Post: #1
Title: الرئيس قلب هوبة .. ما قلتو نوبة ؟؟
Author: عصام دهب
Date: 03-23-2009, 01:04 PM
سافر البشير إلى أريتريا ..
و أريتريا هي دولة لديها واجهة على البحر الذي من المفترض أن يكون معسكراً فيه الأسطول ..
الأسطول الذي بشّر به بعض أشباه الجلبي و كرزاي و توهموا أنه الخلاص ..
طلع قاعد ( ساكت ) ساي .. و مربع يدينو كمان ..
أهة ( الشباب ) كان بقوا ( مٍتكلين ) على الأسطول ده معناتا أنسى يا مان ..
و سواء سافر البشير بي ركشة أو بي لوري أو حتى مشى كداري فهو سافر .. سافر ..
سافر و قشة ما عترت ليهو !!
الجماعة بتاعين الجعجعة شابكين الناس .. و الله نسوي و .. الله حنعمل !!
و الله يقدرو يخت رجلول برة .. و خليهو يطلع معانا الخور ..
الزول طلع برة و الجماعة طلعوا ( خيخات ) ساكت ..
يلا أختشوا ..
أمشوا بس .. كتروا لينا في الصور مع أوكامبو و علوية دلاقين ..
ــ
قلنا شغل كيبوردات ، قلتو ( نوبة ) !!
قلتو بتاعين حركات ، قلب ليكم ( هوبة ) !!
|
Post: #2
Title: Re: الرئيس قلب هوبة .. ما قلتو نوبة ؟؟
Author: بشير أحمد
Date: 03-23-2009, 01:14 PM
Parent: #1
المستشار ابوالدهب
تحياتي؛؛؛
لكن والله السيك عجبني وعجبني للمارقوت.
قالوا دي زيارة داخلية !!!
|
Post: #9
Title: Re: الرئيس قلب هوبة .. ما قلتو نوبة ؟؟
Author: عصام دهب
Date: 03-23-2009, 01:59 PM
Parent: #2
تحياتي يا بشير ..
| Quote: قالوا دي زيارة داخلية !!! |
مش بركة الما قالو الفيلم دة دخلناهو في تسني ..
|
Post: #3
Title: Re: الرئيس قلب هوبة .. ما قلتو نوبة ؟؟
Author: عصام دهب
Date: 03-23-2009, 01:21 PM
Parent: #1
اما الرجال فنجحها في فعلها لا في الكلام ..
..
و السواي ما عواي ..
و العندو بخور بنشم ..
هكذا تعلمنا و عرفنا ..
لكن في هذه المنابر ..
عرفنا أيضاً ..
أن ..
( الفي بال أم الخير تهضرب بيهو طول الليل )
و ( الأصبعو في الكي بورد ما زي الأصبعو في الزناد ) ..
فما فتئ الكيبورديون يعووون ليلاً و نهاراً ..
و يجعجعون جعجعة بلا طحين أو حتى ( دكوة ) ..
حتى لكانك على تصديق أحدهم تفضل أن تلحس ( المكواة ) ..
ــ
عايزين ( خجالات ) ..
|
Post: #6
Title: Re: الرئيس قلب هوبة .. ما قلتو نوبة ؟؟
Author: عصام دهب
Date: 03-23-2009, 01:33 PM
Parent: #3
بما يشبه الإجماع وقف الشعب السوداني ( البطل ) ..
وقفة رجل واحد في مواجهة أوكامبو و مهزلة الجور ..
لكن الجعجاعين ..
أنكروا ضوء الشمس من ( غباش ) رؤيتهم ..
و بلغت بهم ( قلة الأدب ) مبلغ إساءة ( شعبهم ) ..
لكنه شعباً تسامى ..
عن الصعاليك ..
و تبرأ من ( بتاعين الكواريك )
معلماً كعادته .. حريفاً ..
شعب ( تفتيحة ) ..
جاءهم بأبلغ رد ..
|
Post: #4
Title: عصام
Author: النذير بيرو
Date: 03-23-2009, 01:23 PM
Parent: #1
عصام دهب
والله انا اشفق علي البعض من الجماعة ديل
ياعصام اي زول لو قالوا ليهو البحصل في العالم ده شنو ؟
بكل بساطة حيقول ليك ده استعمار من نوع جديد وبالية جديدة علي التاريخ
السودان بلد مستهدف وليس الرئيس
ومعروفة اجندة بعض الدول بمن فيها اسرائيل واضحة للعيان تفتيت السودان شاغل اليهود من زمان
ريحتني راحة شديدة يامان
تسلم
|
Post: #12
Title: Re: عصام
Author: عصام دهب
Date: 03-23-2009, 02:10 PM
Parent: #4
تحياتي يا النذير ..
Quote: ده استعمار من نوع جديد وبالية جديدة علي التاريخ
السودان بلد مستهدف وليس الرئيس |
ما قلته هو عين الحقيقة ..
