Post: #1
Title: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-20-2009, 03:37 PM
هي ناقصة يامحمود؟؟
وصل يوم أمس إلى مدينة الفاشر الفنان محمود عبد العزيز
وفي بال الكثيرين ليلة طرب فوق العادة تذهب عنهم
مرارة النزاعات المسلحة ، آملين أن يستبدوا أصوات الرصاص
بدندنات الكمان والجيتار ... بما في ذلك رجال الشرطة أنفسهم
إجتمعوا مع المواطن العادي دون أي عناء في تنظيم الحفل
إلا أن محمود عبد العزيز قد دس السم لهذا الأمل ..فقد أتاهم مترنحا ً
لايقوي على التركيز ... وبدأ الغناء بكلمات وهتافات ودوزنات لم يدرسونها
أفراد الفرقة الموسيقية ... حينها إنهالت أمطار من الحجارة على المسرح
من قبل الجمهور الذي إنتظره طوال اليوم ... لتتحول الإحتفالية
إلى أصوات من الأعيرة النارية قد أطلقتها الشرطة "إطرارا"
، بعدها تم القبض عليه وأدين وحكم عليه بالجلد....
|
Post: #2
Title: Re: شرطة الفاشر تقيم حد السكر على محمود عبد العزيز صور
Author: الصادق ضرار
Date: 03-20-2009, 03:44 PM
Parent: #1
الاخ جلال جبريل
سمعت ان محمود عبدالعزيز ترك الغناء لصالح المديح , الرجعوا تاني شنو للغناء ؟
و بما اننا نؤمن بنظرية المؤامرة , فان الفنان محمود عبدالعزيز تم استدراجه الى فاشر السلطان في عملية كيدية بعد ان رفض تغيير سلوكه رغم ما بذل معه من جهد .. و رفضه في اداء اغنية لصالح الرئيس المزنوق .. فهو يجد اليوم مصيره المحتوم .
هل من مثني ؟!
|
Post: #3
Title: Re: شرطة الفاشر تقيم حد السكر على محمود عبد العزيز صور
Author: ناذر محمد الخليفة
Date: 03-20-2009, 03:50 PM
Parent: #2
..!!
لا ..!!
الأخ جلال ..
الرجاء سحب هذه الصورة لو تكرمت ..
|
Post: #6
Title: Re: شرطة الفاشر تقيم حد السكر على محمود عبد العزيز صور
Author: elsawi
Date: 03-20-2009, 03:54 PM
Parent: #3
Quote:
الأخ جلال ..
الرجاء سحب هذه الصورة لو تكرمت .. |
عين العقل يا ناذر
اضم صوتي الى صوتك واطلب من الأخ جلال التكرم بسحب الصورة
|
Post: #65
Title: Re: شرطة الفاشر تقيم حد السكر على محمود عبد العزيز صور
Author: عزالدين آدم علي
Date: 03-28-2009, 07:07 AM
Parent: #3
kindly do it immediately please
regards
|
Post: #4
Title: Re: شرطة الفاشر تقيم حد السكر على محمود عبد العزيز صور
Author: 7abib_alkul
Date: 03-20-2009, 03:52 PM
Parent: #2
الاخ الصادق
مؤامرة شنو؟
دى طبيعة محمود عبدالعزيز وكثيرا جد من حفلاته تنتهى قبل ان تبدأ بسبب عدم احترامه للجمهور ولموهبته فهو صاحب صوت قوى وله اسلوب متميز الا انه لا يحترم كل ذلك
|
Post: #8
Title: Re: شرطة الفاشر تقيم حد السكر على محمود عبد العزيز صور
Author: حيدر حسن ميرغني
Date: 03-20-2009, 03:57 PM
Parent: #2
لو سمحت اسحب الصورة
لا تستلذ بالتشهير بحاجة عادية جدا في السودان
البلد فيها بلاوي اكبر من السكر
لكن ميزان العدالة خربان
|
Post: #5
Title: Re: شرطة الفاشر تقيم حد السكر على محمود عبد العزيز صور
Author: Rawia
Date: 03-20-2009, 03:52 PM
Parent: #1
this is so humiliating
____________________
بالله عليك تسحب الصورة
|
Post: #7
Title: Re: شرطة الفاشر تقيم حد السكر على محمود عبد العزيز صور
Author: khaleel
Date: 03-20-2009, 03:55 PM
Parent: #5
المومن يسرق ويزني
والرجل قد ابتلي بشرب الخمر ربنا يشفيهو
رجاء سحب الصورة لو تكرمت
|
Post: #9
Title: Re: شرطة الفاشر تقيم حد السكر على محمود عبد العزيز صور
Author: elsawi
Date: 03-20-2009, 03:58 PM
Parent: #7
شكراً اخي جلال للإستجابة
|
Post: #10
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-20-2009, 04:02 PM
Parent: #5
محمود معروف بالإستهتار ولايهتم بتاتا بمستقبله ناهيك
عن مستقبل أغنية سودانية ... ومدينة الفاشر هي ناقصة
لامن إجي محمود ليكمل الصورة بفعلتو دي
هو في الفاشر كان ضرب لستك الناس تعمل ساتر
|
Post: #11
Title: Re: شرطة الفاشر تقيم حد السكر على محمود عبد العزيز صور
Author: doma
Date: 03-20-2009, 04:09 PM
Parent: #10
اجي يا حباني السكر دا شالو معاه من الخرتوم ولا لقاه هناك ؟؟؟؟
غايتوا الفيكم اتعرفت يا ناس الفاشر
تاني ولدنا دا تب ما بجيكم ولا بيغني ليكم
|
Post: #12
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-20-2009, 04:13 PM
Parent: #11
دا منو المابيمشي تاني محمود
هسي تلقاه يضحك سن سن دا قلبو ميت
|
Post: #63
Title: Re: شرطة الفاشر تقيم حد السكر على محمود عبد العزيز صور
Author: doma
Date: 03-27-2009, 06:59 AM
Parent: #12
Quote: دا منو المابيمشي تاني محمود
هسي تلقاه يضحك سن سن دا قلبو ميت |
يبدو انه عندك مع الفنان دا برسونل فنداتا.
