Post: #1
Title: عاجل جدا...أجسام غريبة تسقط على طرقات الخرطوم والناس في ذعر!
Author: هشام هباني
Date: 03-25-2009, 11:46 PM
عزيزي القاريء
انها دعوة لك لقراءة هذا الخيط القديم وقداخترته لك من مكتبتي وهو خيط يتناسب مع اجواء( الزنقة) الرئاسية الواقعة بالبلادحيث تسود هستيريا وحالة من الهوس يمكن ان نصدق خلالها اي شائعة وان نخلق فيها من الحبة قبة كاننافي زمن المعجزات والكرامات والسحرة والمشعوذين وفكرة الخيط باختصار ان اهل الخرطوم استيقطوا فجرا على اصوات اجسام تسقط من السماء ملأت الطرقات واسقف المنازل وفناءات الحيشان واصابت العاصمة بحالة من الذعر والخوف وانطلقت الشائعات بان لعنة حلت بالبلاد وغضباحل من السماء بسبب الفساد والخراب وساد الهرج في اروقة العصبة الحاكمة وقد خافت من لعنة السماء وهي موقنة بانها قطعا تستحق اللعنات!
ماذا لو امطر الامريكان شوارع الخرطوم بوابل من الـHOT DOG ؟!
|
Post: #2
Title: Re: عاجل جدا...أجسام غريبة تسقط على طرقات الخرطوم والناس في ذعر!
Author: احمد محمد بشير
Date: 03-25-2009, 11:49 PM
Parent: #1
خلعتنا يا شيخ بي عنوانك دا الله يجازيك
دعوة لكين ما بالطريقة دي يا هباني
تحياتي
|
Post: #4
Title: Re: عاجل جدا...أجسام غريبة تسقط على طرقات الخرطوم والناس في ذعر!
Author: هشام هباني
Date: 03-26-2009, 00:01 AM
Parent: #2
احمد اخوووي
بكرة الدنيا خميس قلنا نفرفش معاكم في الدنيا الفانية واخرته كوم تراب !
بدل الكماجات وخوتة الراس الكل يوم مع شفع الامن ديل
فرفشوا فرفشكم الله والعفو والعافية.
البوست ده هدية لصاحبي ونديدي وهبة الجردل
|
Post: #3
Title: Re: عاجل جدا...أجسام غريبة تسقط على طرقات الخرطوم والناس في ذعر!
Author: الشامي الحبر عبدالوهاب
Date: 03-26-2009, 00:00 AM
Parent: #1
هشام هباني كيف حالك
البوست بتاعك ممكن الواحد اصدق السيناريو
بتاعو لو كان الرئيس بوش علي هرم السلطة
لكن الوضع الآن تغير توتالي
بل اوباما الان اقرب الي قائد ثورة تصحيحية
لاخطاء بوش
فحكاية ان السودانيين اصحو من نومهم القوا الوضع تغير
دي اصبحت في حكم المستحيل
لكن اتركوا السودان لشعبه فهو يعرف متي وكيف تكون ساعة الخلاص
|
Post: #5
Title: Re: عاجل جدا...أجسام غريبة تسقط على طرقات الخرطوم والناس في ذعر!
Author: هشام هباني
Date: 03-26-2009, 00:04 AM
Parent: #3
الشامي اخووي
يا زول فرفش واضحك خليك من الجديات الفارغة دي
كان فيك فايدة كان شلت لينا البشير ده من زمان
اضحك تضحك الدنيا لك ما هي البلد الناس الضحك شارطه من
زمان.
|
|