Post: #1
Title: الحاضر يكلم الغايب ... شهادة لله ثم للتاريخ
Author: ابراهيم قناوي
Date: 03-23-2009, 09:46 AM
السلام عليكم
جيت خاشي مكتبي حوالي الساعة 10 صباحا بتوقيت السعودية
بعد محاضرة مرهقة في الإحصاء الحيوي
نالني فيها ما نالني من الكد الذهني
وبالطبع راحتي ومقيلي
في منتداي الحبيب سودانيز أونلاين
وإذا بي أفاجأ
بعاصفة قوية من الهجوم من غخوة و أخوات
بسبب بوست عنوانو غريب
أثار في نفوس الكثيرين ما أثار
وأنا أتابع البوست وإذا هو مكتوب بإسمي
بل وتابعت الردود بإسمي
فحاولت ان أجد تبريرا لذلك لم أفلح
ونظرت وإذا هناك مداخلات أخرى بإسمي
حاولت الإتصال بالأخ بكري من خلال الموقع
ولم أفلح
وأخيرا هداني تفكيري للإتصال بالأخ والقريب
محمد عبد الماجد الصايم
والغريب أنني حاولت الدخول أكثر من مرة
وفشلت وكررت الإتصال بالأخ ود الصايم
وتأكدت أن الباسويرد تبعي يعمل
وأني لست موقوفا
حاولت مرة اخرى ونجحت في الدخول
حيث فطنت لأنني كنت أكتب إسمي بالهمزة (إبراهيم)
وهو في الحقيقة مسجل بدون همزة (ابراهيم)
ولأنني دائما اترك الموقع أونلاين ولا أسجل خروج فقد
نسيت هذا الأمر
المهم
شهادتي لله ثم للتاريخ أنني لم أكتب هذا البوست
ولا يشبهني هذا لاتناول للأمور ولو على سبيل المزاح
ولي منهجي الذي أسير به ويعرفني الكثيرون
في هذا المنبر
على العموم
إعتذاري للجميع
وعلى رأسهم أخواتي العزيزات
على ما أصابهم من رشاش ورايش
ويعلم الله انني أكثر من أصيب لأنني أصبت في مقتل
وهذه شهادتي
لمن يهمه الأمر
والسلام
كتبه
د. إبراهيم قناوي بنفسه
____________________
سأقوم ببعض التحريات والإجراءات
لمعرفة من كتب بإسمي
وأبدا بتغيير الباسويرد
|
Post: #2
Title: Re: الحاضر يكلم الغايب ... شهادة لله ثم للتاريخ
Author: عصام دهب
Date: 03-23-2009, 09:52 AM
Parent: #1
تحية و سلام يا دكتور ..
و ما حدث هو إستغلال سيء لإسمكم ..
و عليكم توخي الحذر مستقبلاً ..
|
Post: #3
Title: Re: الحاضر يكلم الغايب ... شهادة لله ثم للتاريخ
Author: SHIBKA
Date: 03-23-2009, 09:56 AM
Parent: #2
المسامح كريم
|
Post: #5
Title: Re: الحاضر يكلم الغايب ... شهادة لله ثم للتاريخ
Author: Muna Khugali
Date: 03-23-2009, 09:57 AM
Parent: #2
الحمدلله علي توضيحك..
فقد استغربت العنوان حقيقي بعد أن أرعبني!
وأرجو أن تحل مشكلة سرقة الباسووردات ونرتاح من كم الاهانات التي يتسبب بها..
تحياتي..
|
Post: #4
Title: Re: الحاضر يكلم الغايب ... شهادة لله ثم للتاريخ
Author: tmbis
Date: 03-23-2009, 09:56 AM
Parent: #1
والله يا دكتور والشهادة لله .. انا شفت البوست والعنوان استغربت ..
لكن مسالة الهمزة دي (حكرة) جديدة من حكرات (الهكـر) ..
