Post: #1
Title: عذراً بكري ماكنت ادري اني انا الساهي
Author: إسماعيل حسن
Date: 03-20-2009, 09:03 PM
ابدا بالمقلوب طالما ان الحرامي بكورك على مسمع من المسروق والشحات بيعضى اليد الشحتتو بس انا شحات ولايوق كمان لاكني اعترف وابوس يد الزول الزكاني اخونا آدم صيام وبالطبع يد اخونا بكري(مش احسن من الجماعة الشحتونا بالاكراهوولصقونا فينا الشحتة؟) وكوركت زمان يا بكري انا فى بابك وعرضك وكتر خيره استوعبني ومنحني جواز مرور لمنبر عامر وثر ادمنت تصفحه ووقفت عند التصفح والمتابعة خايف من المشاركة إذ اني لا املك ادوات التعبير اللازمة وكنت خايف ومتردد اكون أشتر . ومع ذلك كنت بزعل لما افتح المنبر الاقي (مرحبا بك ضيفا) واروح ساكي ليك بكري يابكري انت فى زمان ما اديتني شرف العضوية ليه انا ما قادر ادخل اتاري اخوكم ناسي انه اسماعيل مفروض اكتبها بالكسرة وانا اكتبها حاف بلا تشكيل.. ومع الصياح والكواريك بسبب الزول العامل جضومو زى المخزن قات ده لقيت نفسي كتبت ال(nick name) صاح ودخلت على طول وبعدين وهاك ياتعليق فى بوست (هل استخفت صحيفة الشرق الاوسط بعقولنا كسودانيين)ما اصلوالجديد اشتر.. ورجعت اقول ليكم سلام واقول لبكري آسف على ازعاجك بالايملات الكثيرة اتاري انا ماناقش حاجة.. واكتشفت شفتوا كيف ممكن؟ اكون عضو بورد وحيد فى بانكوك عشان كده حاكنكش وكل يوم اشارك حتي اوصف بالنشاط
طارق ابوابكم علي اكون مرحب به
|
|