Post: #1
Title: عاجل ..القبض على عمر البشير نقلاً عن BBC
Author: عمر الفاروق
Date: 03-25-2009, 01:30 PM
Parent: #0
في عملية اطلقت عليها الولايات المتحدة الامريكية " الكمين " تمكنت القوات الارجنتينية بمساعدة من القوات الامريكية عمل كمين للرئيس عمر البشير بعد ان استدرجته لمصر ..
تفاصيل الكمين بدأت عندما تمت دعوة الرئيس عمر البشير لأرتريا اولاً حتى يبتلع الطعم ثم يأتي دور الرئيس حسني مبارك والذي قام بتقديم دعوة للرئيس عمر البشير بناء على رغبة من اوكامبو ..
تحركت طائرة الرئيس من مطار الخرطوم وفي اول نقطة تحصيل وتفتيش في السما في طريق التبانة تقاطع الدب القطبي سمح للطائرة للمرور حتى لا يشعر الرئيس بشئ..
في نقطة التفتيش التانية في شارع السما الاحمر اصر العسكري المصري ان يفتعل مشكلة مع حرس الرئيس السوداني وقال ليهم بي اللهجة المصرية :
"ما تؤليش رئيس ولا تؤليش بطيخ الراقل حايدفع يعني حا يدفع وبي الوأتي حااااالاً "..
وفعلاً دفع الرئيس مبلغ 5 جنيه و10 قروش رسوم مرور..
حتى الان والوضع يسر عادي دون ان يشعر الرئيس باي شي..
توقفت طائرة الرئيس عند سلسلة مطاعم اورانوس لتناول وجبة الفطور ولاحظ صلاح قوش بعض من الصبية الجوالة الذين يبيعون البسكويت والجرائد في السحاب فثاوره شك بأنهم ربما يكونون رجال اوكامبو غير انه لم يرهم اهتماما..
توجه الرئيس بعد ذلك للقاهرة وفور وصوله استقبله الرئيس حسني مبارك وسلم عليه بالاحضان وهو يقول:
" وحشتني يا عوومر إيه أخبارك .."
وفور الوصول للقصر الرئاسي سلم الرئيس عمر البشير على وزير الخارجية وصافح وزير الداخلية وفي اللحظة التي مد فيها يده ليصافح شخص اخر لم يتبين ملامحه جيداً اخرج ذلك الشخص كلبشات من جيبه وطووق بها ايادي عمر البشير قائلاً:
"Wellcome To hell Maaaaaaaaaaaaan"
|
Post: #2
Title: *
Author: عمر الفاروق
Date: 03-25-2009, 01:38 PM
Parent: #1
مناضلين الكيبورد :
إنتو قايلين الريس عمر البشير ده بيفلق في مظاهرات في السوق العربي عشان يقبضوهو سااااااااااااااي كده ؟؟
|
Post: #3
Title: Re: *
Author: وليد محمد المبارك
Date: 03-25-2009, 01:43 PM
Parent: #2
كان قبضوه راجل
وكان ما قبضو
راجلين
|
Post: #5
Title: Re: *
Author: humida
Date: 03-25-2009, 01:51 PM
Parent: #2
عناوين صحف الغد ..
- هشام هباني يصرح ..
الشخص الذي اعتقل البشير ود عمة بت خالة جيران ناس الشهيدة التاية ..
و كورك بعدها بعدد لا بأس به من الألفاظ التي تخدش الذوق العام ..
..
..
- صبري الشريف في حديثه لصحيفة الهيرالد تربيون ..
ضبحنا ديك و تلاتة نعاج احتفالا باعتقال البشير ..
..
..
- كوستاوي يعلن عن حفلة لعلوية جاكات بالعاصمة و اشنطون DC احتفالا بالقبض علي بشير ..
..
..
- عبدالواحد محمد نور في حوار جرئ اجرته معه قناة الجزيرة ..
عائد عائد يا شاليط ..
..
..
- ود الباوقة و صحبه الكرام يتوجهون علي ظهور الخيل لتحرير الرئيس من لاهاي ..
..
..
- العنصري محمد سليمان يطالب اوكامبو بإصدار امر قبض لكل الجعلية في السودانية
..
..
- المتعافي .. افتتاح كبري الفتيحاب الكلاكلة في الشهر القادم ..
..
..
جريدة حكايات .. ضبط مصنع خمور شمال الرياض ..
..
..
قوووون .. صلاح ادريس يعلن ترشحه للفيفا ..
..
..
الصدى .. و ارغو طلع ماسـورة ..
|
Post: #9
Title: Re: *
Author: Mohamed Ibrahim Ahmed
Date: 03-25-2009, 02:10 PM
Parent: #5
| Quote: كوستاوي يعلن عن حفلة لعلوية جاكات بالعاصمة و اشنطون DC احتفالا بالقبض علي بشير .. |
دى قوية يا عريس
|
Post: #7
Title: Re: *
Author: omer osman
Date: 03-25-2009, 01:59 PM
Parent: #2
في واحدين عين في البوست والتانية في الدولاب بعاين للبدل والكرفتات عاوز
يخش ليهو في واحدة سررررررررريع وعلى القصر الجمهوري ..... مابقي فاضي
عمك مابكون تمه البوست يمشي هناك يكرموه ليك اخر كرم ..........
