Post: #2
Title: Re: ابراهيم عوض في تسجيل فيديو قديم - أغنية أظهر وبان
Author: عماد شمت
Date: 03-25-2009, 00:24 AM
Parent: #1
شكرا اخ حسن ولك التحيه وكثير والاحترام
لقطة نادره فعلا للراحل المقيم ابراهيم عوض طيب الله ثراه
وعلي وزنها لحن نشيد احب مكان وطني السودان ...
لك ودي وكثير تحياتي
|
Post: #3
Title: Re: ابراهيم عوض في تسجيل فيديو قديم - أغنية أظهر وبان
Author: Hassan M Saeed
Date: 03-26-2009, 05:55 PM
Parent: #2
الاخ عماد شمت سلامات
شكراً على المرور وعذرا من تاخيري لظروف مرضية
لو ملاحظ في الفيديو الراجل المصري اللابس العباية السوداء وعامل فيها موزع (conductor ) .. ظاهر انه
ما عمل بروفه مع الفنان ابراهيم عوض وبس سمع الاغنية في اليوم بتاع تسجيل الفيديو
لك شكري وتقديري للمرور والتعليق
|
Post: #4
Title: Re: ابراهيم عوض في تسجيل فيديو قديم - أغنية أظهر وبان
Author: Ahmed al Qurashi
Date: 03-26-2009, 07:53 PM
Parent: #3
الأخ العزيز / حسن
هذه اللقطة من فيلم مصري قديم بطولة إسماعيل يس وعبد السلام النابلسي وإذا لم تخني الذاكرة اسمه إسماعيل يس طرزان ... ولحن هذه الأغنية الأستاذ برعي محمد دفع الله واسم الأغنية اظهر وبان عليك الأمان وينادى بتا الغوريلا والتي كانت تمثل في الفيلم ولان لحن الأغنية جميل استفاد منه إبراهيم عوض في الأغنية الوطنية أحب مكان وطني السودان .. الجدير بالذكر إن الفنان احمد المصطفى شارك في فيلم وهبتك عمري وهو من بطولة صباح وعمر الحريري ولقد تغنى فيه دويتو مع صباح أغنية رحمك يا ملاك أما الفنان سيد خليفة فلقد شارك في فيلم من بطولة احمد رمزي ونعيمه عاكف واستيفان روستى وأظن إن اسمه تمر حنه ولقد تغنى فيه بأغنية المامبو دا سوداني وكانت كل هذه الأفلام في الخمسينات ...
لك الود
|
Post: #5
Title: Re: ابراهيم عوض في تسجيل فيديو قديم - أغنية أظهر وبان
Author: Al-Shaygi
Date: 03-26-2009, 08:32 PM
لا أدري أخاطبك بالأخ أم العم ولا الإبن / أحمد القرشي...
Quote:
الجدير بالذكر إن الفنان احمد المصطفى شارك في فيلم وهبتك عمري وهو من بطولة صباح وعمر الحريري ولقد تغنى فيه دويتو مع صباح أغنية رحمك يا ملاك أما الفنان سيد خليفة فلقد شارك في فيلم من بطولة احمد رمزي ونعيمه عاكف واستيفان روستى وأظن إن اسمه تمر حنه ولقد تغنى فيه بأغنية المامبو دا سوداني وكانت كل هذه الأفلام في الخمسينات ...
|
ماني عارف الحاجات دي قريته تاريخ ولا عشتها جغرافيا؟؟؟؟
المهم ما علينا وكم سلينا...
كدي أدعس هنا: أحمد المصطفى وصباح - رحماك يا ملاك
...