في الثقافه السودانيه السكر حق الرجال والجلد حق الرجال
|
Post: #13
Title: Re: شرطة الفاشر تقيم حد السكر على محمود عبد العزيز صور
Author: ASHRAF MUSTAFA
Date: 03-20-2009, 04:14 PM
Parent: #11
انا لم اكن اعرف ان الفنان محمود يشرب الخمر
ولم اكن اريد ان اعرف
ولا يصح فضح شخص بهذا الصورة وكان من الافضل التستر عليه
اطالب الاخ بكري ابو بكر بسحب البوست فورا قبل ان يستشري!
|
Post: #16
Title: Re: شرطة الفاشر تقيم حد السكر على محمود عبد العزيز صور
Author: ناذر محمد الخليفة
Date: 03-20-2009, 04:29 PM
Parent: #13
شكرا لسحب الصورة ..
بعد ما حفظوها ؟!!
|
Post: #17
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-20-2009, 04:37 PM
Parent: #16
يا ناذر من لايحمي نفسه لسنا مسؤلين عن مداراة فضائحه
أكان خائف البوست دا أبعد منو ولعلمك الصور حاتجي راجعة تااااااااااااااني
|
Post: #14
Title: Re: شرطة الفاشر تقيم حد السكر على محمود عبد العزيز صور
Author: معاوية عوض الكريم
Date: 03-20-2009, 04:21 PM
Parent: #11
جلال جبريل
ليك وحشة والله ..
يا اخوي محمد عبد العزيز يستاهل اكتر من كده
ومفروض العقوبة تكون مشدده .. الجلد مع الغرامة
ايوة ياخ ارم زي السبايط دي ..
|
Post: #15
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-20-2009, 04:26 PM
Parent: #14
أخونا معوية ليك وحشة
الناس دي داقة جرس في البوست
دا كدا مالن محمود زاتو
كان عارف أكان قال واصلو
في باقي الصور
مابهمو شئ
"راجع الهوت ميل"
|
Post: #18
Title: Re: شرطة الفاشر تقيم حد السكر على محمود عبد العزيز صور
Author: تبارك شيخ الدين جبريل
Date: 03-20-2009, 04:39 PM
Parent: #15
لا يخلو سلوك محمود عبدالعزيز من تمرّد على السلطة والنسق الإجتماعى المألوف فى كل صغيرة وكبيرة، حتى فى غنائه ...
... وهذا ما يجعله فنّان من طراز فريد ....
وانا انحنى تحيةً للفنان العظيم محمود عبدالعزيز .....
... المهم ....
|
Post: #19
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-20-2009, 04:59 PM
Parent: #18
Quote: ... وهذا ما يجعله فنّان من طراز فريد ....
وانا انحنى تحيةً للفنان العظيم محمود عبدالعزيز ..... |
تبارك الله ياتبارك حب الناس مذاهب
|
Post: #20
Title: Re: شرطة الفاشر تقيم حد السكر على محمود عبد العزيز صور
Author: معاوية عوض الكريم
Date: 03-20-2009, 05:01 PM
Parent: #18
| Quote: الناس دي داقة جرس في البوست |
يا زول ما يمسكوك تشهير وكلام فاضى
سير .. سير يا ود جبريل
* راجعت الهوت ميل .. لا شيئ ..
|
Post: #21
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-20-2009, 05:09 PM
Parent: #20
سمح أمشي المسينجر هنا
|
Post: #22
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-20-2009, 05:10 PM
Parent: #20
سمح أمشي المسينجر هنا
|
Post: #23
Title: Re: شرطة الفاشر تقيم حد السكر على محمود عبد العزيز صور
Author: الصادق ضرار
Date: 03-20-2009, 07:03 PM
Parent: #22
الاخ ناذر الخليفة
Quote: شكرا لسحب الصورة ..
بعد ما حفظوها ؟!! |
انت يا ناذر معانا و لا معاهم .
قلنا ليك : هل من مثني ان محمود عبدالعزيز ضحية .. قلت لا ما هو ضحيه
و تطالب بسحب الصورة ؟!!
بعدين اثبت انك انت شخصياً ما حفظت الصوره .. و في الحاله دي المسألة متروكة لضميرك و تقول انا ما حفظت الصوره.. بعد داك عشان نقدر نقول : يا عباد الله اي زول حفظ الصوره يرجعها .
