Post: #1
Title: التلج نكسّر .. البوستي تشيل
Author: محمد البشرى الخضر
Date: 03-25-2009, 08:43 PM
شنو يا خوانا
إنوا بقيتوا تقطعوا اول حتى بعدين تعدوا ولاّ كيف؟
ما قلنا الحال تمام و راضين بالإجراءات التعسفية و الفوقية و أي شي وما خلينا تلج ما هرسناه
وما فضل إلا نهتف سير سير يا هناي
ولا جبنا سيرة رجع عباس ولا ليه وقفت فلان
اها تقوم تمسحو برضو
وقت اصلو ممسوح ممسوح كان عندي كلام شين داير اقولو أريتني كان كبيتو اسي كان انفشيت
|
Post: #2
Title: Re: التلج نكسّر .. البوستي تشيل
Author: Rawia
Date: 03-25-2009, 08:51 PM
Parent: #1
قولو هسة
|
Post: #3
Title: Re: التلج نكسّر .. البوستي تشيل
Author: كمال علي الزين
Date: 03-25-2009, 08:54 PM
Parent: #2
(*)
كنتا تشيل التلفون أحسن ..
بطلو إحتجاج على (الشرعية)
ولا مامشتركين في محكمة البورد الجنائية كمان
):
|
Post: #5
Title: Re: التلج نكسّر .. البوستي تشيل
Author: محمد عبد الماجد الصايم
Date: 03-25-2009, 08:56 PM
Parent: #3
مبروكـ النضال يا عمكـ
بي مناسبة التلج دا
كل سنة وإنت طيب ياخ!
بمناسبة عيد الأم برضو
|
Post: #6
Title: Re: التلج نكسّر .. البوستي تشيل
Author: محمد البشرى الخضر
Date: 03-25-2009, 08:57 PM
Parent: #2
شين شديد يا راوية
لو ما ضمنت البوست ح يتشال ما بكتبو
باللاي رايك شنو في القصة دي
خالص لا جبنا سرة رجعوا لا قدموا لا هناي لابتاع
و يسحبوا لي زيو زي حقات حمووودي العامل زي الخزين في الليق
تقولي شنو بس
قادر الله
اها عملتي شنو ؟ إن شاء الله الأمور مشت كويس
|
Post: #4
Title: Re: التلج نكسّر .. البوستي تشيل
Author: محمد عثمان
Date: 03-25-2009, 08:55 PM
Parent: #1
ود البشرى...
سلااام
جابنى العنوان والله..و اتذكرت شرقنا الحبيب
طبعا انا اطرش فى الزفة و ما عارف الموضوع شنو
و غايتو نكسر نديك...
قالوا ادروب عندو صداع و مشى للدكتور
و شكى مر الشكوى و قال اسبرو ما خلينا و بندول ما خلينا
لكن الصداع ابى يروح مننا..اها اسى نعمل شنو..؟؟
الدكتور قال ليهو يا ادروب امشى نوم و خلى الشبابيك فاتحة
لزموم التهوية و كدا و ان شاؤ الله تبقى كويس و بكرة تعال لى راجع..
اها تانى يوم ادروب رجع للدكتور تانى و الدكتور قال ليهو اها الليلة كيف..؟
ادروب قال ليهو:
و الله يا دكتور الصداع راح
و التلفزيون راح
و التلاجة راحت كمان...
اها يا ود البشرى انت رايح ليك شنو..؟؟؟
|
Post: #7
Title: Re: التلج نكسّر .. البوستي تشيل
Author: محمد البشرى الخضر
Date: 03-25-2009, 09:05 PM
Parent: #4
كمال يا زين
هو اريتني كان احتجيت , كان نقول
اليغيظ اني وقفت مع الشرعية ,
أبوي ...
ياخي لمن دمعت بعد قريت اعتذارك و الجرسة المصاحبة
حمووودي ..
