لم يعُد غسيل المُخ سَيِدي الرئيس يجدي

لم يعُد غسيل المُخ سَيِدي الرئيس يجدي


03-25-2009, 09:34 AM


  » http://sudaneseonline.com/cgi-bin/sdb/2bb.cgi?seq=msg&board=190&msg=1237970074&rn=0

Post: #1
Title: لم يعُد غسيل المُخ سَيِدي الرئيس يجدي
Author: عزام حسن فرح
Date: 03-25-2009, 09:34 AM

في إطار الندَوة التي أقامتها صحيفة < الخُرطوم > بِمقر الصحيفة بِتاريخ
19/03/2009م بِعِنوان [ محمكة الجِنايات الدِولِية مِن منظرو قانوني ] قال
الدكتور / الفاتِح عِزالدين (الذي وصفتهُ الصحيفة بِالقانوني المُتخصِص)
مُتحدِثاً عن المحكمة التي عُقِدت بِرُواندا : < إنها كانت بِمُوافقة رسمِية مِن
الدَولة وذلِك بعد قتل أكثر مِن 800 ألف نسمة في حرب أكثر مِن 90 يَوم وتم
ذلِك تحت سمع وبصر العالم ولم يتدخل إلا بعد قتل هذا العدد. وعِندما أتت
المُحاكمات لِتمتص غضبة الشُعوب كان عدد المطلوبين 117 ألف شخص والمُدعي
العام في أوروبا والمحكمة عقدت في أروشا والقضاء كانوا مِن أمريكا اللاتِنِية
وبِرغم ذلِك إلا أن الإجراءات في رُواندا كانت بطيئة وعِندما خرجت بِقرارات لم
تُحاكِم أكثر مِن ثمانِية أشخاص جميعاً لم يرتفِعوا لِمُستَوى الإعدام ... > (إنتهى النقل)
صحيفة الخُرطوم العدد رقم 7019 طبعة الخليج بِتاريخ 23/03/2009م الصفحة السادِسة.

وقرأت وسمِعت مِثل هذِهِ الإستِشهادات التي تُريد أن تُبرِر أعمال القتل التي تمت في
دارفور وأطراف السودان ... وحسب الخِطاب الرسمي أو الإعتِراف الرسمي بِأن عدد قتلى
دارفور (10) آلاف بني آدم فإذا ما تمت مُقارنه موتانا بِموتى رُواندا (800) ألف بني
آدم مع مُقارنة حرب رُواندا التي إستغرقت (90) يَوم بَينما في دارفور سنين عددا ...
إذا ما قارنت عدد المَوتى ومُدة أعمال العُنف التي تمت في رُواندا ودارفور ستتعرف
حينُها إلى عقلِية حكومة الخُرطوم في تقييمِها للأمر ... تُريد الحكومة أن تقول < يعني
شنو ما هاديل ناس رُواندا قتلو ليهُم 800 ألف زول ... إحنا سوينا شنو ... ما قتلنا
10 ألف زول بس > بِهذِهِ العقلِية يِمكِنُها تبرير أي شئ ... أي شئ ...
Post: #2
Title: Re: لم يعُد غسيل المُخ سَيِدي الرئيس يجدي
Author: abubakr salih
Date: 03-25-2009, 09:59 AM
Parent: #1

***

Keep it up
Post: #3
Title: Re: لم يعُد غسيل المُخ سَيِدي الرئيس يجدي
Author: عزام حسن فرح
Date: 03-25-2009, 10:34 AM
Parent: #2

ظهر لوري الحيكومة وصَوت أُغنِية خلف الله حمد تسبُقهُ إلى القرِية ... هرَول كُل
غَض الإيهاب نحو الصَوت ... تَوقف اللوري إلا قليلاً ... تسلق الشباب ... وإنطلق
اللوري ... لم يلحق بِهِ عابدين ود إبراهيم ... صَوت خلف الله حمد
أنا ليهم بجر كلام
دخلوها وصقيرا حام

سِم أب درق البِصقّع
جدري القيعة البفقّع
والله صوتك مانع بِرتع
الطيب في شطارتّو مبدع

سم أب درق الجدادي
تُكْل الجدر البعادي
لي الخصيم ضربو بيأذي
موسى المُر الحِداقي

قرقر برقاً ملا لي الوسادة
قرنو وشال لي مكادّا
ديل جِنياتنا الندادة
سيري الدار في سيادة

