Post: #2
Title: Re: رشا شيخ الدين ...
Author: Muhib
Date: 03-24-2009, 10:10 PM
Parent: #1
ياسودان معليش.....ويبقي الامل...شكرا علي الاهداء
|
Post: #3
Title: Re: رشا شيخ الدين ...
Author: Gafar Bashir
Date: 03-24-2009, 10:58 PM
Parent: #2
انت كنت زراعة الليلة فيك مجاعة ...
يا سودان من وين لي وين وديل حكامك سووا الشين ..
تحياتي محب
|
Post: #4
Title: Re: رشا شيخ الدين ...
Author: تبارك شيخ الدين جبريل
Date: 03-25-2009, 00:28 AM
Parent: #3
أها ... وبعدين؟
|
Post: #5
Title: Re: رشا شيخ الدين ...
Author: معتصم مصطفي الجبلابي
Date: 03-25-2009, 00:53 AM
Parent: #4
بعدين
البطن بطرانة
والبلد تعبانة
|
Post: #6
Title: Re: رشا شيخ الدين ...
Author: تبارك شيخ الدين جبريل
Date: 03-25-2009, 01:36 AM
Parent: #5
جبلابى ... يا شيوعى ... يا تافه ...
يا داخل (زى جعفر) بين البصلة (رشا) وقشرتا (أنا - كزول قشرى ساى) ....
ما ينوبك إلاّ .... عفنتا ....
_______________________________________
نحن يا جبلابى - أنا ورشا - مشينا الندوة ضد الخفاض الفرعونى فى الحارة الرابعة (ورا بيتكم) سنة 1989 آخر ايام الديموقراطية .... رشا - كـ"ديموقراطوية" ناشئة - وأنا - كأخو بنات - فى حلّة مستنكرة للحدث .... فى ظلام - رغم الإضاءة - فى العقول والقلوب .....
رشأ - يا كحيل - من أجمل ما أنتجت بلادى من صبايا .... يحلمن بالمستقبل الزاهر للسودان ...
بينما أنا - والبطن بطرانة - من أقح الواقعيين المعاصرين .... وأتشرف بأخوتى ... للمبدعة "رشا" (والتى استطاعت وضع بصمة أسمها وحده، دون معاونة "هرم" كشيخ الدين) ....
الجميل .... هو القراءة ... لكتاباتك المتقدة .....
.. المهم ....
|
Post: #7
Title: Re: رشا شيخ الدين ...
Author: عليش
Date: 03-25-2009, 01:52 AM
Parent: #6
المهم...
انا رشا دي مابرضي فيها
والرهيفه....
|
Post: #8
Title: Re: رشا شيخ الدين ...
Author: Gafar Bashir
Date: 03-25-2009, 01:56 AM
Parent: #6
وبعدين ... البطن بطرانة
تقوم من صباح الرحمن....
وتصلي ركعتين شكر لله ... وتحمده قدر ما تقدر علي إنو اختك ...
تماضر شيخ الدين .....
وبعدين قبل ما تنوم تسجد قدر ما الله يهون ليك وتشكرو علي نعمتو إنو أختك التانية ...
رشا شيخ الدين ....
وبعدين ... تنوم نوم قرير العين هانيها .. مثلما فعل سيدنا عمر بن الخطاب حينما نام تحت الشجرة ...
لأنو لما يكونوا ديل أخواتك ... بتدخل أصبعك في عين الشمي وفي عين أجعص جعيص ... مش بتختوشك للأرض لما تشوف .. صورة لي أهلنا في دارفور ببيدوهم ويغتصبوا نساءهم ويشردوزهم وانت شايل ليك رق وبتطبل ...
|
Post: #9
Title: Re: رشا شيخ الدين ...
Author: Gafar Bashir
Date: 03-25-2009, 02:00 AM
Parent: #8
يا معتصم سلامات
ولم أملك الا ان اضحك كما لم اضحك من قبل علي هذا التعلق الوافي والشافي ....
تحياتي لك .. وصحيح البلد تعبانة واسمح لي بأن استلف بعضاً عباراتك ..
|
Post: #11
Title: Re: رشا شيخ الدين ...
Author: Gafar Bashir
Date: 03-25-2009, 02:04 AM
Parent: #9
| Quote: يا داخل (زى جعفر) بين البصلة (رشا) وقشرتا (أنا - كزول قشرى ساى) .... |
تعتقد يا تبارك خاطئاً أن الكون يدور حولك وأنك محوره ..
حينما أكتب عن رشا ... وحينما أعرض ما تقدمه ذلك لأنني اهتم برشا ... (قشرة شنو كمان) ...