انا كتبتو ومشيت احضر المسلسل
عندي احساس انك جيت هببت ليك حاجة بي وراي
اعترف يا عربي ... اعترف
محمد عثمان يا عمك
رايح لي بوست طويل عريض
اظنو عمك دا بكحل العنوان ساي طوالي بحذف ما اظنو بخش يكشف
|
Post: #8
Title: Re: التلج نكسّر .. البوستي تشيل
Author: Yassir Tayfour
Date: 03-25-2009, 09:30 PM
Parent: #7
___
tistahal..aka you deserve that ..
|
Post: #9
Title: Re: التلج نكسّر .. البوستي تشيل
Author: ASHRAF MUSTAFA
Date: 03-25-2009, 10:23 PM
Parent: #8
| Quote: اها تقوم تمسحو برضو |
تستاهل
انا لمن شفت بوستك لمن قلبي ارتاح
قلت ود البشري ده اقرب زول لبكري
ولو ما بكري سمع كلامه ما حا يسمع لزول تاني
تقوم تقلبها جقلبة وجري
وكله تمام سعادتك وما في حاجة وما تشتغل بالمظاهرات
عجبني ليك يا ود البشري
وانشاء الله ده كمان يشيلوه ويلحقوه امات طه!
|
Post: #10
Title: Re: التلج نكسّر .. البوستي تشيل
Author: السيد المسلمي
Date: 03-25-2009, 10:54 PM
Parent: #9
| Quote: تقوم تقلبها جقلبة وجري |
ياابوالشوش ودالبشري دا زول ختري جدا وبكري عارفو كويس
عشان كده قفلوه قبل مايعمل دبل كيك
|
Post: #11
Title: Re: التلج نكسّر .. البوستي تشيل
Author: Rawia
Date: 03-26-2009, 00:10 AM
Parent: #10
| Quote: اها عملتي شنو ؟ إن شاء الله الأمور مشت كويس |
العمل عمل ربنا
عموما مستنين الرد
شكرا ليك يا أمير
|
Post: #12
Title: Re: التلج نكسّر .. البوستي تشيل
Author: حيدر حسن ميرغني
Date: 03-26-2009, 00:27 AM
Parent: #11
يعني لا رضعت لا نزلت كسلا
جيب اخرك يامان
وليك الأمان
|
Post: #13
Title: Re: التلج نكسّر .. البوستي تشيل
Author: عماد محمود علي
Date: 03-26-2009, 06:27 AM
Parent: #7
يامعلم أنت شالوا ليك بوستيك مفروض تفرح ...
قالوا كسير الثلج بقى ممنوع بأمر الإدارة ...
ياخي أنت كسرت ثلج شالوا البوست ...
أنا دخلت الموية الثلاجة بس اها قبل ما تبقى ثلج يامعلم شالوني أنا زاااااااااتي ......
والجاتك في بوستيك سامحتك ......
بمناسبة شيل البوست ده وكده أقول ليك حاجة :
بعد ما تكمل جرستك دي وتتلقى التعازي في بوستيك المهبب داااك قوم لف ....
|
Post: #14
Title: Re: التلج نكسّر .. البوستي تشيل
Author: haroon diyab
Date: 03-26-2009, 06:43 AM
Parent: #13
ياحيدر
سلامات
لكن بالغت عدييييييل كده.....!!!
| Quote: يعني لا رضعت لا نزلت كسلا |
يافكي تاهر عشرة هارت.....!!!!
|
Post: #15
Title: Re: التلج نكسّر .. البوستي تشيل
Author: العوض المسلمي
Date: 03-26-2009, 06:59 AM
Parent: #14
ياعمك عنوانك هو سبب خورك ,,,
عمنا ده مرات برش البوست من عنوانه ,,,,
موش بقولوا الجواب بكفيك عنوانه ؟؟؟
عنوانك كان مواكب المظاهرات يا فرده ,,,
|
Post: #16
Title: Re: التلج نكسّر .. البوستي تشيل
Author: أيمن الطيب
Date: 03-26-2009, 07:10 AM
Parent: #14
أدروب جابوه مستشفى سوبا مفرطق,,,
ومافى زول فاهم الزول دا الحصل ليهو شنو,,
إنتظروه خمسة يوم لحد ما فتح عينو,,,
أها يا أدروب مالك؟؟؟؟؟العمل فيك كدا شنو!!!
والله أنا كنت جاى من سنكات!!
بص السيرة ركبنا!!
قريب خرتوم كدا!!
بنوت زغردن ,,,دلوكة دقن دو دو دو دو!!!!,,
بندق ضرب دٌل دُلّ دُللللللٌّ,,,هاشمية شالنى,,,
قمت فووووووووووووووووووووووووووووووووق,,,,
نزلت لقت اللورى فااااااااااااات!!! فحط,,
وتانى ما صحيتا إلا هنا!!!