لكن الغريب جدا كاروشة ما انتبه ليها وعامل لينا فيها باحث ومحلل (هكـري) 
|
Post: #6
Title: Re: الحاضر يكلم الغايب ... شهادة لله ثم للتاريخ
Author: ASHRAF MUSTAFA
Date: 03-23-2009, 10:01 AM
Parent: #4
تسلم يا دكتور من كل بلاء
اعذرنا وامسحها لينا في وشنا المعفن ده
|
Post: #7
Title: Re: الحاضر يكلم الغايب ... شهادة لله ثم للتاريخ
Author: صلاح أبودية
Date: 03-23-2009, 10:03 AM
Parent: #6
حاضرين !!
up
|
Post: #10
Title: Re: الحاضر يكلم الغايب ... شهادة لله ثم للتاريخ
Author: عزام حسن فرح
Date: 03-23-2009, 10:19 AM
Parent: #7
كُنت مِن جُملة الذين نددوا بِالعمود المعني ... وإذا ظهرت البراءة
لا أعتذِر أنا المُندِد السابِق لأنني نددت بِعِنوان العمود ولم أمِس
الكاتِب في شخصِهِ ... لِذا أقول مبروك على البراءة يا ود قِناوي ...
تِستاهلا ... المؤمِن مُصاب ... كانت الردود قاسِية لِقسَوة العِنوان
|
Post: #11
Title: Re: الحاضر يكلم الغايب ... شهادة لله ثم للتاريخ
Author: جعفر محي الدين
Date: 03-23-2009, 10:28 AM
Parent: #6
اللهم أكفنا شر الهكر بلاويه كترت خلاص
|
Post: #8
Title: Re: الحاضر يكلم الغايب ... شهادة لله ثم للتاريخ
Author: ابراهيم قناوي
Date: 03-23-2009, 10:13 AM
Parent: #4
الإخوة الكرام
أستاذ عصام دهب
SHIBKA
حبيبنا تمبس
شاكر لكم مروركم
والله حاسي إنو ضغطي مرتفع
بسبب هذا الأمر
ولست انا من يتكلم بفاحش القول
ولو مزاحاً
اللهم لا تؤاخذنا بما فعل السفهاء منا
|
Post: #9
Title: Re: الحاضر يكلم الغايب ... شهادة لله ثم للتاريخ
Author: ابراهيم قناوي
Date: 03-23-2009, 10:18 AM
Parent: #8
Quote: تسلم يا دكتور من كل بلاء
اعذرنا وامسحها لينا في وشنا المعفن ده |
ليه يا أبو الشوش ياخي تقول كدة
تسلم ياخي إنت ويسلم وجهك النضر
ويسلم جميع زملائي في هذا المنبر
فما وجدت منهم إلا طيب القول
وأسأل الله ان يديم بيننا المعروف
أختنا الخوجلية
وأستاذنا صلاح أبودية
وجميع من مر من هنا
لكم الود
فوالله الذي لا إله إلا هو
لا احمل في قلبي للناس إلا الخير
ومهما إختلفت مع احد فكريا أو أي خلاف
لا يجد مني إلا كل إحترام
ودعاء بظهر الغيب
شاكر لكم جميعا
|
Post: #12
Title: Re: الحاضر يكلم الغايب ... شهادة لله ثم للتاريخ
Author: ismeil abbas
Date: 03-23-2009, 11:26 AM
Parent: #9
ألأخ/إبراهيم السلام عليكم
لقد كنت من ضمن المتداخلين فى ذلك البوست......
فعلا ألأمر كان قاسيآ جدآ..علينا جميعآ...
ولكن الحمدالله إنك أظهرت الحقيقة.....وبصراحة دى مشكلة كبيرة..الله يستر على الجميع...
لك خالص الود.....إسماعيل محمد احمد عباس...
|
Post: #13
Title: Re: الحاضر يكلم الغايب ... شهادة لله ثم للتاريخ
Author: ابراهيم قناوي
Date: 03-23-2009, 11:42 AM
Parent: #12
Quote: ألأخ/إبراهيم السلام عليكم
لقد كنت من ضمن المتداخلين فى ذلك البوست......
فعلا ألأمر كان قاسيآ جدآ..علينا جميعآ...
ولكن الحمدالله إنك أظهرت الحقيقة.....وبصراحة دى مشكلة كبيرة..الله يستر على الجميع...
لك خالص الود.....إسماعيل محمد احمد عباس... |
شكرا لك أخي إسماعيل
لمرورك الكريم
وأسأل الله ان يقينا من شر الفتن
ما ظهر منها وما بطن
|
Post: #14
Title: Re: الحاضر يكلم الغايب ... شهادة لله ثم للتاريخ
Author: حاتم محمود الجاك
Date: 03-23-2009, 12:25 PM
Parent: #13
يادكتور
الجاتك في باسووردك سامحتك ..