قرقر برقاً فوق لِلدرب
وربط الهوج والشرق
أطرولنا الضرب
وجنياتنا ما بتنغلب

عامر سوقك مِبدّر
مِجرجر توبك مسبل
الطيب لي الشر مِبدر
يا أب تكلاً المِجدّر مُر

أنا غنيت وجبتّا كتبو
فشلوا القالوا قصّو دربو
ديل رازوهّو وشافو ضربّو
وزي السِندالة قلبو

أناغنيت وجبت غُُناكم
يا البينين هوي براكم
البدوركم براكم
حلق الطير لي غداكم
الصف العامر رِجاكم
إتباشروا لي بلاكم
أركزّوا زينب وراكم

جرو لي مره صوتكم
وورني الليلة صولكم
إتباشرو عاينو موتكُم

- يا زول ما تجعِر فوق راسنا ... خلاص أكان ما لِحِقت اللوري الفات بِجو تاني
وبِيِشيلوك معاهُم ...

عابدين ود إبراهيم ود علي الضواها شقيق زَوجتي كان عُمرِهِ حينذاك 17 سنة
كانت الحيكومة تأتي إلى القرى وتلِم شبابِها فقط بِأغاني الرجالا وترمي بِهِم في
أتون حرب الجنوب ... كثيرون لم يعودوا إلى ذّويَيهُم مرة أُخرى ... وبعد طلاق
التُرابي / البشير ... أعلن التُرابي أن مَن يموت في الجنوب يموت < فطيس > ...
بكى آباءٌ حينُها وكانت دُموعِهِم تحبِسُها الحور العين عِندما غسلت الخُرطوم عقولِهِم
بِأُغنِيات الحماسة وخُطب التُرابي ...

كَيف تُريد سَيِدي الرئيس أن تحشِدنا مرة أُخرى ... لا يجدي
Post: #4
Title: نـعم يجـــدى
Author: شكرى سليمان ماطوس
Date: 03-25-2009, 11:22 AM
Parent: #1







عشى البايتات و مقنع الكاشفات العزيز/ عزام وليد حسن ود فرح
ليك منى ألف سلام و تحية حب و معزة نقاء و سمو و جاه...

نـعــــــــــــم يجـدى أن يحشدنا السيد الرئيس، لو:
لو كان رئيس لكل السودان و السودانيين بالإنصاف و المساواة
فى توزيع الثروة و ضمان الصحة و التعليم،، لذوى الدخل الضعيف قبل معدومى الدخل !!!


لو أعلن بأن الحقوق بالمواطنة و ليس بالولاء و الإنتماء أو العرق و الإثنية أو النخبوية !!!


لو أطلق الحريات العامة قبل الخاصة و ألغى قيود و قوانين البطش و القهر وسرح خفافيش اليل
و طبق قوانين حماية الأطفال و المسنين الكهلة قبل الشباب و المغتربين الممصوص دمهم و دم عيالهم...


لو طبق و نفذ ما إتفق عليه فى المواثيق و العهود و الإتفاقيات،
و أولها (كل راعٍ مـسؤول عن رعيته) إلى
(من أين لك هذا ... هلا جلست فى بيت أبيك و أمك .....)



نعم يجدى أن يحشدنا السيد الرئيس و نقسم أن نكون الحاجب و السند المنيع،
كما كنا فى كررى و إكتوبر و إبريل
لو جمع الصفوف، وليبدأ بأجنحة المؤتمر الوطنى و يعرج ليلم الشعبى
ثم ليتفقا فيجمعا السلاح الموزع بين الكوادر الإسلامية التى تطايرت
فى بقاع الغرب و الشرق و الجنوب و الشمال تبحث عن نصيب الأسد فى الكيكة قبل الطوفان....



نعم يجدى أن نتنادى رجالاً ومن على كل ضامر و بين جنابات كل فج عميق
لنزود عن القائد و الرئيس و الرمز الوطنى، لو إعتدل فى علاقاته
مع الأشقاء و الأصدقاء و سار على درب المحجوب و رعيله سوهارتو و مؤسسى عدم الإنحياز...





نعم يجدى يا ود فرح يا عزم
و النكرة فى اللغة تعرف العلم و تزيده خفقان




و رفرفى يا طيور السلام





(تعديل إملائى)
ش
Post: #5
Title: Re: نـعم يجـــدى
Author: عزام حسن فرح
Date: 03-25-2009, 11:57 AM
Parent: #4

شُكري سُلَيمان ماطوس ...