واذا لم يكن ذلك هو الهداف فتأكد أنه سيكون لفتنظر تماضر شيخ الدين ... أما ما عدا ذلك ... فلا أمل ...
والحقيقة ... إنها رشا التي تجبرنا علي إحترامها واحترام ما تقدمه ...
لها كل الحب والود
ويا سودان معليش
البطن بطرانة زي ما قال
الجبلابي ...
|
Post: #10
Title: Re: رشا شيخ الدين ...
Author: تبارك شيخ الدين جبريل
Date: 03-25-2009, 02:03 AM
Parent: #8
| Quote: لأنو لما يكونوا ديل أخواتك ... بتدخل أصبعك في عين الشمي وفي عين أجعص جعيص ... مش بتختوشك للأرض لما تشوف .. صورة لي أهلنا في دارفور ببيدوهم ويغتصبوا نساءهم ويشردوزهم وانت شايل ليك رق وبتطبل ... |
ما أنا يا العليش البشوف إبادة واغتصاب .... واسكت ...
لاكين ... لمّا الشم مودعة غاربة ... وصّت جملة الصقّار عيونهم ..... كاربة ....
(ما بجى الليلة بقول عندى ضعف نظر....)
... المهم ....
|
Post: #12
Title: Re: رشا شيخ الدين ...
Author: تبارك شيخ الدين جبريل
Date: 03-25-2009, 02:14 AM
Parent: #10
أبقوا .... الف ...
|
Post: #13
Title: Re: رشا شيخ الدين ...
Author: Gafar Bashir
Date: 03-25-2009, 02:26 AM
Parent: #12
الف احمر ... وشيوعي كمان ..
|
Post: #14
Title: Re: رشا شيخ الدين ...
Author: Gafar Bashir
Date: 03-25-2009, 02:30 AM
Parent: #13
Quote: لمهم...
انا رشا دي مابرضي فيها
والرهيفه.... |
التنقد يا عليش ... وتتوسع.
والبفكر في نقطة موية ماسورة قاطعة في عز الصيف .. في عهد الجبهة الاسلاميةالغيهب
بنرشه بالدم ... حتي لو كان ... أخو البنات ...
|
Post: #15
Title: Re: رشا شيخ الدين ...
Author: تبارك شيخ الدين جبريل
Date: 03-25-2009, 02:48 AM
Parent: #14
واضح يا جعفر بشير "الخليفة" (لو ما أنا غلطان) إنك ما واجهت "أخوبنات" قبل كدا ....
....... المهم .................
|
Post: #16
Title: Re: رشا شيخ الدين ...
Author: Rawia
Date: 03-25-2009, 03:51 AM
Parent: #15
اللهم طولك ياروح
_______________
تبارك بالله بطل تتنطط في كل بوست يجيبوا فيهو سيرة رشا
إنت قايل رشا دي حقتك براك
رشا دي لينا فيها إحنا أكتر منك
إحنا معجبينهاومحبينها ومقدري فنها وموهبتها
إنت -حي الله- أخوها
قبل كدا إتسببت في حذف بوست من المنبر فيهو مدحة محسن خالد ورشا على الرغم من إنه فلاحتك دي ماسويتها لمن البوست
الاول نزل وفيهو المدحة وفيهو مداخلات محسن خالد بذات نفسه كدليل لرضاهو وقبوله بنزول العمل في بوست في المنبر العام لسودانيز اونلاين
الله يكفي رشا شرك (لو بقصد أو من دون قصد)
مابتفق معاهم في حكاية البطن بطرانة دي
أقدر ذكاءك وطريقة تفكيرك
ومابفتكر إنه ناقصك شي عشان تبدع
|
Post: #17
Title: Re: رشا شيخ الدين ...
Author: تبارك شيخ الدين جبريل
Date: 03-25-2009, 04:03 AM
Parent: #16
رشا الإنسان .. يا راوية ... أختى السغيرة الأنا رعيتا .....
ورشا ... الفنانة ... بتعيش رمز فى قلوب ... عشاقا ومحبينا ... - الغالباً - ما بتفقوا معاي ....
بالنسبة لى - كزول بعاين لى مستقبل السودان - ما عندى مشكلة ... إنو معجبين "رشا" يسقطونى من نظرم .....
المهم عندى ... السودان .... ثم ... رشا ...... ثم .... الرعاع .....
وما برتب أولوياتى ... بى إتفاق مع جهة ... لاأى زول ......
وشكراً على ... وجودك ... مواطنة .... ومستمعة .... ومعارضة .... للنظام .. الأنا بأيّدو .........