ودقت في العارضة المرة دي
المرة الجاية ظبّت دفاعاتك
واصلاً البوست سئ الذكر داك ما بشبهك
تحياتي
|
Post: #15
Title: Re: الحاضر يكلم الغايب ... شهادة لله ثم للتاريخ
Author: Biraima M Adam
Date: 03-23-2009, 01:28 PM
Parent: #14
عزام
أفتح لينا بوست .. بذات العنوان .. عشان نثبت لك أن أى مجتمع فيه الساقط ..
وذاك البوست دليل قاطع على سقوط من أنتحل إسم الدكتور الكريم قناوى
وممكن تكون واحدة ساقطة .. كيف تثبت العكس!
----------------
دا أسمو أثبات بال contradiction
بريمة
|
Post: #16
Title: Re: الحاضر يكلم الغايب ... شهادة لله ثم للتاريخ
Author: كمال عباس
Date: 03-23-2009, 02:05 PM
Parent: #15
شكرا يا إبراهيم قناوي
وحقيقة ولمعرفتي بأسلوبك ولسانك العفيف عرفت أنك لست بكاتب ذلك البوست وناشدت الاخوة عدم الهجوم علي شخصك أو الحكم عليك حتي تنجلي
الامور.....والحمد لله فقد تبين الامر وأتضحت الرؤية
ولك التقدير
|
Post: #17
Title: Re: الحاضر يكلم الغايب ... شهادة لله ثم للتاريخ
Author: ابراهيم قناوي
Date: 03-23-2009, 02:37 PM
Parent: #14
حاتم يا غالي
ليك تحياتي
يادكتور
الجاتك في باسووردك سامحتك ..
ودقت في العارضة المرة دي
المرة الجاية ظبّت دفاعاتك
واصلاً البوست سئ الذكر داك ما بشبهك
تحياتي
الحمد لله على كل حال
|
Post: #18
Title: Re: الحاضر يكلم الغايب ... شهادة لله ثم للتاريخ
Author: ابراهيم قناوي
Date: 03-23-2009, 02:44 PM
Parent: #17
أستاذ كمال عباس
كلامك ده:
شكرا يا إبراهيم قناوي
وحقيقة ولمعرفتي بأسلوبك ولسانك العفيف عرفت
دأنك لست بكاتب ذلك البوست وناشدت الاخوة عدم
الهجوم علي شخصك أو الحكم عليك حتي تنجلي
الامور.....والحمد لله فقد تبين الامر وأتضحت الرؤية
ولك التقدير
قلادة أضعها على صدري
لأن مثلك لا يعرف المجاملة الفارغة
ولا يخشى في الحق لومة لائم
ولعل هذا جانب مضئ من الصورة
إذ لولا هذه الحادثة
لما نلت منك هذه الشهادة
وكذلك لما عرفت الروح الطيبة
في إخواني وأخواتي في هذا المنبر
__________________________________
شكرا أستاذ كمال عباس
وهذا عهدي بك
وشكرا للجميع مرة أخرى
|
Post: #19
Title: Re: الحاضر يكلم الغايب ... شهادة لله ثم للتاريخ
Author: عزام حسن فرح
Date: 03-23-2009, 04:21 PM
Parent: #18
بريمة ...
Quote: عزام
أفتح لينا بوست .. بذات العنوان .. عشان نثبت لك أن أى مجتمع فيه الساقط ..
وذاك البوست دليل قاطع على سقوط من أنتحل إسم الدكتور الكريم قناوى
وممكن تكون واحدة ساقطة .. كيف تثبت العكس!
----------------
دا أسمو أثبات بال contradiction
بريمة |
وإنت قاصِر ما تفتح البوست براك ... وبعدين ما تلفلِف الكلام إنت قُلت في أي مُجتمع
في [ ساقِطات ] أو يكون مُجتمع ملائِكي ... [ ساقِطات ] بِالمعنى المُستهجن لِكِلمة [ ساقِطة ]
والبِسببو إتمسح البوست والبسبو هاجمنا إبراهيم قِناوي قُبال ما نكتشِف إنو إتهكر ...
والزول الكتب بِإسم إبراهيم قِناوي أمرقو بره لأننا كُنا بِنتكلم عن [ ساقِطة ] بِالمعنى
السيئي ...
