن ده المعني بيهو وقت إقامة الحد
كِده كيف ... فِهمت ولا نخفِض السِن ؟
|
Post: #32
Title: Re: ..
Author: hassan bashir
Date: 03-26-2009, 02:41 PM
Parent: #31
طيب يا عزام، عشان نتجاوز نقطة دينزل
الراجل قال الجملة كذا مرة، وفي كل مرة بيغير العمر من 2 لي 4 لي 6 لي 8. أنا اخترت 6 وإنت أديتني 4. شكراً. يا أخي اعتذر أولاً عن الحدة وأغبطك على روحك الطيبة البعيدة عن الانفعال، ومع ذلك، فقد حاولت أن تسخر وتتهكم بافتراض أن العقوبات الحدية في السودان هي من المسلمات. وكان ممكن نواصل السيناريو المعتاد بأن أقول لك أن الكيزان يطبقون الحدود على الضعيف ويتركون الشريف، تقوم تقول لي أنا ما كوز، أقوم أقول ليك أحسن الكيزان، على الأقل هم واضحين في توجهاتهم، تقوم تقول لي إنت شيوعي، أقوم أقول ليك إنت كوز، ثم ندور في الحلقة المفرغة إياها.
سوف أعود مرة أخرى لأشرح لك "like you are a 40 year old" لماذا تلك الممارسات ظالمة، ولماذا هم قوى احتلال
|
Post: #33
Title: Re: ..
Author: خالد عبد الله محمود
Date: 03-26-2009, 03:42 PM
Parent: #32
| Quote: لكن للحقيقة الزول ركز .. كردفانى أصيل |
محمود عبد العزيز محسي و لا علاقة له بكردفان ... فقط للمعلومية
|
Post: #34
Title: Re: ..
Author: عزام حسن فرح
Date: 03-26-2009, 04:09 PM
Parent: #33
حسن بشير ...
Quote: تقوم تقول لي أنا ما كوز، أقوم أقول ليك أحسن الكيزان، على الأقل هم واضحين
في توجهاتهم، تقوم تقول لي إنت شيوعي، أقوم أقول ليك إنت كوز، ثم ندور في الحلقة
المفرغة إياها. |
يا خوي البِيرقُص ما بِغطي دِقنو ... لا بقول ليك ولا إنت سألتني وتَوجُهي هسِع ما موضوعنا ...
وما مفروض تصنِف المُتداخِلين معاك تصنيفات قاطِعا براك مِن راسك ... إنت بِتعرِفني مِن وين
أكان كوز ولا طَش ... نحنا بِنتكلم في نِقاط مُعَينة إنت بِتسأل وأنا بجاوِب وأنا بسأل وإنت
بِتجاوِب دايِر تقوم على التصنيفات إنت ما زولي تب ... وبعدين إنت قايِل الدين الإسلامي هيل
الكيزان ولا شنو ... البِقول الله قال والرسول فعل يبقى كوز !! والبِقول إتحِدوا يا عُمال
العالم يبقى شيوعي ... عجبي
|
Post: #35
Title: Re: ..
Author: keiga2000
Date: 03-26-2009, 04:51 PM
Parent: #34
| Quote: محمود عبد العزيز محسي و لا علاقة له بكردفان |
وانا بقول جعلي من جهة امه تقريبا ويسكنوا في المزادبحري وله علاقةبسناهير المتمه على حسب علميعند وفاة جدته لامه تقريبا
ابومصطفى
|
Post: #36
Title: Re: ..
Author: عزام حسن فرح
Date: 03-26-2009, 05:00 PM
Parent: #35
محسي مِن جهه [ السكر ]
جعلي كَونهُ [ ركز ] لِلجلِد
[ كُردُفاني ] كَون أنهُم أقاموا عليهِ الحد
وسالما يا سلامه رحنا وجينا بِالسلاما
|
Post: #37
Title: Re: ..
Author: hassan bashir
Date: 03-26-2009, 05:34 PM
Parent: #36
Quote: وما مفروض تصنِف المُتداخِلين معاك تصنيفات قاطِعا براك مِن راسك ... إنت بِتعرِفني مِن وين
أكان كوز ولا طَش ... |
ويا أخوي لو في نصيحة واحدة أقدر أقدمها ليك إنك ما تتسرع في الرد قبل ما تستوعب الكلام. تهافتك على الكيبورد للتعليق بدون التمعن أوقعك مرتين في سوء الفهم. يا أخي إنت قمت بتصنيف قاطعه من رأسك عندما حددت جملة وخاطبت قراء البوست متعجباً (ربما من غباء كاتبها أو تطرفه) داعياً لهم بأن "يعاينو لجنس دا"، ولما استنكرنا منك تلك العبارة، إنبريت قي تقديم دروس عن الدين الإسلامي والحدود، ولما أشدنا بطول بالك تمهيداً لحوار يجنح للمعقولية والمنطق، لجأت لحالة الإنكار واللهجة المتعالية.
نصحتني بزيارة طبيب ولم تحدد أيهم (فهم كثر)، فدعني أنصحك بأن تعد لحدي ألف قبل ما تعلق على كلام لم تستوعب المقصود منه، وتذكر أنه لا توجد جائزة لأطرف أو أسرع تعليق.
وفي الختام، زي ما قال ديفيد ستراثيرن: Good night .... and good luck
|
Post: #38
Title: Re: ..
Author: عزام حسن فرح
Date: 03-26-2009, 05:50 PM
Parent: #37
حسن بشير ...
Quote: ويا أخوي لو في نصيحة واحدة أقدر أقدمها ليك إنك ما تتسرع في الرد
قبل ما تستوعب الكلام. تهافتك على الكيبورد للتعليق بدون التمعن أوقعك مرتين
في سوء الفهم. يا أخي إنت قمت بتصنيف قاطعه من رأسك عندما حددت جملة وخاطبت
قراء البوست متعجباً (ربما من غباء كاتبها أو تطرفه) داعياً لهم بأن "يعاينو
لجنس دا"، ولما استنكرنا منك تلك العبارة، إنبريت قي تقديم دروس عن الدين
الإسلامي والحدود، ولما أشدنا بطول بالك تمهيداً لحوار يجنح للمعقولية والمنطق،
لجأت لحالة الإنكار واللهجة المتعالية.
نصحتني بزيارة طبيب ولم تحدد أيهم (فهم كثر)، فدعني أنصحك بأن تعد لحدي ألف
قبل ما تعلق على كلام لم تستوعب المقصود منه، وتذكر أنه لا توجد جائزة لأطرف
أو أسرع تعليق. |
ده شنو هسع ده ... يعني أقعُد أعِد ولا أفكِر ...
|
|