تاني يوم تلقاه في صينية الخارجية زمان لابس سروال ومركوب مع البدلة والكرفتة
|
Post: #4
Title: *
Author: عمر الفاروق
Date: 03-25-2009, 01:47 PM
Parent: #1
وليد :
يبقا نوم قفا يا حبوب فعمر البشير راجليييييييييين ..
|
Post: #6
Title: *
Author: عمر الفاروق
Date: 03-25-2009, 01:57 PM
Parent: #1
جريدة الدار:
بورداب الخرطوم يتحفون بي أوكامبو في قندهار..
|
Post: #8
Title: Re: *
Author: abuguta
Date: 03-25-2009, 02:05 PM
Parent: #6
والله لكن ,,,الكيزان حرسوكم ليها
ومشو نامو,,,
وليد
الفاروق
حميدة
تمبس
ما بقى يلم عليكم الا صديق الموج واحمد حنين
ياشباب استهدو بالله
الجاب القبض شنو,,هنالك ظلم من النفعين
طرىء على اهل دارفور,,كيف الخروج من هذا النفق
مش الخروج من اوكامبو
|
Post: #14
Title: Re: *
Author: شول اشوانق دينق
Date: 03-25-2009, 02:25 PM
Parent: #8
Quote: جريدة الدار:
بورداب الخرطوم يتحفون بي أوكامبو في قندهار.. |
امانة يا ود الفاروق ... ناس الدار ديل ما اكلو حقنا ساى!
هههههههههههههههههه
|
Post: #10
Title: *
Author: عمر الفاروق
Date: 03-25-2009, 02:15 PM
Parent: #1
ابقوتة :
إن كنت تهتم حقاً بأهل دارفور لما فكرت في شراء البرادو وابناء دارفور يموتون جوعا..
عمر الفاروق مركب مكنة محمد سليمان
|
Post: #11
Title: Re: *
Author: abuguta
Date: 03-25-2009, 02:19 PM
Parent: #10
| Quote: عمر الفاروق مركب مكنة محمد سليمان |
هههههها هههها ههها هههها
|
Post: #16
Title: Re: *
Author: سيف الدين علي محمد الفاضل
Date: 03-25-2009, 02:27 PM
إيه رأيكم في حفلة شاي مقامة اليوم في القصر الرئاسي بالقاهرة
بحضور البشير وأوكامبوا ؟؟
مع تحياتي لأوكامبو ورفاقه
|
Post: #12
Title: .
Author: طلحة عبدالله
Date: 03-25-2009, 02:23 PM
Parent: #1
قليص أفندي العايز يشتهر براهو ويطنقع.Quote:
عاجل ..القبض على عمر البشير نقلاً عن BBC
|
وطبعا كما هو متوقع أكتر من 435 كلك في أقل من عشر دقائق
شفت الشهرة دي ساهلة كيفن ..؟؟؟؟؟
هسع عليك الله كان ناس البي بي سي ديل جوا شبكوا في البورد دا تفتكر شهرتك دي بتنفعك ..؟؟
|
Post: #15
Title: Re: .
Author: humida
Date: 03-25-2009, 02:26 PM
Parent: #12
يا طلوح .. عملت شنو في موضوع اللاعب المتمرجح ..
الكورة دي قربت ..!!
|
Post: #21
Title: Re: .
Author: طلحة عبدالله
Date: 03-25-2009, 02:35 PM
Parent: #15
الكورة دي قربت وصلت يعني يا حميدة ..؟
|
Post: #13
Title: *
Author: عمر الفاروق
Date: 03-25-2009, 02:25 PM
Parent: #1
عمر عثمان يا حبوب:
ذكرتني بي واحد يوم ضربة مصنع لاشفاء..
اها زولك سمع الخبر إنو الامريكان ضربو السودان وافتكر إنو الشغلانة خلاص نجضت والكيزان نجضوا قام عندو جارو كوز كده زهجاااان منو ..
زولنا تييف تييف تييف تلب لي الكوز وطقطقو ليك شي بونية وشي كف وشي شلالايت ..
اها كلها ساعات الامور رجعت طبيعية ..
زووولنا ده لحدددددددددددددي اسة ماف زول عارفو وين :)
|
Post: #18
Title: Re: *
Author: عصام دهب
Date: 03-25-2009, 02:31 PM
Parent: #13
مواصلة لأخبار بكرة و كدة ..
ـ
المحكمة الجنائية الدولية تصدر أمر قبض على الرئيس البشير .. ( جريدة الخرطوم ـ طبعة الخليج ).
ــ
طوالي أخبارهم باااايتة و مصوفنة ..