قُمت إنت عممت وقلت : [ أي ] مُجتمع فيهو [ ساقِطات ] أو تكون مُجتمع ملائكة ...
قُلت ليك بعد تعميمك بإنو [ أي ] مُجتمع فيهو [ ساقِطات ] ورينا [ ساقِطات قريتكُم ]
أو تكونو ملائكة ... قُمت إنت أكدت بِإنو في قريتكُم في [ ساقِطات ] وقَلت لي زي أي مُجتمع
حتى قريتي ... أنا كتبت ليك رد لكِن إتمسح مع الممسوح ... قُلت ليك فيهو إنو كلامك
بِتاع [ أي مُجتمع فيهو ساقِطات ] لاحِظ إحنا بِنتكلم عن الساقِطة مُش في الإمتِحان ... ساقِطة
بِالمعنى البِسببو إتهاجم إبراهيم وإنسحب عمودو ... قُلت ليك إنو كلامك ما مُنزل مِن السماء
يعني ما عِندك إثبات رباني على تعميمك ... [ أي مُجتمع فيهو ساقِطات ] ما عِندك حديث نبَوي
ماعِندك حديث نبوي ضعيف ولا حديث نبوي موضوع ولا دِراسة عِلمِية ... قَولِك [ أي مُجتمع فيهو
ساقِطات ] يظل رأي خاص بك وحدك ... وقلت لك أنا شخصِياً لا أعلم [ ساقِطة ] بِقريتي ...
وكَونِك قد إعترفت بِوجود [ ساقِطات ] بِقريتِك فهذا شأنُك وحدُك ... دا إسمو Recognition
تكتِبو النضمي وما عارفين ليهو راس مِن قعر وبعدين تجو تلَولِو في المعنى وتِتنطعو في
التأويل ...
|
Post: #20
Title: Re: الحاضر يكلم الغايب ... شهادة لله ثم للتاريخ
Author: سمندلاوى
Date: 03-23-2009, 04:44 PM
Parent: #19
تحية وسلام للآخ د.قناوى
تاكدت من اول وهلة من عنوان البوست انك مهكر
خصوصا مع تاكدى بان صاحبنا مازال يصول ويجول
وظللت اتابع الردود الى ان جاء العزيز ودالصايم
ليؤكد ظنى بان هناك ملعوب ....
يازول حمدا لله على السلامة وابقى عشرة
على باسويردك....
تحياتى
|
Post: #21
Title: Re: الحاضر يكلم الغايب ... شهادة لله ثم للتاريخ
Author: محمد عبد الماجد الصايم
Date: 03-23-2009, 06:54 PM
Parent: #20
دكتور قناوي يا عمكـ
الجاتكـ في الباسوورد سامحتكـ ياخ!
بتحصل في أرقى الباسووردات وكــدا!
ياخ دي باسوورد أبصلعة زاتو ما مريحينو!
___________
سمندلاوي يا عمكـ
مشتاقين ياخ!
باللاي ما نشوفكـ إلا مهكرين!
|
Post: #22
Title: Re: الحاضر يكلم الغايب ... شهادة لله ثم للتاريخ
Author: ابراهيم قناوي
Date: 03-23-2009, 10:13 PM
Parent: #21
Quote: دكتور قناوي يا عمكـ
الجاتكـ في الباسوورد سامحتكـ ياخ!
بتحصل في أرقى الباسووردات وكــدا!
ياخ دي باسوورد أبصلعة زاتو ما مريحينو! |
قريبي يا ود الصايم
والله أخوك
الليلة خش مدرسة عدييييل
والصلعة قربت تجينا ذاتو
شكرا لي وقفتك يا أبو الشهامة
|
Post: #23
Title: Re: الحاضر يكلم الغايب ... شهادة لله ثم للتاريخ
Author: Biraima M Adam
Date: 03-24-2009, 01:38 AM
Parent: #19
عزام
أنا لا قاصر لا حاجتين .. أنت كنت شابك فى الموضوع ..
بخصوص الساقطات والساقطين .. الأن إنتحال شخصية الدكتور هو سقوط للمنتحل!
وسألتك هل تستطيع أن تنفى أن الساقط ليس ساقطة!
وفى حال عدم نفيك يصبح بديهى أن حلتكم بأمكانى أقول فيها ساقطة .. ولا تستطيع أن ثبت العكس!