خيط رفيع :
ورد للتو ان الفنان محمود عبدالعزيز لم يتعاطى الخمر .. و انما تناول ( لو ما فاطر ما تخاطر ) فارداه مترنحا
عشان كده نقول ليكم : كلامنا لسه .
|
Post: #24
Title: Re: شرطة الفاشر تقيم حد السكر على محمود عبد العزيز صور
Author: سمندلاوى
Date: 03-20-2009, 09:27 PM
Parent: #23
الاخ جلال / تحية طيبة
لاشك ان محمود عبدالعزيز شاب فنان بمعنى الكلمة
واثبت وجوده بمجهودات خارقة; يتمتع بصوت قوى
وثابت; -قدم من الفن ماقدم واصبح له طابعه المميز
وجمهوره ومعجبيه......
فى تقديرى انه يمر بظروف عصيبة قد تتطور الى نفسية
وجب علينا الوقوف معه ومساعدته لنرد اليه بعض جمائله
علينا, فقد اطربنا وافرحنا.......وقدم فنا جادا ناصعا
ـــــــــــــــــــــــ
اتمنى ان نتفهم ظروفه التى يعيش فيها
امنياتى له بالعودة الى سيرته الاولى
تحياتى
|
Post: #25
Title: Re: شرطة الفاشر تقيم حد السكر على محمود عبد العزيز صور
Author: طارق جبريل
Date: 03-20-2009, 10:22 PM
Parent: #24
الموهبة دائما قلقة
وتأتي بأشياء عكس طبيعة البشر
ومحمود زول موهوب شديد لذا هذه الموهبة متعباه
جزء كبير من الابداع هو عبارة عن قلق داخلي
لذا كثيرا ما نفاجأ بشخص مبدع يأتي بأشياء غريبة
اكثر من نص البلد سكرانة يا جلال
يعني دة ما شي جديد
ياما بعنا قزاز السكارى ونحن صغار دون احساس بالذنب
وان كان هذا لا يبرر ما قام به محمود
كل الود
|
Post: #26
Title: Re: شرطة الفاشر تقيم حد السكر على محمود عبد العزيز صور
Author: ASHRAF MUSTAFA
Date: 03-20-2009, 11:13 PM
Parent: #25
طارق
ازيك ياخ
ما تكلم لينا اخوك جلال ده ما يشهر لينا بالناس
هو ما لو ما اخد طبعك؟؟؟
ما قاعدين في بيت واحد؟؟؟!!
|
Post: #27
Title: Re: شرطة الفاشر تقيم حد السكر على محمود عبد العزيز صور
Author: Abdel Aati
Date: 03-20-2009, 11:35 PM
Parent: #26
دا شنو الكلام الفارغ دا ... يدقوا فنان؛ عشان شرب ؟؟؟
طيب ما يمشوا يدقوا المجرم البيشرب الدم عمر البشير ...
قال سكران قال ...
|
Post: #70
Title: Re: شرطة الفاشر تقيم حد السكر على محمود عبد العزيز صور
Author: waleed500
Date: 03-28-2009, 09:13 PM
Parent: #27
Quote: شنو الكلام الفارغ دا ... يدقوا فنان؛ عشان شرب ؟؟؟
طيب ما يمشوا يدقوا المجرم البيشرب الدم عمر البشير ...
قال سكران قال ... |
يا عادل عبدالعاطى
لم اكن اعلم ان جرابك خالى قدر كده
ياخى فليسكر لكن يقدم وصلته الغنائيه بصوره محترمه لان هنالك نفر غير قليل
كان فى انتظار سيادته يعنى لو شرب ليه كاس كاسين وجاء قدم ما يحمل تفتكر فى واحد
بيفكر يجلدو حتى لو فكرو الجمهور لحظتها كانو بيكونو سدا منيع له
لقد تكررت فعلته تلك اكثر من مره وخرب لعرسان كتار ليلة عمرهم ولقد كنت شاهد
لحادثة لمحمود عبد العزيز بتلك الموصفات
ده كلو شى وكونك تدخل الريس هنا ده شى تانى.... احترمو عقولنا حتى نتمكن من احترامكم................
|
Post: #28
Title: Re: شرطة الفاشر تقيم حد السكر على محمود عبد العزيز صور
Author: طارق جبريل
Date: 03-20-2009, 11:38 PM
Parent: #26
Quote: طارق
ازيك ياخ
ما تكلم لينا اخوك جلال ده ما يشهر لينا بالناس
هو ما لو ما اخد طبعك؟؟؟
ما قاعدين في بيت واحد؟؟؟!! |
اشرف كيفنك
ياخي يشرفني ان يكون جلال اخي
طبعا القصة اسم علي سم
عموما جلال قال وجهة نظره
ومن حقه علينا احترامها
كل الود لكما
|
Post: #30
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-21-2009, 07:33 AM
Parent: #28
Quote: ياخي يشرفني ان يكون جلال اخي
طبعا القصة اسم علي سم
عموما جلال قال وجهة نظره
ومن حقه علينا احترامها
|
طارق كلك زوق
والشرف لي أنا قبالك
|
Post: #29
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-21-2009, 07:28 AM
Parent: #24
Quote: لاشك ان محمود عبدالعزيز شاب فنان بمعنى الكلمة
واثبت وجوده بمجهودات خارقة; يتمتع بصوت قوى
وثابت; -قدم من الفن ماقدم واصبح له طابعه المميز
وجمهوره ومعجبيه......