حليلك يا صاحبي ...

ولو أكان البِحشِدنا مِتِل الوصفتو لي ده ...

صدِقني أكان بتمسح فوقو ...
وأكرِم نوقو ...
بس ... دحين شوقو ...
حُلووهو مرير ضوقو ...
Post: #6
Title: Re: نـعم يجـــدى
Author: عبدالأله زمراوي
Date: 03-25-2009, 12:12 PM
Parent: #5

إزيك يا عزّام يا شاعر يا إنسان...

أنا والله عايز واحد بأمانة يجاوبني على هذه الأسئلة:

*هل الشعب السوداني عن بكرة ابيه يقفون مع البشير، كما تدعي أجهزة إعلامه؟
*هل الوقوف مع العدالة التي تأتي من الخارج يُعتبر خيانة وطنية بعد أن عجر قضاء السودان
عن محاكمة نملة واحدة؟
*هل بمقدوري الدفع بعدم محاكمة البشير، لأن الصهاينة الذين قتلوا الأطفال في غزة لم تتم محاكماتهم؟
*هل هنالك إنسان سوي واحد، له عقل ويزن الأمور بغير ميزان المصلحة، يقف مع البشير في محنته؟
*كيف يصمت رجال الدين على مظالم الحاكم وفجأة يقومون كالأسد الهصور يفتون ويزينون الحق باطلا والباطل حقا، كيف يقابل هؤلاء رب العباد؟
*لماذا هذا الصمت المريب من رجالات الأحزاب والمثقفين ورجال القانون، أهو خوف من تقطيع الأوصال، أم ماذا.؟
*لماذا هذا الإستقطاب الحاد في الشارع السوداني/مع او ضد وتتوالي الإهانات من كل معسكر؟
*هل البشير نظيف اليد، ولماذا إذن كل هذا الهلع والخوف، الا يجدر به أن يدافع عن نفسه، كأن يقول
لم أقتل أحدا ولكن الجيش والشرطة قتلوا، ثم يجعل القاضي يعود لنظرية الإشتراك والمساهمة؟

رأسي إقترب من الإنفجار!!!
Post: #7
Title: صدقت
Author: فتحي الصديق
Date: 03-25-2009, 12:17 PM
Parent: #1

Quote: بِهذِهِ العقلِية يِمكِنُها تبرير أي شئ ... أي شئ ...

صدقت والله ..
Post: #8
Title: Re: صدقت
Author: عزام حسن فرح
Date: 03-25-2009, 01:03 PM
Parent: #7

سؤال عن الكرامة :
- هل كرامة السودان محفوظة ومِصر مُحتلة جُزء مِنها؟
قد يقول السودان الأن ضعيف لا يستطيع فتح جبهة مع المِصرِيين لِتحرير حلايِب ...
بِالرغم مِن أن إحتِلال حلايِب تم وحكومة البشير كانت زينة وزي الرتينة ...

ما علينا ... سيب السؤال الفوق ده ... سؤال جديد :
- هل مِن الكرامة أن يوقِع البشير إتِفاقِيات تِجارِية وثقافِية مع دولة مُحتلة
جُزء مِن أرضِنا ؟
- هل مِن الكرامة أن يزور البشير اليَوم 25/03/2009م م مِصر وهي مُحتلة جُزء مِن أرضِهِ ؟
Post: #9
Title: Re: صدقت
Author: فايزودالقاضي
Date: 03-25-2009, 01:30 PM
Parent: #8

ياجماعة انتو بتتكلموا كيف ؟

هسي في ذمتكم في زول بموت قبل يومو ولا زول بعيش اكتر من يومو ؟!!

الناس الماتت في دارفور وبورسودان وغيرها ديل كلهم ربنا رايدلهم كدي ..وكل زول شالوا يومو .فماتظلموا الناس ديل ساي ...

قال تعالي : (ولكل امة أجل فاذا جاء اجلهم لايستأخرون ساعة ولايستقدمون ) ..صدق الله العظيم ...
Post: #10
Title: Re: صدقت
Author: عزام حسن فرح
Date: 03-25-2009, 01:43 PM
Parent: #9

ودالقاضي ...

Quote: هسي في ذمتكم في زول بموت قبل يومو ولا زول بعيش اكتر من يومو ؟!!