أنت تعارض نظريات الأجتماع .. التى تعرف المجتمع بأنه يشمل جميع ألوان الطيف
مجتمع البورد ليس ملائكى.
بريمة
|
Post: #24
Title: Re: الحاضر يكلم الغايب ... شهادة لله ثم للتاريخ
Author: Biraima M Adam
Date: 03-24-2009, 01:45 AM
Parent: #23
عزام
يانى المتلحك ..
Quote: دا إسمو Recognition
|
فى النظريات العلمية ليس هناك proof يسمى ب Recognition
هناك proof ب Induction
و proof ب contradiction
أقول قولى هذا وأستغر الله لى ولكم وللجميع
بريمة
|
Post: #25
Title: Re: الحاضر يكلم الغايب ... شهادة لله ثم للتاريخ
Author: Yassir Tayfour
Date: 03-24-2009, 02:14 AM
Parent: #24
دكتور قناوي..
سلامات..
قرأت البوست المعني، ولكن حُسن ظني بك مسكني من التعقيب،
فالحمد لله على ذلك..
|
Post: #26
Title: Re: الحاضر يكلم الغايب ... شهادة لله ثم للتاريخ
Author: عزام حسن فرح
Date: 03-24-2009, 04:59 AM
Parent: #25
بريمة ...
Quote: عزام
يانى المتلحك .. |
بِتقدر ... والله مسخره ...
علم الإجتِماع خلو ... إنت قُلت إتِهام وثبتو في حِلتكُم وعاوز تعمِمو
على الدُنيا كُلها ... عِلم الإجتِماع خلو ... البِتعرفو عن قريتكُم
وقُلتو لينا في بوست إبراهيم الإتمسح ما مُمكِن بِدون إثبات تسقِطو
فوق نظرِية إجتِماعِية وتتشدق بيها في الأسافير ... وكَونو قريتي فيها
إمرأة [ ساقِط ] ولا ما فيها ما بِتقدر تثبِتو ... ويبقى الأصل في خلو
قريتي مِن [ الساقِطات ] حتى تُثبِت العكس ... زي ما أنا [ كُنت ] لِغاية
قريب قايلك مِن قرية ما فوقا [ ساقِطات ] ... لكِن ... إنت جيت وخَيبتا
ظني وأعلمتنا بِوجود [ ساقِطات ] في قريتكُم ...
مُمكن برضو تقول لينا في شنو تاني في قريتكُم ...
عليك الله ما تخليني ...
|
Post: #27
Title: Re: الحاضر يكلم الغايب ... شهادة لله ثم للتاريخ
Author: عزام حسن فرح
Date: 03-24-2009, 05:07 AM
Parent: #26
بريمة ...
| Quote: بخصوص الساقطات والساقطين .. الأن إنتحال شخصية الدكتور هو سقوط للمنتحل! |
ما تلَولِو الكلام ... في البِداية -بوست إبراهيم الإتمسح- كُنت بِتتكلم عن [ إمرأة ] ساقِط
الزول الإنتحل شخصِية إبراهيم قِناوي ما تقحِمو في مَوضوعنا لأنو ظهر في كلامك بعد ما أنا
قنبت أساكك ...
|
Post: #28
Title: Re: الحاضر يكلم الغايب ... شهادة لله ثم للتاريخ
Author: عزام حسن فرح
Date: 03-24-2009, 05:13 AM
Parent: #27
بريمة ...
| Quote: وفى حال عدم نفيك يصبح بديهى أن حلتكم بأمكانى أقول فيها ساقطة .. |
أنا أنفي
|
Post: #29
Title: Re: الحاضر يكلم الغايب ... شهادة لله ثم للتاريخ
Author: عزام حسن فرح
Date: 03-24-2009, 05:27 AM
Parent: #28
بريمة ...
Quote: أنت تعارض نظريات الأجتماع .. التى تعرف المجتمع بأنه يشمل جميع
ألوان الطيف مجتمع البورد ليس ملائكى. |
نحنا ماشين كوَيِس وقربنا نصل ... مُجتمع البورد خلو ... لأننا تجاوزناهو
قبيل وبِقينا في المُربع التالِت ... مربع قريتي وقريتك ... خلينا نقَيل
فوقُم ونفهم حاجة ...