الشايقي
http://www.youtube.com/watch?v=WjNosdjuv7s
فاوضني بلا زعل
[email protected]
http://alkatwah.com
|
Post: #6
Title: Re: ابراهيم عوض في تسجيل فيديو قديم - أغنية أظهر وبان
Author: انعام عبد الحفيظ
Date: 03-26-2009, 08:45 PM
شكرا للتسجيل جميل فعلاً
|
Post: #7
Title: Re: ابراهيم عوض في تسجيل فيديو قديم - أغنية أظهر وبان
Author: Ahmed al Qurashi
Date: 03-26-2009, 10:29 PM
Parent: #6
الاخ العزيز الشايقى
| Quote: لا أدري أخاطبك بالأخ أم العم ولا الإبن / أحمد القرشي... |
انت عاوز تضيعنى ولا شنو ؟ انت الصورة دى قايله من الامس ؟الصورة دى جديدة وليها شهرين وكان ما صدق اسأل ناس مسقط
.. تعرف يالشايقى اهتمامى بالحقيبة والغناء القديم سبب لى مشاكل فى العمر كثيرة وخاصة فى الندوات الناس متوقعانى حاضر ناس كرومه وسرور
| Quote: ماني عارف الحاجات دي قريته تاريخ ولا عشتها جغرافيا؟؟؟؟ |
الرجال الزمن دا يا الشايقى متل البنات بتدسدسو فى اعمارهم ولكن انحن ما بنقدر ندس عمرنا لاننا سمينا تيمنا بالشهيد احمد القرشى .
( مثل البنات فى اخفاء العمر ولا شئ آخر.....اقول قولى هذا وفى ذاكرتى حديث مصطفى عثمان اسماعيل مثل الشحادين والمنبر دا يا الشايقى مليان بمتلقين الحجج)
تعرف كلامك ده ذكرنى قصة كانت تحكى عن الدكتور الفنان عوض دكام له الرحمة يقال انه كان فى العمارات يبحث عن احد المنازل فوجد رجل كبير فى السن جالس على باب منزله فساله عن المنزل المطلوب فاشار له به ولكن عوض دكام نظر مليئا على الرجل وقال له انا يا حاج شفتك قبل كده وين فقال له الرجل انا عمك الفريق ابراهيم عبود وبسرعة ودون تفكير ضرب عوض دكام على صدره بيده اليمنى وقال (سجمى انت لى اسه حى ...) لهم الرحمة جميعا ولك التحية اخى الشايقى
بالمناسبة وين ملاح الخدره اشتهيناه والله
|
Post: #8
Title: Re: ابراهيم عوض في تسجيل فيديو قديم - أغنية أظهر وبان
Author: انعام عبد الحفيظ
Date: 03-26-2009, 11:07 PM
Parent: #7
Quote: انت عاوز تضيعنى ولا شنو ؟ انت الصورة دى قايله من الامس ؟الصورة دى جديدة وليها شهرين وكان ما صدق اسأل ناس مسقط
.. تعرف يالشايقى اهتمامى بالحقيبة والغناء القديم سبب لى مشاكل فى العمر كثيرة وخاصة فى الندوات الناس متوقعانى حاضر ناس كرومه وسرور
|
والله خليها الحقيبة القديييييييمة ديك عارف يا د. احمد
جيل اليومين ديل لو لقاك بتسمع في زيدان او محمد الأمين
او اي واحد من الفناين البنسميهم نحنا كبار
طوالي بخت في بالوا انك من الجيل القديم ويصنّف عمرك طوالي ههههههههه
يعني لو سمعوكم تتكلموا عن الحقيبة ح يصنفوكم بره الشبكة طوالي هههههههههه
|
Post: #9
Title: Re: ابراهيم عوض في تسجيل فيديو قديم - أغنية أظهر وبان
Author: Hassan M Saeed
Date: 03-26-2009, 11:27 PM
Parent: #8
الاخ أحمد القرشي سلامات
انت عارف انا نسيبكم حيث اني متزوج من نهى سيد احمد ابا عيسى قريبتك ورزقنا بطفلة حلوه عمرها ثماني شهور, تحياتي لجميع الاهل ببارا وخاصة اعضاء المنبر عبد المنعم مالك وسيف خليل
|
Post: #10
Title: Re: ابراهيم عوض في تسجيل فيديو قديم - أغنية أظهر وبان
Author: Ahmed al Qurashi
Date: 03-27-2009, 07:42 AM