فى تقديرى انه يمر بظروف عصيبة قد تتطور الى نفسية
وجب علينا الوقوف معه ومساعدته لنرد اليه بعض جمائله
علينا, فقد اطربنا وافرحنا.......وقدم فنا جادا ناصعا
ـــــــــــــــــــــــ
اتمنى ان نتفهم ظروفه التى يعيش فيها
امنياتى له بالعودة الى سيرته الاولى
|
سمندلاوي مافي شك في الكلام الإتفضلت بيهو
ومحمود رقم لايمكن الناس تتجاوزو في مجال الأغنية السودانية
بالرغم أن لي رأي في أعماله الخاصة وهذا رأي شخصي
والآراء حول مثل هذه مواضيع مبنية على تذوق كل فرد
للون معين من الغناء حاله حال الطعام .. ومحمود له
جمهور عريض جدا ودي أول حاجة تخلي الواحد يقول إنو
رقم كبير ... لكن دا كلو مايبرر إتاحة فرصة له
أن يضع نفسه في قالب مثل الذي يضع نفسه فيه
وهذه ليست المرة الأولى حفلات عديدة حدث فيها ماحدث
"الشغب" وكلو كان بسبب التأخير وإسفزاز الجمهو يأتي من هذا
المنطلق.....
|
Post: #31
Title: Re: شرطة الفاشر تقيم حد السكر على محمود عبد العزيز صور
Author: ناذر محمد الخليفة
Date: 03-21-2009, 09:27 AM
Parent: #29
!!
Quote: انت يا ناذر معانا و لا معاهم .
|
أنا مع ست العرقي الشرب يا جلال ..
ولو كنت جبت صورتا ما كنت طالبتك بسحبها ..
بالمناسبة يا جلال ..
الصورة دي الإلتقطا منو وكيف ؟
وهل السلطات سمحت بي كدة ؟
عشان خاطر نظرية المؤامرة وكدة . يا ريت لو لقيت منك إجابة ..!!
|
Post: #32
Title: Re: شرطة الفاشر تقيم حد السكر على محمود عبد العزيز صور
Author: محمد الطيب حسن
Date: 03-21-2009, 09:28 AM
Parent: #29
العزيز ود جبريل
يعني خلاص هي بقت علي السكر
ياخ في فنانيين بعملو الاكتر من السكر
ولو عايز بوست اشهار والله تنزل ليكم هنا
لسته لاحصر لها بكل فنان ( ماكلهم طبعا ) ومايفعله
بس حايجوك الناس بالله مافي داعي للتشهير وما ادراك
محمود شخص طيب جدا جدا لو تعرفت عليه من قرب
طفل في شكل رجل له من الاعداء مايشيب له شعر راسك
فضلا عن هذا لايمثلون 1% من محبيه
قناطير مقنطره من الود
|
Post: #33
Title: Re: شرطة الفاشر تقيم حد السكر على محمود عبد العزيز صور
Author: ناذر محمد الخليفة
Date: 03-21-2009, 10:00 PM
Parent: #32
Quote: الصورة دي الإلتقطا منو وكيف ؟
وهل السلطات سمحت بي كدة ؟
عشان خاطر نظرية المؤامرة وكدة . يا ريت لو لقيت منك إجابة ..!! |
|
Post: #34
Title: Re: شرطة الفاشر تقيم حد السكر على محمود عبد العزيز صور
Author: الصادق ضرار
Date: 03-21-2009, 10:13 PM
Parent: #33
Quote: الصورة دي الإلتقطا منو وكيف ؟
وهل السلطات سمحت بي كدة ؟
عشان خاطر نظرية المؤامرة وكدة . يا ريت لو لقيت منك إجابة ..!! |
انت يا ناذر جاي تسأل عن الصورة دي التقطوها كيف بعد رفع الفراش ؟!!!
الظاهر لما كنا نقول الزول ده ضحيه يا جماعه , كنت مشغول بحفظ الصورة
ارجع و شوف الصورة تلقاها صورة التقطها واحد بروفشنال في التصوير مش هاوي
و كمان الناس الظاهرين في الصورة و منهم ربما القاضي الرابط كرفته ده تشوفوا
مبتسم او مكشر و مستعد للتصوير .
انت مالك شاغل بالك
الود
|
Post: #35
Title: Re: شرطة الفاشر تقيم حد السكر على محمود عبد العزيز صور
Author: ناذر محمد الخليفة
Date: 03-21-2009, 10:18 PM
Parent: #34
سلام يا جلال ..
طيب خلينا في نظرية المؤامرة ..
الصورة دي وصلت كيف وبي ياتو طريقة لي أخونا جلال ؟
عندك فكرة ؟!!