.. المهم ...... حبابك .....
|
Post: #18
Title: Re: رشا شيخ الدين ...
Author: Rawia
Date: 03-25-2009, 04:27 AM
Parent: #17
Quote:
ومعارضة .... للنظام .. الأنا بأيّدو |
منو القال ليك
أنا يوم واحد في البورد دا ماقلت ولا صدر مني إني مع نظام أو ضدو
أنا ملتزمة بتعهد ماضية أوراقه لجهة شغلي إني ما أتكلم ولا أمارس سياسة البتة -ماعادا التصويت في الانتخابات الامريكية-
وبس
ماتنمطوا الناس ساكت زي ماعاوزين
_________________
بعدين أنا مابتكلم على أغنية رشا المنزلها جعفر دي تحديدا
|
Post: #19
Title: Re: رشا شيخ الدين ...
Author: تبارك شيخ الدين جبريل
Date: 03-25-2009, 04:43 AM
Parent: #18
Quote: أنا يوم واحد في البورد دا ماقلت ولا صدر مني إني مع نظام أو ضدو
أنا ملتزمة بتعهد ماضية أوراقه لجهة شغلي إني ما أتكلم ولا أمارس سياسة البتة -ماعادا التصويت في الانتخابات الامريكية-
وبس |
أنا Self-employed فى أمريكا ... و Peace Activist فى أمريكا ... جنس عقدك الماضية عليهو دا ما مرّ على ....
ومعليش لو "نمّطناك" بالغلت ... ولامؤاخذة .....
وانا - أحمد سيدى - بعد عقوداتى المضيتا ... مؤيّد للنظام .... بى منتهى حرية التعبير الأمريكية .....
وانتى - أو رشا - بارن الضو الدايرات تبارنّو ... وكان لزمكن "اخو بنات" ... ودالشريف ... رهن الإشارة .....
... المهم .......
|
Post: #20
Title: Re: رشا شيخ الدين ...
Author: اسامه خليفه
Date: 03-25-2009, 05:16 AM
Parent: #19
جعفر بشير ياجميل تشكر علي هذه اللوحه الجميله..
رشا شيخ الدين مبدعه بمعني الكلمه..
مودتي..
|
Post: #21
Title: Re: رشا شيخ الدين ...
Author: محمد الطيب يوسف
Date: 03-25-2009, 05:38 AM
Parent: #20
جعفر بشير ازيك
غايتو العاوزين تشكرو بتشكرو
شعر ملتق ولحن شين وكلام مرتجل ساكت نظام ليس ليس اطلع كويس
وياسودان معليش
|
Post: #22
Title: Re: رشا شيخ الدين ...
Author: خضر حسين خليل
Date: 03-25-2009, 06:27 AM
Parent: #21
ابو آمنة
ازيك ياخ
والله التسجيل دة لسع ما سمعتو لكن الشهادة لله رشا دي مبدعة عديل وسابقة الابداع بي (ركعات ابداع)
يومياً أنا بسمع ليها يا جعفر الزولة دي بتمتلك صوت قوي ومريح في آن واحد !
حاول ياجعفر اسمع ليها ياعذاري الحي ، أو السالب فؤادي بعدين عندها مزيكا عجيبة تخش الروح
توشك توشك !
التحية ليكي يا رشا وين ماتكوني !
|
Post: #23
Title: Re: رشا شيخ الدين ...
Author: Gafar Bashir
Date: 03-25-2009, 08:09 AM
Parent: #22
تحياتي أسامة خليفة
وانت الاجمل يا سيدي
وشكرا لرشا شيخ الدين المبدعة دائما ...
|
Post: #24
Title: Re: رشا شيخ الدين ...
Author: Gafar Bashir
Date: 03-25-2009, 08:21 AM
Parent: #22
اللهم طولك ياروح ..
إنت قايل رشا دي حقتك براك
رشا دي لينا فيها إحنا أكتر منك
إحنا معجبينهاومحبينها ومقدري فنها وموهبتها
إنت -حي الله- أخوها
راوية ازيك ...
وكان ادونا فرصو دي زاتها ما بلقاها ... اخير ليهو يحمد الله بس وينوم علي كدة.
شكلها السعودية بقت احسن من امريكا؟ :) :) :) عقود شنو كمان؟ الله يكون في عونك
|
Post: #25
Title: Re: رشا شيخ الدين ...
Author: Gafar Bashir
Date: 03-25-2009, 08:50 AM
Parent: #21
تحياتي محمد
رشا بنت مبدعة ...
صاحبة مقدرات صوتية عالية ...
اتمني تحاول البحث عن أغاني أخري لها ...