وبعدين إنت بجيك وحي ولا شنو ... النظرِية الإجتِماعِية البتستنِد عليها مِن الصباح
ما تجيب لينا كلاما أو الرابِط ليها ... إنت عاوِزنا نهوزِز راسنا بِالمُوافقة
لامِن تقول النظرِية الفُلانِية بِتقول كِده ... لا يا خوي ... لامِن تقول نظرِية تجيب نص
أو رابِط ... نقرأ سندك ونفهم حاجة ... لأنو الفهم قِسمة زي ما إنت عارِف ... إنت
بتِتكلم مِن أمِس عن [ حتمِية ] وجود [ ساقِطات ] في أي مُجتمع وهسِع في إقتِباسي
البِفوق ده كلامك إنو النظرِية بِتتكلم عن إنو [ المُجتمع يشمل ألوان الطيف ]
وألوان الطيف إنت قايِلا بِتعني [ الساقِطات ] لا حَول ولا قُوة إلا بِالله ... دقيقة
يا عزام حقو ما تندهِش قُبال ما بريمة يشرح ليك العِلاقة شنو بين [ ألوان الطيف ]
و[ ساقِطات ] المُجتمع ... يا بريمة إنت العلاقة شنو بين [ ألوان الطيف ]
الوارده في النظرِية الإجتِماعِية البِتستنِد عليها و[ ساقِطات ] المُجتمع ...
|
Post: #30
Title: Re: الحاضر يكلم الغايب ... شهادة لله ثم للتاريخ
Author: Biraima M Adam
Date: 03-24-2009, 12:33 PM
Parent: #29
عزام
بجرة قلم واحدة كده يا سيادتك .. حلتكم طلعت ملائكه كلهم ..
أنا وأنت ناقشنا مسالة ال Proof من ناحية علمية قلت ليك، هناك نوعين
Induction والثانى contradiction
وبال contradiction أى نفى النفى أثبات أثبت أن البورد فيه ساقط، بدليل الساقط الذى أنتحل شخصية الدكتور .. وهذا الساقط ممكن يكون ساقطة
وبال induction أثبت أن حالتكم فيها ساقطة .. لأن المجتمع يحمل جميع خصائص المجتمع .. الشر والخير .. الشريف والوضيع، يعنى كل الصفات .. ومادام حلتكم مجتمع بديهى يكون فيها ساقطة .. الكلام دا ما فيهو عيب .. أنتم بشر مثل جميع البشر الأخرين.
بريمة
|
Post: #31
Title: Re: الحاضر يكلم الغايب ... شهادة لله ثم للتاريخ
Author: عزام حسن فرح
Date: 03-24-2009, 12:49 PM
Parent: #30
بريمة ...
| Quote: الكلام دا ما فيهو عيب .. أنتم بشر مثل جميع البشر الأخرين. |
لا يا بريمة يا خوي عِندنا عيب ... نحنا بشر وفينا الفي الناس بس [ ساقِطة ] في
قريتنا ماف ... [ ساقطة ] بِالمفهوم البِسببو إتمسح بوست إبراهيم قِناوي والأنت كُنت
قاصدو والأنا إداخلت معاك بِسببو ... يا بريمة ما تخليني أكرر نفسي ... وأكتِب الكلام
الكتبتو فوق مُداخلتك الأخيرة ... إنت ما تجاوِب على أسئِلتي ... بتنقي السؤال تِنِقي
الشي شنو تمُر ...
|
Post: #32
Title: Re: الحاضر يكلم الغايب ... شهادة لله ثم للتاريخ
Author: ابراهيم قناوي
Date: 03-25-2009, 09:12 AM
Parent: #31
Quote: دكتور قناوي..
سلامات..
قرأت البوست المعني، ولكن حُسن ظني بك مسكني من التعقيب،
فالحمد لله على ذلك.. |
أخي وقريبي ياسر طيفور
لك شكري وتقديري
على حسن ظنك بي
وهذا شرف لا أستحقه
والحمد لله إنك ما عقبت
لأنو إنت بالذات
كلامك تسير به الركبان
شكرا ليك يا قريبي
آسف لتأخر الرد
ولكن إنشغلت في دورة تدريبية
______________________________
الأساتذة عزام حسن فرح وبريمة أحمد آدم
متابع نقاشكم ويعجبني فيه النفس البارد
وأرجو ان يتواصل
|
|