اسير فى عشق وطن مسلوب

ملامحك فى دجى الليل الحاصل
بقت صحبفة اتهام
ومهما حلفت
او او قريت زور
لازم
اكون
ذى ما داير السلطان
او
حراسوا
من كلاب الامن
اقول
عاش الذى
قتل احساس
الوطن فينا
لازم
يكون هو
الريس
وما فى وطن
غيرو
ومبعوث
فينا
من الرب
وعاش
رغم انا
شفنا الشمس ساطعة
تحت
لهج السوط
قلنا
نقول ليل دامس

محتار بين وطن
جواى
ووطن مجبور
بشظى
الارهاب

تراتيل فى ليل عشق

جات بتحوم جنبى
بلا اذن

ا حترت
ما جاوبتك
لحظة
جانى احساس
منى اقول ليك
يا صباح الخير
اتلجمت
طار
منى
عصفور
الكلمة
اتلعثمت
غلبنى
اقر
بانك
منى

وطن
وعنوان

برد جواى
احساس
هائج
واتمنيت
اكون
جنبك

اتلكعت
هزيتك
شتلة
وعشقتك
صاح
يا
الحبيتك
يا بت
مرتاح
كن
عبق
ينبع منك

يخدر احساس

وبحبك