Parent: #9
الأخت العزيزة / إنعام عبدالحفيظ
لك التحية والود
تعرفي المؤلم انو شباب الزمن دا ينسب اغانى الرواد إلى بعض الفنانين الجدد .. كم منهم أسمعته أغنية بصوت صاحبها فيندهش ويقول دى مش أغنية محمود عبدالعزيز .. تعرفي يا إنعام انا اهتميت بالحقيبة منذ أن كنت في مدرسة خورطقت الثانوية واذكر في منتصف الثمانينيات كنت عضوا في رابطة طلاب الطب وكم أقمنا مع السكرتير الثقافي الدكتور عبدالعظيم عبدالرحمن وهو عضو معنا في هذا المنبر جلسات للاستماع أو حفلات بالفنان بادي محمد الطيب ومبارك حسن بركات وخلف الله حمد .. وكانت اللجنة التنفيذية تستجيب لاقترحاتى نسبة لصداقتي مع هولاء الفنانين ولا يطلبون منهم أجورا كبيرة وسط احتجاج الكثير من الطلاب والذين كان بعضهم في ذلك الوقت يستمع إلى عقد الجلاد ومصطفى سيد احمد وميزانية الرابطة لا تسمح بحضورهم إلا مرة واحدة أو مرتين في السنة ...حتى الفنانين الشباب فى ذلك الوقت كان غناءهم هادفا ولهم انتاج غزير ...اندهشت كثيرا عندما استمعت فى هذه الايام الى اغنية تسمى قنبلة ... اطال الله عمرك يا حسين بازرعه.
لكن همالك بعض الامل لارتفاع الذوق العام حيث لاحظت اهتمام ورجوع بعض الشباب إلى الاستماع إلى الفنانين القدامى واندهشت كثيرا حين وجدت بعضهم يعشق عثمان حسين وآخرين .. ولكن المصيبة فى الاغتراب الثقافى حيث ظهر تأثير القنوات الفضائية على بعضهم فاصبح يعشق الاغانى العربية والهابطة كمان .. ربنا يستر
ا
| Quote: يعني لو سمعوكم تتكلموا عن الحقيبة ح يصنفوكم بره الشبكة طوالي هههههههههه |
اضحكتينى كثيرا يا إنعام ... حقيقة وُصفت بوصف مشابه
لك كل الود والتقدير والاحترام
|
Post: #11
Title: Re: ابراهيم عوض في تسجيل فيديو قديم - أغنية أظهر وبان
Author: Ahmed al Qurashi
Date: 03-27-2009, 08:34 AM
Parent: #10
الأخ العزيز / حسن
أولا لك التحية والتقدير وعبرك أرسل السلام إلى بنت الصالحين نهى السيد احمد عيسى والى الامورة الصغيرة .. تعرف يا حسن انا حضرت عقد قرانك في عيد الأضحى قبل ثلاث سنوات وبعد عودتي إلى عمان قال لي صديقي الدكتور حسان إن هنالك شخص له صلة قرابة بدكتور أكرم تزوج من بارا فقلت له نعم تزوج إحدى قريباتي ...وأظن انت أيضا من أهلنا الجوابره
بلغ التحية للأخ الدكتور أكرم والى دكتور حسان وهو طرفكم بلندن وصديق لأكرم ... دائما العزيز إسماعيل يكرمني بالاتصال من وقت إلى اخر له كل الود والشوق وكذلك إلى الأخ مساعد ..
الحمد لله يا حسن من اليوم ضهرى محمى في هذا المنبر وانت عارف واجب النسب اى اعتداء تسل قلمك وتجئ تدافع ما تعمل نائم وانت عارف المنبر دا ..
لكم جميعا المودة والاحترام
|
Post: #12
Title: Re: ابراهيم عوض في تسجيل فيديو قديم - أغنية أظهر وبان
Author: Hassan M Saeed
Date: 03-28-2009, 01:00 PM
Parent: #11
الاخ احمد القرشي سلامات
ماعندك مشكلة لوحصل عكه في المنبر بنجي طوالي مجهزين عكاكيزنا خاتنها تحت السرير
انت عارف انا اول ما دخلت المنبر جيت بي عكازي طوالي من اول ايامي بشاكل ليك الكبار كبار
عشان كده بقوا بلاوزوا مني
حاضع محل الصورة بتاعتي
الخيل والليل والبيداء تعرفني والسيف والقرطاس والقلم
|
|