مكان دا وين؟؟؟؟؟
هندسة يا أبوها( كسر تلج تانى!!!!!!)
|
Post: #17
Title: Re: التلج نكسّر .. البوستي تشيل
Author: ود الخليفه
Date: 03-26-2009, 03:48 PM
Parent: #16
عثمان دقنه يبكي وحق الناس يشيل
خليفه المهدي البكا ما تسو العدل سو
|
Post: #18
Title: Re: التلج نكسّر .. البوستي تشيل
Author: Salahaldeen Nadir
Date: 03-26-2009, 09:54 PM
Parent: #7
كامل التضامن مع عمنا وهبة والأسري
!
|
Post: #19
Title: Re: التلج نكسّر .. البوستي تشيل
Author: محمد البشرى الخضر
Date: 03-26-2009, 10:44 PM
Parent: #18
سوري يا شباب ما تجاهل ولا حاجة لكن كنت فاكرو اتلحس لحق أخوه
أبو اليا ...
أستاهل انا الإتلحس لي بوست واحد أمو و أبوه
طيب ناس حملة حمووودي الأمس ديل يقولوا شنو؟
أتخن بوست عندهم ما يتحمل رفرشتين ورا بعض
أشرف يا معلم ...
قلت لي جري و جقلبة
كدي عيد القراية من جديد من منظور مختلف
السيد المسلمي مرحب بيك و شاكرين حسن الظن
كان جبنا الآخر يا حيدر يا عمك بتبوظ الحكاية اكتر من كدا
عمدة البكّاي .....
تعازي شنو يابا ؟بوست واتلحس دي ماقضية
الواجعني انو انا مع الحكومة
مسلمي يا عمك ...
قلت لي برش من العنوان , دي عوجة دي
أبو يمن...
| Quote: هندسة يا أبوها( كسر تلج تانى!!!!!!) |
جنس كسّير هو
اهرسو هرس و اتفو تف
ود الخليفة ...
شنو يا حبة
ما عصرت علينا في قصة عثمان دقنة دي وانت عارف الشورت الحاصل في الرموز الوطنية
أبو صلاح ...
النمرة غلط أبوي , التضامن مع الأسرى اللفة البعد الجاية تاني باب على يدك اليمين
هنا تأييد للقرارات و شماتة شديدة في وهبة
|
Post: #20
Title: Re: التلج نكسّر .. البوستي تشيل
Author: osman righeem
Date: 03-27-2009, 11:08 PM
Parent: #19
المساواة في الظلم عدل
|
Post: #21
Title: Re: التلج نكسّر .. البوستي تشيل
Author: حمور زيادة
Date: 03-27-2009, 11:19 PM
Parent: #20
.
بوست محفز للخيال
|
Post: #22
Title: Re: التلج نكسّر .. البوستي تشيل
Author: حمور زيادة
Date: 03-27-2009, 11:19 PM
Parent: #20
.
بوست محفز للخيال
|
Post: #23
Title: Re: التلج نكسّر .. البوستي تشيل
Author: عاطف عمر
Date: 03-27-2009, 11:46 PM
Parent: #1
صديقنا اللطيف المعشر خلف الله الزين من أبناء شرق الجزيرة ، ترافقنا في مراحل الدراسة في رفاعة وفي جامعة الخرطوم .
ظهرت نتيجة إمتحان السنة الثالثة ، صديقنا خلف الله كان لديه ملحق في مادة ( الإستركشر ) كما كانت نتيجة صديقنا ( ... ) من ( أبناء الخرطوم ) هى الفصل الأكاديمي . زعلنا زعلاً شديداً لصديقنا المفصول فقد كان شخصية محبوبة . كانت المفاجأة أن تعدلت النتيجة في اليوم التالي فظهر إسم صديقنا المفصول في قائمة ( الربيترز )
كان ذلك مثار جدلنا في الداخلية عن ماكنا نسمعه من ( شرف البورد ) والنتيجة الما بتتغير مهما كانت الظروف .
ضاق صديقنا خلف الله بجدلنا ( العقيم ) من وجهة نظره
" والله يا أخوانا إنتو ما عندكم شغلة ساى ، دحين الناس ديل ، الجامعة دي مي في حلتم ؟؟
هسع عليكم الله الجامعة دي لو كانت في رفاعة أنا باخد الملحق دا ؟؟ "
__________________
ود البشرى
إمكن تكسيرك للتلج كان ( دراش )
|
Post: #24
Title: Re: التلج نكسّر .. البوستي تشيل
Author: Salahaldeen Nadir
Date: 03-27-2009, 11:51 PM
Parent: #23
كيف الحياة بلا باسوورد؟
بالغ الشماتة في الاسرى
-------------------------------------------
كده كويس يا عمك؟
!
|
|