ان لم يعجبك هذا الايقاع ... فتأكد أنك ستعجب بايقاع آخر
|
Post: #26
Title: Re: رشا شيخ الدين ...
Author: صديق الموج
Date: 03-25-2009, 09:24 AM
Parent: #25
اعــــــــــــــلان هــــــــــــــــــــــــام
رغم وجود الزول المحدر طاقيته (المدعى) تبارك شيخ الدين..
رغم وجود اخوها الكبير يازول يازول...
رغم وجود الصادق شيخ الدين ابو امنه..
رغم وجود تماضر شيخ الدين..
رغم اعتزال قصى همرور الكتابه وكان بيننا..
رغم ان من قراء سودانيز اون لاين المدعو ابوعبيده شيخ الدين..
رغم وجود كل هولاء واولئك بالمنبر الا اننى اعلن على الملاء...
اننى احب البنت المشوطنه الاسمها رشا شيخ الدين..
رعاها الله من نسمة رقيقه..
العاجبو عاجبو والماعاجبو فليتبعنى خلف ذلك الجبل،،،
|
Post: #27
Title: Re: رشا شيخ الدين ...
Author: تبارك شيخ الدين جبريل
Date: 03-25-2009, 04:47 PM
Parent: #26
| Quote: العاجبو عاجبو والماعاجبو فليتبعنى خلف ذلك الجبل،،، |
أها ... يا جعفر....
... جاوب .......
.. المهم .....
|
Post: #28
Title: Re: رشا شيخ الدين ...
Author: Gafar Bashir
Date: 03-26-2009, 03:06 AM
Parent: #27
إزيك يا خضر حسين ياخي ... وليك وحشة والله ..
استمتعت بعدد من أغاني المبدعة رشا شيخ الدين ..
اقيس محاسنك ويا عذراي الحي وناري ويا صاحب امعراج نور المدينة وغيرها كتير ....
اها شكلي كدة صباح ومساء .. والماعاجبو يشرب (يبلط البحر) زي ما بقولوا أهل البلد دي ....
|
Post: #30
Title: Re: رشا شيخ الدين ...
Author: Gafar Bashir
Date: 03-26-2009, 12:35 PM
Parent: #28
Quote: العاجبو عاجبو والماعاجبو فليتبعنى خلف ذلك الجبل،،،
أها ... يا جعفر....
... جاوب .......
|
أجاوب شنو ياخي ...
الجبل ده انت قايلو منو؟
كدي أسال ود الموج ...
|
Post: #31
Title: Re: رشا شيخ الدين ...
Author: Gafar Bashir
Date: 03-26-2009, 12:42 PM
Parent: #28
اعــــــــــــــلان هــــــــــــــــــــــــام (جديد)
رغم وجود الزول المحدر طاقيته (المدعى) تبارك شيخ الدين..
رغم وجود كل هولاء واولئك بالمنبر الا اننى اعلن على الملاء...
إن صديق الموج يحب البنت المشوطنه الاسمها رشا شيخ الدين..
رعاها الله من نسمة رقيقه..
كان عاجبك يا تبارك وكان ما عاجبك امشي ليهو ورا الجبل داك ،،،
---
اخا يا ود الموج كان فكر ساي يجيك انا اديهو ليك فلقة في نص راسو الكبير ده ... يعني بجيك جاهز.
|
Post: #32
Title: Re: رشا شيخ الدين ...
Author: تبارك شيخ الدين جبريل
Date: 03-26-2009, 04:29 PM
Parent: #31
| Quote: كان عاجبك يا تبارك وكان ما عاجبك امشي ليهو ورا الجبل داك ،،، |
انا خلاااااس .... دمى فار ....
أدونا عنوان الجبل بتاع ودالموج دا....
(ولاّ هو قال بحر؟)
.. المهم ...
|
Post: #33
Title: Re: رشا شيخ الدين ...
Author: صديق الموج
Date: 03-26-2009, 05:34 PM
Parent: #32
Quote: انا خلاااااس .... دمى فار ....
أدونا عنوان الجبل بتاع ودالموج دا....
(ولاّ هو قال بحر؟) |
كضب السواد عامل ماعارف عنوان الجبل؟ اقول ليك؟؟
شمال شرق السروجية..
نشوفك بى هناك ياهرقل
وتانى مع سبق الاصرار والتودد
احب البنت الاسمها رشا،،،،
|
Post: #34
Title: Re: رشا شيخ الدين ...
Author: تبارك شيخ الدين جبريل
Date: 03-26-2009, 05:43 PM
Parent: #33
| Quote: شمال شرق السروجية.. |
وين لى "سورج"؟
.. المهم ...
|
|