الشغلة بقت لي زي شغلة الزول الرسل صور الشهيد محمد طه محمد أحمد لي هشام هباني ..
|
Post: #36
Title: Re: شرطة الفاشر تقيم حد السكر على محمود عبد العزيز صور
Author: الصادق ضرار
Date: 03-21-2009, 10:28 PM
Parent: #35
Quote: طيب خلينا في نظرية المؤامرة ..
عندك فكرة ؟!! |
اذا اقريت انو الفنان المبدع محمود عبدالعزيز ضحيه .. ساخبرك كيف وصلت الصورة لجلال .
و الا اسأل جلال و اكيد ما ح يخبرك
|
Post: #37
Title: Re: شرطة الفاشر تقيم حد السكر على محمود عبد العزيز صور
Author: ناذر محمد الخليفة
Date: 03-21-2009, 10:32 PM
Parent: #36
الصادق ..
أقر وأبصم لك بالعشرة أنه ضحية ..
وذلك بعد مراجعتي للعديد من المصادر هنا وهناك ...!!
يلا قول لي الحصل شنو ؟!!!
|
Post: #38
Title: Re: شرطة الفاشر تقيم حد السكر على محمود عبد العزيز صور
Author: علاء الدين حيموره
Date: 03-21-2009, 10:41 PM
Parent: #37
Quote: أقر وأبصم لك بالعشرة أنه ضحية ..
|
المدائح النبوية ما شفعت ليه في تخفيف الحكم ... وللا ما قدمها كاسترحام ؟
|
Post: #39
Title: Re: شرطة الفاشر تقيم حد السكر على محمود عبد العزيز صور
Author: ذواليد سليمان مصطفى
Date: 03-21-2009, 10:43 PM
Parent: #37
انتهاك حرمة الفن
هل طبقت الشريعة الاسلامية فى عاصمة السلطان؟
|
Post: #40
Title: Re: شرطة الفاشر تقيم حد السكر على محمود عبد العزيز صور
Author: الصادق ضرار
Date: 03-21-2009, 10:47 PM
Parent: #37
Quote: الصادق ..
أقر وأبصم لك بالعشرة أنه ضحية ..
وذلك بعد مراجعتي للعديد من المصادر هنا وهناك ...!!
يلا قول لي الحصل شنو ؟!!! |
طيب يا ناذر و ما دام قلت الصادق , اوريك الحاصل شنو .
طبعاً انت قلت تقر بانو ضحية و ما عندي شك في صدقك بعد قولك بالرجوع للكثير من المصادر .
طلب من محمود عبدالعزيز اداء اغنية لصالح البشير ضد اوكاميوا لاستمالة الشباب و المعجبين به
و هو جمهور عريض بلا شك .. رفض الرجل ذلك .. استدرجوه الى ان حانت لهم الفرصة .. فاقتصوا منه
دون ادنى وازع .
عمرك شفت ليك محكمة تسمح بتصوير تنفيذ الحكم على المدان ؟!!
حقيقة محمود فنان يملك موهبه و قد كان زاداً لنا في ايام خلت .
فتك بعافية .
|
Post: #41
Title: Re: شرطة الفاشر تقيم حد السكر على محمود عبد العزيز صور
Author: ناذر محمد الخليفة
Date: 03-22-2009, 07:47 AM
Parent: #40
يا الصادق ...
كلامك تحصيل حاصل ..
أنا سألت عن كيفية وصول الصورة لي أخونا جلال !!
أما دي :
Quote: .. استدرجوه الى ان حانت لهم الفرصة .. فاقتصوا منه
دون ادنى وازع .
|
ما فهمت قصدك من عبارة (دون أدنى وازع) !!
أنا هسي داي أعرف كيف الصورة دي وصلت لي أخونا جلال عشان أتأكد إنو فعلا في مؤامرة مقننة ...
كدي خلي جلال اليجاوب ... إنت لحدي هنا ما قصرت ..
|
Post: #42
Title: Re: شرطة الفاشر تقيم حد السكر على محمود عبد العزيز صور
Author: معاوية عوض الكريم
Date: 03-26-2009, 08:48 AM
Parent: #41
.
|
Post: #43
Title: Re: شرطة الفاشر تقيم حد السكر على محمود عبد العزيز صور
Author: برير احمد إبراهيم
Date: 03-26-2009, 09:15 AM
Parent: #42
محمود فنان جميل .. وصوت رائع .. يطربنى حد النشوى ...
ولكن مايحيرنى حكاية قناة ساهور دى ....
كدى يا اخوانا رجعوا لينا الصورة ... لانو نفس اكتب تحتها .....