و ليت الجعاجعون يعلمون و من حال العراق و الصومال يتعظون ..
|
Post: #5
Title: سافر بأمان الله ،،،
Author: ميسرة سيد أحمد
Date: 03-23-2009, 01:28 PM
Parent: #1
من حق الرئيس السوداني أن يسافر إلى
أريتريا وأن يسافر إلى قطر ،، هذه
سيادة دولة ولن تنتقص سيادتنا من
المدعو أوكامبو أو المؤيدين له
بدلاً من الجدل حول هل ح يسافر
لا ما ح يسافر ،،، أصبحت الشغل
الشاغل لكثيرين من مؤيدي المحكمة
الجنائية ،،، لتكون
المعارضة إيجابية
تعمل لإيجاد حل
لقضية دار فور
محاكمة رأس الدولة أو
عدم محاكمته لن تجلب
السلام لأهلنا بدار فور
المطلوب حالياً خدمة
السلام وجلب السلام
وبالواضح جلب وإقناع
الحركات المسلحة
لمسألة التفاوض
والحل السلمي
_____________
وموضوع راس الدولة
ده أنسوه وأوكامبو
ما بيعمل حاجة المهم
هو ح يستلم راتبه من
أمريكا يعني ح يستلم
|
Post: #7
Title: Re: سافر بأمان الله ،،،
Author: عصام دهب
Date: 03-23-2009, 01:46 PM
Parent: #5
ببساطة شديدة ..
شعبنا يأبى الذل و لا يرضى الطرطشة
يكره الحقارة و الحقارين ..
شعب دغري ما بحب الكلام الملولو ..
شعب فاهم عرف نفسو بسوي في شنو ..
شعب ما هو قاصر و ما بتغش ..
ما بتشيل فيهو ( مكنة ) و لا بيغشو جاهل ..
ـ
|
Post: #8
Title: Re: سافر بأمان الله ،،،
Author: عصام دهب
Date: 03-23-2009, 01:54 PM
Parent: #7
إختار البشير جانب الشعب ..
فتناسى الشعب ما سلف ..
وأختار مناصرة البشير ..
فأستمد البشير قوته من الشعب ..
و يا لها من قوة ..
الجموع التي ضاقت بها شوارع البلاد ..
لم يرغمهم أحد على الخروج ..
و لم تحملهم ضغائن على التولي ..
و لم ترهبهم قوة في الأرض ..
ــ
كلو و لا الحقارة ..
|
Post: #14
Title: Re: سافر بأمان الله ،،،
Author: عصام دهب
Date: 03-23-2009, 02:27 PM
Parent: #5
ريسنا المبجل ..
تحياتي ..
Quote: هذه سيادة دولة ولن تنتقص سيادتنا من
المدعو أوكامبو أو المؤيدين له |
وهذا عهدنا بك و بكل الوطنيين حقاً ..
و ليت هؤلاء يفرقون ما بين معاداة النظام و معاداة الشعب و الوطن ..
ــ
|
Post: #10
Title: ماذا تعني
Author: شمس الدين ساتى
Date: 03-23-2009, 02:02 PM
Parent: #1
إختار البشير جانب الشعب
( فتناسي الشعب ماسلف)
لو سمحت تفسر ما هو بعاليه؟
|
Post: #11
Title: Re: ماذا تعني
Author: esam gabralla
Date: 03-23-2009, 02:09 PM
Parent: #10
Quote: يكره الحقارة و الحقارين ..
شعب دغري ما بحب الكلام الملولو ..
إختار البشير جانب الشعب .. |
كان تاب(ت) ب(ي)تتعرص
|
Post: #13
Title: Re: ماذا تعني
Author: عصام دهب
Date: 03-23-2009, 02:22 PM
Parent: #11
| Quote: كان تاب(ت) ب(ي)تتعرص |
لكن ما عقدتني يازميل عديييل كدة بي كلام ( قلة الأدب ) دة ..
ــ
صدق ببساطة كدة ممكن أعمل فيها شفاتي و أقول ليك أنا عارف أنتا قاصد بالكلام دة ( ÷ < ) صاااح ؟؟
بس عشان في كتييير ناس محترمة هنا .. حأقول ليك ..
جر ..
|
Post: #15
Title: Re: ماذا تعني
Author: esam gabralla
Date: 03-23-2009, 02:28 PM
Parent: #13
ولد ده ....
دخلتنى في اضافرينى ....
بالله بعد | Quote: إختار البشير جانب الشعب |
لسه في ناس محترمه؟
غايتو اوكامبو البقي قميص عثمان لبعض من عاوز يفرش ...
افرشو زى ما عاوزين ...
بس زحوا الشعب ده بالجنبة ....
قلت لى:
Quote: إختار البشير جانب الشعب ..
فتناسى الشعب ما سلف .. |
و اصدرت الصكوك كمان .. الشعب تناسي
يا ممثل الشعب
يجر.......
|
Post: #16
Title: Re: ماذا تعني
Author: عصام دهب
Date: 03-23-2009, 02:30 PM
Parent: #10
| Quote: لو سمحت تفسر ما هو بعاليه؟ |
لو سمحت أنا ما بفسر و إنتا ما بتقصر ..
|
Post: #17
Title: Re: ماذا تعني
Author: عصام دهب
Date: 03-23-2009, 02:50 PM
Parent: #16
Quote: بالله بعد إختار البشير جانب الشعب
لسه في ناس محترمه؟ |
البركة فيك أنتا يا بتاع أوكامبو الأديت الإمبريالية في حنانها ..
| Quote: بس زحوا الشعب ده بالجنبة .... |
الشعب زحّ عديييل ،،، أترك ( الوهمات ) يا زميل أصحى ..
( ..... ÷ < )
|
|