مع الإعتذار ـ بس ـ لقريبي الرائع الأستاذ / ياسر عبد الفتاح ( شقشقة ) ..
|
Post: #20
Title: Re: *
Author: صديق الموج
Date: 03-25-2009, 02:33 PM
Parent: #13
| Quote: القبض على عمر البشير نقلاً عن BBC |
عمر اخوى كيف حالك
دحينBBC دى مش اختصار لى BORDAB...BEESH...CARROUR
والا شيتن اخر،،
|
Post: #25
Title: Re: *
Author: Abdlaziz Eisa
Date: 03-25-2009, 02:41 PM
Parent: #13
سلام
كلها ايام..
طال الزمن ام قصر.. سيتم القبض على المجرم عمر البشير
|
Post: #17
Title: *
Author: عمر الفاروق
Date: 03-25-2009, 02:28 PM
Parent: #1
السير طلحة :
Quote: يا طلوح .. عملت شنو في موضوع اللاعب المتمرجح ..
الكورة دي قربت ..!! |
ههههههههههههههههههههههههههااااااااااااااااااااااااااااااااااي هههههههههههههههههههههههههههههههها هههههههههههههايي..
كدي جاوب لينا على سؤال مولانا ده وبعداك نشوف موضوع بي بي سي و بي بي فوك
|
Post: #19
Title: *
Author: عمر الفاروق
Date: 03-25-2009, 02:31 PM
Parent: #1
شول يا حبوب:
| Quote: امانة يا ود الفاروق ... ناس الدار ديل ما اكلو حقنا ساى! |
ليي اوعا تقول لي وديتوهو امواج ..؟
|
Post: #23
Title: Re: *
Author: شول اشوانق دينق
Date: 03-25-2009, 02:39 PM
Parent: #19
Quote: شول يا حبوب:
Quote: امانة يا ود الفاروق ... ناس الدار ديل ما اكلو حقنا ساى!
ليي اوعا تقول لي وديتوهو امواج ..؟ |
امواج!
امواج يا عمر؟ إنت بصحك؟
ديل لو لمينا فيم بس صحراء بيوضة ونقع فيم كسر من طرف لامن يآمنوا ويقتنعوا
امواج قال
هههههههههههههههههههه
|
Post: #22
Title: .
Author: طلحة عبدالله
Date: 03-25-2009, 02:39 PM
Parent: #1
القليص ود الفاروق
أها طعم الشهرة لقيتو كيف ..؟
اوعك تجيء تفول ما بطال
جاوب بتحديد وخلي التواضع
|
Post: #24
Title: *
Author: عمر الفاروق
Date: 03-25-2009, 02:40 PM
Parent: #1
وانت الصادق يا صديق الموج :
BBC
إختصار لي :
Beareee Bareee Cooooor 3alee
|
Post: #26
Title: *
Author: عمر الفاروق
Date: 03-25-2009, 02:42 PM
Parent: #1
طلحة مراجيح :
| Quote: أها طعم الشهرة لقيتو كيف ..؟ |
مناسب..
|
Post: #28
Title: Re: *
Author: طلحة عبدالله
Date: 03-25-2009, 02:54 PM
Parent: #26
قليص أفندييالتواضع العباقرة
|
Post: #27
Title: *
Author: عمر الفاروق
Date: 03-25-2009, 02:44 PM
Parent: #1
Quote: إيه رأيكم في حفلة شاي مقامة اليوم في القصر الرئاسي بالقاهرة
بحضور البشير وأوكامبوا ؟؟ |
وتحييها سلمى العسل..
|
Post: #29
Title: Re: *
Author: معتصم محمد صالح
Date: 03-25-2009, 04:06 PM
Parent: #27
Quote: جريدة الدار:
بورداب الخرطوم يتحفون بي أوكامبو في قندهار.. |
بالله ..
هي قندهار دي فاااكة كده ... ؟؟
لكن لو جاب ليهو نمر نمرين هولنديين ممكن نشاور حمور في أمرو ..
|
Post: #30
Title: Re: *
Author: وليد محمد المبارك
Date: 03-25-2009, 04:28 PM
Parent: #29
| Quote: إن كنت تهتم حقاً بأهل دارفور لما فكرت في شراء البرادو وابناء دارفور يموتون جوعا.. |
دارفور البعيييييييييييييييييده ديك
كان يتبرع بيها لي ناس ابقوته
يصلحو بيها الترع الكل يوم كاسرة فوقهم دي
|
Post: #31
Title: Re: *
Author: محسن خالد
Date: 03-29-2009, 08:08 PM
Parent: #30
معليش يا عمر، المداخلة كانت لبوست محمود عبد العزيز، ونزلت هنا بالخطأ.
عفواً، ستجدها هناك.
|
Post: #32
Title: Re: *
Author: 7abib_alkul
Date: 03-29-2009, 08:55 PM
Parent: #31
الفاروق
يا شاب الناس ديل حتوا الاتو تانى راجين شنو؟
لعبة السياسة تطلب احينا التلويح بى كروت ضغط وقد تأتى بنتيجة افضل من استعمالها
|
|