حوده يهديها الى ماما وبابا ... وقناة ساهور لتعظيم الرسول ( ص )
|
Post: #44
Title: Re: شرطة الفاشر تقيم حد السكر على محمود عبد العزيز صور
Author: على محمد على بشير
Date: 03-26-2009, 09:31 AM
Parent: #43
Quote: أنا هسي داي أعرف كيف الصورة دي وصلت لي أخونا جلال عشان أتأكد إنو فعلا في مؤامرة مقننة ...
|
يا ابو النيذ
لو عملت بحث فى عمنا قوقل ح تلقى الصوره دى ماليه المنتديات
وتتصور حتى فى موقع مصرى برضو موجوده
|
Post: #45
Title: Re: شرطة الفاشر تقيم حد السكر على محمود عبد العزيز صور
Author: أيمن الطيب
Date: 03-26-2009, 09:38 AM
Parent: #43
سلام,,,
محمود فنان له قاعدته من المعجبين وما أعرضها,,
إختلفنا أو إتفقنا حوله فهو فنان وضع إسمه على
لائحة كبيرة إسمها سجل الفن السودانى,,,
أسلوب حياته الخاص للأسف الشديدألقى أثره على
فنه وحياته وللأسف الشديد أيضا عندما ينسى
الفنّان أن حب الناس له وإعجابهم به هو أحد
أسباب وجوده يبدأ الإنهيار,,,وعليه دائما أن
يحترم هذا الجمهور وحبه له كى يظل فى قلوبهم,,
ولكن,,
أن نبشّع به ونشهر أمر قبيح وغير مقبول,,
فلا أحد يدرى أى ظرف رمى به فى تلك الأخطاء!!
أن يتم تصويره ونشر هذه الصور أمر غير أخلاقى وغير إنسانى أيضا بالمرّة!!!
وأن يكون هذا المكان هو الوسيله لذلك فذاك أمر مخجل ولن يسمح الناس به,,
محمود عبدالعزيز وغير محمود عبد العزيز
عقوبة من صور ونشر هذه الصور القبيحة قطعا أكبر من عقوبة حد الخمر,,,
والأسوأ من ذلك من يعتقد أنه يستحق أن يحدث له هذا ولا مشكلة لديهم فى
نشر هذه الصور!!!!!!
الواضح أن الصورة إلتقطت بكاميرا تلفون وهو أمر يحدث كثيرا ولكن الأكيد
أن هذا الأمر مجاف للأخلاق والأعراف السليمة,,,
مودتى,,
|
Post: #46
Title: Re: شرطة الفاشر تقيم حد السكر على محمود عبد العزيز صور
Author: على محمد على بشير
Date: 03-26-2009, 09:40 AM
Parent: #45
Quote: الواضح أن الصورة إلتقطت بكاميرا تلفون وهو أمر يحدث كثيرا ولكن الأكيد
أن هذا الأمر مجاف للأخلاق والأعراف السليمة,,,
|
المجافى للاخلاق والاعراف السليمه شنو يا ايمن
التصوير والا سكر الفنان والا الجلد ؟
|
Post: #47
Title: Re: شرطة الفاشر تقيم حد السكر على محمود عبد العزيز صور
Author: قلقو
Date: 03-26-2009, 10:03 AM
Parent: #46
الأخ جلال والأخوة المتداخلون..
هل يوجد فى الأسلام حد يسمى حد السكر؟لأن الحدود الشرعية فى الأسلام الذى اعرفه هى اربعة حدود فقط وهى حد السرقة والزنا والقذف والحرابة او قطع الطريق,اما مازاد عن ذلك فهى مجرد اجتهادات بشرية لاقدسية لها.وشكرا فل ستوب.
|
Post: #48
Title: Re: شرطة الفاشر تقيم حد السكر على محمود عبد العزيز صور
Author: أيمن الطيب
Date: 03-26-2009, 10:03 AM
Parent: #46
Quote: المجافى للاخلاق والاعراف السليمه شنو يا ايمن
التصوير والا سكر الفنان والا الجلد ؟ |
ما نتحدث عنه هنا هو تصوير إنسان أثناء تنفيذ العقوبة الحدّية عليه ونشرها وتوزيعها!!!
وبالمناسبة لا يمكن أن تلتقط صورا مثل هذه بطريقة مكشوفة والحل أن تفعلها بطريقة غير واضحة أو غير مكشوفة لأن أى إنسان آخر يراك تفعل
ذلك سيوقفك !!! ويكون المصور كمن يسرق و يتعدى على حرمات الآخرين فى لحظات ضعفهم,,,,,
سكر الناس وعقوبة الجلد ليسا مدار نقاشنا هنا يا على!!!!!!!!!!!!!,,
|
Post: #49
Title: Re: شرطة الفاشر تقيم حد السكر على محمود عبد العزيز صور
Author: esam gabralla
Date: 03-26-2009, 10:06 AM
Parent: #48
cheers يا محمود
في صحتك و صحة حقك و حق اى زول يكون مختلف
|
Post: #50
Title: Re: شرطة الفاشر تقيم حد السكر على محمود عبد العزيز صور
Author: قلقو
Date: 03-26-2009, 10:11 AM
Parent: #49
الأخ الكريم عصام ودجبرالله
ارجوك ارجع لمداخلتى التى سبقت مداخلتك بى دقايق وعايز رأيك.
|
Post: #51
Title: Re: شرطة الفاشر تقيم حد السكر على محمود عبد العزيز صور
Author: Abdlaziz Eisa
Date: 03-26-2009, 10:30 AM
Parent: #50
تم تشهير مدبر بالرجل..
وصلتني عدة صور بالإميل أثناء جلده..