أبداً والله كُل زول حارسو يومو ...
Post: #11
Title: تبرير
Author: M A Muhagir
Date: 03-25-2009, 02:50 PM
Parent: #1

شكرا لهذا البوست

و شكرا لفتحك هذا الموضوع الحساس للنقاش

ح اجى راجع
Post: #12
Title: Re: تبرير
Author: dardiri satti
Date: 03-25-2009, 03:09 PM
Parent: #11

Quote: &#211;&#196;&#199;&#225; &#218;&#228; &#199;&#225;&#223;&#209;&#199;&#227;&#201; :
- &#229;&#225; &#223;&#209;&#199;&#227;&#201; &#199;&#225;&#211;&#230;&#207;&#199;&#228; &#227;&#205;&#221;&#230;&#217;&#201; &#230;&#227;&#246;&#213;&#209; &#227;&#245;&#205;&#202;&#225;&#201; &#204;&#245;&#210;&#193; &#227;&#246;&#228;&#229;&#199;&#191;
&#222;&#207; &#237;&#222;&#230;&#225; &#199;&#225;&#211;&#230;&#207;&#199;&#228; &#199;&#225;&#195;&#228; &#214;&#218;&#237;&#221; &#225;&#199; &#237;&#211;&#202;&#216;&#237;&#218; &#221;&#202;&#205; &#204;&#200;&#229;&#201; &#227;&#218; &#199;&#225;&#227;&#246;&#213;&#209;&#246;&#237;&#237;&#228; &#225;&#246;&#202;&#205;&#209;&#237;&#209; &#205;&#225;&#199;&#237;&#246;&#200; ...
&#200;&#246;&#199;&#225;&#209;&#219;&#227; &#227;&#246;&#228; &#195;&#228; &#197;&#205;&#202;&#246;&#225;&#199;&#225; &#205;&#225;&#199;&#237;&#246;&#200; &#202;&#227; &#230;&#205;&#223;&#230;&#227;&#201; &#199;&#225;&#200;&#212;&#237;&#209; &#223;&#199;&#228;&#202; &#210;&#237;&#228;&#201; &#230;&#210;&#237; &#199;&#225;&#209;&#202;&#237;&#228;&#201; ...

&#227;&#199; &#218;&#225;&#237;&#228;&#199; ... &#211;&#237;&#200; &#199;&#225;&#211;&#196;&#199;&#225; &#199;&#225;&#221;&#230;&#222; &#207;&#229; ... &#211;&#196;&#199;&#225; &#204;&#207;&#237;&#207; :
- &#229;&#225; &#227;&#246;&#228; &#199;&#225;&#223;&#209;&#199;&#227;&#201; &#195;&#228; &#237;&#230;&#222;&#246;&#218; &#199;&#225;&#200;&#212;&#237;&#209; &#197;&#202;&#246;&#221;&#199;&#222;&#246;&#237;&#199;&#202; &#202;&#246;&#204;&#199;&#209;&#246;&#237;&#201; &#230;&#203;&#222;&#199;&#221;&#246;&#237;&#201; &#227;&#218; &#207;&#230;&#225;&#201; &#227;&#245;&#205;&#202;&#225;&#201;
&#204;&#245;&#210;&#193; &#227;&#246;&#228; &#195;&#209;&#214;&#246;&#228;&#199; &#191;
- &#229;&#225; &#227;&#246;&#228; &#199;&#225;&#223;&#209;&#199;&#227;&#201; &#195;&#228; &#237;&#210;&#230;&#209; &#199;&#225;&#200;&#212;&#237;&#209; &#199;&#225;&#237;&#243;&#230;&#227; 25/03/2009&#227; &#227; &#227;&#246;&#213;&#209; &#230;&#229;&#237; &#227;&#245;&#205;&#202;&#225;&#201; &#204;&#245;&#210;&#193; &#227;&#246;&#228; &#195;&#209;&#214;&#246;&#229;&#246; &#191;

(&#218;&#207;&#225; &#200;&#230;&#199;&#211;&#216;&#201; &#218;&#210;&#199;&#227; &#205;&#211;&#228; &#221;&#209;&#205; on 25-03-2009, 01:17 &#227;)


عزام ،
عقِّب ، وأنا جاييك .