موجودة عندي ولا داعي للتشهير أكثر من البيحصل الآن..
|
Post: #52
Title: Re: شرطة الفاشر تقيم حد السكر على محمود عبد العزيز صور
Author: esam gabralla
Date: 03-26-2009, 10:31 AM
Parent: #50
سلام قلقو
قريت مداخلتك , ده نقاش ممكن يطول و اعتقد ان الامر هنا لا يتعلق بالحدود وما هيتها و عددها , قدر ما يتعلق بالكرامة الانسانية في ابسط صورها و تجلياتها , التناقض الفاضح ان السلطات و المؤسسات السياسية و القوى الواقفة خلف ممارسات زى دى باسم تنفيذ القانون و حفظ النظام هى نفسها التى تخطط و تدبر و تنفذ كل البشاعات الدائرة في دارفور: قتل , اغتصاب , حرق قرى ...الخ
تقديري
و تانى في صحة محمود
|
Post: #53
Title: Re: شرطة الفاشر تقيم حد السكر على محمود عبد العزيز صور
Author: قلقو
Date: 03-26-2009, 10:48 AM
Parent: #52
ودجبرالله..
اشكرك
وفى صحة الجميع.
|
Post: #54
Title: Re: شرطة الفاشر تقيم حد السكر على محمود عبد العزيز صور
Author: Abdlaziz Eisa
Date: 03-26-2009, 11:09 AM
Parent: #53
وياي محمود دا دلدوا ساي..
فيا ايه يدلدو عمو كدا
|
Post: #55
Title: Re: شرطة الفاشر تقيم حد السكر على محمود عبد العزيز صور
Author: مها عبد الله
Date: 03-26-2009, 02:35 PM
Parent: #54
طيب الحراميه واللصوص بيقطعوا أيديهم من خلاف ولا !!!
شئ عجيب فعلاً وعمل متعمد ومقصود التشهير بالفنان ( المدرسه ) محمود عبدالعزيز
ناس عجيبه وبلد خربانه من حراميهم الكبير لغاية أصغر مسؤول فيها
|
Post: #56
Title: Re: شرطة الفاشر تقيم حد السكر على محمود عبد العزيز صور
Author: يوسف الولى
Date: 03-26-2009, 02:41 PM
Parent: #54
يا جلال
وييييييييييييييينك يا ماااااااااااااان
ياخى رجع الصوره
|
Post: #57
Title: Re: شرطة الفاشر تقيم حد السكر على محمود عبد العزيز صور
Author: شول اشوانق دينق
Date: 03-26-2009, 03:28 PM
Parent: #56
والله حكاية عجيبة خلاص
سؤال جادى:
هل السكر ممنوع فى السودان؟
|
Post: #58
Title: Re: شرطة الفاشر تقيم حد السكر على محمود عبد العزيز صور
Author: يوسف الولى
Date: 03-26-2009, 04:07 PM
Parent: #57
توضيح ضرورى ولابد منه لانو جانى مليون ايميل
انا لم اطلب من الاخ جلال ارسال الصوره...
الاخ جلال صديق عزيز وكان رايح منى الايميل بتاعو عشان كده قلته ليهو رسل لى ايميلك عشان اتواصل معاهو
وعلى كل حال الصوره موجوده فى النت فى احدى الامنتديات السودانيه اسمه سودانيل على ما اظن
لكن باجراء بحث فى قوقل يمكن ان تجدها فى مليوت حته.... واطالب الاخ جلال بارجاع الصوره مره اخرى لانو فى مليون زول طالب يشوفا
وهى اساسا صوره عاديه ومافيها اى تشهير بى زول ما خاف الله حيخاف من الناس.. ومافى زول قال انو التهمه ملفقه...
والسؤال انو الراجل ده بى سكرو ده لو غنا كان جلده برضو
|
Post: #59
Title: Re: شرطة الفاشر تقيم حد السكر على محمود عبد العزيز صور
Author: ضياء الدين ميرغني
Date: 03-27-2009, 00:46 AM
Parent: #58
طيب يا جلال انا عندى ليك سؤال
لماذا لم يطبقوا هذا الحد على الزبير محمد صالح
ولماذا لم يطبقوا هذا الحد على عمر البشير المسطول نفسه
وبكرى حسن صالح وقائمة تطول من قادة النظام ؟
اها رايك شنو؟
|
Post: #60
Title: Re: شرطة الفاشر تقيم حد السكر على محمود عبد العزيز صور
Author: doma
Date: 03-27-2009, 03:03 AM
Parent: #59
يا اخي ما يشرب الخمر لو دا اختياره الكبد كبدو وهو سيدها .
هل شر به دا اضر باي منكم ؟؟؟؟ يعني هل عمل شكله وفرتق الحفله ؟؟؟ !!
اكثر شئ انا مستغربه ليهو انه السودانيين بقوا ينكروا شرب الخمر
. شوفوا بلشوا فهلوه 99 في الميه من الرجال السودانيين جربوا الخمر ولا اي نصيبه تانيه عدا لحم الخنزير
|
Post: #61
Title: Re: شرطة الفاشر تقيم حد السكر على محمود عبد العزيز صور
Author: سيف اليزل جعفر عبد الرحمن
Date: 03-27-2009, 03:35 AM
Parent: #60
سلامات يا خالــــة تفتيحـــهQuote: شوفوا بلشوا فهلوه 99 في الميه من الرجال السودانيين جربوا الخمر ولا اي نصيبه تانيه عدا لحم الخنزير
|
هههههههههههههههههه
حلوه يا خالـــة دومــة
تحياتي
شلولخ
|
Post: #62
Title: Re: شرطة الفاشر تقيم حد السكر على محمود عبد العزيز صور
Author: doma
Date: 03-27-2009, 05:59 AM
Parent: #61
حبابك يا سيف اليزل جعفر والله يا ولدي مع انه خالتك ما من انصار الشراب والسكر وبتالم للزول البشرب لدرجه فقدان الوعي واعرف مضار السكر الشديد علي من يتعاطاه وعلي اسرته
لكين واجعاني فشخره الوليدات العاملين فيها منزهين عن كل خطئيه ديل .
الزول فيهم لو بقي صادق مع نفسهم بلقي انه بشر وله من الاخطاء ما لا يحصي ولا يعد .
|
Post: #64
Title: Re: شرطة الفاشر تقيم حد السكر على محمود عبد العزيز صور
Author: معاوية عوض الكريم
Date: 03-27-2009, 05:28 PM
Parent: #62
قلت لي كان رااقد ليييفه ؟
|
Post: #66
Title: Re: شرطة الفاشر تقيم حد السكر على محمود عبد العزيز صور
Author: عبدالله كع
Date: 03-28-2009, 07:39 AM
Parent: #64
انا مع محمود المبدع الرائع ..
يسكر - يتسجم - يترمد - يت........ بي طريقتو يا خ .
وانسي ...... يا جله
|
Post: #67
Title: Re: شرطة الفاشر تقيم حد السكر على محمود عبد العزيز صور
Author: معاوية عوض الكريم
Date: 03-28-2009, 11:19 AM
Parent: #66
بس دي ما فينا ..
|
Post: #68
Title: Re: شرطة الفاشر تقيم حد السكر على محمود عبد العزيز صور
Author: جلال جبريل
Date: 03-28-2009, 06:11 PM
Parent: #67
يبدو أن معظم الذين تداخلوا هنا في هذا البوست ذهبوا بأفكارهم لأماكن بعيدة لأمور
لم أقصد إثارتها البته ...فأنا لم أتحدث عن أن محمودا ً هو الشخص الوحيد الذي يمارس السكر
ناهيك عن فنان ، فأصحابه كثر من المجتمع السوداني مشاهيرا ً "محاقيرا ً" يضربون
كاساتهم بعضها البعض ليلا ونهارا ً ...
ولكن كاميرات الصحفيين لاترحم المشاهير والتجارب كتيرة واحدين مصورنهم في أحواض السباحة
واحدين في الحمامات ... ماسمعنا بي زول قال ماتشهروا بيهو ... هو تعالو أن نقول ليكم
لو في متاجرة بالموضوع دا تاجرتو بيهو إنتو الدخلتو بين مداخلتي دي ومداخلتي السابقة
ليها وأنا مجرد مادقيتو أجراسكن البتمارسوها ديمة عليكن وعاملين فيها إنسانيين ....
وأنا وقفت من الكتابة في البوست شان أصلا ً الموضوع الأساسي مافي الصورة وإنسحبت
دحين دايرين الكلام في الموضوع سيبو الإدعات وإتفرجو وأمشو ..... وبعدين شنو شابكننا
شيلو الصورة وواحدين يرسلو في البريد دايرين الصورة بالدس وهم نفسهم القالوا شيلوها
وبالترجي كمان ...
والغريب في الموضوع والمضحك إنو في ناس سيسوها كمان .... ياخي حاجة غريبة ...
|
Post: #69
Title: Re: شرطة الفاشر تقيم حد السكر على محمود عبد العزيز صور
Author: قاسم المهداوى
Date: 03-28-2009, 07:43 PM
Parent: #37
نازر سلاااااااام
وتحايا واشواق
( شفتا ليك عرقى ..كتل ليه 000/200 الف شخص)
ما قالو الكابتن الكبير زاتو كان بتاع ... هواء ( علف ساكت )
يا سيدى اقول ليك :
Quote: ]الصادق ..
أقر وأبصم لك بالعشرة أنه ضحية ..
وذلك بعد مراجعتي للعديد من المصادر هنا وهناك ...!!
يلا قول لي الحصل شنو ؟!!! |
حسب المعلومات الوارده
محمود رفض يكون واحد من الجوقة الفنية الاضحت هتيفة للبشير ( قيقم فى اشكال مختلفة )
سبف الجامعة بقى قيقم
عبد القادر سالم بقى قيقم
اسماعيل حسب الدايم اصلا عندة مركب نقص من ايام ( قزاااااز ) ومشى الميل 70 تقريبا(من حقةيبقى قيقم)
اسماء كبرى فى عالم الفن والموسيقى اتشقلبت الى قيقم ... الفرق بين الجهاد والجنائية الدولية
تشابه عليهم البقر كل الحروزف بتشبه بعض
ده كل الموضوع يا عمك
يا تغنى للبشير علشان يفرزوك من بقية الناس ... قالو حرية راى ... ده اسمو اجبار على حرية الاختيار
الاحادى
او يجلدوك بدعوى السكر سواء كنت شارب شاى ولا عرقوب ( عصير بلح معتق )
قاسم المهداوى
|
|