تحياتي
Post: #13
Title: Re: تبرير
Author: عزام حسن فرح
Date: 03-25-2009, 04:20 PM
Parent: #12

dardiri satti

Quote: &#229;&#225; &#223;
&#209;&#199;&#227;&#201; &#199;&#225;&#211;&#230;&#207;&#199;&#228;
&#227;&#205;&#221;&#230;&#217;&#201; &#230;&#227;&#246;&#213;&#209;
&#227;&#245;&#205;&#202;&#225;&#201; &#204;&#245;&#210;&#193; &#227;
&#246;&#228;&#229;&#199;&#191;


يا خوي ده شنو ؟
Post: #14
Title: Re: تبرير
Author: أبو ساندرا
Date: 03-25-2009, 06:11 PM
Parent: #13

Quote: سؤال عن الكرامة :
- هل كرامة السودان محفوظة ومِصر مُحتلة جُزء مِنها؟
قد يقول السودان الأن ضعيف لا يستطيع فتح جبهة مع المِصرِيين لِتحرير حلايِب ...
بِالرغم مِن أن إحتِلال حلايِب تم وحكومة البشير كانت زينة وزي الرتينة ...

ما علينا ... سيب السؤال الفوق ده ... سؤال جديد :
- هل مِن الكرامة أن يوقِع البشير إتِفاقِيات تِجارِية وثقافِية مع دولة مُحتلة
جُزء مِن أرضِنا ؟
- هل مِن الكرامة أن يزور البشير اليَوم 25/03/2009م م مِصر وهي مُحتلة جُزء مِن أرضِهِ ؟


اسئلتك في محلها يا ابوالعزم
علا زولك ده ما مشى زيارة بخاترو
ده إستدعوهو إستدعاء
عشان يسمعوهو الكلام الأخير
والكلام قالو ليهو قبل ده وعاند
قالو ليهو إتخارج ، إستقيل وجنب السودان ورطة تنازلاتك المرتقبة
لتنجو برأسك


الأيام ح توريك نادوهو قالو ليهو شنو
إت ماشفتو رجع لاوي بوزو كيفن ؟
Post: #15
Title: Re: تبرير
Author: عزام حسن فرح
Date: 03-25-2009, 07:55 PM
Parent: #14

أبو ساندرا ...

البِغيظ إنو حكومة البشير بِفترِضو إنو ذاكِرة الناس خَرِبه لِدرجة
إنهُم بِقولو كلام وبعد شهر أو شهرين يِقولو عكسو ... شوف سَيِدي
البِداية كانت < أمريكا روسيا قد دنى عذابُها > وبعد أقل مِن
سنة مشو يتمسحو في كِرعينا ... خطفو الأولاد مِن الشوارِع ورموهُم
في حرب الجنوب ولامن سألو التُرابي في التِلِفِزيون لِما لم يذهب
عِصام التُرابي إلى الجنوب قال عِصام < ولد عاص > ياخي أنا ولدي
إبن ستين كلب بس خليهو لي ...
Post: #16
Title: Re: تبرير
Author: Elawad Eltayeb
Date: 03-25-2009, 08:10 PM
Parent: #14

والله يا عزام
وماطوس

كلامكم ده
المفروض نبروزو
وندقوا في كل بيت سوداني

عشان يصحى الضمير المغيب

وتنصلح أغاني الحماسة المغلوطة

لي تار مع التتار

بدلاً من كونها
أدوات ظلم وإبادة للفقراء والمساكين
وتخوين وتهديد وقطع مفاصل في وجه الوطنيين البقولو الحق

زيها زي

الرقيص في المدافن

وعرس الشهيد

والشهادة

والتكبير والتهليل

وآيات التمكين

وذاكرة الشعب لا ولن تنسى
Post: #17
Title: Re: تبرير
Author: عزام حسن فرح
Date: 03-26-2009, 08:12 AM
Parent: #16

Elawad Eltayab

كتر خيرك ...

Quote: وذاكرة الشعب لا ولن تنسى


والله ذاكِرتنا مُصابة بِالـ< زهايمر > بِنتذكر التاريخ البعيد
وننسى ما حدث بِالأمس القريب ... مَن الذي أتى بِالسَيِد / الصادِق
المهدي في كُل الإنتِخابات بعد كُل الإخفاقات التي أحدثها طُوال
40 سنة ... مَن الذي أتى بِآل الميرغني ... مَن الذي أيد التُرابي
بِالأمس واليَوم بعد خروجِهِ مِن السِجن ... يا سَيِدي هذا عصر الديناصورات
المُتحجِرات ... حتى شداد ما عاوِز يخلينا في حالنا مِن قُمنا وعِرفنا في
حاجة إسمها كورة ... ما الفائِدة إذا لم نكُن ننسى شئ ولا نتعلم شئ